गुल्मीको रिडीमा सवारी चालक सचेतना अभिबृद्दि कार्यक्रम सम्पन्न

गुल्मीको रिडीमा १ दिने सवारी चालक सचेतना अभिबृद्दि कार्यक्रम होटल क्राउनमा सम्पन्न भएको छ । उद्योग, पर्यटन तथा यातायात व्यवस्था मन्त्रालय देउखुरी दाङको आयोजना र नेपाल प्रहरी राजमार्ग सुरक्षा व्यवस्थापन कार्यालय बुटवलको सहकार्यमा उक्त कार्यक्रम सञ्चालन गरिएको हो। कार्यक्रममा मन्त्रालयका सचिव उमेश ढुंगानाको अध्यक्षता रहेको थियो। कार्यक्रममा गुल्मी जिल्लाका प्रमुख जिल्ला अधिकारी हरि प्रसाद गैरेले स्थानीय प्रशासनको भुमिकाका बारेमा सहजीकरण गर्दै हरेक नागरिकलाई अब डिजिटल माध्यमबाट काम अगाडी बढाउन समेत आग्रह गर्दै यो कार्यक्रम यस क्षेत्रमा अत्यन्तै आवश्यक रहेको बताउनु भयो।
यस्तै गुल्मी जिल्लाका ट्राफिक प्रहरी प्रमुख ज्ञानेन्द्र शर्माले नागरिकले ठुला सवारी साधन देखि साना सवारी चलाउदा ध्यान दिनु पर्ने कुरा जरिवाना, अनुमति पत्र सभ्य नागरिक सडक काट्ने तरिका सिट क्षमता जस्ता महत्त्वपूर्ण विषयमा सहजीकरण गर्नुभएको थियो । यस्तै कार्यक्रममा रुरु क्षेत्र गाउँपालिकाका वडा न ५ का वडा अध्यक्ष तथा पालिका प्रवक्ता हरि प्रसाद ज्ञवालीले सवारी चालक आफै संयमित भएर सवारी साधन चलाउने , यात्रा गर्नु भन्दा पहिला सवारी साधनको सम्पुर्ण चेकजाच गर्नुपर्ने , सवारी चालकले ट्राफिक प्रहरी सित राम्रो ब्यवहार गर्नुपर्ने बताउनु भयो।

 

कार्यक्रममा अध्यक्ष ढुङ्गानाले हरेक काम लाई अव केहि महिना देखि डिजिटल बनाउने अभ्यास भएको बताउदै नागरिकलाई घरै बसेर यातायातको सेवा लिन सक्ने वातावरण सिर्जना गर्न आफनो टिम लागि परेको बताउनु भएको भयो कार्यक्रममा घरेलु तथा साना उधोग कार्यालय  तम्घासको पनि आथित्यता रहेको थियो। कार्यक्रममा  सहभागीले  जिज्ञसा  समेत राखेका थिए ।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 815

Leave a Reply

Your email address will not be published. Required fields are marked *