छत्रकोट गाउँपालिका गुल्मी आफनै भवन बनाउदै

छत्रकोट गाउँपालिकाको प्रशासकीय भवनको शिलन्यास,संघिय सरकारको अनुदानमा अन्यौलता
माघ १८

छत्रकोट गाउँपालिका गुल्मीकोे प्रशासकीय भवनको शिलन्यास गरिएको छ । हिजो बुधबार एक कार्यक्रमको आयोजना गरी गाउँपालिका अध्यक्ष रामप्रसाद पाण्डेले भवनको शिलन्यास गर्नु भएको हो ।

अहिले निर्माण सुरु भएको भवन ०८२ साल मंसिर महिनाभित्र सकिसक्नुपर्नेछ । भवनको कुल लागत नौ करोड ११ लाख १७९ रुपैँया रहेको छ ।

भवन निर्माण हुने रकम ६० प्रतिशत संघीय सरकार र ४० प्रतिशत पालिकाले व्यहोर्ने गाउँपालिका अध्यक्ष पाण्डेले जानकारी दिनुभयो । संघीय सरकार बाट प्रप्त हुने ६० प्रतिशत रकम प्राप्त नभएको पनि अध्यक्ष पाण्डेले बताउनु भयो ।

छत्रकोट गाउँपालिका वडा नम्बर ३ भेडुवामा बन्न थालेको भवनको जग्गा छ रोपनी रहेको छ । भेडुवा बजारमाथीको हरियाली सामुदायिक बनले पालिकालाई उपलब्ध गराएको जग्गामा बन्दै छ । जग्गा प्राप्तीको लागि पालिकाले बिभिन्न प्रक्रिया पुरा गदै सामुदायिक बन बाट प्राप्त गरेको हो ।

यसको लागि स्थानिय समाजसेबी झक बहादुर मिधुनले ६ रोपनी निजी जग्गा निशुल्क बनलाई सट्टामा उपलब्ध गराउनु भएको थियो । छत्रकोट गाउँपालिकाले जग्गादाता मिधुनप्रती आभार प्रकट गर्दै धन्यबाद ज्ञापन गरेको छ ।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 869

Leave a Reply

Your email address will not be published. Required fields are marked *