Category: स्थानीय

  • पाल्पाको अर्गलीमा आलु महोत्सव सम्पन्न

    पाल्पाको अर्गलीमा आलु महोत्सव सम्पन्न

    आलु महोत्सवका केही तस्बिरहरू

  • तल्लो ग्वादी विद्यालयका सबै विद्यार्थीलाई ट्र्याकसुट सहयोग

    तल्लो ग्वादी विद्यालयका सबै विद्यार्थीलाई ट्र्याकसुट सहयोग

    चुरामणि तिमिल्सिना   रिडी

    श्रावण   २८

    रुरु क्षेत्र गाउँपालिका वडा नम्बर २ स्थित तल्लो ग्वादी आधारभूत विद्यालयमा अध्ययनरत सबै विद्यार्थीलाई ट्र्याकसुट वितरण गरिएको छ।

    यो सहयोग अधिकांश विद्यालयका पूर्व विद्यार्थी तथा केही अन्यत्र अध्ययन गरेका व्यक्तिहरूको पहलमा गरिएको हो। सामग्री हस्तान्तरण गर्दै सहयोगी कृष्ण बिकले विद्यालयका बालबालिकालाई आवश्यक सामग्री उपलब्ध गराउन पाउँदा खुशी लागेको बताउनुभयो।

    सहयोग वितरण कार्यक्रम विद्यालय व्यवस्थापन समितिका अध्यक्ष माधव ज्ञवालीको अध्यक्षतामा सम्पन्न भयो। कार्यक्रममा वडा अध्यक्ष घनश्याम अर्याल प्रमुख अतिथि रहनुभयो भने कार्यपालिका सदस्य हरि कला बराल, विद्यालयप्रेमी स्थानीय व्यक्तिहरू विशिष्ट अतिथि रहनुभयो।

    विद्यालयकी प्रधानाध्यापक सावित्रा पौडेलले यस्ता सहयोगले विद्यालयको खर्च कटौती हुनुका साथै अभिभावकलाई राहत पुगेको बताउनुभयो। साथै, सहयोगी कृष्ण बिक, मनिषा बराल, शंकर खनाल, रवि सुनार, प्रकाश ज्ञवाली, ईश्वरी ज्ञवाली, मदन बिक, लक्ष्मण बिक र विष्णु ज्ञवालीप्रति विद्यालय परिवारको तर्फबाट धन्यवाद व्यक्त गर्नुभयो।

    प्रमुख अतिथि वडा अध्यक्ष अर्यालले वैदेशिक रोजगारमा रहेका नेपाली तथा वडाबासीहरूबाट आधारभूत विद्यालय मात्र नभई अन्य विद्यालयहरूमा पनि सहयोग पुगीरहेको भन्दै आभार प्रकट गर्नुभयो। विद्यालय व्यवस्थापन समितिका अध्यक्ष ज्ञवालीले विदेशमा कमाएको रकमबाट बालबालिकाको लागि ट्र्याकसुट उपहार दिनु महान् उदाहरण भएको बताउनुभयो। कार्यक्रम व्यवस्थापन सुनिल सुनारले गर्नुभएको थियो।

  • धुर्कोट गाउँपालिका–६ रजस्थलमा सार्वजनिक सुनुवाई कार्यक्रम सम्पन्न

    धुर्कोट गाउँपालिका–६ रजस्थलमा सार्वजनिक सुनुवाई कार्यक्रम सम्पन्न

    धुर्कोट गाउँपालिका–६ रजस्थलमा सार्वजनिक सुनुवाई कार्यक्रम सम्पन्न
    २०८२/०३/०३

    गुल्मी । गुल्मीको धुर्कोट गाउँपालिका वडा नम्बर–६ रजस्थलमा सार्वजनिक सुनुवाई कार्यक्रम सम्पन्न भएको छ । कार्यक्रमको क्रममा स्थानीय जनताले उठाएका गुनासा, सुझाव र जिज्ञासाहरूको सम्बन्धित सरोकारवालाले प्रत्यक्ष जवाफ दिएका थिए ।

    गाउँपालिका उपाध्यक्ष सिता गिरी, वडा अध्यक्ष कृष्ण बहादुर नेपाली, धुर्कोट आधारभूत अस्पतालका डाक्टर लाल बहादुर थापा, धुर माध्यमिक विद्यालयका प्रधानाध्यापक लक्ष्मीप्रसाद खनाल, इन्दिरा माध्यमिक विद्यालयका प्रधानाध्यापक कृष्ण बहादुर केसी र वडा सचिव मिनबहादुर घर्ती ले जनताले राखेका प्रश्नहरूको जवाफ दिनुभएको थियो ।

