गुल्मीदरबार गाउँपालिकामा पत्रकार सम्मेलन मार्फत कार्यप्रगति सार्वजनिक

गुल्मीदरवार गाउँपालिकाद्धारा एक बर्षमा सम्पादन भएका कार्यप्रगती सार्वजनिक

जिल्लाको गुल्मीदरवार गाउँपालिकाले एक बर्षमा सम्पादन भएका कार्यप्रगती सार्वजनिक गरेको छ । बुधबार गाउँपालिकाले पत्रकार सम्मेलन मार्फत कार्यप्रगती सार्वजनिक गरेको हो । गाउँपालिका अध्यक्ष सरोज कुमार थापाले एक बर्षको अवधीमा पुर्वाधार, शिक्षा स्वास्थ्य कृषि र सुशासनको क्षेत्रमा गरेका मुख्य उपलब्धी सार्वजनिक गरेका थिए । थापाका अनुसार चौमासिक कर्मचारी मूल्यांकन, मासिक ई–बुलेटिन प्रकाशन, पहिचानसहितको लोगो निर्माण, सूचनाको हकका लागि स्वत ः प्रकाशन, गुल्मीदरबार दर्पण नामक पुस्तक र भिडियो डकुमेन्ट्री निर्माण, गुल्मीदरबार नामक गीत, भूमि बैंकको स्थापना, सहायता कक्षको स्थापना, १० सूचकमा कर्मचारीको मूल्यांकन, आन्तारिक आम्दानीको वृद्धि, गाउँपालिकाअन्तर्गतका सबै सरकारी कार्यालयमा ई–हाजिरीको व्यवस्था, बिजुली नहुँदा सोलारको व्यवस्था, अनलाइन राजस्व प्रणालीको सुरुवात लगायतका काम पालिकाले गरेको छ ।

 

पालिकाले वडाबाट योजना सम्झौता, योजनासम्बन्धी विस्तृत विवरण लेखिएको पुस्तिकाको व्यवस्था पनि गरेको छ । अहिलेसम्म तीन सय नौ योजनामा एक सय २८ सम्पन्न गरेको जनाइएको छ । पुर्वाधारमा कर्भडहल, बिदालय तथा खानेपानी, वडा कार्यालय लगायतका पुर्वाधार रहेका छन् । त्यस्तै अपांग परिचयपत्र वितरण, अनलाइन माध्यमबाट घटना दर्ता, सामाजिक सञ्जाल र वेभसाइटमार्फत सूचना प्रवाह गरिरहेको छ । गाउँपालिकाका महत्वपूर्ण सूचना र कार्यक्रम प्रत्येकको मोबाइलमा म्यासेज जाने व्यवस्था पनि गरिएको छ ।

त्यसैगरी विपद् व्यवस्थापन गर्न आवश्यक औजार खरिद, जनतासँग रेडियो कार्यक्रम संचालन, शुद्ध पिउने पानीको व्यवस्था, रणनैतिक योजनाहरू संचालन, वडामा अनलाइन अनुगमन, कृषिसम्बन्धी तालिम, कृषि गणना, विद्यार्थीसँग गाउँपालिका कार्यक्रम संचालन, खेलाडीसँग गाउँपालिका कार्यक्रम संचालन, सबै वडामा मेलमिलाप केन्द्र स्थापना, नियमित बजार अनुगमन, चौमासिक र वार्षिक समीक्षा, सार्वजनिक सुनुवाइ कार्यक्रम र कर्मचारी आचारणको मूल्यांकन तथा सम्मान लगायतका काम गाउँपालिकाबाट भएका छन् ।

नेपाल सरकारले सुरु गरेको ‘एक पालिका एक अस्पताल कार्यक्रम अन्तर्गत गुल्मीदरबार गाउँपालिकामा १५ शैयाको अस्पताल निर्माणको अन्तिम चरणमा रहेको छ । जसको ९५ प्रतिशत काम सम्पन्न भइसकेको छ । स्वास्थ्य तर्फ गाउँपालिकामा सेवा प्रवाह अन्तर्गत न्यूनतम सेवा मापदण्ड अन्तर्गत सबै स्वास्थ्य चौकीको सुशासन, व्यवस्थापन, क्लिनिक व्यवस्थापन, पोषण कार्यक्रम, भिटामिन कार्यक्रम, मातृ तथा नवजात शिशु कार्यक्रम लगायतका कार्यक्रम संचालन गरिएको छ । भर्खरै गुल्मी दरवार नेपालमै पहिलो पुर्ण पोषणमैत्री स्वास्थ्य संस्थायुतm गाउँपालिका घोषणा भएको छ ।…..

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 868

Leave a Reply

Your email address will not be published. Required fields are marked *