Category: विजनेश

गोकर्ण पाण्डे,गुल्मी। गुल्मीमा देउसी–भैलो कार्यक्रम राति ९ बजे सम्म मात्रै खेल्न पाइने जिल्ला प्रशासन कार्यालय गुल्मीले जनाएको छ ।

राति ९ बजे पछि देउसी सम्बन्धी कुनैपनि कार्यक्रम संचालन गर्न नपाइने साहायक प्रमुख जिल्ला अधिकारी हरि प्रसाद गैरेले बताएका छन् ।

तिहारका बेला खेलिने देउसी–भैलोका कार्यक्रम यसवर्ष जिल्लाका विभिन्न संघ संस्था तथा क्लवहरुले संचालन गर्ने तयारी गरेका छन् । अघिल्ला दुई वर्ष कोरोना महामारीका कारण सामान्य किसिमले मनाइएको तिहारमा यस वर्ष खुल्ला गरिएको छ । यद्यपी रातिको समयमा अबेर सम्म कार्यक्रम संचालन गर्न नपाइने जनाइएको छ ।

जिल्ला प्रशासन कार्यालय गुल्मीले विस्फोटक पदार्थ (पटकाहरू) को ओसारप्रसार, खरिद, बिक्रीमा रोक लगाएको छ । आगलागी, धनजनमा क्षति हुन सक्ने सम्भावना र वातावरणमा समेत प्रतिकुल असर पर्न सक्ने भएकाले रोक लगाएको साहायक प्रमुख जिल्ला अधिकारी गैरेले बताए ।

उनले कोही कसैबाट गैरकानुनी क्रियाकलाप भए गरेको पाइएमा प्रचलित कानुनबमोजिम कारबाही हुने बताएका छन् ।

प्रतिमा भट्टराई कार्तिक ६ रिडी

रुरु कालीगण्डकी अन्लाईन तिज नृत्य प्रतियोगिता २०७९को औपचारिक समारोहका बिच रुरु क्षेत्र गाउँपालिका वड वडा न १ कोवडा कार्यालयमा पुरस्कार बितरण कार्यक्रम सम्पन्न भएको छ ।गत श्रवण २५ गते देखि भाद्द ११ सम्म सन्चालित प्रतियोगितामा १४ जिल्लाका १०० जना कलाकार हरुको सहभागीता रहेको थियो।

सन्चालित प्रतियोगितामा रुरु क्षेत्र वडा न थानपतिकि आकृति पोख्रेल प्रथम गुल्मी दर्बार गाउँपालिकाका सलिना ढेगा र रेनु ढेगा दुत्तिय यस्तै छत्रकोट ४ दिगामकि सुवेक्षा न्यौपाने तृतीय बिष्णु बुचा मगर र आशापान्डे ले सान्त्वना स्थान हासिल गर्नु भएको थियो यस्तैब उत्कट नृत्य तर्फ नवलपुरकि अनिसा अर्याल , बाल प्रतिभा तर्फ अग्रिमा पन्थ यस्तै उमेर हक पुरस्कार तर्फ लक्ष्मी अर्याल र मौलिक प्रतिभा तर्फ पाल्पा तानसेन नगर पालिका वडा न१४ का सुवेक्षा राना र प्रिय बिक्ले हासिल गर्नु भएको हो। बिजेता टोलि लाई कार्यक्रममा पुर्व घोषित सुचना अनुसार नगद प्रमाणपत्र र मायाको चिनो प्रदान गरिएको थियो।
कार्यक्रममा वडा सद्स्य लक्ष्मी सुनाव उधोग बाणिज्य संघ रिडीशाखाका अध्यक्ष सुबर्ण लाल कक्षपति मानव कल्याण वृद्धा आश्रमका अध्यक्ष जिवन कुमार कसजु , कालिकामहिला समुहकि अध्यक्ष रेणुकापन्थि समाजसेबि ,निणयक मण्डल सहयोगि दाता सामाजिक अभियन्ता प्रेम भण्डारी लगायतको आथित्यता रहेको थियो।
कार्यक्रममा सस्थाक अध्यक्ष तथा पत्रकार चुरामणि तिमिल्सिनाले कार्यक्रम माथि जान्कारि गराउदै आउँदो मंसिर १२ मा सन्चार प्रालिले गर्ने नेपालकै आठौं भजन महोत्सवको करोडौं दिप प्रज्वलन तथा विभिन्न बिधाका कार्यक्रम माथि प्रकाश पार्नु भएको थियो। यस्तै समारोहमा कार्यक्रममा सहयोग प्रदान गर्नु हुने सबैलाई सम्मान गरिएको थियो।

