तुराङ बहुप्राबिधिक शिक्षालयको आयोजना तथा रुरुक्षेत्र गाउँपालिका वार्ड न ६ को समन्वयमा रिमुवामा संचालन भएको बेमौसमी तरकारी उत्पादन तालीम कार्यक्रम सम्पन्न भएको छ । शिक्षालय प्रमुख प्रदिपराज पाण्डेको अध्यक्षता , वार्ड अध्यक्ष रोमनाथ पौडेलको प्रमुख आतिथ्यता तथा कृषक अगुवा प्रेम थापा , कृषि प्रशिक्षक सुमित भुसाल , कृषि प्राबिधिक ऋषि राम शर्मा , तालीम प्रशिक्षक सरोज आचार्य अतिथि रहनुभएको सो कार्यक्रममा कृषकहरुले आधुनिक तरिका र प्राबिधिक सङ्गै पहिलो पटक यसरी लामो समयको तालीममा आफ्नै ठाउँमा सहभागीता जनाउन पाएकोमा आफुहरु अत्यन्तै खुशी भएको बताउनु भयो।
प्रमुख अतिथि रहनु भएका वार्ड अध्यक्षले CTEVT को यो तालीम अत्यन्तै प्रभावकारी रहेको र सिकेको सिपले पक्कै फाइदा पुर्याउने तथा आगामी दिनमा अझै किसानहरुको लागि सहजीकरण गरिने बताउनु भयो । यसैगरी यस्तो उत्साहपुर्ण सहभागीतामा तालिम संचालन भएको र किसानहरुको समुहमा नै रहेर तालीम प्रदान गर्न पाएकोमा शिक्षालय परिवारबाट शिक्षालय प्रमुख प्रदिप राज पाण्डेले आभार व्यक्त गर्नु भयो ।
About Author
