Author: रुरु संचार मिडिया प्रा.लि

अभिनव चौहानको सिर्जनामा “मादलु बजेर” तीज गीत सार्वजनिक।

माधव पौडेल ।
भाद्र १६, अर्घाखाँची ।।

अर्घाखाँचीको मालारानीमा जन्मिएका अभिनव चौहान यतिबेला निरन्तर गीत संगीतमा लागि रहेका छन्।उनको सिर्जनामा थुप्रै गीतहरु बजारमा आइसकेका छन्।यसै वर्ष तीजमा मात्रै उनका ३ वटा तीज गीत बजारमा आए।माइतीको झल्कोले , बनाउँछु टिकटक अहिले मादलु बजेर बोलको गीत सार्वजनिक भएको छ।

अभिनव चौहानको शब्द/संगीत सिर्जना भित्र लोकप्रिय गायिका अस्मिता डल्लाकोटी र सुरेज श्रेष्ठले आवाज दिएका छन्।त्यसैगरी शुष्टी विश्वकर्मा,दिनेश पौडेल ,आरुषी मगर, र प्रकाश सोनीको डान्स तथा अभिनय देख्न सकिन्छ।यम थापाको एरेन्ज सन्तोष तिमिल्सिनाको छायांकन, कल्पेश विश्वकर्माको सम्पादन रहेको यस गीतमा एमोन रानाले निर्देशन गरेका छन् ।

गीत यसै शुक्रबार साँझ राजेश भण्डारी युटुब च्यानलबाट सार्वजनिक भएको छ।गीत हेर्नको लागि तल दिएको लिन्क ओपन गर्नुहोला

अभिनव चौहानको सिर्जनामा “मादलु बजेर” तीज गीत सार्वजनिक।माधव पौडेल
भाद्र १६, अर्घाखाँची ।

अर्घाखाँचीको मालारानीमा जन्मिएका अभिनव चौहान यतिबेला निरन्तर गीत संगीतमा लागि रहेका छन्।उनको सिर्जनामा थुप्रै गीतहरु बजारमा आइसकेका छन्।यसै वर्ष तीजमा मात्रै उनका ३ वटा तीज गीत बजारमा आए।माइतीको झल्कोले , बनाउँछु टिकटक अहिले मादलु बजेर बोलको गीत सार्वजनिक भएको छ।

अभिनव चौहानको शब्द/संगीत सिर्जना भित्र लोकप्रिय गायिका अस्मिता डल्लाकोटी र सुरेज श्रेष्ठले आवाज दिएका छन्।त्यसैगरी शुष्टी विश्वकर्मा,दिनेश पौडेल ,आरुषी मगर, र प्रकाश सोनीको डान्स तथा अभिनय देख्न सकिन्छ।यम थापाको एरेन्ज सन्तोष तिमिल्सिनाको छायांकन, कल्पेश विश्वकर्माको सम्पादन रहेको यस गीतमा एमोन रानाले निर्देशन गरेका छन् ।

गीत यसै शुक्रबार साँझ राजेश भण्डारी युटुब च्यानलबाट सार्वजनिक भएको छ।गीत हेर्नको लागि तल दिएको लिन्क ओपन गर्नुहोला

दिवङ्गत बिध्यार्थीको सम्झनामा श्रृङ्गा जनता माविमा अक्षयकोष स्थापना ।
भदौ १६
दिवङ्गत सन्देश पन्थको सम्झनामा श्रृङ्गा जनता माध्यमिक बिद्यालय छत्रकोट ४ श्रृङ्गा गुल्मीमा अक्षयकोष स्थापना तथा कक्षा ५ का विद्यार्थीहरूलाई विद्यालय पोशाक वितरण कार्यक्रम सम्पन्न भएको छ ।