    कार्यक्रममा जनताले विद्यालयको समस्या, स्वास्थ्य सेवाको असन्तुलन, कृषिमा प्रविधिको अभाव, विकास निर्माणमा ढिलाई लगायत विषयमा असन्तुष्टि व्यक्त गरेका थिए ।

    गाउँपालिका उपाध्यक्ष सिता गिरीले भन्नुभयो, “हामी प्रत्यक्ष जनतामाझ आएर उहाँहरूको समस्या सुन्न अनि समाधानको लागि जवाफदेही हुन यो कार्यक्रम गरेका हौँ । तपाईँहरूले गुनासो राख्न पाउनुभयो, हामीले जवाफ दिन पायौँ – यो नै लोकतन्त्रको सुन्दर अभ्यास हो।”

    वडा अध्यक्ष कृष्ण बहादुर नेपालीले वडाले चालु आर्थिक वर्षमा गरेका काम, आगामी योजना, बजेटको विषयमा जानकारी गराउनुभयो । साथै, नागरिकको चासोअनुसार प्राथमिकता तय गरिने कुरा पनि व्यक्त गर्नुभयो ।

    कार्यक्रममा टोल विकास समितिका अध्यक्ष, प्रतिनिधि, महिला स्वास्थ्य स्वयंसेविकाहरू, विद्यालय व्यवस्थापन समिति, महिला समूह, कृषक समूह, जनप्रतिनिधि, विद्यार्थी, स्थानिय क्लब र युवा लगायतको उल्लेखनीय उपस्थिति थियो । कार्यक्रमको सहजीकरण पत्रकार रमेश पन्थी ले गर्नुभएको थियो भने संचालन बासुदेव पोखरेल ले गर्नुभएको थियो । साथै कार्यक्रममा वडा सचिव मीन बहादुर जिसिले गाउपालिका बाट परेका योजना छनोटको प्रक्रिया , स्थानीय बालमैत्री कार्यक्रम र यसको प्रभावकारिता काम भएका योजना तथा नभएका योजनाको बारेमा जानकारी दिनु भएको थियो जसमा यो आर्थिक बर्षमा ७७ वटा योजना परेकोमा ६७ वटा सम्पन्न भएको , ७ वटा भुक्तानी हुन बाकी , ३ वटा काम नभएको बताउनु भयो । यस्तै वडा स्तरमा ४ वटा सप्टोयर , ८ वटा बाल क्लब दर्ता रहेको पनि उहाले बताउनु भयो ।धुर्कोट गाउपालिका वडा न ६ मा यश आर्थिक बर्षमा १ करोड ८७ लाख २८ हजार ३२”रुपैया सामाजिक सुरक्षा तर्फ बितरण गरि भने ५५३ जनाले लाभ लिनु भएको छ यस्तै राजस्व तर्फ यो आर्थिक बर्षमा ४ लाख उठाउने लक्ष्य रहेता पनि ३लाख ६० हजार राजस्व उठाइएको उहाले छ । भने अर्को बर्ष मा ५ लाख उठाउने लक्ष्य रहेको सचिव घर्तीले बताउनु भएको छ । धुर्कोट गाउपालिका वडा न ६ मा यो बर्ष १९ परिवार बसाइँ सराइ गरेको बताउनु भयो ।

  • जनकल्याण आमा समूहको अधिवेशन : महिला सशक्तीकरण र संस्कृति संरक्षणमा नयाँ कदम

    जनकल्याण आमा समूहको अधिवेशन : महिला सशक्तीकरण र संस्कृति संरक्षणमा नयाँ कदम

    चुरामणि तिमिल्सिना

    जेष्ठ  १६रिडी

    जनकल्याण आमा समूह रुरुक्षेत्र गाउँपालिका गुल्मीको अधिवेशन तथा साधारण सभा सम्पन्न भएको छ। सभामा सस्थाकी अध्यक्ष लक्ष्मी ज्ञवालीको अध्यक्ष रहेको थियो। कार्यक्रममा रुरु क्षेत्र गाउँपालिका वडा नम्बर १ का वडा सदस्य सुशीलकुमार श्रेष्ठको प्रमुख आतिथ्यता रहेको थियो। । ३३ जना दिदीबहिनीहरु रहेको संस्थामा दुई जना दिफि बैनि थप गरी अहिले ३५ जनाको समूह बनेको छ। ग्रामीण भेगमा हुने विवाह, व्रतबन्ध पूजाआजा तथा दुःखदको घडीमा घरमै पुगेर हरेक किसिमका सहयोग साथ दिँदै र सल्लाह समेत प्रदान गर्दै आइरहेको यो आमा समूहले अधिवेशन तथा साधारण सभा मा वार्षिक रूपमा गरेका गतिविधि तथा आर्थिक कारोबार समेत प्रष्ट रुपमा सभामा प्रस्तुत समेत गरिएको थियो।

