रुरु क्षेत्र गाउँपालिका का अध्यक्ष ज्ञवाली ले विश्व पर्यटन दिवसको अवसरमा धार्मिक विषय उठाउदै शुभकामना राख्नु भयो -

४४ ‍औं विश्व पर्यटन दिवशको शुभकामना
हरेक वर्ष सेप्टेम्बर २७ मा “सबैका लागि पर्यटन: पहुँचयोग्य विश्वव्यापी पर्यटनको प्रवर्द्धन” भन्ने मुल नारा सहित पर्यटन दिवस मनाईने गरिन्छ । यस वर्ष ‘पर्यटन र हरित लगानी” भन्ने नारा सहित नेपालमा विश्व पर्यटन दिवस मनाउन लागिएको छ । विश्व पर्यटन दिवसको अवसरमा हार्दिक शुभकामना व्यक्त गर्न चाहन्छु ।

हाम्रो रूरूक्षेत्र गाउँपालिका धार्मिक, ऐतिहासिक र पर्यटनको लागि महत्वपूर्ण स्थानीय तहको रुपमा रहेको छ । रुरुक्षेत्र आफैमा पवित्र पुण्यभुमीको रुपमा प्रख्यात छ । पर्यटकीय, ऐतिहासिक, धार्मिक एवं साँस्कृतिक धरोहरको रुपमा रहेको रुरुक्षेत्र गाउँपालिकामा पर्यटनको माध्यमबाट स्थानीय रोजगारी सृजना गर्न सकिने अत्यन्तै संभावना रहेको छ । स्थानीय सरकारको तर्फबाट धार्मिक एवं पर्यटकीय क्षेत्रको रुपमा विकास गर्न सम्बन्धित निकायहरुमा पहल गरिरहेका छौं ।
नेपालकै चार धाममध्येको एक महत्वपूर्ण धाम रुरुक्षेत्र आफैमा पनि प्रख्यात धार्मिक स्थलको रुपमा रहेको छ । पवित्रस्थल कालिगण्डकी नदिमा स्नान गर्नाले मानिसका दु:ख, कष्ट र पाप नाश हुन्छ भन्ने मान्यता रहेकोछ साथै निसन्तान दम्पतीले दर्शन गर्दा मनले आटेको पुग्ने पौराणिक मान्यता रहेको पवित्र श्रृङ्गेश्वर धाम पनि यसै गाउँपालिकामा रहेको छ ।

ऐतिहासिक शक्ति पिठको रुपमा रहेको बम्घाकोटमा सिद्ध भँगेरको दर्शन गर्दा मनले सोंचे आटेको पुग्ने जनविश्वास रहि आएको छ । यस क्षेत्रमा सिद्धबाबा, गोविन्दे, अचम्मेश्वर मन्दिर लगायताका धार्मीक तथा पर्यटकिय स्थलहरु रहेका छन । हाल आएर रूरूक्षेत्र गाउँपालिका आन्तरिक तथा बाह्य पर्यटकीय गन्तव्यको रुपमा विकास हुँदै गईरहेको छ ।

स्याङ्जा-पाल्पा र गुल्मीको संगम स्थल रहेको रिडीमा दक्षिण एशियाकै नमूना तिनमुखे पुल, देवदत्त पार्क, श्रृङ्गेश्वर क्षेत्र, थाम्कीडाँडामा रहेको ट्रि हाउस, ऐतिहासिक बम्घाकोट तथा रानिले काटेको ढुंगा लगायतका महत्वपूर्ण धार्मिक एवं पर्यटकीयस्थलहरुले भरिपूर्ण यस गाउँपालिकामा विभिन्न कला संस्कृति, धार्मिक तथा पर्यटनको हिसाबले महत्वपूर्ण रहेकोछ

। गाउँ कार्यपालिकाको निर्णयानुसार लुम्बिनी प्रदेश सरकारले समेत रुरुक्षेत्रलाई संस्कृती र पर्यटकीय स्थलको रुपमा विकास गर्न आफ्नो आफ्नो नीति तथा कार्यक्रममा समावेश गर्दै पर्यटन क्षेत्रको रुपमा विकास गर्न आवश्यक बजेटको व्यवस्था समेत गरी यस गाउँपालिकाको कला, संस्कृति र पर्यटनको क्षेत्रमा वहुवर्षिय योजनाको रुपमा अगाडि बढाउन प्रतिवद्धता समेत जनाएको हुँदा रुरुक्षेत्र गाउँपालिकालाई कला, संस्कृतिको संरक्षण तथा जगेर्ना गर्दै धार्मिक पर्यटनको रुपमा विकास गरी समृद्ध रुरुक्षेत्र गाउँपालिका निर्माणमा हामी सबैले हातेमालु गरी अगाडि बढ्दै “पवित्रस्थल रुरुक्षेत्र घुमौ, धर्म प्राप्तीसँगै कला संस्कृति र प्रकृतिको अनुपम उपहारबाट भरपुर मनोरन्जन गरौ” भन्दै विश्व पर्यटन दिवसको पावन अवसरमा हार्दिक मंगलमय शुभकामना व्यक्त गर्दछु ।…