श्री भगवती युवा क्लवको दोस्रो वार्षिक उत्सव भव्यताका साथ सुरु भएको छ । धुर्कोट गाउँपालिका वडा नं. ३ का वडा अध्यक्ष श्री पदम विष्ट ज्यूले कार्यक्रमको समुद्घाटन गर्नु भएको हो।
कार्यक्रममा बोल्दै वडा अध्यक्ष विष्टले क्लबले सामाजिक क्षेत्रमा सराहनिय काम गर्दै समाज परिवर्तनमा महत्त्वपूर्ण भूमिका खेलेको बताउँदै क्लबको दोस्रो वार्षिक उत्सव सफलताको शुभकामना व्यक्त गर्नुभयो ।
अग्रजको सम्मान,युवाहरुको ज्ञान, सभ्य समाजको पहिचान, भगवती युवा क्लबको अभियान, भन्ने मूल नाराका साथ २०७७ सालमा स्थापना भएको क्लबले क्लबको दोस्रो वार्षिक उत्सव, विजया दशमी तथा शुभ दिपावलीको पावन अवसरमा खुल्ला वडा स्तरीय पुरुष भलिबल प्रतियोगिता, साविक वडा स्तरीय महिला भलिबल प्रतियोगिता,घैंटो फोर,कुर्सी दौड तथा विविध सांस्कृतिक कार्यक्रम २०७९ कार्तिक ५ र ६ गते पनि सञ्चालन गर्दैछ । खेलकुद कार्यक्रम अन्तर्गत पुरुष भलिबलमा १६ टिमको र महिला भलिबलमा ३ टीमको सहभागिता रहेको छ । पहिलो दिनको महिला खेल अन्तर्गत आयोजक (भगवती युवा क्लब) र निन्युखर्क बिच प्रतिस्पर्धा भएको थियो । जुन आयोजक (भगवती युवा क्लब) ले आफ्नो पक्षमा पार्न सफल सफल भएको छ । बाँकी खेलका कार्यक्रम भोलि कार्तिक ५ गते ८ बजे देखि सुरु हुने क्लबका सचिव सरोज खत्रीले जानकारी दिनुभएको छ।
४,५ गते खेलकुद कार्यक्रम र ६ गते फाइनल खेल,सांस्कृतिक कार्यक्रम तथा समापन हुने आयोजक भगवती युवा क्लबले जनाएको छ ।

भुवन रायमाझी

रिब्दीकोट गाउँपालिकाबाट कृषि कार्यक्रम अन्तर्गत गाउँपालिका भित्रका १२०० कृषकहरुलाई ५० प्रतिशत अनुदानमा कार्डिनल नामको रातो आलु बीउ ७०००० सत्तरी हजार केजी बितरण गरेको छ । गाउँपालिकाले कृषि मार्फत समृद्ध रिव्दीकोट बनाउने योजना अनुरुप व्यवसायिक रुपमा आलु उत्पादन बढाउन आलुको विउ वितरण गरेको गाउँपालिकाका अध्यक्ष नारायण बहादुर कार्कीले जानकारी दिनु भयो । गाउँ गाउँमा दैनिक तरकारीमा उपयोग हुने आलुको व्यवसायिक रुपमा समेत विस्तारमा सहयोग पुगोस भनेर पचास प्रतिशत अनुदानमै भएपनि उत्पादन वृद्धिको लक्ष्य सहित विउ वितरण गरिएको कृषी साखा प्रमुख रन्जीप कुवँरले जानकारी दिनु भयो ।गाउँपालिकाले गाउँमै उत्पादन वृद्धि, स्वरोजगार र आयमूलक कामका लागि आवश्यक बजेट विनियोजन र सोही अनुसारको नीति तथा कार्यक्रम समेत लागु गरेको छ ।रिब्दीकोट भित्रका ८ वटा वडाहरुमा आलु उत्पादनको हिसाबले रामे भएको हुदा रिब्दीकोट गाउँपालिकाले चालु आर्थिक बर्षको बजेट बाट बिउ खरीद गरी बितरण गरेको गाउँपालिकाका प्मुख प्रसासकिय अधिकृत पवन अर्यालले बताउनु भयो । गाउँपालिकाले बिउ बितरण देखी व्यवसायिक किसानहरुका लागि तालिम, कृषि औजार बितरण, भकारो तथा गोठ सुधार लगायतका कार्यक्रमहरु सन्चालन गदै आएको छ ।