छत्रकोट गाउँपालिका वडा नं ३ काभ्रे घर भई श्रृङ्गा जनता माविमा कक्षा ५ मा अध्ययनरत सन्देश पन्थको गत साउन ३ गते ब्लड क्यान्सरको कारण कान्ती बाल अस्पतालमा उपचारको क्रममा निधन भएको थियो । उनै सन्देश पन्थको सम्झनामा श्रृङ्गा जनता मावि छत्रकोट ४ श्रृङ्गा गुल्मीमा सन्देश पन्थको परिबारको तर्फबाट एकलाख एक हजार बराबरको ु सन्देश पन्थ स्मृति अक्षय कोष ु स्थापनाको घोषणा दाजु कृष्ण प्रसाद पन्थले गर्नुभयो । अक्षय कोषबाट प्राप्त हुने ब्याजबाट कसलाई छात्रवृत्ति दिने भन्ने पछि विद्यालय र परिवारको सल्लाहमा तय गरिने छ । सोही अवसरमा कक्षा ५ का विद्यार्थीहरूलाई विद्यालय पोशाक तथा दक्षिणा वितरण गरिएको छ । कार्यक्रममा सन्देश पन्थको बुबा शङ्कर प्रसाद पन्थ , दाजु कृष्ण पन्थ , दिदी सन्ध्या पन्थ , विद्यालयका प्र अ विकासचन्द्र खरेल , विव्यस सदस्यहरु , शिक्षकहरु तथा विद्यार्थीहरुको सहभागिता रहेको थियो ।

श्रीराम गौतम
भदौ १६
चन्द्रकोट गाउँपालिकाकै शैक्षिक धरोहरका रुपमा रहेको श्री शारदा माध्यमिक विद्यालयले सञ्चालन गरेको फिडर विद्यालय स्तरिय १-५ (आधारभूत तह) हाजिरीजवाफ प्रतियोगिता भव्यताको साथ सम्पन्न भएको छ । विद्यालय व्यवस्थापन समितिका अध्यक्ष गोपाल अर्यालको अध्यक्षता रहेको कार्यक्रममा प्रमुख अतिथिको रुपमा चन्द्रकोट गाउकार्यपालिका प्रवक्ता तथा वडा नं १ का वडाध्यक्ष घनश्याम खरेल रहनुभएको हो । कार्यक्रममा विद्यालयका सहायक प्रधानाध्यापक लाल बहादुर रानाले स्वागत मन्तव्य राख्नुभएको थियो । यस्तै कार्यक्रममा आफ्नो मन्तव्य राख्दै विद्यालयका निवर्तमान प्रधानध्यापक राम प्रसाद शर्मा अर्याल तथा प्रमुख अतिथि खरेलले कार्यक्रम सफल रुपमा सञ्चालन भएको भन्दै आगामी दिनमा यस्ता खाले कार्यक्रम सञ्चालन गर्नका लागि सुझाव तथा हौसला प्रदान गर्नुभएको हो । यस्तै कार्यक्रममा बोल्दै विद्यालयका प्रधानाध्यापक बिष्णु प्रसाद सुवेदीले आफुले विद्यालयको जिम्मेवारी लिएपछिको पहिलो भव्य कार्यक्रम भएको र यसमा फिडर विद्यालयहरुको उल्लासमय उपस्थिती रहेकोमा हार्दिक आभार ब्यक्त गर्दै आगामी दिनमा सञ्चालन हुने कार्यक्रममा पनि त्यस्तै सहभागिताको आशा रहेको बताउनुभएको छ । शारदा माध्यमिक विद्यालयका सात ओटै विद्यालयको सहभागिता रहेको कार्यक्रममा आयोजक विद्यालय शारदा माध्यमिक विद्यालय चन्द्रकाेट-१, प्रथम, जनज्योति आधारभुत विद्यालय चन्द्रकाेट-२, विशुखर्क, भन्ज्याङ्ग द्वितीय, बालज्योति आधारभूत विद्यालय चन्द्रकाेट-४, शान्तिपुर, रेमी, तृतीय तथा शारदा माध्यमिक विद्यालय चन्द्रकाेट-१, दिब्रुङ्ग, अर्जेवा सान्त्वना स्थान हासिल गर्न सफल भएको कार्यक्रममा विभिन्न स्थान हासिल गर्न सफल विद्यालयलाई नगद र प्रमाणपत्र तथा सहभागीलाई प्रमाणपत्रले सम्मान गरिएको छ ।

विद्यालयका सम्पूर्ण विद्यार्थी तथा विद्यालयका शुभचिन्तक हरुको उपस्थिती रहेको कार्यक्रमको सञ्चालन विद्यालयकि शिक्षिका दुर्गा सापकोटाले गर्नुभएको हो ।

