घर घरमा स्वास्थ सेवा ल्याब सहित कालीगण्डकी गाउँपालिका स्याङ्जाले थाल्ने भयो अभियान

चुरामणि तिमिल्सिना  असार   २१

अब कालीगण्डकी  गाउपालिकामा घरघरमा स्वास्थ्य ल्याब !

स्वास्थ्यमा कालीगण्डकी  गाउपालिकाका नागरिकको लागि   सरल र सहज पहुँच  साथमा  नयाँ सुविधा भित्र्याएको छ ।
हरेक नागरिकको घरदैलोमै पुगेर विभिन्न २७ प्रकारका परिक्षण गरि तत्काल ल्याब नतिजा हातमै उपलब्ध गराउने गरि ईजरायलि प्रविधिको जाँच गर्ने सुविधा (Lab in a Bag) बुधबार गाउँपालिकाको कार्यालयमा परिक्षण गरि स्वास्थ्यकर्मिहरूलाई आवश्यक तालिम समेत प्रदान गरिएको गाउँपालिकाका अध्यक्ष खिम बहादुर थापाले बताउनु भयो।

पालिकाका स्वास्थ्यकर्मिहरू घरघरमै पुगि नागरिकको स्वास्थ्य जाँच (तत्काल ल्याब रिपोर्टसहित) गर्ने कार्यबाट स्वास्थ्यमा कालीगण्डकी गाउपालिकाका नागरिकको अझै बढि सरल र सहज पहुँच स्थापित गर्ने योजना अगाडी सारीएको उपाध्यक्ष साबित्रा कोइरालाले जानकारी दिनु भयो । यता प्रमुख प्रशासकीय अधिकृत देवेन्द्र पाण्डेले नागरिकलाई स्वस्थ राख्न हरेक नागरिकको घर दैलोमा पुगेर स्वास्थ परिक्षण गरि सेवा दिने पालिकाको दायित्व भएकोले पालिकाको सिङ्गो टिम नै लागिपरेर यो सेवा लाई प्रभाव कारी बनाइने अधिकृत पाण्डेले प्रतिबद्धता जायर गर्नु भयो।

यस्तै पालिकाको निति कार्यक्रममा अध्यक्ष थापाले पालिका बासी लाई निशुल्क स्वास्थ सेवा प्रदान गर्ने घोषण गरेसंगै थप पालिका बासिमा खुशी समेत छाएको छ।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 868

Leave a Reply

Your email address will not be published. Required fields are marked *