चुरामणि तिमिल्सिना कार्तिक २

अटिजम पाठशाला नेपाल रुरु क्षेत्र गाउँपालिका वडा न १ रिडी गुल्मीको पाँचौ बार्षिक साधारण सभा आफ्नै कार्यालयमा औपचारिक समारोहका बीच सम्पन्न भएको छ । रुरु क्षेत्र गाउँपालिका का पालिका अध्यक्ष यदु ज्ञवालीको प्रमुख आथित्यता रहेको थियो । प्रमुख अतिथिको आसन बाट बोल्दै अध्यक्ष ज्ञवालीले सामाजिक संघ सस्थाहरु स्थापना गर्न सजिलो भएता पनि पछिका दिनमा दीर्घ कालिन रुपमा अगाडी सन्चालन गर्न तेतिसहज नभएकोले सवै लाई आग्रह गर्दै यस्लाइ कुनै पनि अवरोध बिना आर्थिक तथा भौतिक रुपमा कमि हुन नदिने पालिकाले सबै सहयोग उपलब्ध गराउने प्रतिबद्धता जायर गर्नु भयो।

सस्थाका अध्यक्ष अमृता ज्ञवाली को अध्यक्षता रहेको कार्यक्रममा इन्जिनियर लोकेश ज्ञवाली ,डा सतिस रुपाखेति , यस्तै पुर्व पालिकाका उपाध्यक्ष लक्ष्मी देवि पन्थ वडा न १ का पुर्व वडा अध्यक्ष रामलाल बिक , पुर्व जन प्रतिनिधि सिता ज्ञवाली ,भगवती बराल , वडा न १ वडा सचिव तथा जगा दाता राम प्रसाद ज्ञवाली जन प्रतिनिधि सुरक्षा निकाय पत्रकार बितिय सस्थाका प्रमुख हरु अभिभावक , सस्थाका प्रतिनिधिहरु आजिवन सदस्य यस्तै लगायतको आथित्यता रहेको थियो ।
सस्थाकि उपाध्यक्ष रेणुका पन्थिको स्वागत मन्तव्य बाट सुरु भएको कार्यक्रममा डा सतिस ज्ञवालीले अटिजम बच्चाहरु लाई इतिहास अटिजम हुने तरिका अध्यान गराउने तरिका , खुसि बनाउने विषय बस्तुका विषयमा प्रशिक्षण गर्नुका साथै कार्यक्रममा शुभकामना राख्नुभएको थियो ।

कार्यक्रममा अध्यक्ष ज्ञवालीले आर्थिक तथा प्रगति विवरण प्रस्तुत गर्नु भएको थियो। यस्तै समारोहमा इन्जिनियर लोकेश ज्ञवालीले अटिजम पाठशाला लाई कार्यलयका काम सम्पादन गर्न १ थान ल्यापटप प्रदान गर्नु भएको थियो। कार्यक्रमको सन्चालन बिष्णु प्रसाद भण्डारीले गर्नु भएको थियो।

चुरामणि तिमिल्सिना असोज ३०

मर्यादित ब्यवसाय र प्रबिधिमा सहकारी भन्ने मुल नाराका साथ उत्पादन उपरान्त हुने क्षति न्यूनीकरण व्यवस्थापन सम्बन्धि पाल्पाको अर्गलीमा साना किसान कृषि सहकारी संस्था लिमिटेडले टोल बस्तिमा तालिम संचालन गरेको छ । संस्थामा आबद्ध ८०० जना सियर सदस्य हरु लाई उत्पादन गरेका खाद्य सामाग्री भण्डारण गर्ने तरिका रोग नै नलाग्ने तरिका रोग लागेपछि अपनाउन पर्ने घरेलु उपाय तथा ब्यबस्थापनका विषयमा तालिमकि प्रशिक्षक गिता भट्टराईले सहजीकरण गर्नु भएको थियो।
तालिम पछी सिकेका कुराहरुलाई ब्यबहारमा उतार्न समिति समेत गठन गरिएको छ । जस्को अध्यक्ष दुर्गा गैरे उपाध्यक्ष पार्वती पाण्डे ,सचिवमा शोभा गैरे ,कोषाध्यक्ष सिता पाण्डे , यस्तै सल्लाहकार कृष्ण प्रसाद न्यौपाने कमला पाण्डे र कृष्ण कला पाण्डे रहनु भएको छ ।
तालिम समापन सत्रमा बोल्दै साना किसान कृषि सहकारी सस्थाका अध्यक्ष नारायण ध्वज रानाले तालिममा सिकेका कुराहरु लाई ब्यबहारिक जिवनमा उतारेर कृषि बाट राम्रो आम्दानी गरेर जिवन स्तर वृद्धि गर्न आग्रह गर्नु भयो । तालिममा धन्यवाद दिदै संस्थाकि प्रबन्धक जानकि पाण्डेले उपस्थित सहभागी सबैलाई धन्यवाद दिदै हरेक विषयलाई सिकाइका रुपमा लैजान आग्रह गर्नु भयो । कार्यक्रमको सहयोगि संस्था हिमालयन सुपर भोर्स प्रा.लि.रहेको छ ।

