बजार अनुगमनमा पुग्दा सत्यवतीका ब्यापारी आफै सक्रिय बन्दै अनुगमन टोलि लाई नै स्वागत गरे

चुरामणि  तिमिल्सिना   असोज  १५

गुल्मीको सत्यवती गाउँपालिकाका मुख्य बजारमा पर्वहरुलाई लक्षित गर्दै बजार अनुगमन गरिएको छ । रुद्रवेणी बजार , देउपाटन, बोटेगाउ , चोरकाटे ,उल्लिखोला लगायतका स्थानमा बजार अनुगमन गरिएको गाउँपालिका उपाध्यक्ष तथा खाद्य  सुरक्षा संरक्षण समितिका संयोजक निरमाया तरामुले बताउनुभयो। उपाध्यक्ष तरामु आफू स्वयं समेत अनुगमनमा खटेर ब्यापारीहरुलाई सचेतना जगाउने र उत्साहीत गराउने कार्य समेत गर्नुभयो ।

अनुगमनमा म्याद गुज्रिएका, खाद्यान्न, पेय पदार्थ, बिना इजाजत सामाग्री बिक्री वितरण , साइनबोर्ड नभएको , मुल्य सूची बिना नै सामाग्री बिक्रि बितरण , बिना दर्ता बिना नवीकरण गरेर बजार संचालन भएको गाउँपालिकाका प्रमुख प्रशासकीय अधिकृत कमल प्रसाद भुसालले जानकारी दिनु भयो । बजारमा ब्यापारी बर्गहरुले अनुगमन टोलि पुग्दा अनुगमन टोलि लाई नै स्वागत गरी आफ्नो पसलको अनुगमन गर्ने कार्यमा उल्लासमय रुपमा खटिनुभएका स्वास्थ्य शाखा प्रमुख सुर्य बहादुर रानाले जानकारी दिनु भयो ।

यता गाउँपालिकाका अध्यक्ष टिकाराम पाण्डेले यो पालिकाको नियमित कार्यक्रम रहेकोले पालिकाले पर्वलाई मात्र लक्षित नगरी जुनै सुकै बेला पनि अनुगमन गर्न सकिने हुँदा ब्यापारी बर्गहरुले सामान किनबेच गर्दा अत्यन्त सावधानी भएर कारोबार गर्न आग्रह गर्दै बाकी रहेका बजारलाई पनि क्रमैसँग अनुगमन गरिने बताउनु भयो।

ब्यापारी बर्गहरुले आफुहरुले म्याद हेर्न नजानेको दर्ता नवीकरण गर्ने कानुनका कुरामा ध्यान नदिएको तर अवदेखी आफ्नो पसलको सुरक्षा र ग्राहकको स्वास्थ्य र सन्तुष्टिमा चनाखो रहने अनुगमन टोलि लाई बताएका छन ।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 853

Leave a Reply

Your email address will not be published. Required fields are marked *