Category: विजनेश

चुरामणि तिमिल्सिना, छत्रकोट ।
हरिशयनी एकादशी ब्रतको अबसर पारेर कोटडाँडामा बर पिपल संगै अन्य धार्मिक बिरुवाहरु रोपण गरिएको छ ।

पार्क निर्माण उपभोक्ता समितिको अगुवाइ र छत्रकोट गाउँपालिकाको आर्थिक सहयोगमा गुल्मीको छत्रकोट गाउँपालिका वडा न २ कोटडाँडामा धार्मिक कार्यका लागि चाहिने तथा अक्सिजन पाइने बृक्षारोपण गरिएको छ।

१ सय ८ पिपल संगै अन्य २६ थरिका धार्मिक बृक्षरोपण कर्यक्रम अन्तर्गत बर,पिपल,स्वामी,रुद्राक्ष,कपुरलगायतका करिब एक दर्जन थरिका बिरुवा रोपण गरिएको हो । बिरुवा रोपण कार्यक्रममा छत्रकोट गाउँ पालिकाका अध्यक्ष राम प्रसाद पाण्डेको प्रमुख आथित्यता रहेको थियो ।

कार्यक्रमका प्रमुख अतिथी अध्यक्ष पाण्डेले तुल्सी पिपल बरको बृक्ष रोप्दै यस डाँडामा विभिन्न किसिमका बिरुवाहरु लगाउन पालिकाले बिगत देखि योजना बनाउदै अगाडी बढेकोमा यसको संरक्षण र बिकासको लागि छत्रकोट सरकारले निरन्तर प्रदान गर्ने प्रतिबद्धता जायर गर्दै पर्यटन प्रबर्द्धनात्मक कार्यक्रमहरु अगाडी सारेर पर्यटकका लागि नयाँ नयाँ योजनाहरु अगाडी सारेको बताउनु भयो।

कार्यक्रममाउपाध्यक्ष साबित्रा ज्ञवाली,प्रमुख प्रशासकीय अधिकृत कृष्ण प्रसाद पन्थ ,निबर्तमान अध्यक्ष मधुकृष्ण पन्थ, निबर्तमान उपाध्यक्ष नर्मदा भण्डारी ,जनप्रतिनिधहरुराजनितिक दलका प्रतिनिधि हरु महिला समुह पत्रकार सरोकारवाला निकाय स्थानीय बासिको सहभागीता रहेको थियो ।

कार्यक्रममा समितिका अध्यक्ष युगराज बस्यालले कार्यक्रम माथी प्रकाश पार्दै पालिकाले यस क्षेत्रमा पुर्याएको योग्दानको कदर गर्दै पालिका लाई धन्यवाद दिनु भयो। बस्यालले समारोहमा यस क्षेत्रमा भ्युटावर निर्माण, प्रतीक्षालय, हाइवे सडक बाट पदमार्ग निर्माण गर्न सकेमा थप पर्यटनमा टेवा पुग्ने बताउनु भयो ।

कार्यक्रम समितिका सचिब युनिक रियिारले संचालन गर्नु भएको थियो । कार्यक्रमको अध्यक्षता बृक्षारोपया गरिएको सर्से सामुदायिक बनका अध्यक्ष मेघराज रजालीले गर्नु भएको थियो ।

बुटवल ।
भगवान गौतम बुद्धको जन्मस्थल लुम्बिनीमा भारतीय पर्यटकको आगमनमा वृद्धि भएको छ ।

विगत वर्षमा भन्दा यस वर्ष लुम्बिनीमा भारतीय पर्यटक उल्लेख्य मात्रामा आइरहेका लुम्बिनी विकास कोषले जनाएको छ ।

बुद्ध पूर्णिमामा भारतीय प्रधानमन्त्री नरेन्द्र मोदी लुम्बिनी भ्रमणमा आएसँगै बुद्ध जन्मस्थलको दर्शनका लागि
भारतीय पर्यटक आउनेक्रम बढ्दै गएको कोषका सदस्य सचिव सानुराजा शाक्यले जानकारी दिए ।

