चन्द्रकोट गाउँपालिका असार १०
चन्द्रकोट गाउँपालिका गुल्मीको १३ औ गाउँसभाको दोश्रो बैठक आज सम्पन्न भएको छ। आजको बैठकमा गाउँपालिका उपाध्यक्ष विष्णु प्रसाद भण्डारीले पेश गर्नुभएको आर्थिक वर्ष २०८०/०८१ को लागि तय भएको आर्थिक विधेयक २०८०,विनियोजन विधेयक २०८० एवम् आ.व. २०७८/०७९ को यथार्थ, चालू आ.व.को संशोधित अनुमान तथा आगामी आर्थिक बर्षको अनुमानित व्यय सहितको बार्षिक बजेट तथा कार्यक्रम सर्वसहमत पारित भएको छ।
आजको बैठकमा विभिन्न विषयगत समितिका संयोजकहरुको तर्फबाट पहिलो बैठकमा पेश गरिएको गाउँपालिकाको लागि आवश्यक पूर्वाधार विकास विधेयक २०८० सुशासन समिति गठन तथा संचालन विधेयक २०८० तथा विधायन समिति गठन तथा संचालन विधेयक २०८० लाई विधायन समितिबाट प्राप्त दफावार सुझाव पेश गरिएको थियो भने सभा समक्ष पेश भएका उल्लेखित विधेयकहरू संशोधन सहित सर्वसहमत पारित गरिएको छ । सभाको आजको बैठकमा उपाध्यक्ष भण्डारीले आगामी आ.व.को लागि
कुल: ५१ करोड ३० लाख ९७ हजार ४५
चालू तर्फ: ३४ करोड ४९ लाख ५५ हजार १ सय ४३ (६७.२३ प्रतिशत)
पुँजीगत तर्फ: १६ करोड ८१ लाख ४१ हजार ९ सय १ (३२.७७ प्रतिशत)
वजेट सभामा पेश गर्नुभएको थियो। दोश्रो बैठक संगै चन्द्रकोट गाउँपालिका गुल्मीको गाउँसभाको १३ औ अधिवेशन सकिएको छ।
About Author
