स्व:अमात्यको स्मृतीमा परिवार बाटअटिजममा ५ लाखको अक्षय कोश -

चुरामणि तिमिल्सिना असार १३

अटिजम पाठशाला नेपालरुरु क्षेत्र गाउँपालिका वडा न १ लाई एक कार्यक्रम बिच रुरु १ का समाजसेवी अमात्य परिवारले ५ लाखको पशुपति अमात्य स्मृती अक्षयकोश स्थापना गर्नुभएको छ । २०७४ साल देखि समाज कल्याण मन्त्रालयमा दर्ता गरी रुरु १ रातामाटामा सन्चालन भइराखेको यो पाठशालालाई जिवन्त राख्नको लागि आफ्नो परिवारले यो रकम पाठशाला नेपाल मा अक्षयकोष स्थापना गरेको परिवारका जेष्ठ छोरा ओम प्रसाद अमात्यले बताउनु भयो ।

जग्गा दाता तुल्सी कुमारी श्रेष्ठले कार्यक्रममा स्वागत मन्तब्य राख्दै आगामी दिनमा पनि यस पाठशाला लाई आफ्नो परिवारको तर्फबाट आवश्यक सहयोग गर्ने बताउनु भयो । रुरु क्षेत्र गाउँपालिकाका अध्यक्ष यदु ज्ञवाली कार्यक्रममा प्रमुख अतिथी रहनु भएको थियो । हस्तान्तरण कार्यक्रममा बोल्दै अध्यक्ष ज्ञवालीले यो पाठशाला पालिकाको मात्र गहना नभइ जिल्लाकै एक अटिजम भएकोले यस संस्था लाई अगाडी बढाउन पालिका प्रदेश र केन्द्र सरकार बाट बजेटको ब्यवस्थापन गर्ने छोटा र कम लागतमा समपन्न हुने योजनाहरु भए आफ्नै पालिकाले सम्पन्न गरिदिने , विद्यार्थीहरु लाई हौसला दिन विभिन्न रचनात्मक कार्यक्रम हरु सन्चालन गर्न थप सहयोग उपलब्ध गराउने शिक्षक देखि स्वयम् सेवक लाई निरन्तरता प्रदान गर्न आफू निरन्तर लागि पर्ने बताउदै स्व.पशुपति प्रसाद अमात्यको स्मरण गर्दै उहाँले गरेका विभिन्न सेवा मुखी काम कहिलै पनि भुल्न नसकिने बताउनु भयो।

ज्ञवालीले यती धेरौ रकम पाठशाला लाई हस्तान्तरण गर्नु भएकोमा अमात्य परिवार लाई पालिकाको तर्फबाट धन्यवाद समेत प्रकट गर्नुभयो । कार्यक्रममा स्व. अमात्य कि धर्मपत्नी तेज कुमारी अमात्य, छोरा ओम प्रसाद अमात्य, वडा न १ का वडा अध्यक्ष नवराज बिक, वडा सदस्य घनश्याम ज्ञवाली, टोल बिकास समितिका प्रेम भण्डारी , आजिवन सदस्यहरु समाजसेवि हरुको आतिथ्यता रहेको थियो। स्व. पशुपती प्रसाद अमात्य ले पाल्पा, गुल्मी, स्याङ्जा र रुपन्देहीका विभिन्न क्षेत्रमा सहयोग समेत गरेर समाज लाई हरेक कोण बाट योगदान समेत गर्नु भएको थियो । यता उहाँका छोरा अमात्य ले बुवाले गरेका हरेक कार्यक्रम लाई निरन्तरका दिनको लागि बुवाकै नाममा परिवार बाट सन्चालित हुने तरिकाले टस्ट समेत बनाइसकेको र यसै को ब्याज बाट हरेक क्षेत्रमा उहाँकै नाम बाट काम गर्ने बताउनु भयो ।

कार्यक्रम सस्था कि अध्यक्ष लक्ष्मी देवि पन्थको अध्यक्षतामा सन्चालन भएको थियो ।कार्यक्रम समापन गर्दै अध्यक्ष पन्थले छोटो समयमा सबैको सहयोग बाट यो पाठशाला अगाडी बढेको र आगामी दिन्मा पनि यस्तै गरि सन्चालन गर्न स्थानीय तहले सहयोग गर्नु पर्ने बताउदै स्थापना काल देखि हाल सम्म गरेका कामको समेत चर्चा गर्नु भएको थियो। हाल यहाँ ११ जना दैनिकी अध्यान गर्ने गर्दछन कार्यक्रमको सन्चालन बिष्णु प्रसाद भण्डारी ले गर्नु भएको थियो।