उत्साहजनक सहभागिता सहित आदर्श माध्यमिक बिद्यालयद्वारा विद्यार्थी , शिक्षक तथा अभिवाकहरुलाई उत्प्रेरणामुलक कार्यक्रम सम्पन्न

 

पुस -३ स्याङ्जाको कालीगण्डकी गाउँपालिका वडा नम्बर दुईमा अवस्थित श्री आदर्श माध्यमिक बिद्यालयले तीन दिने किशोर किशोरीहरुका लागि लागु औषध विरुद्धको अभिमुखिकरण कार्यक्रम तथा उत्प्रेरणात्मक कार्यक्रम सम्पन्न गरेको छ।

कालीगण्डकी गाउँपालिका वडा नम्बर २ को वार्षिक कार्यक्रम अन्तर्गत पुस १ गते देखि ३ गते सम्म उक्त कार्यक्रमको आयोजना गरिएको बिद्यालयका प्र. अ . भिम थापा मगरले जानकारी दिनु भयो।
पछिल्लो समयमा विद्यार्थीहरुमालागू पदार्थको दुर्व्यसन , खराब आचरण तथा पढाइ प्रती वितृष्णा बढ्दै गएको परिप्रेक्ष्यमा यो कार्यक्रमको आयोजना गरिएको बिद्यालयका प्रधानाध्यापक भिम थापा मगरले जानकारी दिनु भयो।

कार्यक्रम अन्तर्गत पुस १ गते विद्यार्थीहरुका लागि , दुई गते वडा नम्बर २ का स्थानीय बिद्यालयमा कार्यरत शिक्षक-शिक्षिकाहरुका लागि र ३ गते अभिभावकहरुलाई मोटिभेसन स्पीकर बाल कृष्ण शर्माद्वारा मार्मिक , समय सान्दर्भिक , उत्कृष्ट , भावुक तथा उत्कृष्ट प्रस्तुति सहित कार्यक्रमको सहजीकरण गर्नु भएको थियो। कार्यक्रममा बोल्दै वडा नम्बर २ का सचीव दिलिप बिश्वकर्माले पालिकाकै यो कार्यक्रम प्रहिलो र निकै समय सान्दर्भिक रहेको बताउनु भयो।

सोही कार्यक्रममा वडा नम्बर २ कि वडा अध्यक्ष खगिसरा आलेले उक्त कार्यक्रम अत्यन्तै फलदायी रहेको बताउनुभयो । यश कार्यक्रमले विद्यार्थी , शिक्षक तथा अभिवाकहरुमा सकारात्मक परिवर्तन आउने अपेक्षा गरिएको समेत वडा अध्यक्ष आलेले बताउनु भयो

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 869

Leave a Reply

Your email address will not be published. Required fields are marked *