    २०५१ सालमा स्थापना भएको यस आमा समूहले समाजमा राम्रो प्रभाव पारेको भन्दै स्थानीयले खुसी व्यक्त गर्नुका साथै धन्यवाद समेत व्यक्त गरेका छन्। कार्यक्रममा संस्थालाई योगदान गरेबापत पूर्व अध्यक्षहरू लक्ष्मी ज्ञवाली माया खनाल र पदमा थापालाई फुलटिका माला र विशेष मायाको चिनो प्रदान गरी सम्मान समेत गरिएको थियो।

    अधिवेशनमा सावित्रा थापाको अध्यक्षतामा नयाँ कार्य समितिसमेत चयन गरिएको छ। जसको उपाध्यक्षमा रमा थापा सचिवमा बिमला पराजुली सहसचिव गीता ज्ञवाली कोषाध्यक्ष चम्पा थापा रहेका छन् गाउँघर प्रवेश सहरी क्षेत्र तथा बजार क्षेत्रमा कला संस्कृति, परम्परा, रीतिरिवाज , लोकभाका, लोकभजन र ग्रामीण तहमा पूजाआजामा घन्किने तिनी माहोल हरूलाई पनि यी संस्थाले जोगाई राख्दै विशेष कार्यक्रममा आमन्त्रण गरेमा पस्किदै समेत आएको पूर्व अध्यक्ष पदमा थापाले बताउनुभयो
    कार्यक्रममा सामाजिक व्यक्तित्व रामहरी ज्ञवाली शैक्षिक व्यक्तित्व दीपक ज्ञवाली गोविन्दप्रसाद भट्टराई नरबहादुर खनाल लगायतको आतिथ्यता रहेको थियो। समारोहलाई सम्बोधन गर्दै प्रमुख अतिथि सदस्य श्रेष्ठले ग्रामीण भेगमा यस्ता किसिमका आमा समूह रहनुपर्ने ग्रामीण भेगलाई कार्यमा कुशलता प्रदान गर्नुपर्ने स्थानीय तहसँग मिलेर हरेक गतिविधि अगाडि बढाउन नितान्त आवश्यक रहेकाले स्थानीय सँग हरेक कार्यक्रममा हातेमाले गर्न समेत आग्रह गर्दै यस संस्थाले गरेका हरेक गतिविधि समाजका निम्ति मार्गदर्शक बनेको समेत बताउनुभयो। उहाँले यस आमा समूहका निम्ति आफूले पनि वडापालिका तथा आफ्नो व्यक्तिगत तर्फबाट पनि हरेक किसिमको सहयोग सद्भाव प्रदान गर्न कहिले पनि पछाडि नहट्ने प्रतिबद्धता जाहेर गर्नुभयो। कार्यक्रमका वक्ताहरूले यस महिला समूहले गरेका कार्यहरूको प्रशंसा समेत गरेका थिए। कार्यक्रमको सञ्चालन माया खनालले गर्नुभएको थियो। समारोहमा बिच बिचमा समाजका विषय बस्तुलाइ समेटदै प्रतिभाहरु ,झाकिहरु समेत प्रस्तुत गरिएको थियो।

  • गोलपोखरी–चौरफाँट झोलुङ्गे पुल उद्घाटन, डेढ घण्टाको दूरी अब ५ मिनेटमा

    गोलपोखरी–चौरफाँट झोलुङ्गे पुल उद्घाटन, डेढ घण्टाको दूरी अब ५ मिनेटमा

    चुरामणि तिमिल्सिना  जेष्ठ  १६ रिडी

    रुरुक्षेत्र गाउँपालिका वडा नम्बर १ र २ मा निर्माण सम्पन्न भएको गोलपोखरी थोर्गा चौरफाँट झोलुङ्गे पुलको बिहीवार औपचारिक कार्यक्रमका साथ उत्घाटन गरिएको छ । निर्माण सम्पन्न भएको लुम्बिनी प्रदेश सरकारका माननीय भौतिक पूर्वाधार विकास मन्त्री तथा कार्यक्रमका प्रमुख  अतिथि भूमिश्वर  ढकालले रिवन   काटेर  तथा  शिला अनावरण गर्दै पुलको उद्घाटन गर्नुभयो। ३४२ मिटर लम्बाइ रहेको पुल रुरुक्षेत्र गाउँपालिका वडा नम्बर १ थोर्गा च्युरेक र वडा नं २ ग्वादी का बासिन्दाहरूलाई प्रत्यक्ष फाइदा पुग्नेछ।

