समृद्धिको एक आधार नै उद्यमशीलता विकास हो:-उपाध्यक्ष कालाथोकी -

टोपराम केसी
पौष-२५,२०७९
प्युठान।
प्युठानको माण्डवी गाउँपालिका २ ढिकावनमा गरिबी निवारणका लागि लघु उद्यम विकास कार्यक्रम को कार्य सञ्चालन प्रकृया अनुसार दोस्रो चरणको ८ दिने उद्यमशीलता विकास तालिम सुरु भएको छ।उद्घाटन कार्यक्रममा वडा नं.२का अध्यक्ष प्रकाश वलीको अध्यक्षता एवम् गाउँपालिका उपाध्यक्ष पुर्ण प्रसाद कालाथोकीको प्रमुख आतिथ्यता रहेको थियो।यस्तै कार्यक्रममा नि.वर्तमान पाणिनी गाउँपालिका अर्घाखाँचीकी उपाध्यक्ष लक्ष्मी गौतम,वडा सदस्य याम बहादुर पुन ,वडा सचिव घनश्याम अधिकारी ,ऊँ राजेश्री एग्रो प्रा.ली काठमाडौका सञ्चालक युवराज गैरे,सव अोभरसेर यज्ञ बहादुर खड्का ,ढिकावन स्वास्थ्य ईकाईमा कार्यरत अहेव वामदेव शर्मा,वरिष्ठ लघु उद्यम सहजकर्ता फुर्स बहादुर नेपाली सहित विभिन्न समाजसेवी तथा वुद्धिजीवि व्यक्तित्वहरुको आतिथ्यता रहेको थियो।कार्यक्रममा बोल्दै प्रमुख अतिथि एवम् गाउँपालिका उपाध्यक्ष कालाथोकीले समृद्ध माण्डवी बनाउने अभियानमा पालिकावासीहरु उद्यमशील हुनु पर्ने र आवश्यक सहयोग गाउँपालिका सरकारले गर्ने बताउनु भयो।यस्तै गाउँपालिका उपाध्यक्ष कालाथोकीले सरकारले विगत देखि नै उद्यमशीलताको क्षेत्रमा ठूलो लगानी गर्दै आएको स्मरण गराउँदै उद्यमशील बन्न चाहने आम गाउँपालिका वासीलाई सहयोगका निम्ति स्थानीय सरकार सधै तत्पर रहेको उल्लेख गर्नु भयो।एक फरक प्रसङ्ग उपाध्यक्ष कालाथोकीले समृद्धिको एक आधार नै उद्यमशीलता विकास भएको बताउनु भयो।उहाँले आफू समेत एक व्यवसायी भएको बताउँदै लघु उद्यमीहरुले उत्पादन गरेका वस्तु /सेवाको वजारीकरणमा समेत आवश्यक सहयोग गर्ने वचन व्यक्त गर्नु भयो।साथै उहाँले समग्र पालिकालाई नै उद्यमशीलता विकास मार्फत नमुना र उत्कृष्ट गाउँपालिका बनाउने आफुले सङ्कल्प राखेको बताउनु भयो।उता वडा अध्यक्ष वलीले पनि अवसर विभिन्न समयमा आउने उल्लेख गर्दै अवसरलाई नगुमाउन समयमै जिमेवार हुनु पर्ने धारणा राख्नु भयो।यस्तै उहाँले स्थानीय स्रोत तथा साधन र वजारीकरणलाइ समेत ध्यानमा राखी सहभागिहरुलाई दिगो र लाभदायक व्यवसाय छनोट गर्न निर्देशन दिनु भयो।साथै वडा अध्यक्ष वलीले सरकारको लगानीलाई जिम्मेवार ढङ्गले सदुपयोग गर्न आग्रह गर्नु भयो।कार्यक्रममा वडा सदस्य याम बहादुर पुन,ऊँ राजेश्री एग्रो प्रा.लीका सञ्चालक युवराज रेग्मी लगाएतले धारणा राख्नु भएको थियो।कार्यक्रममा धारणा राख्ने सवै वक्ताहरूले तालिमलाई व्यवहारिक रुपमा कार्यान्वयन गरि उपलब्धिमुलक बनाउनु पर्नेमा जोड दिनु भएको थियो।तालिममा व्यवसाय,व्यवसायका फाईदाहरु,सफल उद्यमी,व्यवसाय र परिवार विचको सम्बन्ध,व्यवसायिक अवसरको पहिचान र छनौट,वजारीकरण,व्यवसायिक योजना निर्माण र लैङ्िगक समानता एवम् समावेशीकरण लगाएतका विभिन्न विषयमा शैद्धान्तिक र व्यवहारिक-खेल माध्यमवाट प्रशिक्षण दिईने वरिष्ठ लघु उद्यम विकास सहजकर्ता फुर्स बहादुर नेपालीले बताउनु भयो।सम्वन्धित विषयमा प्रशिक्षक टोप बहादुर खत्री क्षेत्रीले प्रशिक्षण दिनु हुनेछ।तालिममा जम्मा २७ जनाको सहभागिता रहेको छ।तालिम माघ ४ गते सम्पन्न हुने गाउँपालिकाको उद्यम विकास शाखाले जनाएको छ।