Category: राष्ट्रिय

  • सनातन धर्मावलम्बी महिलाहरु आज उमामहेश्वरको व्रत तथा पूजा-आराधना गरी तीज पर्व मनाउँदै

    सनातन धर्मावलम्बी महिलाहरु आज उमामहेश्वरको व्रत तथा पूजा-आराधना गरी तीज पर्व मनाउँदै

    भदौँ-१०
    भाद्र शुक्ल तृतीया अर्थात् तीज पर्व सनातन धर्मावलम्बी महिलाहरु मंगलबार उमामहेश्वरको व्रत तथा पूजा-आराधना गरी मनाउँदैछन्।

     

    भाद्र शुक्ल तृतीयाका दिन बिहान सबेरै उठी स्नान गरी दिन भर व्रत बस्ने र उमामहेश्वरको आराधना गर्ने परम्परा रहेको छ।

    सत्ययुगमा हिमालय र मेनकाकी पुत्री पार्वतीले निराहार व्रत बसी कठिन तपस्या गरेको र महादेव पति पाएको पौराणिक सन्दर्भ छ। त्यसैले विधिपूर्वक व्रत बस्दा मनोकांक्षा सिद्ध हुने विश्वास गरिन्छ।

     

    सक्नेले दिनभर पानीसमेत नखाई व्रत बस्ने साँझ पौराणिक विधिले उमामहेश्वरको पूजा गर्ने, कथा सुन्ने विधान छ। धर्मशास्त्री प्रा.डा. रामचन्द्र गौतमले निराहार, जलाहार र फलाहार गरी व्रतका तीन किसिम रहेको बताउनु भयो। ‘सक्नेले निराहार, नसक्नेले जलाहार र जलाहार पनि नसक्नेले फलाहार व्रत बस्नु उत्तम हुन्छ’, उहाँले भन्नु भयो भोलिपल्ट सबेरै ‘लोापामुद्रा’लाई अर्घ्य दिए पछि तीजको व्रत पूर्ण भएको मानिन्छ।

     

    विवाहिताले पति र छोराछोरीको सुस्वास्थ्यको कामना गर्ने र अविवाहिताले असल पतिको कामनामा व्रत बस्ने परम्परा छ। अटल सौभाग्य र असल सन्तान प्राप्तिको कामना सहित विवाहितले तथा असल वर तथा वधुप्राप्तिका लागि अविवाहितले ​पनि तीजको व्रत बस्ने विधान रहेको धर्मशास्त्री ​प्राडा देवमणि भट्टराईले बताउनु भयो। व्रतलाई संकुचित अर्थमा लिन नहुने उहाँको भनाइ छ।

     

    आज काठमाडौंस्थित पशुपतिनाथ, गोकर्णेश्वर, ललितपुरको कुम्भेश्वर, सन्तानेश्वर, सिन्धुलीको कुशेश्वर, सिन्धुपाल्चोकको फटकेश्वर र दोलखाको भीमेश्वरलगायत देशभरका शिवालय मन्दिरमा श्रद्धालुको घुइँचो लाग्छ।

     

    तीजका लागि माइतीले चेलिबेटीलाई निम्तो गर्ने, सम्भव भएसम्म सबै दिदीबहिनी एकै थलोमा जम्मा हुने र अघिल्लो दिन बेलुकी ‘दर’ खाने चलन छ। वर्षभर घरव्यवहारमा भोगेका दुःखकष्ट सामूहिकरूपमा पोखेर उनीहरू नाचगान गर्छन्।पछिल्लो समय तीज मनाउने मौलिक परम्परा भने फेरिदैँ गएको छ।

  • सत्यवतीका जुम्लिया दिदीबहिनी SEE २०८१ मा उत्कृष्ट नतिजासहित उत्तीर्ण

    सत्यवतीका जुम्लिया दिदीबहिनी SEE २०८१ मा उत्कृष्ट नतिजासहित उत्तीर्ण

    असार १४ रिडी
    चुरामणी तिमिल्सिना

    सत्यवती गाउँपालिका–५ हसरा निवासी लेखनाथ भण्डारी र बिष्णा देवी भण्डारीका जुम्लिया छोरीहरू निशा भण्डारी र ईशा भण्डारीले माध्यमिक शिक्षा परीक्षा (एसईई) २०८१ मा उत्कृष्ट नतिजासहित सफलता हासिल गरेका छन्।