भारतीय प्रधानमन्त्री मोदीको लुम्बिनी भ्रमणको डेढ महिनाको अवधिमा ३७ हजार ८३५ भारतीय पर्यटक लुम्बिनी आएका कोषको सूचना शाखाले
जनाएको छ । उक्त सङ्ख्या विगत वर्षभन्दा बढी हो । यहाँ आउने आन्तरिक पर्यटकको सङ्ख्यामा समेत वृद्धि भएको छ ।

पछिल्लो एक महिनामा ३९ हजार आन्तरिक पर्यटकले लुम्बिनीको भ्रमण गरेको कोषले जनाएको छ ।
कोभिड–१९ को त्रासका कारण पर्यटक आगमनमा कमी आएको लुम्बिनीमा भारतीय पर्यटक मात्र नभएर आन्तरिक पर्यटक र तेस्रो मुलुकका पर्यटक आउने क्रम समेत बढेको छ ।

प्रचारप्रसारका कारण संसारभरबाट पर्यटक लुम्बिनी आउन आतुर रहेको लुम्बिनी होटल एसोसिएसनका अध्यक्ष गोविन्द ज्ञवाली बताउँछन् ।
लुम्बिनी आउने पर्यटकका लागि सरकारले विशेष सुविधा र सहयोग गर्नुपर्ने उनको भनाइ छ ।

लुम्बिनीमा आध्यात्मिकका साथै घुमन्ते पर्यटक आउने गर्दछन् ।
धार्मिक र आध्यात्मिक पर्यटक बुद्ध जन्मस्थलको दर्शन गर्न आउँछन् भने घुमन्ते पर्यटक यहाँको सौन्दर्यतासँग रमाउन आउने गरेको पाइन्छ ।

गौतमबुद्ध अन्तर्राष्ट्रिय विमानस्थलको सञ्चालन तथा सीमाक्षेत्रमा पर्यटक आगमनमा सहजताका कारण अहिले लुम्बिनी घुम्न आउने पर्यटकले पर्यटन व्यवसायीहरुलाई समेत उत्साह दिएको सिद्धार्थ होटल एशोसिएसनका अध्यक्ष चन्द्रप्रकाश श्रेष्ठ बताउँछन् ।

लामो समय कोभिड–१९ का कारण चहलपहल नभएको लुम्बिनीमा अहिले भने आन्तरिक,भारतीय पर्यटक तथा तेस्रो मुलुकका पर्यटकको आगमनले रमाइलो बनाएको छ ।

पर्यटक आगमनमा वृद्धि भएसँगै पर्यटन व्यवसायी मात्र नभएर यहाँका अन्य क्षेत्र पनि चलायमान भएका छन् । रासस

दाङ ।
वर्षाका कारण दाङमा हुलाकी सडकमा क्षति पुगेको छ । हुलाकी राजमार्गको गढवा–राजपुर सडक खण्डअन्तर्गत राजपुर गाउँपालिका–२ मटेरियामा कल्भर्ट र सडकको केही भाग भासिएको छ ।

पानी निकास हुन नसक्दा सडक र कल्भर्टमा क्षति पुगेको स्थानीयले बताएका छन । सडकमा क्षति हुँदा अवागमन रोकिएको छ ।

हुलाकी सडकअन्तर्गत बनिरहेको सडक तत्काल मर्मत गरेर सञ्चालनमा ल्याउन स्थानीयले माग गरेका छन् ।

अहिले पूर्वमा कालाकाटेदेखि पश्चिममा राजपुरको गंगदीसम्मको करिब ४० किलोमिटर सडक कालोपत्रेको काम भइरहेको हो ।

सत्यवति ,गुल्मी ।
गुल्मीको सत्यवति गाउँपालिका वडा न ६ भलादिमा पहिरोले गोठ च्यापीदा २ वटा भैंसीको मृत्यु भएको छ ।

