भीम अस्पतालका स्वास्थ्यकर्मी द्धारा दुई घन्टा ओपिडी सेवा बन्द -

रुपन्देही ।
भीम अस्पतालका स्वास्थ्यकर्मीले शुक्रबार बिहान दुई घन्टा ओपिडी सेवा बन्द गरेका छन् ।

सरकारले घोषणा गरेको कोरोना जोखिम भत्ता हालसम्म उपलब्ध नगराएको भन्दै उनीहरूले भैरवास्थित भीम अस्पतालमा शुक्रबार ओपिडी सेवा बन्द गरेका हुन् ।

भीम अस्पताल संघर्ष समिति गठन गरेका स्वास्थ्यकर्मीले आजदेखि आन्दोलनका कार्यक्रम सुरु गरेका छन् । समितिले बिहीबार आन्दोलनका कार्यक्रम सार्वजनिक गरेको थियो ।

संघर्ष समितिका संयोजक तथा स्वास्थ्यकर्मी गोपाल उपाध्यायले आफूहरूले कोरोना महामारीको दोस्रो लहरमा जोखिममा रहेर काम गरे पनि सरकारले सोको कदर नगरेको बताए । उनले सरकार आफैँले घोषणा गरेको जोखिम भत्ता उपलब्ध नगराउँदा आन्दोलित हुनुपरेको उनको भनाइ छ ।

सरकारले आफ्नो कुरा सुनोस भन्नका लागि आफूहरू आन्दोलनमा उत्रिनुपरेको उनको भनाई छ ।