रुरुक्षेत्र गाउँपालिका पुर्ण खोप घोषणा

रुरुक्षेत्र गाउँपालिका पुर्ण खोप घोषण
इस्वरी बश्याल बैशाख १०,गुल्मी

 

रुरुक्षेत्र गाउँपालिका गुल्मीलाई आज एक औपचारिक कार्यक्रमका बिच पुर्ण खोप सुनिश्चितता गाउँपालिका घोषणा गरिएको छ ।

 

कार्यक्रममा गाउँपालिका अध्यक्ष तथा खोप समन्वय समितिका संयोजक यदु ज्ञवालीले पुर्ण खोप सुनिश्चितताको दिगोपनको लागि गाउँपालिकाले आवश्यक सहयोग गर्ने र हाल आफ्नो पालिकामा कुनै पनि बालबालिकाहरु खोप बाट बन्चित नरहेको दाबी गर्नुभयो ।

 

कार्यक्रममा रुरुक्षेत्र गाउपालिकाका स्वास्थ्य शाखा प्रमुख छत्र बहादुर अधिकारीले पालिकामा वर्तमान खोपको आवस्था बारे प्रतिबेदन प्रस्तुत गर्नु भएको थियो ।

जिल्ला खोप समन्वय समितिका सदस्य तथा स्वास्थ्य कार्यलय गुल्मीका निरिक्षक बोम बहादुर अर्यालले शुभकामना दिदै गाउँपालीकाको स्वास्थ्य क्षेत्रका योजना तथा कार्यक्रमको प्रसंसा गर्नु भएको थियो ।

कार्यक्रममा प्रमुख प्रशासकीय अधिकृत मधुकृष्ण पौडेल,जनप्रतिनिधि र सम्पूर्ण स्वास्थ्य चौकीका प्रमुखहरुको उपस्थिती रहेको थियो ।

गुल्मीमा धुर्कोट गाउँपालिका र मुसिकोट नगरपालिका पुर्ण खोप घोषणा गर्न बाँकी रहेको र केही दिनमै घोषणा हुने जिल्ला खोप समन्वय समितिका सदस्य अर्यालले जानकारी दिदै त्यस लगत्तै जिल्लालाई घोषणा गरिने बताउनु भयो । कार्यक्रमको सन्चालन स्वास्थ्य शाखामा कार्यरत अमृत ज्ञवालीले गर्नुभएको थियो।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 853

Leave a Reply

Your email address will not be published. Required fields are marked *