विश्व पर्यटन दिवसको पूर्वसन्ध्यामा बुटवलको दुर्गा मन्दिरमा आरती

विश्व पर्यटन दिवसको पूर्वसन्ध्यामा बुटवलको दुर्गा मन्दिरमा आरती ।
असोज १०

विश्व पर्यटन दिवसको पूर्वसन्ध्यामा बुटवलको दुर्गा मन्दिरमा आरती गरिएको छ।

बुटवल उपमहानगरपालिकाको सहकार्यमा नेपाल एशोशिएशन अफ टुर ट्राभल एजेन्टस् नाट्टा लुम्बिनीको आयोजना र पर्यटन विकास परिषद् लुम्बिनीको प्रवर्द्धनमा दुर्गा मन्दिरमा आरती कार्यक्रम गरिएको हो।

कार्यक्रममा बोल्दै बुटवल उपमहानगरपालिकाका प्रमुख खेलराज पाण्डेयले बुटवललाई देशकै उपयुक्त विश्रामस्थलका रूपमा विकसित गर्न धार्मिक पर्यटन प्रवर्द्धनमा जोड दिएको बताए।

उनले बुटवल हिन्दु र बौद्ध धर्मका महत्त्वपूर्ण स्थलहरूको बीचमा रहेकोले यसको लाभ बुटवलबासीलाई हुनेगरी पर्यटन प्रवर्द्धनमा जोड दिएको बताए।

कार्यक्रममा प्रथम जगत गुरु अनन्त श्री मोहनसरण देवाचार्य धार्मिक सद्भाव कायम राख्न सबै क्षेत्रबाट एकताको सन्देश फैलाउनुपर्ने बताए। कार्यक्रममा नाट्टा लुम्बिनीकी अध्यक्ष रचना पन्तले पर्यटन प्रवर्द्धनमा निजी क्षेत्र र सरकारी निकाय सँगसँगै अगाडि बढ्नुपर्ने बताइन्।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 741

Leave a Reply

Your email address will not be published. Required fields are marked *