    झन्डै डेढ घण्टाको यात्रा गर्नुपर्ने अवस्थालाई पुल निर्माण भएपछि ५ मिनेटमै यात्रा गर्न सकिने भएको छ। यसरी यो पुल बनेपछि स्थानीय वासीमा खुसी समेत छाएको छ। पुल उद्घाटन समारोहमा लुम्बिनी प्रदेश सरकारका भौतिक पुर्बाधार बिकास मन्त्रालय ,लुम्बिनि प्रदेशका सचिब भिमार्जुन पाण्डे को विशिष्ट आतिथ्ययता रहेको थियो । कार्यक्रममा रुरुक्षेत्र गाउँपालिकाका अध्यक्ष यदु ज्ञवालीको अध्यक्षता रहेको थियो। समारोहमा गाउँपालिकाका प्रमुख प्रशासकीय अधिकृत लक्ष्मण पाण्डे ,विभिन्न वडाका वडाध्यक्ष, कार्यपालिका सदस्यहरू वडा सदस्यहरू राजनीतिक दल , स्थानीय बासिन्दाहरू महिला समूह आमा समूह बौद्धिक व्यक्तित्वहरु शिक्षाप्रेमी महानुभावहरु, विभिन्न संघसंस्थाका प्रमुखहरु, सञ्चारकर्मी सुरक्षा निकाय लगायतको आतिथ्यता रहेको थियो।

    गाउँपालिका उपाध्यक्ष मिनादेवी गौतमले कार्यक्रममा स्वागत मन्तव्य राख्नुभएको थियो।

    मन्तव्य राख्दै यस क्षेत्रका बासिन्दालाई यो पुलले ठूलो फाइदा पुगेको र समय समेत बचत हुने हुँदा निकै सहज भएको बताउनु भयो। कार्यक्रममा प्रमुख अतिथि माननीय मन्त्री ढकालले गाउँघरको बसाईसराई रोक्न कृषि क्षेत्रलाई व्यवस्थित गर्नका निम्ति पर्यटन प्रवर्धनका निम्ति यस्ता किसिमका पुलहरू बनाउनुपर्ने नितान्त आवश्यक भएको बताउँदै हरेक क्षेत्रमा यसले सहयोग पुग्ने बताउनुभयो।

    ग्रामीण भेगमा प्रायगरी मोटर बाटोको स्तर उन्नति कमी हुनु र धेरै टाढाको दूरी भएर यात्रा गर्नुपर्ने अवस्था भएकोले यस्ता स्थानहरूमा सानै बजेटका भएतापनि यस्ता झोलुङ्गे पुलहरू पनि आवश्यक रहेको बताउनुभयो। उहाँले स्व. समाजसेवी तथा धार्मिक प्रेमी ज्ञानहरी पार्क समेत उद्घाटन गर्दै शालिक अनावरण गर्नुभयो। उहाँले थप्दै भनु भयो कि समाजमा योगदान दिनुभएका समाजका हरेक क्षेत्रमा तन ,मन, धन दिएर योगदान पुर्याउनु भएका व्यक्तित्वहरुलाई यसरी सम्झिदा उहाँहरूको आत्माले सदैव शान्ति मिल्नेछ भन्ने तथा परिवारलाई समेत सहानुभूति मिल्ने बताउनुभयो। ज्ञवाली समाजका एक अगुवा व्यक्तित्वको रुपमा चिनिन्हुन्थियो चाहे राजनीतिक यात्रा ,सामाजिक, धार्मिक विकास प्रेमी का रूपमा समाजले चिन्दै आएको थियो। उहाँको मृत्युपछि समाज र स्थानीय तहले उहाँको सम्झनाका निम्ति परिवारको समेत संलग्नतामा उहाँलाई सधैं सम्झनाका निम्ति यो पार्क निर्माण गरिएको पालिका अध्यक्ष ज्ञवालीले बताउनुभयो। कार्यक्रममा अध्यक्ष ज्ञवाली ले निर्माणको जिम्मेवारी प्राप्त गरेको रामकृष्ण यश आर जेबी कम्पनीलाई काम सम्पन्न गरिदिनुभएकोमा पालिकाको तर्फबाट धन्यवाद व्यक्त गर्नुभयो। यो पुलले स्थानीय बासिन्दालाई प्रत्यक्ष फाइदा पुगेको र सर्वसाधारणलाई समेत समयको निकै बचत भएको बताउनुभयो। उहाँले कार्यक्रममा थप्दै ग्रामीण भेगमा स्तर उन्नति हुन बाँकी रहेका सडक हरुलाई समेत आगामी बजेटमा उल्लेख गरी प्रदेश सरकार र संघीय सरकारमा समेत पहल गर्ने र केही वर्षभित्रै हरेक सडक हरू कालोपत्रे हुने कुरामा आफू विश्वस्त रहेको बताउनुभयो। ।कार्यक्रमको सञ्चालन पालिकाका सामाजिक विकास शाखाका प्रमुख दामोदर ज्ञवालीले गर्नुभएको थियो।