    निशाले ३.५३ जीपीए र ईशाले ३.७ जीपीए प्राप्त गर्दै दुवै जना उत्तीर्ण भएका हुन्। उनीहरू सत्यवती बहुमुखी क्यापस हसरा केन्द्रबाट परीक्षा दिएका थिए।
    यस सफलतापछि उनीहरूले आगामी दिनमा विज्ञान विषय लिएर अध्ययन गर्ने योजना बनाएको अनलाइन खबरसँग प्रतिक्रिया दिँदै बताएका छन्।
    “हामीले घरबाटै इमान्दारिता र अनुशासनको पाठ सिक्दै आएका हौं। विद्यालयको सहायताले हामी अझ धेरै उत्साहित भएका थियौं,” – ईशा भन्छिन्।

    नतिजापछि उनीहरूले विद्यालय, आदरणीय गुरुवर्ग, अभिभावक, दाजुभाइ तथा दिदीबहिनीप्रति आभार प्रकट गरेका छन्।
    “हामीले आज बुवा–आमाको इज्जत अगाडि बढाएका छौं भन्ने महसुस गरेका छौं,” – निशा भन्छिन्।
    विद्यालयले सञ्चालन गरेका अतिरिक्त कक्षाहरू पनि यस सफलताको महत्त्वपूर्ण आधार भएको उनीहरूले बताएका छन्।

    उता, बुवा लेखनाथ भण्डारी र आमा बिष्णा देवी भण्डारीले आफ्ना सात सन्तानमध्ये ६ छोरीहरूले एसईई परीक्षा उत्तीर्ण गरिसकेको र अहिले सबै उच्च शिक्षा अध्ययनमा रहेका जानकारी दिएका छन्।
    एक छोरा क्याम्पस अध्ययनसँगै घरायसी कार्यमा सघाउँदै आइरहेका छन्।

    “मेरो सपना थियो, छोराछोरीले कम्तिमा एसईई पास गरून्। आज त्यो सपना पुरा भएको छ,” – पिता लेखनाथ भन्छन्, “विद्यालयले देखाएको सद्भाव, मायाले आज यो सम्भव भएको हो।”

    जुम्लिया छोरीहरूका सफलताले भण्डारी परिवारमा मात्र होइन, समग्र समुदायमा पनि खुसी छाएको छ।

  • सौर्य एयरलाइन्सको जहाज दुर्घटना , चार जनाको शव निकालियो, उद्धार जारी

    सौर्य एयरलाइन्सको जहाज दुर्घटना , चार जनाको शव निकालियो, उद्धार जारी

    साउन ९  काठमाडौँ

    त्रिभुवन अन्तर्राष्ट्रिय विमानस्थल नजिकै सौर्य एयरलाइन्सको ९एन–एएमई (सीआरजे २००) जहाज दुर्घटनामा परेको छ ।यो जहाजले धावनमार्ग छाड्नासाथ भुईमा बजारिएको पाइएको हो ।

    दुर्घटनापछि अहिले उद्धार जारी छ। प्रारम्भिक जानकारीअनुसार अहिले अग्नि नियन्त्रकहरूले चार जनाको शव निकालेका छन् । विमानमा सवार अन्यको अवस्थाबारे आधिकारिक विवरण आउने क्रममा छ ।

    विमानस्थलका अधिकारीहरूका अनुसार विमानले अन्य विमानहरूलाई क्षति पुर्‍याएको छैन । विमानस्थल नजिकका घरहरूमा पनि कुनै क्षति पुगेको छैन ।

    बुधबार करिब ११ बजे सौर्य एयरलाइन्सको जहाज पोखरा उड्ने क्रममा रनवेबाट दुर्घटनामा परेको थियो । विमानस्थलका प्रवक्ता प्रेमनाथ ठाकुरका अनुसार त्रिभुवन विमानस्थलबाट पोखरा उड्ने क्रममा सौर्यको जहाज दुर्घटनामा परेको हो । उक्त विमानमा चालक दलका सदस्यसहित १९ जना रहेको उनले बताए । सुरक्षाकर्मी र विमानस्थलका फायरफाइटरहरु आगो निभाउन लागि परेका छन् ।

