नविन कार्की जेष्ठ २६
लायन्स क्लब अफ बुटवल मणिमुकुन्द युथ क्लब द्वारा पोशाक तथा स्वास्थ्य शिविर कार्यक्रम सप्पन्न
गुल्मी – गुल्मीदरबार गाउँपालिका अन्तर्गत बडा न.२ मा रहेको सुर्योदय माध्यमिक बिधालयमा अध्यानरत करिब २८० जना छात्र छात्रा हरुलाइ लायन्स क्लब अफ बुटवल मणिमुकुन्द युथ क्लबले खेलकुद पोशाक वितरण गर्नुका साथै २३४ जना मधुमेह र ४८३ जनाको आँखाको जाच गरेको छ ।
क्लबका संस्थापक अध्यक्ष दिपक गौतमको अध्यक्षतामा भएको उक्त कार्यक्रमको प्रमुख अतिथि गुल्मीदरबार गाउँपालिकाका अध्यक्ष सरोज कुमार थापा रहनु भएको थियो ।
उक्त कार्यक्रम लाई सम्बोधन गर्दै प्रमुख अतिथि थापाले बुटवलमा रहेर
पनि हाम्रो पालिका लाई विशेष केन्द्रमा राखेर गरेको काम प्रती आफू नतमस्तक भएको बताउनु भयो यो क्लब यस्तै सामाजिक र सत्कर्ममा अगाडी बढीरहोस भन्ने शुभकामना ब्याक्त गर्नु भयो
उक्त कार्यक्रममा गुल्मीदरबार गाउँपालिका बडा न.२ का बडा अध्यक्ष बिस्नु गौतम सुर्योदय माध्यमिक बिधालयका प्रधानाध्यापक सन्तोष गौतमले शुभकामना मन्तव्य राख्नु भएको थियो ।
सो कार्यक्रममा आफनो मन्तव्य राख्दै कार्यक्रमका सभाध्यक्ष दिपक गौतमले तपाईं हरुकै हौसलाले यस्तै पुन्यका कर्म गर्न लायन्स क्लब लाई अझै बढी शक्ति मिल्ने बताउदै अब आउने बर्ष देखि प्रत्येक जेहेन्दार विद्यार्थीलाई जनही तीन तीन हजारको छात्रवृत्ति दिने घोषण गर्नु भयो ।
उक्त कार्यक्रमको सहजीकरण भने लायन खिला अधिकारीले गर्नु भएको थियो
About Author