  • एकदिने नि:शुल्क पशु स्वास्थ्य तथा बाली शिविर

    एकदिने नि:शुल्क पशु स्वास्थ्य तथा बाली शिविर

    पाल्पा, जेष्ठ  १६ मदनपोखरा बहुप्राविधिक शिक्षालय Madanpokhara polytechnic Institute ले एकदिने नि:शुल्क स्वास्थ्य शिविर सञ्चालन गरेको छ । प्राविधिक शिक्षालयले गरेको उक्त एकदिने नि:शुल्क पशु स्वास्थ्य तथा बालीनाली परामर्श शिविरमा पशुकाे स्वास्थ्य चेकजाँच र कृषिमा माटोकाे परीक्षण गरिएको थियोे । एकदिने स्वास्थ्य शिविरमा पशुबस्तुहरुको निःशुल्क चेकजाँच तथा निदान भएका रोगहरूको निःशुल्क औषधि वितरण, रेबिज खोप सेवा, गोबर परीक्षण, माटो परीक्षण, थुनेलो परीक्षण जस्ता बिषयहरूमा सेवा प्रदान गरिएको थियो।

    ।समुदायमा कृषि खेती तथा पशुपालन गरिरहेका कृषकहरूकाे समस्या र समाधान बारेमा परामर्श सहित प्राविधिक शिक्षालयमा अध्ययनरत प्रशिक्षार्थी विद्यार्थीहरुलाई व्यवहारिक सीप सिकाइ अभ्यास गराउने उद्धेश्य राखी शिविर आयोजना गरिएको हाे।

    शिविरमा खेती तथा पशुपालनमा देखिने समस्याहरुका बारेमा पहिचान गराउने उद्देश्य अनुरुप शिविर संचालन गरिएको हो । प्राविधिक शिक्षालयमा अध्ययनरत विद्यार्थीहरूकाे व्यवहारिक, प्रयाेगात्मक ज्ञानदिने हेर्तुले “कृषकसँग प्राविधिक” नाम दिइएको याे कार्यक्रम प्राविधिक शिक्षालयले नियमित रुपमा गर्दै आएको छ ।

    मदनपाेखरा बहुप्राविधिक शिक्षालयले आयोजना गरेको शिविरमा डा.रजिना दाहाल, डा.सुदीप न्यौपाने, पशु सहायक दानबहादुर रम्तेलले पशुवस्तुको समस्याहरुका बारेमा उपचार तथा निदान गर्नुभएको थियो । शिविरमा यस्तै गरी बालीनालीमा देखिने समस्याहरुका बारेमा प्रतिमा ढकाल, विशाल अधिकारी र मनोज यादवले परामर्श सेवा दिनु भएको थियो ।

  • धुर्कोट गाउँपालिकाकोआयोजनामा व्यवसायिक कृषक अन्तरक्रिया सम्पन्न

    धुर्कोट गाउँपालिकाकोआयोजनामा व्यवसायिक कृषक अन्तरक्रिया सम्पन्न

    बासुदेव पोख्रेल / गुल्मी , ८ जेठ । गुल्मीको धुर्कोट गाउँपालिकाको आयोजनामा व्यवसायिक कृषक अन्तरक्रिया गोष्ठी सम्पन्न भएको छ। कार्यक्रम धुर्कोट गाउँपालिका–६, रजस्थलको सभाहलमा सम्पन्न भएको हो।

    गाउँपालिका भित्रका व्यवसायिक कृषकहरूको सहभागिता रहेको उक्त गोष्ठीमा व्यवसायिक कृषि प्रणाली, नवप्रविधि र व्यवहारिक ज्ञानबारे विस्तृत रूपमा जानकारी दिइएको थियो ।

