सत्यवती १मचाकोटमा गएराति १ बजे अचानक अज्ञात ब्यक्ति बाट घर

चुरामणि तिमिल्सिना रिडी असोज १

गुल्मी सत्यवती गाउँपालिका वडा न १ अस्लेवा मोचाकोट निवासी सिता कुवरको गोठ र मिठु कुवरको घर र गोठमा गएराति १ बजे अज्ञात ब्यक्तिले आगो लगाइ फरार भएका छन। राति १२ बजे सम्म आफुहरु नसुतेको १ बजे झपक्क निदाएको बेला टिन बजेको आवाज र आगोको गन्ध थाहा पाएपछी बाहिर हेर्दा दन दन गोठ जलिरहेको छोरी लालुमाया कुवरले बताउनु भयो । गोठमा रहेको भैसि घाइते अवस्थामा छिमेकिको सहयोगमा दाम्ला काटेर बाहिर निकालियको थियो।
गोठ जल्दा अन्नपात ,घास ,दाना , दार लगायतका जिन्सी सामाग्रीहरु जलेर नष्ट् भएको सिता कुवरले बताउनु भयो। यस्तै केही मिनेटकै फरकमा मानिस नबस्ने मिठु कुवरको घर र गोठमा पनि आगो लगाइएको थियो। उनको निवासमा ३ दिन अगाडी पनि यस्तै आगो लगाएको अचानक पानी परेर आगो आफै निभेको लालुमायाले बताउनुभयो। यस्को सुचनाको लागि वडा , पालिका प्रहरीलाई जानकारी पनि गराएको परिवार ले बताउनु भएको छ ।