चन्द्रकोट गाउँपालिकामा सार्वजनिक सुनुवाइ सम्पन्न

माघ २५

गाउँपालिका गुल्मीको आयोजनामा चालू आ.व. २०८०/०८१ को हाल सम्म संचालित योजना, कार्यक्रम तथा समग्र सार्वजनिक सेवा प्रवाहको बारेमा नागरिकको प्रश्न, गुनासो तथा सुझाव प्राप्त गर्दै आवश्यक सम्बोधनका लागि सार्वजनिक सुनुवाई तथा सामाजिक परिक्षण कार्यक्रम सम्पन्न भएको छ।

गाउँपालिका अध्यक्ष युवराज खत्री क्षत्रीको अध्यक्षतामा सम्पन्न कार्यक्रममा गाउँपालिका उपाध्यक्ष विष्णु प्रसाद भण्डारी, प्रमुख प्रशासकीय अधिकृत सरोज भुसाल, वडा अध्यक्ष लगायत कार्यपालिका सदस्यहरू, जनप्रतिनिधि तथा निवर्तमान जनप्रतिनिधिहरू, विभिन्न संघ संस्था निकायका व्यक्तित्वहरू लगायत सर्वसाधारणको उपस्थिति रहेको थियो।

कार्यक्रममा प्रमुख प्रशासकीय अधिकृत सरोज भुसालले हाल सम्म भए गरेका कामका बारेमा प्रस्तुतीकरण मार्फत जानकारी गराउनु भएको थियो। कार्यक्रममा प्रमुख जवाफदेही वक्ताको रूपमा गाउँपालिका अध्यक्ष, उपाध्यक्ष तथा प्रमुख प्रशासकीय अधिकृत रहनुभएको थियो भने सहजीकरण पत्रकार टोपलाल अर्याल, डिबि खड्का तथा महेश बोहोराले गर्नुभएको थियो।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 815

Leave a Reply

Your email address will not be published. Required fields are marked *