बराङ्दीमा फागुन ११ र १२ गते स्वास्थ्य शिविर हुने

दयाराज न्यौपाने
पाल्पा – यही फागुन ११र१२ गते दुई दिने बृहत निःशुल्क स्वास्थ्य शिविर हुने भएको छ । रिडी राम्दी समाज काठमाडौको आयोजना र बगनासकाली बहुउद्देश्यीय सहकारी संस्था बराङ्दीको सह आयोजनामा फागुन ११ र १२ गते ( शुक्रबार र शनिबार) का दिन बृहत निशुल्क स्वास्थ्य शिविर बगनासकाली ८ बराङ्दीमा सञ्चालन हुने जनाइएको छ । बढ्दो स्वास्थ्य समस्यालाई मध्य नजर गदै स्वास्थ्य शिविरको आयोजना गर्न लागिएको बगनासकाली बहुउद्देश्यीय सहकारी संस्थाका अध्यक्ष कृष्ण भुषालले जानकारी दिनु भयो ।

सो शिविरमा स्वास्थ्य परिक्षण गर्न आउने सम्पूर्णलाई निशुल्क स्वास्थ्य परिक्षण तथा निशुल्क औषधी उपलब्ध गराइने छ । शिविरमा मुटुरोग विशेषज्ञ ः प्रा.डा भगवान कोइराला, स्त्रीरोग विशेषज्ञ राजेन्द्र बश्याल, आँखारोग विशेषज्ञ तथा बाल रोग विशेषज्ञ सहित वरिष्ठ चिकित्सकहरुद्धारा स्वास्थ्य परिक्षण गरिने सहकारीका सचिव कमलराज तिमिल्सिनाले बताउनु भयो ।
रिडी राम्दी समाजले बिभिन्न समयमा सामाजिक कार्य गदै आएको छ । आउदा दिनहरुमा पनि देशव्यापी स्वास्थ्य शिविर लगायत अरु विभिन्न सामाजिककार्य गर्दै जाने रिडी राम्दी समाज काठमाडौका अध्यक्ष रामप्रसाद घिमिरेले जानकारी दिनु भयो ।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 836

Leave a Reply

Your email address will not be published. Required fields are marked *