    अहिले उद्दारको काम चलिरहेको छ ।दुर्घटनाबारे थप विवरण आउन बाँकी छ ।

  • एकाएक बन्द भएको फेसबुक, मेसेन्जर र इन्स्टाग्राम सुचारु

    एकाएक बन्द भएको फेसबुक, मेसेन्जर र इन्स्टाग्राम सुचारु

    फागुन २३

    गए राति करिब ९ बजेपछि फेसबुक, मेसेन्जर र इन्स्टाग्राम एकाएक स्वतः लगआउट भए ।

    कतिपय प्रयोगकर्ताले हतार हतार पासवर्ड परिवर्तन गर्ने प्रयाससमेत गरे । अधिकांशले आफ्नो सञ्जाल ह्याक भएको अनुमान समेत गरे ।

    तर, साढे नौ नबज्दै फेसबुक, मेसेन्जर र इन्टाग्राम नेपालमा मात्रै नभई, विश्वभरि नै ‘डाउन’ भएको समाचार सार्वजनिक भयो ।

    त्यसको करिब आधा घण्टापछि गुगल लगायत अन्य ठूला वेबसाइटमा समेत समस्या देखियो ।

    अन्ततस् करिब एक घण्टा बढी डाउन भएपछि फेसबुक, मेसेन्जर र इन्टाग्रामको सेवा सुचारु भयो । यो समस्या प्रबिधिक कारणले भएकको बताइएको छ ।

  • नक्कली शरणार्थी प्रकरणमा टोपबहादुर रायमाझी र बालकृष्ण खाँण थुनामा नै रहने

    नक्कली शरणार्थी प्रकरणमा टोपबहादुर रायमाझी र बालकृष्ण खाँण थुनामा नै रहने

    नक्कली शरणार्थी प्रकरणमा टोपबहादुर रायमाझी र बालकृष्ण खाँण थुनामा नै रहने ।
    मंसिर १५
    नक्कली शरणार्थी प्रकरणमा थुनामा रहेका मध्ये पूर्वमन्त्रीहरु टोपबहादुर रायमाझी र बालकृष्ण खाँण थुनामा नै रहने भएका छन् ।

    उच्च अदालत, पाटनलले आज फैसाला सुनाउँदै रायमाझी र खाँणलाई थुनामा राखेर अनुसन्धान गर्न आदेश दिएको हो ।
    न्यायाधीशहरू प्रकाश खरेल र जनक पाण्डेको संयुक्त इजलासले आज भुटानी शरणार्थी नेता टेकनाथ रिजाललाई भने १५ लाख रुपैयाँ धरौटीमा छाड्न आदेश दिएको छ ।

    पूर्वगृह मन्त्री बालकृष्ण खाँडलाई धरौटीमा छाड्ने वा थुनामा राख्ने भन्ने विषयमा न्यायाधीशबीच मत बाझिएको अदालत स्रोतले बताएको छ ।

  • नलगाढ नगरपालिकाकी उपप्रमुख सिंहको   भूकम्पमा परेर  मृत्यु

    नलगाढ नगरपालिकाकी उपप्रमुख सिंहको भूकम्पमा परेर मृत्यु

    जाजरकोटमा शुक्रबार राति गएको शक्तिशाली भूकम्पमा परी नलगाढ नगरपालिकाकी उपप्रमुख सरिता सिंहको निधन भएको छ । सदरमुकाम खलंगामा सिंह बसेको घर भत्किँदा उनको निधन भएको जिल्ला प्रहरी कार्यालयका डीएसपी सन्तोष रोकाले जानकारी दिए ।

     

    उद्धार गरेर अस्पताल पठाउँदै गर्दा बाटोमा नै उहाँको मृत्यु भएको हो,’ रोकाले भने । सिंह गत स्थानीय निर्वाचनमा नेपाली कांग्रेसबाट उपप्रमुख पदमा निर्वाचित भएकी थिइन् ।

  • प्रधानमन्त्रीसहितको स्वास्थ्य टोली भूकम्प गएको ठाउँ तर्फ जाँदै,मौसमका कारण जान केही ढिलाइ, केही सडकहरू बन्द

