रुरुक्षेत्र गाउँपालिकाका किसानले बजार मागे, यथासिघ्र सहकारी मार्फत बजारिकरणको ब्यवस्था गर्ने अध्यक्ष ज्ञवालीको प्रतिबद्धता

असार १६

रुरुक्षेत्र गाउँपालिका गुल्मीका किसानले कृषि उपजको बजारिकरणको माग गरेका छन ।

गाउँपालिकामा संचालित “रुरु कृषि परियोजना”को अनुगमनको क्रममा शनिबार अधिकांस किसानले आफुहरुले उत्पादन गरेको कृषि उपजको उचित बजारिकरण नभएकोले गाउँपालिकाले उत्पादनको बजारिकरण गरिदिन आग्रह गरेका हुन ।

रुरुक्षेत्र गाउँपालिकामा, रुरुक्षेत्र गाउँपालिका, हेफर प्रोजेक्ट नेपालको लगानी र नव प्रभात युुवा संघको सहजिकरणमा संचालित रुरु कृषि परियोजना अन्तर्गत, कृषि खेती, तरकारी खेती प्रदर्शन तथा स्थलगत अनुगमनको क्रममा किसानले कृषि उपजको बजारिकरणको माग गरेका गरेका हुन । उनिहरुले परियोजनाले दिएको सिप प्रबिधीले उत्पादन बृद्धी भएको तर बजार नपाएको बताए ।

रिमुवाका किसान चिन्तामणी बस्नेतले आफुले उत्पादन गरेका तरकारी सित्तैमा बांड्नु परेको र धेरै त्यसै खेरा गएको गुनासो गर्नु भयो । उहाले कृषि उपजको उचित बजारिकरण नभएको र यो समयमा निउरो लगायत प्राकृतिक साग जन्य उत्पादन गाउँमै उपलब्ध भएकोले स्थानिय बजारमा तरकारी जन्य उत्पादन बिक्री नभएको बताउनु भयो ।

बम्घाकी किसान तिलकुमारी क्षेत्रीले आफुले दु:ख गरेर उत्पादन गरेको कृषि उपज बिक्री गर्दा मुल्यको छलफल नगरी पैंचो पसललाई दिन बाध्य भएको र उत्पादन बिक्री गरेको केही समय पछि मात्र आफ्नो उत्पादनको मुल्य पैंचो पसलले नै तोकेर एक क्विन्टल बेच्दा ९० किलोको मुल्य गरि सामान र पैसा पाउने गरेको बताउनु भयो ।

यस क्षेत्रमा पैचो पसल नामको एक ब्यवसायिक कम्पनीले किसानको उत्पादन खरिद गर्ने गरेको छ । किसानको उत्पादनमा पैचो पसलले मनोमानी मूल्य निर्धारण गरेको र अन्य बिकल्प नभएको गुनासो धेरै किसानको छ , तर स्थानिय सरकारले यस्ता गुनासो सुन्नेर पनि उचित निकास र बिकल्प दिन सकेका छैनन ।

रुरु कृषि परियोजना अन्तर्गत, कृषि खेती, तरकारी खेती प्रदर्शन तथा स्थलगत अनुगमनको क्रममा गुल्मीका प्रमुख जिल्ला अधिकारी कृष्ण प्रसाद शर्माले कृषकको मिहिनेत र गाउँपालिकको लगानीले कृषि उत्पादनमा किसान उत्साहित भएको आफुले पाएको र उत्पादनको बजारिकरणमा ध्यान दिन आवस्यक रहेको औल्याउनु भयो ।

रुरुक्षेत्र गाउँपालिका अध्यक्ष यदु ज्ञवालीले परियोजना अन्तर्गतका डेमोस्टेशनको उचित ब्यवस्थापन गर्न निर्देशन दिदै, अब सिघ्र सहकारी मार्फत कृषि उत्पादनको बजारिकण गर्ने बताउनु भयो ।

गाउँपालिका उपाध्यक्ष मिनादेबी गौतमले परियोजना अन्तर्गत गाई पालन राम्रो भएको बताउनु भयो । उहाले बजारिकणकै खाँचो रहेको बताउनु भयो ।
नव प्रभात युुवा संघका प्रमुख धातानन्द भुषालले परियोजनाले दिएको प्रबिधी र अनुदानले उत्पादन बढेको बताउनु भयो ।

गाउँपालिकाका प्रमुख प्रशासकिय अधिकृत लक्ष्मण पाण्डेयले बम्घा दुग्ध सहकारीलाई क्यान हस्त्रान्त्रणका क्रममा दुध उत्पादनले किसानमा दिगो र निरन्तर आम्दानी हुने भएकोले यसलाई ब्यवसायिक बनाउनु पर्ने बताउनु भयो ।

अनुगमनका क्रममा हेफरका कार्यक्रम अधिकृत पारस बिक, परियोजनाका संयोजक प्रकाश चालिसे, कृषि प्राबिधिक संगिता ज्ञवाली र सामुदायिक सहजकर्ता सीता धिमिरेले स्थलगत अवलोकनमा सहजिकरण गर्नु भएको थियो ।

अवलोकनमा वडा नं. ३ का अध्यक्ष शेषनारायण पौड्याल, वडा नं. ४ का अध्यक्ष मोति प्रसाद श्रेष्ठ, वडा नं. ५ का अध्यक्ष हरि ज्ञवाली, वडा नं. ६ का अध्यक्ष रोमनाथ पौड्याल र गाउँपालिकाका बिभिन्न शाखाका पदाधिकारीका्े सहभागिता रहेको थियो ।

चालु आबमा गाउँपालिकाको ३० लाख र हेफर प्रोजेक्ट नेपालको ७० लाखको लगानिमा रुरु कृषि परियोजना अन्तर्गत, दर्जन बढी कृषि खेती, तरकारी खेती, गाई पालन र बाख्रा पालन गरिएको छ ।
आगामी आबमा करिब २ करोडको लगानिमा, संचालित कार्यक्रमको निरन्तरता र बजारिकरणमा जोड दिने गाउँपालिका अध्यक्ष यदु ज्ञवालीले बताउनु भयो ।

रुरु कृषि परियोजना लगू भए पछि रुरुक्षेत्र गाउँपालिकामा ब्यवसायिक खेती र कृषिमा अधुनिक प्रबिधिको बिबकास भई उत्पादन बढेको छ ।