    गोष्ठीको सहजीकरण भेटेरिनरी अस्पताल तथा पशु सेवा विज्ञ केन्द्र तम्घास गुल्मीका प्रमुख हुमकान्त पाण्डे र धुर्कोट गाउँपालिकाका पशु चिकित्सक सञ्जय प्रसाद भुसालले गर्नुभएको थियो ।

    कार्यक्रमको अध्यक्षता गाउँपालिका अध्यक्ष भुपाल पोखरेलले गर्नुभएको थियो भने उपाध्यक्ष सीता गिरी, वडा अध्यक्षहरू, कर्मचारी तथा कृषकहरूको समेत उपस्थिति रहेको थियो।

    गोष्ठीलाई सम्बोधन गर्दै अध्यक्ष पोखरेलले कृषिलाई व्यवसायिक बनाउँदै आत्मनिर्भर गाउँपालिका बनाउने लक्ष्यसहित यस्ता कार्यक्रमको निरन्तरता आवश्यक रहेको बताउनुभयो। उहाँले कृषकहरूमा सीप र चेतना वृद्धि गरी उत्पादन र आम्दानीमा सुधार ल्याउन यस्ता कार्यक्रम उपयोगी हुने धारणा राख्नुभयो।

    उपाध्यक्ष सीता गिरीले कृषकहरूको सक्रियता र जिज्ञासालाई प्रशंसा गर्दै कृषि अब परम्परागत मात्रै नभई प्रविधिमैत्री र व्यवहारिक हुनुपर्ने आवश्यकता औंल्याउनुभयो।

    सहजीकरण गर्दै प्रशिक्षक हुमकान्त पाण्डेले कृषकहरूबाट उठेका जिज्ञासाहरू समाधान गर्न पाएकोमा सन्तोष व्यक्त गर्दै साना सुधारले पनि व्यवसायिक कृषिमा ठूलो प्रभाव पार्न सक्ने बताउनुभयो ।कार्यक्रममा सहभागी कृषकहरूले गोष्ठीबाट महत्वपूर्ण ज्ञान प्राप्त भएको जनाउँदै यस्ता कार्यक्रमको निरन्तरता हुनुपर्ने मागसमेत गरेका छन् ।

  • गुल्मीको छत्रकोटमा जिप लाइन सञ्चालनमा

    गुल्मीको छत्रकोटमा जिप लाइन सञ्चालनमा

    सुर्य  सुनार पुस १२   गुल्मी

    गुल्मी जिल्लाको छत्रकोट गाउँपालिकाले जिप लाइन सञ्चालनमा ल्याएको छ । पालिकाले स्थानीय स्तरमै पर्यटन प्रवद्र्धन गर्ने उद्देश्यले संरचना निर्माण गरेर जिप लाइन सञ्चालनमा ल्याएको हो ।

    गुल्मी जिल्ला समन्वय समितिका प्रमुख द्रोणबहादुर खत्री सहित जिल्लाका १२ वटा स्थानीय सरकार प्रमुख तथा छिमेकी जिल्लाका स्थानीय सरकार प्रमुखहरूको सहभागितामा जिप लाइन शुभारम्भ गरिएको छ । जिप लाइनको शुभारम्भ कार्यक्रममा स्थानीय सरकार प्रमुखहरुले साहसिक खेल जिप लाइन चढेर त्यसको रमाइलो अनुभूति समेत लिएका थिए । पालिकाले पर्यटकीय गन्तव्य बनाउने उद्देश्यले छत्रकोट देवालय मन्दिरबाट देवी भगवती मन्दिरसम्म पुग्ने गरि जिप लाइन निर्माण गरेको छ ।

    गाउँपालिकाको वडा नम्बर–३ को छत्रकोट देवालय मन्दिर देखि अर्को भगवती मन्दिर–लुम्छा सम्म पुग्ने गरि जिप लाइन निर्माण कार्य गरिएको छ । यसले त्यस क्षेत्रमा रहेका दुईवटा मन्दिर जोडेको छ । जसले गर्दा पर्यटन प्रवद्र्धनमा ठूलो टेवा पुग्ने अपेक्षा गरिएको छ ।

