पोखरा बाट गुल्मी आउँदै गरेको सवारी बस दुर्घटनाको पुरा विवरण -

चुरामणि तिमिल्सिना जेष्ठ ३

पोखरा बाट गुल्मीको तम्घास आउदै गरेको बस रिडी नजिकै मकवादीमा दुर्घटना भएको छ ।

लु १ ख ८१७५ नंं. को बस आज बेलुका करिब पौने ५ बजे सडकबाट अन्दाजी ५०/६० मिटर तल खस्न गई दुर्घटना भएको हो । दुर्घटनामा १३ जना घाईते भएका छन । घाईते मध्ये दुई जनाको अवस्था गम्भिर रहेको रुरु प्राथमिक स्वास्थ केन्द्रले जनाएको छ ।

दुर्घटनामा स्याङ्जा जिल्ला वालिङका नगरपालिका २८ वर्षका मनोज बस्याल, स्याङ्जा हरिनास गाउँपालिका वडा न ५ का ३५ का खेमराज लमसाल, कास्की जिल्ला माढिगाउँपालिका २३ वर्षकी रोसनी नेपाली, पाल्पा रिब्दिकोट गाउँपालिका वडा न १ ख्याहा ४० वर्षका युवराज कुवर, गुल्मी जिल्ला रुरुक्षेत्र गाउँपालिका वडा न १ की ३० वर्षकी रिता बिस्वकर्मा , छत्रकोट गाउँपालिका वडा न ४ की ४२ वर्षकी शान्ति सुनार, रुरुक्षेत्र ३ कि २३ वर्षकी शुशिला नेपाली, पाल्पा रिब्दिकोट १ ख्याहाका ६५ वर्षका तारा प्रसाद पाण्डे, डेढेल धुरा जिल्ला नवदुर्गा गाउँपलिका वडा न २ का राज बहादुर सारद, गुल्मी रेशुङगा नगरपालिका वडा न १० सिमिचौरका केशव अर्याल सिमिचौरकै २१ वर्षकी ईन्द्रा सुबेदि, गुल्मीदरबार गाउँपलिका वडा न २ का २० वर्षका ओम बहादुर बलाल, रुरुक्षेत्र गाउँपलिका ३ का २३ वर्षका गङगा बहादुर बिक, घाइते हुनु भएको छ । घाइते सबैलाई पाल्पा लुम्बिनी मेडिकलमा थप उपचारको लागि पठाईएको छ ।