शुक्रवार रातीदेखि परेको अविरल वर्ष संगै आएको पहिरोले कालिराज भण्डारीको घर गोठमा क्षती पुगेको हो । पहिरोका कारण करिव ४० लाखको क्षती भएको वडा न ६ का वडा अध्यक्ष बिष्णु प्रसाद भण्डारीले जानकारी दिनु भयो । टिनको छाानो रहेको गोठ पुणरुपर्मा क्षतिभएको र घरको पछाडीको भाग पुरिएको छ । गोठमा १ लैनो भैंसी १ ब्याउने भैसि पुरिएको छ । साथै गोठमा रहेको अन्नपात र घाँस पराल समेत सवै पुरीएको अध्यक्ष भण्डारीले बताउनु भयो ।

सवै परिवारले खान खाइरहेको अबस्थामा एक्कासी माथीबाट ठूलो आवाजमा पहिरो आयो र सबै पुरिदियो भण्डारीले बताउनु भयो। पहिरो लाई हटाउन नेपाल प्रहरी जन प्रतिनिधि पत्रकार तथा स्थानीको ठूलो संख्यामा उपस्थिती रहेको थियो ।

सडक सन्चालन भए पनि पुरिएका भैसीहरु भने निकाल्न्न डोजर प्रयोग गरिएको छ । पिडितलाई तत्काल राहातको लागी पालिकाको आपतकालीन बैठक बसि सहयोग गर्ने वडा न ६ का वडा सदस्य युवराज न्यौपानेले जानकारी दिनु भयो।

अहिले पिडित परिवार लागि स्थाननतरणको लागि र सामाग्री सार्नको लागी स्थानीयले सहयोग गरेका छन् ।

चुरामणि तिमिल्सिना ।
हरेक क्षेत्रमा सबैको कृयाशिलता सबल एवम सक्षम चन्द्रकोट,भ्रष्टाचारमा शून्य सहनशीलता भन्ने मुल नाराका साथअगाडी बढेको चन्द्रकोट गाउँपालिकाले आ.व. २०७८/०७९ लाई लक्षित गर्दै सार्बजनिक सुनुवाई तथा सामाजिक परिक्षण कार्यक्रम सम्पन्न गरेको छ ।

चन्द्रकोट गाउँपालिकाका अध्यक्ष युवराज के सीलेकार्यक्रमको ब्यानर बाचन गरी कार्यक्रमको उत्घाटन गर्नु भएको थियो।
कार्यक्रममा पालिकाकाउपाध्यक्ष बिष्णु प्रसाद भण्डारी यस्तै प्रमुख प्रशासकीय अधिकृतइन्द्र बहादुर खत्रीले कार्यक्रममा सहभागीले राखेको जिज्ञाको जवाफ दिनु भएको थियो।

सहजिकरणको लागी नेपाल पत्रकार महासघं गुल्मीका अध्यक्ष टोपलाल अर्याल, सह–सचिव तिलाचन पाण्डे,कार्यसमिति सदस्य महेश बोहोरा लगायत संचार टिमले कार्यक्रमको भुमिका निर्बाहा गर्नु भएको थियो ।

कार्यक्रममा वडा अध्यक्षहरु कार्य पालिकाकाका सदस्यहरु वडा सदस्यहरु विभिन्न शाखका प्रमुखहरु,विषयगत समितिका पदाधिकारीहरु बौद्धिक बर्ग सुरक्षा निकाय ,राजनैतिक दलका प्रमुख प्रतिनिधीहरु महिला समूह लगायतको सहभागीता रहेको थियो।

सुनाइ कार्यक्रममा आयोजना सन्चालन , पशुविमा ,कर शिक्षा ,महिला क्षमता तालिम सन्चार बिधुत सडक,खेलकुद मैदान,टोल फ्री नम्बर , बादरको समस्या सरकारी जगा ब्यबस्थापन , तथा भक्तानी ब्यबस्थापन सहज जस्ता विषयमा कार्यक्रम केन्द्रित रहेको थियो।