    पालिकाले पर्यटन प्रवद्र्धन गर्न पालिका भित्र संरचना निर्माणसँगै धार्मिक, साँस्कृतिक र पुरातात्त्विक महत्वका धार्मिक तथा पर्यटकीय स्थलको संरक्षण, संवद्र्धन र प्रचारप्रसार गरेर आन्तरिक पर्यटनलाई थप प्रभावकारी बनाउने गरि अगाडी बढेको छ । जिप लाइनको शुभारम्भ गर्दै जिल्ला समन्वय समितिका प्रमुख द्रोर्ण खत्रीले स्थानीय सरकारले पर्यटकीय क्षेत्रमा गरेको लगानीले जिल्लाको पर्यटन प्रवद्र्धनमा टेवा पुग्ने बताउनुभयो ।


    १ हजार ८० मिटर लम्बाई रहेको जिप लाइनको ६७ मिटरको उचाइ रहेको छ जिप लाइनको ८६ लाख ७३ हजार १ सय ४४ रुपैयाँ लागतमा निर्माण भएको हो । लुम्बिनी प्रदेश सरकार र छत्रकोट गाउँपालिकाको समपूरक बजेटमा सानु सेती देवी कन्ट्रक्सन प्रालिले निर्माण गरेको छ ।

    जिप लाइन चढ्नको लागि गाउँपालिका वासीहरूको लागि ४ सय रुपैयाँ, विद्यार्थीहरूको लागि ३ सय रुपैयाँ, पालिका बाहिरका नागरिकको लागि ५ सय रुपैयाँ र विदेशी नागरिकको लागि १ हजार ५ सय रुपैयाँ शुल्क निर्धारण गरिएको पुरीले बताउनुभयो ।

  • राष्ट्रपति रनिङशिल्ड प्रतियोगितामा विजेता बनेपछि विद्यालयले गर्यो खेलाडीलाई सम्मान

    राष्ट्रपति रनिङशिल्ड प्रतियोगितामा विजेता बनेपछि विद्यालयले गर्यो खेलाडीलाई सम्मान

    चुरामणी तिमिल्सिना

    रुरु।जनबोध माध्यमिक विद्यालय रानीबास गुल्मीमा छैठौँ राष्ट्रपति रनिङ शिल्ड प्रतियोगिता २०८१ को विजेता बनेपछि विद्यालय देखि बलेट्क्सार गाउँपालिका हुँदै पुन पन्चेबाजा सहित र्याली बजार परिक्रमा गरिएको थियो । विद्यार्थी शिक्षक अभिभावक शिक्षाप्रेमी महानुभावहरू र स्थानीय महानुभावहरूको र्यालीमा सहभागिता रहेको थियो। कार्यक्रमलाई सम्बोधन गर्नका निम्ति कार्यक्रमका प्रमुख अतिथि रुरु क्षेत्र गाउँपालिकाका अध्यक्ष यदु ज्ञवाली हुनुहुन्थ्यो। उहाँले शिक्षा र खेलकुद विद्यार्थीका गहना हुन्। यसलाई अनुशासन तरिकाले बचाउन सके लगनशील तरिकाले अध्यापन गराउन सके विद्यार्थीमा ऊर्जा बन्ने विद्यालय अगाडि बढ्ने र हरेक क्षेत्रबाट विज्ञान प्रविधिबाट एवं विद्यार्थीको सहजीकरण हुन सके विद्यालय अगाडि बढ्ने कुरामा कुनै सन्देह नभएको र शिक्षक विद्यार्थी र अभिभावकलाई शिक्षण सिकाइमा निकै खट्न आग्रह गर्नुभयो। पालिकाले शिक्षा क्षेत्रमा कुनै पनि कमजोरी तरिकाले लगानी नगर्ने आवश्यक परे भौतिक संरचनामा समेत कुनै प्रकारको समस्यामा विद्यालयलाई जुन नपर्ने बताउनुभयो।

    अकार्यक्रममा विशिष्ट अतिथि गाउँपालिकाका प्रमुख प्रशासकीय अधिकृत लक्ष्मण पाण्डे रहनुभएको थियो। उहाँले बधाई तथा शुभकामना व्यक्त गर्ने क्रममा विद्यार्थीहरूले खेलकुदमा देखाएको प्रतिभालाई कदर गर्दै र अनुशासन तरिकाले प्रदर्शन गरेको देखेर धन्यवाद दिँदै हरेक क्षेत्रबाट विद्यार्थीको उर्जाहा विद्यालयले बढाएको र अनुशासनका पाठहरू समेत सिकाएको यहाँ उत्पादन भएका विद्यार्थीहरू राष्ट्रसेवक कर्मचारी मात्र नभई हरेक तहमा छरिएर रहेको आफूले अनुभव गरेको बताउनुभयो। उहाँले यस विद्यालयलाई कुनै पनि प्रकारको प्रशासनिक कार्यमा समस्या भएमा तथा शिक्षा क्षेत्रमा कुनै पनि प्रकारको समस्या भएमा सम्बन्धित निकायमा आएर खबर गर्न समेत आग्रह गर्नुभयो।

