सामाग्री वितरण गर्दै अध्यक्ष ज्ञवालीले कृषक लाई अगाडी बढाउन सहयोग गर्ने प्रतिबद्धता

  चुरामणि  तिमिल्सिना   माघ  १९

रूरूक्षेत्र गाउँपालिकाको वडा नं. २ मा संचालन भएको आलु पकेट कार्यक्रममा कृषकहरूलाई यान्त्रिक उपकरण हस्तान्तरण र कृषकसँग अन्तरक्रिया कार्यक्रम सम्पन्न भएको छ । वितरण कार्यक्रममा अन्तरक्रिया गर्दै गाउँपालिका अध्यक्ष यदु ज्ञवालीले गाउँमा अधिकांश मानिसहरु किसान भएकाले कृषिबाट नै आयआर्जन वृद्धि गर्न सफल भएकोले कृषि क्षेत्रमा गाउँपालिकाले लगानी गर्ने प्रतिबद्धता जाहेर गर्नुभयो।


कार्यक्रममा उपाध्यक्ष मिनादेवी गौतम, प्रमुख प्रशासकीय अधिकृत लक्ष्मण पाण्डे, वडाध्यक्ष घनश्याम अर्याल, पशु विकास अधिकृत अमित ज्ञवाली, कृषि अधिकृत प्रकृती ज्ञवाली वडा सचिव, जन प्रतिनिधि तथा किसान बर्गको सहभागीता रहेको थियो । यो कार्यक्रम बिगतमा पनि सन्चालन गरिएकोले अहिले पनि निरन्तर गरिएको कृषि अधिकृत प्रकृति ज्ञवालीले बताउनु भयो।
यता गाउँलाई कृषि बाट नै अगाडी बढाउन र युवाहरु लाई गाउँमानै कृषि गर्न सहयोग पुर्याउन सिङ्गो गाउँपालिका लागिरहेको पालिका उपाध्यक्ष मिना देवि गौतम बताउनु हुन्छ । कार्यक्रममा सहभागीता जनाउदै अधिकृत पाण्डेले युवाहरु लाई बिदेश हैन नेपालमा मै राज्यले विभिन्न सिपमुलक तालिम कृषि फम ठुला ठुला कृषि उधोगहरु तथा आधुनिक प्रबिधि सहित कृषि गर्न सकेमा मात्र कृषि क्षेत्रमा सिङ्गो राज्यले नै फडको मार्ने धारणा ब्यक्त गर्नुभयो अहिले रुरुका धेरै स्थानमा आलुको कार्यक्रम समेत चलिरहेको छ ।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 816

Leave a Reply

Your email address will not be published. Required fields are marked *