हरि जि.सी

आगामी मंसिर ४ गते हुने प्रतिनिधि सभा र प्रदेश सभाको निर्वाचनमा खटिने म्यादी प्रहरीका लागि १० दिने तालिम आईतबार देखी तानसेनको बन्दीपोखरामा शुरु भएको छ । जिल्लाको रामपुर,र तानसेनमा एकैसाथ १० दिने म्यादी प्रहरीका लागि तालिम शुरु गरिएको जिल्ला प्रहरी कार्यालय पाल्पाका प्रहरी नायव उपरीक्षक बिरेन्द्र थापाले बताउनुभयो ।

प्रतिनिधि सभा र प्रदेश सभा निर्वाचनको सुरक्षा प्रयोजनार्थ लागि पाल्पा जिल्लामा महिला ३२३ पुरुष ८९२ गरी जम्मा १२१५ जना छनौट गरिएको जानकारी दिनुहुँदै उहाँले पेशागत तालिमको उदघाटन प्रमुख जिल्ला अधिकारी जगन्नाथ पन्तले गरिएको बताउनुभयो ।

सो अवसरमा तालिम उदघाटन गर्नुहुदै प्रमुख जिल्ला अधिकारी पन्तले म्यादी प्रहरीले निर्वाचनको समयमा गर्नुपर्ने कार्य र गर्नुपर्ने सुरक्षाबारे तालिममा सिकाइने बताउनुभयो । उहाँले प्रतिनिधि सभा र प्रदेश सभा निर्वाचनलाई भयरहित र निष्पक्ष बनाउन सबैको भूमिका अपरिहार्य रहेको बताउनुभयो ।

कार्यक्रममा प्रहरी उपरीक्षक जनक शाही सहित जिल्ला सुरक्षा निकाएका प्रमुखहरु वडा न.५का वडा अध्यक्ष, लक्ष्मी मा.बिका प्र.अ, शिक्षक अभिभाबक संघका अध्यक्ष लगायतको उपस्थिति रहेको थियो । निर्वाचनमा नियमित जनशक्तिबाट मात्र सुरक्षा प्रदान गर्न पर्याप्त नहुने भएकाले म्यादी प्रहरी भर्ना गरिएको र उहाँहरुलाई नियुक्ति दिएको दिनदेखि ४० दिनसम्म काममा लगाइने जनाइएको छ ।

प्रहरी नायव उपरीक्षक थापाले छनौट भएका म्यादी प्रहरीलाई निर्धारित पाठ्यक्रमअनुसार आधारभूत कानूनी प्रक्रियासम्बन्धी ज्ञान, सुरक्षा व्यवहारसम्बन्धी व्यवहारिक सीप, निर्वाचनमा म्यादी प्रहरीले पालना गर्नुपर्ने कर्तव्य तथा आचरणसम्बन्धी तालिम दिइने बताउनुभयो

चुरामणि तिमिल्सिना
असोज-२९
और्व कृषि सहकारी संस्था लिमिटेड तानसेन नगरपालिका वडा न १४ अर्गली पाल्पाको ५५ औ वार्षिक साधारण सभा कार्यक्रम राधाकृष्ण मन्दिरमा सम्पन्न भएको छ । सहकारी संस्थाका अध्यक्ष भानुभक्त पाण्डेको अध्यक्षतामा सन्चालन भएको कार्यक्रममा जिल्ला सहकारी संघ पाल्पाका अध्यक्ष भुपति पाण्डे प्रमुख अतिथि रहनु भएको थियो ।