श्रीराम गौतम भदौ  १४

शारदा माध्यामिक विद्यालय चन्द्रकोट-१, दिब्रुङ सराङ्ग को प्रधानाध्यापक जस्तो गरिमामय पदमा चन्द्रकोट क्षेत्रकै उज्ज्वल नक्षत्र विष्णु प्रसाद सुवेदी नियुक्त हुनुभएको छ । आज अभिभावक सहितको एक औपचारिक कार्यक्रमको आयोजना गरि विद्यालयको प्रधानाध्यापक को रुपमा नियुक्त गरिएको हो । कार्यक्रममा बोल्दै १८ वर्षदेखि उक्त विद्यालयको प्रधानध्यापक पद सम्हाल्दै आउनु भएका राम प्रसाद शर्मा अर्यालले विद्यालयले नया नेतृत्व पाउनुपर्ने भएकोले आफूले स्वैच्छिक रुपमा पदबाट राजीनामा दिएको र आफू प्रधानाध्यापकको पदमा नरहेता पनि शिक्षकको रुपमा कार्यरत रही विद्यालयको शैक्षिक लगायत चौतर्फी विकासमा कटिबद्ध भएर लाग्ने बताउनु भएको छ ।

यस्तै कार्यक्रममा बोल्दै नवनियुक्त प्रधानध्यापक सुवेदीले विद्यालयको उज्ज्वल भविष्यको लागि दिनरात खटने बाचा गर्दै सम्पूर्ण शिक्षक विद्यार्थी र अभिभावक तथा समितिलाई आफ्ना गल्तीमा सही मार्गनिर्देश गर्दै सकारात्मक सहयोगको अपेक्षा गरेको बताउनुभएको छ ।

श्रीराम गौतम  भदौ   १४

शारदा माध्यामिक विद्यालय चन्द्रकोट-१, दिब्रुङ सराङ्ग को प्रधानाध्यापक जस्तो गरिमामय पदमा चन्द्रकोट क्षेत्रकै उज्ज्वल नक्षत्र विष्णु प्रसाद सुवेदी नियुक्त हुनुभएको छ । आज अभिभावक सहितको एक औपचारिक कार्यक्रमको आयोजना गरि विद्यालयको प्रधानाध्यापक को रुपमा नियुक्त गरिएको हो ।

कार्यक्रममा बोल्दै १८ वर्षदेखि उक्त विद्यालयको प्रधानध्यापक पद सम्हाल्दै आउनु भएका राम प्रसाद शर्मा अर्यालले विद्यालयले नया नेतृत्व पाउनुपर्ने भएकोले आफूले स्वैच्छिक रुपमा पदबाट राजीनामा दिएको र आफू प्रधानाध्यापकको पदमा नरहेता पनि शिक्षकको रुपमा कार्यरत रही विद्यालयको शैक्षिक लगायत चौतर्फी विकासमा कटिबद्ध भएर लाग्ने बताउनु भएको छ । यस्तै कार्यक्रममा बोल्दै नवनियुक्त प्रधानध्यापक सुवेदीले विद्यालयको उज्ज्वल भविष्यको लागि दिनरात खटने बाचा गर्दै सम्पूर्ण शिक्षक विद्यार्थी र अभिभावक तथा समितिलाई आफ्ना गल्तीमा सही मार्गनिर्देश गर्दै सकारात्मक सहयोगको अपेक्षा गरेको बताउनुभएको छ ।

रुरुक्षेत्र गाउँपालिकाको बार्षिक समिक्षा गोष्टी तथा कार्यसम्पादन करार संझौता सम्पन्न, प्रदेश र संघ बाट धेरै बजेट ल्याएको सांसद पाण्डेयको दाबी ।
भदौ १३
रुरुक्षेत्र गाउँपालिका