सर्ब साधारणले राखेको जिज्ञासा उत्तर दिदै हरेक समस्य समाधन गर्न पालिकाको सिङ्गो टिम लागिरहेको, तत्कालनै गर्नु पर्ने काम लाई जन्प्रतिनीधि आमा समूह ,तथा श्रम दान बाट सहजीकरण गर्ने ब्यापारी बर्गको लागि करको दायरा्मा ल्याउने स्वास्थ खानेपानी लाई तत्काल नै पालिकाले सम्बोधन गर्ने अध्यक्ष उपाध्यक्ष र अधिकृतले प्रतिबद्धता जायर गर्नु भयो ।

कार्यक्रमको सन्चालन शिव ज्ञवालीले गर्नु भएको थियो।

चन्द्रकोट,गुल्मी ।
गुल्मीको चन्द्रकोट गाउँपालिकाले ५० प्रतिशत अनुदानमा किसानलाई साना कृषी औजार वितरण गरेको छ ।

गाउँपालिकाको आर्थिक वर्ष २०७८÷७९ को ५० प्रतिशत अनुदानमा साना कृषि औजार वितरण कार्यक्रम अन्तर्गत ७१ जना किसानलाई कृषि उपकरण प्रदान गरिएको गाउँपालिकाका प्रमुख प्रशासकीय अधिकृत इन्द्र बहादुर क्षेत्रीले जानकारी दिए ।

३२ वटा हाते ट्याक्टर(मिनिटेलर),६ वटा चापकटर,२९ वटा मिनिमिल र चार वटा थ्रेसर प्रदान गरिएको हो । जसमा गाउँपालिका र किसानको सम्मान १८ लाख ८० हजार÷१८ लाख ८० हजार गरि ३७ लाख ६० हजार लगानी रहेको प्रमुख प्रशासकीय अधिकृत क्षेत्रीले उल्लेख गरे ।

बिहीवार कृषि औजार किसानलाई हस्तान्तरण गर्दै गाउँपालिकाका अध्यक्ष युवराज केसीले कृषि औजार सहि ढङ्गले प्रयोग गर्न आग्रह गरेका छन । साथै कृषि उपकरणले लागत घट्ने , उत्पादन बढ्ने हुँदा यसले किसानालाई प्रत्यक्ष फाईदा पुराउने र व्यवसायीक किसान बन्न प्रेरणा मिल्ने अध्यक्ष केसीको भनाई रहेको छ ।

चन्द्रकोट गाउँपालिकाले कृषकलाई प्राथमिकतामा राखेर काम गरेको बताउदै आगामी वर्षमा पनि किसानको जीवन स्तर उकास्ने र व्यवसायीक किसान उत्पादन गर्नको लागि विभिन्न कार्यक्रम गर्ने गाउँपालिकाले जानकारी दिएको छ ।

भुवन भुसाल, गुल्मी ।
गुल्मीको छत्रकोट गाउँपालिका वार्ड न ४ का किसानहरुलाई पाडी उपहार दिइएको छ ।
कृषि पेशा गरिरहेका तर आर्थिक रुपमा कमजोर किसानलाई छत्रकोट गाउँपालिकाले भैसिको पाडी उपहार स्वरुप प्रदान गरेको छ । आर्थिक बर्षको अन्त्य सम्म पनि योजना कार्यान्वयन नभएको अवस्थामा नयाँ निर्वाचित जनप्रतिनिधिको अनवरत खटाईले आफुहरुले पाडी उपहार पाएको भन्दै किसान हर्षित भएका छन ।

मागका आधारमा वार्डका २७ जना किसानहरुलाई पाडी प्रदान गरिएको वडा अध्यक्ष गुणाखर ज्ञवालीले बताउनुभयो । दूध उत्पादनका निम्ति भैंसी प्रवर्द्धन कार्यक्रम अन्तर्गत २७ जना किसानहरूलाई भैसिको पाडी दिइएको हो ।

