चुरामणि तिमिल्सिना पुस १३ गुल्मी
चन्द्रकोट गाउँपालिका वडा नं १ दिब्रुङ साराङ्ग मा रहेको शारदा माध्यमिक विद्यालयले अर्धवार्षिक परीक्षाको नतिजा प्रकाशन, विश्लेषण तथा अन्तर्क्रिया कार्यक्रम सम्पन्न गरेको छ । मंसिर २२गते देखि पालिका स्तरमै एकैसाथ सञ्चालन भएको अर्धवार्षिक परीक्षाको नतिजा प्रकाशन एक औपचारिक कार्यक्रमका साथ सम्पन्न गरिएको हो । शिक्षक अभिभावक संघका अध्यक्ष डिलबहादुर वि .क को अध्यक्षतामा सम्पन्न भएको कार्यक्रममा बिद्यालय व्यवस्थापन समितिका अध्यक्ष गोपाल अर्याल, बिद्यालयका प्रधानाध्यापक बिष्णु प्रसाद सुबेदी, शिक्षक, अभिभावक र विद्यार्थीको उपस्थितिमा सम्पन्न गरिएको हो।
कार्यक्रममा बोल्दै बिद्यालयका प्रधानाध्यापक सुवेदीले विद्यालयले हरेक कक्षामा उत्कृष्ट नतिजा आएको र आगामी दिनमा सर्वोत्कृष्ट नतिजा ल्याउनका लागि शिक्षक , अभिभावक र विद्यार्थीलाई अनुरोध गर्दै उत्कृष्ट नतिजा ल्याउन सफल विद्यार्थी, कुशल शिक्षण गर्ने शिक्षकहरुलाई धन्यवाद ज्ञापन गर्नुभयो।
शैक्षीक सत्र २०८० मा सञ्चालन हुने परिक्षामा तहगत रुपमा पालिका तथा बोर्डमा नै उत्कृष्ट नतिजा ल्याउनका लागि शिक्षा सम्बद्द पक्षहरू प्रयत्नशील रहनुपर्ने बताउनु भयो । विद्यालय ब्यवस्थापन समिति अध्यक्ष गोपाल अर्याल, निबर्तमान प्रधानाध्यापक राम प्रसाद अर्याल को मन्तब्य तथा विद्यालयका सहायक प्रधानाध्यापक लालबहादुर रानाको स्वागत मन्तब्य रहेको कार्यक्रमको सञ्चालन विद्यालयका शिक्षक श्रीराम गौतमले गर्नुभएको हो ।
About Author