गुल्मी क्षेत्र नम्बर १ “क” का प्रदेश सांसद टिकाराम पाण्डेयले ३ तहको सरकार मध्ये स्थानिय तह सरकार स्थाइ भएको बताउनु भएको छ । नागरिकसंग प्रतक्ष जोडिएको सरकार भएकोले यसको भुमिका दैनिकी संग जोडिएको पनि बताउनु भयो । प्रदेश सरकार अधिकार बिहिन भएकोले केही गर्न सक्ने अवस्थामा नरहेको समेत बताउनु भयो । उहाले रुरुक्षेत्र गाउँपालिका गुल्मीको बार्षिक समिक्षा गोष्टी तथा कार्यसम्पादन करार संझौता कार्यक्रम उद्घाटन गर्दै यस्तो बताउनु भएको हो । रुरुक्षेत्र गाउँपालिकाले गुल्मीका अन्य पालिकाको तुलनामा प्रदेश र संघ बाट धेरै बजेट ल्याएकोमा गाउँपालिका अध्यक्ष यदु ज्ञववालीको प्रसंसा समेत गर्नु भयो ।

कार्यक्रमका बिशिष्ठ अतिथी जिल्ला समन्वय समितिका अध्यक्ष द्रोण बहादुर खत्रीले रुरुक्षेत्र गाउँपालिकाले उत्पादनमा जोड दिनु पर्ने र त्यसमा पनि रुरुकै पहिचान बनेको उखु उत्पादनलाई प्राथमिकतामा राख्नु पर्नेमा जोड दिनु भयो । उहाले कार्यसम्पादन करार संझौता, सेवाप्रवाहमा सेवाग्राहीले अनुभुती गर्ने गरि कार्यान्वयन गर्न आग्रह गर्नु भयो ।

गाउँपालिका अध्यक्ष यदु ज्ञववालीले सबैै योजनाहरु असोज महिना भित्र संझौता र टेण्डर प्रक्रिया सक्ने बताउनुु भयो । उहाले अनुगमनलाई प्रभाबकारी बनाउने सेवाप्रवाहमा अब्बल बन्न सबै आआफ्नो ठाउँबाट लागिपर्नु पर्ने बताउनु भयो ।

गाउँपालिका उपाध्यक्ष मिनादेबी गौतमले प्रतिबद्धता र करार सफल कार्यान्वयनको लागि जोड दिनु भएको थियो ।

बार्षिक समिक्षा गोष्टी तथा कार्यसम्पादन करार संझौता कार्यक्रम गाउँपालिकाको सभाहल रानिबासमा बुधबार सम्पन्न भएको हो ।

कार्यक्रममा गत आर्थिक बर्ष २०७९ /८० को कुल बजेट ६२ करोड १० लाख ७४ हजार ४ सय ९ रुपैयाको आय ब्याय तथा कुल ८४.४८ प्रतिशत बित्तिय प्रगती प्रतिवेदना सार्वजनिक गरिएको थियो । जसमा चालु तर्फ ८७. १ प्रतिशत र पूँजिगत तर्फ ८०.४५ प्रतिशत बित्तिय प्रगती उल्यख गरिएको छ ।

कार्यक्रममा बिभिन्न शाखा र ६ वटै वडाको बार्षिक प्रतिबेदन प्रस्तुत गरिएको थियो ।
कार्यक्रममा गाउँपालिका अध्यक्ष यदु ज्ञवालीले प्रमुख प्रशासकिय अधिकृत लक्ष्मण पाण्डेय र प्रमुख प्रशासकिय अधिकृत पाण्डेयले शाखा प्रमुखहरुलाई बार्षिक कार्यसम्पादन करार गराउनु भएको थियो । अब देखि सोहि करार अनुसार मुस्कान सहित बिनाझन्झट कार्यसम्पादन र सेवाप्रवाह हुने प्रमुख प्रशासकिय अधिकृत पाण्डेयले बताउनु भयो ।

योजना तथा अनुगमन शाखाका रुद्रहरी पुरीले ३ सय ३१ योजना मध्ये ३ सय २६ सम्पन्न भएकको ४ वटा बहुबर्षिय रहेको र एउटा ययोजना असफल भएको प्रतिबेदन प्रस्तुत गर्नु भयो ।

पूर्वाधार बिकास शाखाका मिलन श्रेष्ठले सडक, भवन, खानेपानी लगायतका योजनाको रिपोर्ट दिदै सानो रकमका योजनाले झन्झट मत्रै थपेको उल्ययख गर्नु भययो ।

स्वास्थ्य शाखा प्रमुख छत्र बहादुर अधिकारीले स्वास्थ्य क्षेत्रको प्रतिबेदन प्रस्तुत गर्दै बिभिन्न समयमा पालिकाले संचालन गरेका शिबिर निकै प्रभाबकारी रहेको उल्यख गर्नु भयो ।

