रुरुक्षेत्र गाउँपालिकाले रिडीमा प्रदान गर्यो कर शिक्षा कार्यक्रम

चुरामणि तिमिल्सिना

जेष्ठ  १५  मंगलवार रिडी

रिडी माध्यमिक बिद्यालयमा एक कार्यक्रमका बिच कर शिक्षा कार्यक्रमको शुभारम्भ गरिएको छ । रुरु क्षेत्र गाउँपालिका गुल्मीको आयोजना तथा करदाता सेवा कार्यालय गुल्मी , घरेलु तथा साना उधोग कार्यालय गुल्मी, खाद्य प्रविधि गुण नियन्त्रण डिभिजन कार्यालय पाल्पा , गुल्मी उधोग वाणिज्य संघ शाखा कार्यालय रिडी र बलेटक्सार गुल्मीको समन्वयमा कार्यक्रम गरिएको हो।

गाउँपालिका उपाध्यक्ष मिनादेवि गौतमको अध्यक्षता रहेको कार्यक्रममा वडा न १ का वडा अध्यक्ष नवराज बिक , सामाजिक बिकास समितिका संयोजक तथा वडा न ३ का वडा अध्यक्ष शेषनारायण मरासिनी , कार्यपालिकाका सदस्यहरु ,उधोग बाणिज्य संघ, टोल बिकास सस्थाका पदाधिकारी हरु लगायतको आतिथित्यता रहेको थियो।
कार्यक्रममा घरेलुका तर्फबाट वरिष्ट उधोग अधिकृत सुरेन्द्र भण्डारी ,कर अधिकृत सुरज बस्याल , खाद्य निरीक्षक , मनोज अधिकारी , सोनिला गौतमले विषयगतमा प्रशिक्षण दिनु भएको थियो

ग्रामीण भेगमा करका विषय निकै झन्झटिलो र नबुझ्ने भएको ले कर शिक्षा अतिनै आवस्यक रहेको र कर चुक्ता पनि गर्न जादा पनि निकै सास्ति भोग्न परेकोले यस लाई सहजीकरण गर्न यो कार्यक्रम आवस्यक रहेकोले यहाँ सन्चालन गरेको उपाध्यक्ष गौतमले बताउनु भयो।उहाँ ले बजार बढ्दो भएकोले मापदण्ड , मुल्यसुचि ,गुणस्तर का विषयमा पालिकाले जिल्लाका विभिन्न कार्यालय सङै मिलेर पालिकाले आफ्नो नेतृत्वमा अनुगमन जरिवाना , सम्झाइ बुझाइ तथा निर्देशन पनि गर्दै आएको बताउनु भयो ।

यस्तै कार्यक्रम बुधबार रुरु ४ मा पनि सन्चालन हुने कार्यक्रम संचालक दामोदर ज्ञवालीले बताउनु भयो।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 868

Leave a Reply

Your email address will not be published. Required fields are marked *