गुल्मीको चन्द्रकोटमा ३ दिने कृषि उपकरण ममर्त तालिम सम्पन्न -

चुरामणि तिमिल्सिना जेष्ठ १२

गुल्मीको चन्द्रकोट गाउँपालिकामा कृषि यन्त्र उपकरण मर्मत सम्बन्धि ३ दिने तालिमको समापन भएको छ । पालिका भित्रका २४ जना युवाहरुको सहभागीता रहेको तालिम समापन सत्रमा सहभागीहरु लाई पालिकाका निमित्त अध्यक्ष बिष्णु प्रसाद भण्डारी योजना शाखा प्रमुख शिव ज्ञवाली यस्तै विभिन्न शाखाका प्रमुख हरुको सहभागिता रहेको थियो। गरिबी निवारणकाका लागि लघु उद्यम बिकास कार्यक्रमअन्तर्गत कार्यक्रमको आयोजना गरिएको हो ।

समापन सत्रमा बोल्दै निमित्त अध्यक्ष भण्डारीले युवाहरु लाई बिदेश पलायन रोक्न , युवा पुस्ता लाई रोजगार दिन ज्ञान दिलाउन, कृषिमा आत्मनिर्भर गराउनुका साथै प्रोत्साहनका लागि यो सिप मुलक तालिम आयोजना गरिएको बताउनु भयो । यस्तै उहाँले थप्दै भनु भयो कि यो तालिम तालिममा मात्र सिमित नराखेर ब्यबहारिक ज्ञानमा लागाउन सकेमा मात्र तालिमको औचित्य हुने बताउनु भयो।

समापन सत्रमा प्रमाणपत्र लिदै सहदेव सार्किले यो तालिम हामि जस्ता युवाहरु लाई अति आवस्यक रहेकोले आफुहरुले ब्यबहारिक जिवनमा उतार्ने र थप माथिल्लो तहको तालिम पनि आफु हरु लाई आवस्यक रहेकोले आगामी कार्यक्रममा राख्न आग्रह समेत गर्नु भएको छ । तालिमा कृषि इन्जिनियर बैज्ञानिक गङगाराम भण्डारी मेकानिक गणेश चौधरीले प्रशिक्षण गराउनु भएको थियो।