शिक्षा शाखा प्रमुख झबिलाल बिकले शैक्षिक प्रतिबेदन प्रस्तुत गदै, सामुदायिक बिद्यालयमा प्रधानाध्यापक खुल्ला प्रतिशप्रधा बाट नियुक्त गर्ने कार्यबिधी तयार भई निर्णयको लागि छलफलमा रहेको बताउनु भयो । नितिगत समस्याको कारण पालिका भित्रका ३ वटा क्यम्पसले गालिकाको अनुदान प्राप्त गर्न नसकेको पनि प्रतिबेदनमा उल्यख गर्नु भएको छ ।

कृषि शाखाकी पबित्रा गौतमले पालिकामा कृषी उत्पादनमा बृद्धी भएको बताउदै आलु पकेट कार्यक्रम प्रभाबबारी रहेको उल्यख गर्नु भयो ।

पशु शाखाका प्रमुख अमीत  ज्ञवालीले रेबिज, लम्पीस्किन लगायतले पशु पालनमा क्षती पुगेको बताउदै अब पालिका सामान्य हुदै गएको उल्यख गर्नु भयो ।

प्रशासन शाखा प्रमुख राम प्रसाद ज्ञवालीले प्रशासनिक प्रतिबेदन प्रस्तुत गर्दै पालिकाले बिज्ञापन गर्दा पनि आबेदन पर्न छोडेको र कर्मचारी अभाब भएको उल्यख गर्नु भयो ।

आर्थिक प्रशासन प्रमुख हेम बहादुर कार्कीले आर्थिक प्रतिबेदन प्रस्तुत गर्नु भएको थियो ।

यसै गरि प्रधान मन्त्री रोजगार तथा न्यायीक समितिका बिष्णुु रेग्मी,आन्तरिक लेखा परिक्षणका युवराज केशी ,पंजीकरण शाखाकी सीता ज्ञवाली,लधुउद्यम बिकास शाखाकी प्रतिमा पचभैया,आयुरबेद शाखाका नन्द बहादुर गेलाङ्ग र ६ वटै वडाका सचिबहरुले आआफ्ना प्रतिबेदन प्रस्तुत गर्नु भएको थियो ।

पाल्पा तानसेन भदौ १३ । पाल्पाको जोर्तेमा पहिरोले स्कारपियो पुरिदा मृत्यु भएका सबैको सनाखत भएको छ। आज बिहान भएको उक्त घटनामा परि ३ जनाको मृत्य ८ जना घाइते भएका थिए।

तानसेन तम्घास सहायक राजमार्गको रिव्दिकोट गाउँपालिका वडा नंं २ जोर्तेमा ढुङ्गा सहितको पहिरोले रुरु रेसुङ्गा यातायात प्रा.लि.को लु १ ज ४६०० नम्वरको स्कारपियो गाडी पुरिदा ३ जनाको घटनास्थमै मृत्यु भएको हो।

मृत्यु हुनेमा रेसुङ्गा नगरपालिका वडा नंं ७ की ५० बर्षिया मनाकला चुदारा, जिल्ला प्रहरी कार्यालय गुल्मीमा कार्यरत तानसेन पाल्पाका प्रहरी सहायक हवलदार अन्दाजी बर्ष ३२ का यम बहादुर  बोहरा  र पोखरा महानगरपालिका वडा नंं २५ का विनोद तिम्सीना रहेको जिल्ला प्रहरी कार्यालय पाल्पाका सूचना अधिकारी प्रहरी नायव उपरिक्षक विरेन्द्र थापाले जानकारी दिए।

मृतक तिम्सीनाको पर्समा भेटिएको परिचयपत्रको आधारमा पहिचान गरिएको डिएसी थापाले बताए। ढुङ्गा सहिताको सुख्खा पहिरोले स्कारपियोको पछाडीको भाग क्षत विक्षत भएको छ मृतकहरु समेत पुर्ण रुपमा किचिएका थिए।

तम्घास बाट बुटवल तर्फ जादै गरेको जिप विहान करीव सवा ८ बजेको समयमा पाल्पाको जोर्तेमा पहिरोमा पुरिएको हो। घाइते भएका ८ जनाको लुम्विनी मेडिकल कलेज प्रभासमा उपचार भईरहेको चालक सकुसल रहेको सूचना अधिकारी थापाले बताए।

