रुरुक्षेत्र गाउँपालिकामा तिन दिने तालिमको शुभारम्भ

चुरामणि तिमिल्सिना

जेष्ठ   २२

गुल्मीको क्षेत्र गाउँपालिकामा तीन दिने तालिमको शुभारम्भ गरिएको छ। आधारभूत तह कक्षा १ देखि ५ सम्मका गणित तथा विज्ञान विषयका शिक्षकहरूका लागि क्षमता विकास तालिमको शुभारम्भ गरिएको हो।

गाउँपालिकाका अध्यक्ष यदु ज्ञवालीको अध्यक्षता रहेको कार्यक्रममा उपाध्यक्ष मिनादेवी गौतम, निमित्त प्रमुख प्रशासकीय अधिकृत छत्रबहादुर अधिकारी, शिक्षा समितिका सदस्य नारायण ज्ञवाली , कार्यक्रममा अतिथि रहनुभएको थियो। तीन दिनसम्म चल्ने तालिममा गणित विषयका प्रमुख प्रशिक्षक मोहन घिमिरे, विज्ञान विषयका टीका मल्ल र विकास चन्द्र खरेल प्रशिक्षकको रूपमा रहनुभएको छ।
३५ बिद्यालय का ७० जना शिक्षकहरूको सहभागिता रहेको तालिममा प्रयोगात्मक रुपमा पनि प्रशिक्षण गरिने प्रशिक्षक घिमिरेले बताउनु भयो ।
कार्यक्रमलाई सम्बोधन गर्दै अध्यक्ष ज्ञवालीले शिक्षालाई आमूल परिवर्तन गर्दै अगाडि बढाउने र नीति तथा बजेटमा पनि कार्यक्रमलाई अगाडि बढाइएको बताउनुभयो।

अध्यक्ष ज्ञवालीले थप्दै भनु भयो गाउँपालिकाका हरेक विद्यालयलाई प्रविधिमैत्री शिक्षालाई जोड्दै प्राविधिक शिक्षालाई अगाडि बढाउने र शिक्षालाई पूर्णरुपमा अगाडि बढाउन तालिममा कुनै पनि कन्जुसाई नगर्ने प्रतिबद्धता जनाउनुभयो । कार्यक्रमको सञ्चालन शिक्षा शाखा प्रमुख तेजबहादुर कुमाल ले गर्नुभएको थियो। तालिम २५ गतेसम्म सञ्चालन हुनेछ।

About Author

रुरु संचार मिडिया प्रा.लि
रुरु संचार मिडिया प्रा.लि
Articles: 868

Leave a Reply

Your email address will not be published. Required fields are marked *