समारोहमा सहकारी पूर्व जिल्ला अध्यक्ष दुर्गा दत्त रेग्मी, वडाका जन प्रतिनिधि, पत्रकार, राजनैतिक दलका प्रतिनिधिहरु , बित्तिय संस्थाका पधाधिकारिहरु , महिला समुह , सुरक्षा निकाय , सामाजिक अभियानताहरुको विशिष्ट आथित्यता रहेको थियो।
सहकारी सस्थाका उपाध्यक्ष चन्डि प्रसाद न्यौपानेको स्वागत मन्तव्य बाट सुरु भएको कार्यक्रममा सस्थाका अध्यक्ष भानु भक्तपाण्डेले संस्थाको अर्थिक प्रतिबेदन प्रस्तुत गर्दै हाल सम्म संस्थाले गरेका क्रियाकलापका बारेमा प्रकाश पार्नु भएको थियो।

समारोहमा व्यवस्थापक बिष्णु प्रसाद पाण्डेले आर्थिक बर्ष २०७८/७९ को ६४ लाख बराबरको आयव्यय प्रस्तुत गर्नुका साथै १ बर्ष भित्रमा ६४ हजार नाफा गर्न सफल भएको प्रतिबेदनमा प्रस्तुत गर्नु भएको थियो।

सभालाई सम्बोधन गर्दै कार्यक्रमका प्रमुख अतिथि जिल्ला सहकारी अध्यक्ष पाण्डेले सहकारी संस्थाले गरेका कामको चर्चा गर्दै सहकारीले हरेक बिपन्न बर्गलाई मात्र नभइ सबै सेयर सदस्यहरुलाई प्रत्यक्ष फाइदा पुगेको अर्गलीका किसान बर्ग अन्य क्षेत्रका किसानहरुलाई निकै फाइदा पुगेको बताउनु भयो ।

पाण्डेले अवको समयमा हरेक नागरिकहरु कुनै न कुनै सहकारी संस्थामा आबद्ध हुनु पर्ने गाउँटोल छिमेकमा सहकारी शिक्षाको चर्चा गर्न आवस्यकता रहेको बताउदै यस सहकारी जिल्लाकै पहिलो सहकारी भएकोले अन्य थप बिषयमा अगाडी बढ्न प्रेरणा प्रदान गर्नु भयो।

यस्तै कार्यक्रममा विशिष्ट अतिथि दुर्गादत्त रेग्मीले १० रुपैयाँबाट सुरु गरेको सहकारीले अहिले सम्म सदस्यको झन्डै २००० सियर भएको बताउदै सहकारीले मल, बिउ, किटनाषक औसधि, चिनि नुन लगायत खाध्यन्न सामग्री सुपथ मुल्यमा बिक्रि गरिरहेको बताउदै आगमि दिन्मा सहकारी सस्थालाइ अगाडी बढाउन नयाँ योजनका साथ लागि पर्ने बताउनु भयो ।

कार्यक्रममा आजै नयाँ कार्य समिति समेत गठन भएको छ । जस्को अध्यक्षतामा भानुभक्त पाण्डे , उपाध्यक्ष बिष्णु न्यौपाने सचिवमा पशुपति न्यौपाने कोशाध्यक्ष गिता भट्टराई रहनु भएको छ । यस्तै सदस्यमा कर्ण बहादुर राना , दुर्गा दत्त रेग्मी , बेनिराम गैरे यस्तै लेखा समितिमा , कृष्ण प्रसाद पाण्डे बिष्णु गैरे र केसव भट्टराई रहनु भएको छ । यस्तै कार्यक्रम्मा निर्वाचक मणडलका डा. नेत्र न्यौपाने थानेस्वर गैरे र लक्षमण रेग्मीले निर्वाचित समितिलाई बधाई तथा गोपनियताको सपथ ग्रहण गराउनु भएको थियो। अधिबेशनले ब्यबस्थापकमा बिष्णु प्रसाद पाण्डेलाई नै चयन गरेको छ ।
संस्थास्थाका पधाधि कारिहरु को अवधि ४ रहेको छ ।कार्यक्रमको सन्चालन बिष्णु प्रसाद पराजुलीले गर्नु भएको थियो।

अमर पन्थ , बुटवल
नेकपा एमालेको तर्फबाट गुल्मी क्षेत्र नंं. १ प्रदेश ख बाट फर्सुराम पाण्डेले उम्मेदवारी दर्ता गरेसंगै गुल्मेली जनतामा उत्साह देखिएको छ आज छत्रकोटको स्तरीय अगुवा कार्यकर्ता भेटघाट कार्यक्रममा बोल्दै उनले भने मेरो पहिलो प्राथमिकता स्वरोजगार बनाउनु हो म विगत २५ बर्षदेखि उद्यमशीलता विकास र स्वरोजगार बन्ने प्रेरणा दिने अभियानमा लागेको छु स्थानीय श्रोत साधनलाई प्रयोग गरी सयौं उद्योग स्थापना र संचालन गरेको अनुभव समेत छ ।अबको राजनिती बिकास र आर्थिक समृद्धि संग जोडिएको हुनाले युवा बर्गको भावना समेटेर अगाडि बढ्नुपर्ने बताए ।