घाइते मध्ये एक जनाको बाहेक अन्य ७ जनाको अवस्था समान्य रहेको पाल्पा प्रहरीले जनाएको छ। दुर्घटना स्थल पहिरो स्थलमा डिभिजन सडक कार्यालय पाल्पाले राती १० बजे देखी विहान ४ बजे सम्म सडक बन्द गरी स्तरउन्नती गर्दै आएको थियो ।

हुमाकान्त पाेखरेल, भदौ १२,गुल्मी
गुल्मी अस्पतालकाे लाहापरवाहीले एकजना बिरामीको ज्यान गएको छ । अर्घाखाँची जिल्लाकाे छत्रदेव गाउँपालिका वडा नम्बर ०७ काउले निवासी राजेश मरासिनीकी छाेरी सात बर्षिय प्रशंसा मरासिनीकाे मंगलबार बिहान ७:४५ बजे मृत्युु भएको हाे ।

प्रशंसाका आफन्त देवीराम पन्थीका अनुसार बच्चालाई साेमबार बिहान ११ बजे गुल्मी अस्पताल ल्याइएको हाे । सामान्य पेट दुखेर अस्पताल ल्याएको बच्चाले दिउँसो बान्ता गरेपछि भर्ना गरिएको थियाे। आज बिहान ६ बजेकाे समयमा बच्चा निदाएकै समयमा एक्कासि इन्जेक्सन लगाइएकाे थियाे । इन्जेक्सन लगाउदाबित्तिकै बच्चा बेहाेस भएपछि बिरामीका आफन्तले डाक्टरलाई बाेलाउन आग्रह गरे । तर नर्सहरूले समयमै डाक्टर नबाेलाउदा र लाहापरवाही गर्दा इन्जेक्सन लगाएको केही समयमै बच्चाकाे ज्यान गएकाे पन्थीले बताए ।

गुल्मीदरबार गाउँपालिकाका स्वास्थ्य संस्थाहरुको समिक्षा सम्पन्न ।
भदौ ११

गुल्मीदरबार गाउँपालिकाका स्वास्थ्य संस्थाहरुको समिक्षा गरिएको छ । गत आर्थिकवर्षमा स्वास्थ्य संस्थाहरुद्धारा प्रदान गरिएका सेवा र प्रगतिको शनिबार समिक्षा गरिएको हो ।

गाउँपालिकाको सभाहलमा पालिका भित्रका सात वटै स्वास्थ्य संस्था र पालिकाको स्वास्थ्य शाखाको प्रगति समिक्षा गरिएको हो । पालिकाको स्वास्थ्य शाखाको शाखा प्रमख नारायण अर्याल र अन्य सातवटा स्वास्थ्य संस्थाहरुको संस्था प्रमुखहरुले प्रगति प्रस्तुत गरेका थिए ।

सोही कार्यक्रममा स्वास्थ्य संस्थाहरुले स्वास्थ्य सम्बन्धी सन्देशमूलक गीत
र नृत्य समेत प्रस्तुत गरेका थिए । उक्त कार्यक्रममा स्वास्थ्य स्ंवयसेविकाहरुलाई
प्राथमिक उपचारका लागि किट बक्स समेत प्रदान गरिएको थियो ।

समिक्षा कार्यक्रमलाई सम्बोधन गर्दै पालिका अध्यक्ष सरोजकुमार थापा र उपाध्यक्ष तारा थापा ढेंगाले पालिका भित्रका नागरिकहरुको स्वास्थ्यप्रति पालिकाले पहिलो प्राथमिकता दिएको बताएका छन् ।

कार्यक्रममा राजनीतिक दलका प्रमुख तथा प्रतिनिधहरु, जनप्रतिनिधि ,स्वास्थ्य
कार्यालयका प्रमुख पशुपति आचार्य र पत्रकारहरुको उपस्थिति रहेको थियो । वडा नम्वर तीनका वडा अध्यक्ष रामबबहादुर थापाको अध्यक्षतामा कार्यक्रमको संचालन स्वास्थ्य शाखा प्रमुख नारायण अर्यालले गरेका थिए ।