    प्रधानमन्त्रीसहितको स्वास्थ्य टोली भूकम्प गएको ठाउँ तर्फ जाँदै,मौसमका कारण जान केही ढिलाइ, केही सडकहरू बन्द

    प्रधानमन्त्रीसहितको स्वास्थ्य टोली भूकम्प गएको ठाउँ तर्फ जाँदै,मौसमका कारण जान केही ढिलाइ, केही सडकहरू बन्द ।
    कार्तिक १८ शनिबार

    जाजरकोटमा गएराती गएको भूकम्पमा परी घाइतेको उद्धार तथा उपचारका लागि प्रधानमन्त्रीसहितको स्वास्थ्य टोली त्यस क्षेत्रमा जाने भएको छ ।

    त्यसका लागि औषधिसहितको स्वास्थ्य टोली र हेलिकोप्टर तयारी अवस्थामा रहेको छ ।

    मौसमका कारण त्यस क्षेत्रमा जान केही ढिलाइ भएको छ, प्रधानमन्त्री जान तयारी अवस्थामा रहेको प्रधानमन्त्रीका प्रेस सल्लाहकार गोविन्द आचार्यले बताउनु भयो। जाजरकोटको रामीडाँडा केन्द्रबिन्दु भएर शुक्रबार चार पटक भूकम्प गएको छ । राति ११स्४७, १२स्०८, १२स्२९ र १२स्३५ गरी ४ पटकको क्रमशः ६।४, ४।८, ४।२ र ४।३ म्याग्निच्युडको भूकम्प गएको थियो ।

    घाइतेको तत्काल खोज तथा उद्धारका लागि सुरक्षाका तीनवटै निकाय, स्थानीय पालिकाका प्रतिनिधि, स्थानीय लाग्नुभएको छ।

    सुर्खेतलगायत छिमेकी जिल्लाहरूबाट खोज उद्वारका लागि तिनवटै निकायका थप सुरक्षाकर्मीहरू पनि परिचालन गरिसकेको बताईएको छ। केही सडकहरू बन्द भएका छन्।

    खोज, उद्वार तथा उपचार व्यवस्थाका लागि प्रधानमन्त्री सहितको स्वास्थ्यकर्मीको टिम अहिले स्थलगत जाँदैछ। बिहानैदेखि घाईतेहरूको खोज तथा उद्वार र उपचारका लागि मेडिकल टिमसहित सुर्खेतबाट कम्तीमा ३ हेलिकप्टर परिचालन हुनेछन्।

  • शुक्रबार राति ११ बजेर ४८ मिनेट जाँदा भूकम्पको धक्का महसुस

    शुक्रबार राति ११ बजेर ४८ मिनेट जाँदा भूकम्पको धक्का महसुस

    केहि समय अगाडी जाजरकोट केन्द्रबिन्दु भएर ६.४ म्याग्निच्युडको भूकम्प गएको पुष्टि ।
    कार्तिक १८ शनिबार

    केहि मिनेटप अगाडी शुक्रबार राति ११ बजेर ४८ मिनेट जाँदा भूकम्पको धक्का महसुस भएको छ।
    गुल्मी लगायत आसपासका जिल्लामा धक्का महसुस गरिएको हो ।

    ६.४ म्याग्निच्युडको भूकम्प गएको पुष्टि भएको छ । राष्ट्रिय भूकम्प मापन केन्द्रका प्रमुख लोकविजय अधिकारीले राति ११ बजेर ४७ मिनेटमा जाजरकोट केन्द्रबिन्दु भएर सो भूकम्प गएको बताए ।जाजरकोटको रामेडाँडा आसपास केन्द्रबिन्दु भएर भूकम्प गएको पुष्टि भएको छ’, उनले भने । भूकम्पको धक्का देशैभरजसो महसुश भएको थियो ।भूकम्पबाट जाजरकोटसहितका जिल्लाहरुमा घरहरुमा क्षति पुगेको प्रारम्भिक विवरण प्राप्त भएपनि थप विवरण प्राप्त हुन सकेको छैन ।