पाण्डेलाई प्रदेशमा उठाउने एमालेको निर्णयले समग्र गुल्मेली जनताले अव गुल्मीको विकासमा महत्वपूर्ण सहयोग पुग्ने विश्वास लिएका छन् । पाण्डेको उम्मेदवारीले गुल्मी जिल्लामा नेकपा एमालेले विजय हासिल गर्ने कुरामा ढुक्क भएको स्थानीय वासिन्दाको विश्वास छ।

👉👉को हुन् फर्शुराम पाण्डेय ?

वि.सं. २०४२ सालमा पार्टीको सांगठनिक सदस्यता प्राप्त गरी अनेरास्ववियुको दिल्ली नगर कमिटीको सचिवबाट आफ्नो राजनैतिक जीवन सुरू गरेका पाण्डे त्यसयता निरन्तर पार्टीको विभिन्न विभागमा रहेर कुशलतापूर्वक भूमिका निर्वाह गर्दै आएका छन् ।

२०४८ सालको आम निर्वाचनमा पार्टीको जनसांस्कृतिक अभियानको नेतृत्व गर्दै लुम्विनी र गण्डकी क्षेत्रमा प्रचार प्रसारको काम गरेका पाण्डेले २०५४ सालमा नेपालगञ्ज महाधिवेशनमा पार्टी विभाजनको प्रतिकार गर्दा माले समूहबाट अपहरण र कुटपिट समेत सहेको स्मरण गर्छन् ।

गुल्मी–काठमाडौं सम्पर्क मञ्चको अध्यक्षको भूमिका कुशलतापूर्वक सम्पन्न गरेका पाण्डे अहिले पार्टीको राष्ट्रिय प्रतिनिधि परिषद सदस्य, केन्द्रीय सम्पर्क समन्वय कमिटीको सदस्य, लुम्विनी प्रदेश कमिटी सदस्य र पार्टीको उद्योग व्यवसायीवीचको संगठन नेपाल राष्ट्रिय बाणिज्य संघको केन्द्रीय महासचिव छन् ।लायन्स क्लव गुल्मीको अध्यक्ष भैसकेका पाण्डे गुल्मीलाई सेवा क्षेत्र मानेर हजारौं मानिसको आँखाको शल्यक्रिया र उपचार गराएर गुल्मेली जनताको माया र आशिर्वाद पाएका छन् ।
उनको सरल स्वभाव ,बोलीमा मिठास ,स्वच्छ छवि राजनीतिप्रतिको योगदान र एमालेको बोलियो संगठन लगायत कारणले एमालेको जित निश्चित भएको नेकपा एमाले छत्रकोट गाउँ कमिटी सचिव यज्ञ बहादुर पाण्डेले बताए ।

गुल्मीको रुरुक्षेत्र गाउँपालिकाले प्रत्येक व्यक्तिको घरमा पुगेर हरेक व्यक्तिकाे स्वास्थ्य परिक्षण गर्ने भएको छ । शुक्रबार गाउँपालिका स्वास्थ्य शाखा रुरुक्षेत्र गाउँपालिकाद्वारा संचालन गरिने “घर-घरमा स्वास्थ्य सेवा कार्यक्रम ” को स्वास्थ्यकर्मीहरुलाई अभिमुखीकरण कार्यक्रम सम्पन्न गरेकाे छ ।

उनले घर घरमा स्वास्थ्य सेवा कार्यक्रम संचालन गर्नका लागि आवश्यक स्वास्थ्य उपकरण  लगायतका सामाग्रीहरु स्वास्थ्यकर्मीहरुलाई अभिमुखिकरण तालिममा बितरण  वितरण गरिएको  बताएका छन् ।

त्यस्तै गाउँपालिका अध्यक्ष यदु ज्ञवालीले यस कार्यक्रमबाट गाउँपालिका भित्र कुन कुन प्रकारका राेग लागेका कति निराेगि कति भन्ने कुरा पत्ता लाग्ने भएकाले सबैले सहि डाटा उपलब्ध गराउँने उनले आग्रह गरेका छन् ।