सत्यवती गाउँपालिकाले गाउँमै फुलेका फुलका माला लगाउदै गर्यो किसान लाई सम्मान

कविराज भुसाल असार  २०

सामुहिक कृषि क्रान्तिलाई अगाडि बढाई सत्यवतिलाई समृद्धि बनाउन समुह/ सहकारीहरु बिच अन्तरक्रिया तथा उत्कृष्ट कृषक समुहलाई सम्मान कार्यक्रम सत्यवतिमा सम्पन्न भएको छ ।
सत्यवती गाउपालिका पशुपक्षी शाखाले गाउपालिका भित्रका ५६ समूह तथा सहकारिहरुको उपस्थितमा, समूह सहकारीको माध्यमबाट कृषि गर्दा हुने फाईदा, विभिन्न समुह कृषि सहकारीहरुले गरेका प्रागती बिवरण, समुहबाट कृषि गर्दा हुने फाइदाहरुका बारेमा अन्तरक्रिया तथा समूह प्रगती बिवरण प्रस्तुत कार्यक्रम सम्पन्न सङ्गै कृषकहरुलाई सम्मान गरेको हो ।
कार्यक्रममा सत्यवतीका किसानलाई हिराकोरुपमा प्रसंशा गर्दै सत्यवतिको आर्थिक समृद्धि गर्न सत्यवतीका कृषकहरुको प्रमुख भुमिका रहने कार्यक्रमका प्रमुख अतिथी सत्यवती गाउपालिकाका अध्यक्ष टिकाराम पाण्डेयले बताउनुभयो ।

अध्यक्ष पाण्डेले सडक तथा भैतिक निर्माणले मात्र सत्यवतिको बिकास हुन नसक्ने भन्दै किसानहरुलाई आर्थिक समृद्धि तर्फ डोर्‍याउन सकेमा मात्र सत्यवतिको समग्र बिकासले आँखा खोल्ने बताउनुभयो ।
कृषकहरुले अब बृहत कृषि क्रान्ति गर्नुपर्ने भन्दै योजना बोकेर गाउपालिकामा आउन सम्पुर्ण कृषकहरुलाई अनुरोध समेत गर्नुभयो ।
निरन्तर कृषिमा लागेका समूह सहकारीहरुलाई न्यूनतम शुल्कमा अडिट गर्ने ब्यवस्था समेत गाउपालिकाले गर्ने अध्यक्ष पाण्डेको भनाई छ ।
कार्यक्रमका विशेष अतिथी गाउपालिका उपाध्यक्ष निरमाया तरामु, प्रमुख प्रशासकीय अधिकृत कमल प्रसाद भुसालले कृषिको क्रान्ति सत्यवतीको प्रमुख योजना हुनेमा जोड दिनुभयो ।
कार्यक्रममा १ न. वडा अध्यक्ष अर्जुन कनौजे, ४ न. वडा अध्यक्ष पिताम्बर ज्ञवाली, ५ न. वडा अध्यक्ष बाबुराम ज्ञवाली, ६ न. वडा अध्यक्ष बिष्णु प्रसाद भण्डारी, ७ न वडा अध्यक्ष लोक बहादुर बुढाथोकी लगायतका अतिथीहरुले शुभकामना तथा कृषकहरुलाई धन्यवाद ब्यक्त गर्नुभएको थियो ।
हरेक कृषकहरुलाई सम्मान प्रकट गर्दै दुध तथा मासुमा सत्यवती गाउपालिका आत्मनिर्भर रहेको र अब निर्यात गर्ने उद्धेश्यले अगाडि बढ्नु पर्ने र आवस्यक सहयोग पशुपक्षी शाखाले गर्ने पशुपक्षी शाखा प्रमुख नारायण खनालले बताउनुभयो ।
सत्यवती गाउपालिकाका आर्थिक संयोजक खड्गवीर थापाको सभापतित्व रहेको कार्यक्रमको संचालन कृषि शाखा प्रमुख उपकार भण्डारीले गर्नुभएको थियो ।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 868

Leave a Reply

Your email address will not be published. Required fields are marked *