    यस्तै कार्यक्रममा गाउँपालिका शिक्षा शाखा प्रमुख तेजबहादुर कुमाल विशिष्ट अतिथिता रहेको थियो। उहाँले विद्यार्थी अनुशासन भएकै कारणले विद्यार्थीहरुले मेडल र प्रमाणपत्र जित्न सफल भएर यो उत्सव बनाउन सफल भएको हो ,यसै कारणले विद्यालयलाई हार्दिक बधाई छ। आगामी दिनमा पनि यो कार्यक्रम मा विद्यालयले सफलता प्राप्त गर्ने कुरामा अगाडि बढ्नेछ भन्ने शुभकामना व्यक्त गर्नुभयो ।
    खेलाडी सम्मान तथा बधाई ज्ञापन कार्यक्रमका अध्यक्ष रुरुक्षेत्र गाउँपालिका वडा नं ५ का वडाध्यक्ष तथा विद्यालय व्यवस्थापन समितिका अध्यक्ष हरिप्रसाद ज्ञवालीज्यू रहनुभएको थियो। समापन सत्रमा आफ्ना भनाई व्यक्त गर्दै पाँचौं पटकसम्म लगातार यस विद्यालयले गाउँपालिका स्तरीय राष्ट्रपति रनिङ सिल्ड आफ्नो पक्षमा पार्दै आएको छ। आगामी वर्ष पनि शिक्षक विद्यार्थी अभिभावकले मेहनत गरे पक्कै पनि आफ्नो पक्षमा हुने र दुईवटा रनिङ शिल्ड विद्यालयमा सजावटको रुपमा राख्न सकिने बताउँदै विद्यालयमा शिक्षा र खेलकुद लाई अगाडि बढाउन आफू र आफ्नो तह र तप्काबाट समबन्धित स्थानमा पुर्‍याउन अभिभावकसँग मिलेर आफू लाग्ने बताउँदै विद्यालयलाई कुनै पनि प्रकारले खस्किन नदिने प्रतिबद्धता जाहेर गर्नुभयो। कार्यक्रममा स्वागत मन्तव्य विद्यालयका प्रधानाध्यापक बामदेव ज्ञवालीले गर्नुभएको थियो। कार्यक्रमको सहजीकरण सहायक प्रधानाध्यापक देविराम कुवर गर्नु भएको थियो।

  • रुरुक्षेत्र गाउँपालिका गुल्मीले आउँदो २१ मा जातीय  भेदभाव तथा छुवाछुत उन्मुलन  दिवस मनाउने

    रुरुक्षेत्र गाउँपालिका गुल्मीले आउँदो २१ मा जातीय भेदभाव तथा छुवाछुत उन्मुलन दिवस मनाउने

    चुरामणि  तिमिल्सिना   रिडी  जेष्ठ  १७

    रुरुक्षेत्र गाउँपालिका गुल्मीले आउँदो जेष्ठ २१ गते जातिय भेदभाव तथा छुवाछुत उन्मुलन राष्ट्रिय दिवस मनाउने भएको छ ।कार्यक्रममा आधारभुत बिद्यालय तथा माध्यमिक बिद्यालय कक्षा ६-१२ का विद्यार्थीहरु बिच वक्तित्वकला प्रतियोगिता , दलित समुदाय भित्रका प्रचलित सस्कृति झलक्ने सास्कृतिक तथा अन्य जानकारि मुलक कार्यक्रम को आयोजना गरिने गाउँपालिकका अध्यक्ष यदु ज्ञवालीले जानकारी दिनु भयो। कार्यक्रम उत्घाटन पुर्व सबैको सहभागितामा प्रभातफेरि कार्यक्रम पनि गरिने अध्यक्ष ज्ञवालीले बताउनु भयो।

    यस्ता कार्यक्रमहरु विद्यार्थीहरु माझ गरिदा धेरै महानुभावहरुमा चेतनाको बिकास , प्रचारप्रसार , गाउँ टोल परिवारमा सचेतना जगाउने र सबैका माझ छिटो पुग्ने भएकाले यसरी यो कार्यक्रम बिद्यार्थी माझ गरिन लागेको गाउँपालिकका प्रमुख प्रशासकीय अधिकृत लक्षमण पाण्डेले बताउनु भयो।