  • आमाको नामबाट नागरिकता प्रदान

    आमाको नामबाट नागरिकता प्रदान

    आमाको नामबाट नागरिकता प्रदान ।
    कार्तिक १५

    जिल्लामा पहिलो पटक बाबु नभएको स्वघोषणा गरेर नागरिकता दिइएको छ । हिजो जिल्ला प्रशासन कार्यालयले भरतपुर महानगरपालिका–१२ का १९ वर्षीय विशाल उपाध्यायलाई आमाको नामबाट नागरिकता दिइएको हो ।

    मायादेवी उपाध्यायको छोरा विशाल उपाध्यायले बुबा रमाकान्त हालसम्म पहिचान हुन नसकेको भन्दै स्वघोषणा गरेसँगै उनलाई आमाको नामबाट नागरिकता दिइएको सहायक प्रमुख जिल्ला अधिकारी चीरञ्जीवी शर्माले जानकारी दिए । उनका अनुसार नेपालको नागरिकता ऐनको पहिलो संशोधन र नियमावलीको तेस्रो संशोधनअनुसार नागरिकता दिइएको हो ।

    स्वघोषणा गरेपछि नागरिकता प्राप्त गरेका बाबु पहिचान भए स्वघोषणा गर्नेहरुलाई कारबाही हुने व्यवस्था छ ।

    श्रीमान् १८ वर्षदेखि सम्पर्कमा नआएपछि स्वघोषणा गर्न बाध्य भएको आमा मायादेवीले बताइन् । उनले भनिन्, “छोरो जन्मिएको एक वर्षपछि छोराको बुबा हराउनुभएको हो । अहिलेसम्म सम्पर्कमा आउनुभएन ।”

  • आज बाट  उपत्यका सहित देशभर ४८ स्थानमा सुपथ मूल्य पसल सञ्चालनमा

    आज बाट उपत्यका सहित देशभर ४८ स्थानमा सुपथ मूल्य पसल सञ्चालनमा

    आजदेखी   सरकारले चाडपर्व लक्षित सस्तो पसल सञ्चालन गर्दैछ ।
    -काठमाडौं उपत्यकामा रहेका आठ बिक्री केन्द्र र तीन घुम्ती पसलसमेत गरी जम्मा ३५ स्थानमा बिक्रीस्थल रहने । जनाइएको छ ।

    -राजधानीबाहिर मोरङ, झापा, ताप्लेजुङ, संखुवासभा, सोलुखुम्बु, दिक्तेल, भोजपुर, ओखलढुंगा, खोटाङ, सिराहा, जनकपुर, पर्सा, काठमाडौं, ललितपुर, भक्तपुर, कास्की, तनहुँ, गोरखा, मनाङ, मुस्ताङ, रुपन्देही, बाँके, दाङ, बर्दिया, रुकुम–पूर्व र रुकुम–पश्चिम, रोल्पा, सुर्खेत, गुल्मी, दैलेख, डोल्पा, कालीकोट, हुम्ला, जाजरकोट, जुम्ला, मुगु, कैलाली, डडेल्धुरा, बाजुरा, बझाङ, अछाम, दार्चुला, महेन्द्रनगर गरी ४२ जिल्लाका ४८ स्थानमा खाद्य व्यवस्था तथा व्यापार कम्पनीका सहुलियतपूर्ण पसल रहनेछन् ।

    -सहुलियत मूल्य पसल सञ्चालनका लागि सरकारले खाद्य व्यवस्था तथा व्यापार कम्पनीलाई दुई करोड ३२ लाख २० हजार बजेट छुट्याएको छ ।

    -साल्ट ट्रेडिङमार्फत बिक्री हुने सामानमा सहुलियत दिन सरकारले एक करोड रुपैयाँ छुट्याएको छ । साल्ट ट्रेडिङ कर्पोरेसनले चिनी प्रतिकिलो ९७ रुपैयाँमा बेच्नेछ भने बजार मूल्यको तुलनामा नुनमा प्रतिकिलो दुई र तेल तथा चिउरामा प्रतिकिलो सात रुपैयाँ छुट दिनेछ ।

    -दुग्ध विकास संस्थानले घिउमा प्रतिकिलो २०, पनिर प्रतिदुई सय ग्राममा २० रुपैयाँ छुट दिनेछ ।