समृद्ध सत्यवती१ दिनको लागी नौलो अभियान -

चुरामणि तिमिल्सिना असार ११

सत्यवती गाउँपालिका गुल्मीले जिल्लामा नै नौलो कार्यक्रम नीति तथा बजेटमा समावेश गरेको छ। समग्र रुपमा गाउँपालिका भित्र रहेका सबै सामुदायिक बिद्यालयको शैक्षिक गुणस्तर सुधार गर्नाको लागि “समृद्ध सत्यवती मेरो १ दिनको लागि” भन्ने अभियान बाट कोश स्थापना गरी कोशको रकम खर्च गर्न शैक्षिककार्य विधि तथा मापदण्ड निर्माण गरिने कार्यक्रम अगाडी सारीएको हो । पालिकाका अध्यक्ष टिकाराम पाण्डेले सबै भन्दा महत्त्वपूर्ण शिक्षा भएकोले यस कार्यलाई वृद्धि र गुणस्तर कायम राख्नको लागि देश तथा बिदेशमा रहनु हुने सम्पुर्ण पालिका बासीलाई हातेमालो गरेर अगाडी बढ्न र साथ सहयोग गर्न आग्रह समेत गर्नु भयो । पाण्डे ले वर्षको १ पटक अभियानमा सहभागी भइ समृद्ध पालिका बनाउन पालिकाबासिको ठूलो योगदान हुनेहुँदा सबैतिर यस कार्यलाई प्रचार प्रसार गरी सहभागी हुन पालिकाले आह्वान पनि गरेको बताउनु भयो। जबसम्म शिक्षा क्षेत्रको बिकास हुदैन तबसम्म गुणस्तर कायम पनि नहुने र मुल्यांकनमा नतिजा राम्रो नआउने साथै बालबालिकाको उज्ज्वल र शैक्षिक भबिस्यमा पनि असर पर्ने हुँदा यो अभियानलाई कार्यक्रममा समाबेश गरिएको समाचारमा उल्लेख गरिएको छ ।