“जो किसान पौरखी छ, तर आर्थिक अवस्था कमजोर छ उनिहरुलाई छनोट गरेर पाडी बितरणका निम्ति छनोट गरिएको हो ” वडा सदस्य केशब कंडेलले भन्नुभयो । नेपाल सरकारको दूध मिसन कार्यक्रम अन्तर्गत भैंसी प्रवर्द्धन कार्यक्रम बाट पाडी बितरण गरिएको हो ।

बितरण गरिएका भैंसी किसानहरुले ३ बर्ष सम्म बिक्रि गर्न पाउदैनन् , प्रत्येक ३ /३ महिनामा अनुगमन गर्ने सर्तमा भैसिको पाडी बितरण गरेको दिगाम भैंसी पालन उपभोक्ता समितिका अध्यक्ष चुण्ड प्रसाद कंडेलले बताउनुभयो ।

बितरण गरिएका सबै पाडिहरुको आज बिमा समेत गरिएको छ । छत्रकोटका पशु शाखा प्रमुख टेकराज खनालले गत बर्ष भैंसी बितरण कार्यक्रम आलोचित भएकाले ब्यवसायीक रुपमा भैंसी पालन गरेर आम्दानी लिन आग्रह गर्नुभयो । कार्यपालिका सदस्य भगवती न्यौपाने वडा सदस्य थानेस्वर पन्थ र कृषि प्राबिधिक पबित्रा खनाल लगायतको उपस्थितिमा भैसिका पाडी बिरतण गरिएको हो ।

२७ वटा पाडी स्थानिय जनप्रतिनिधि , समुहका पदाधिकारी लगायतको सक्रियतामा छत्रकोट भित्रै खरिद गरिएको हो । खरिद गरिएका पाडी एकै स्थानमा राखी चिट्ठा प्रणाली बाट बितरण गरिएको छ ।

काठमाडौं ।
सरकारले सरकारी जग्गा अधिकतम ४० वर्षसम्मका लागि लिज अर्थात् भाडामा दिन सक्ने व्यवस्था गरेको छ । भूमि व्यवस्था, सहकारी तथा गरिबी निवारण मन्त्रालयले यससम्बन्धी कार्यनीति राजपत्रमा प्रकाशित गरेको छ ।

राजपत्रमा प्रकाशित सरकारी जग्गा दर्ता, उपयोग तथा लिजमा उपलब्ध गराउनेसम्बन्धी कार्यनीति २०७९ अनुसार सरकारले सरकारी स्वामित्वमा रहेका जग्गा ४० वर्षसम्मका लागि लिजमा दिने व्यवस्था गरेको हो ।

विभिन्न चार तहमा त्यस्तो जग्गा उपलब्ध गराउन लागिएको हो ।
कार्यनीतिअनुसार विदेशी कुटनीतिक नियोग तथा संयुक्त राष्ट्र सङ्घका निकाय, नेपाल पक्ष रहेका अन्तरसरकारी सङ्गठन, प्रदेश सरकार वा पालिकाअन्तर्गत स्थापना भएका विश्वविद्यालय, बोर्ड समिति वा अन्य स्वायत्त संस्था, प्रचलित कानुनबमोजिम नेपाल सरकार,प्रदेश सरकार वा पालिकामा दर्ता भएका कुनै पनि संस्था वा व्यक्तिले सरकारी जग्गा उपभोग गर्न पाउनेछन् ।

सरकारको नाममा दर्ता स्रेस्ता कायम नभएका जग्गा सरकारको नाममा दर्ता भएपछि मात्रै लिजमा उपलब्ध गराइनेछ ।

सरकारले त्यस्ता जग्गा अल्पकालीन रूपमा पाँच वर्ष, मध्यकालीन रूपमा १५ वर्ष र दीर्घकालीन रूपमा ४० वर्षसम्म लिजमा उपलब्ध गराउनेछ ।

कुनै सरकारी जग्गा लिजमा लिइ उपयोग गर्न चाहने व्यक्ति, संस्था वा निकायले पाँच हजार रुपैयाँ निवेदन दस्तुरसहित निवेदन दिनुपर्नेछ । जग्गा लिजमा लिनु पर्नाका कारण र कार्ययोजना पेस गर्नुपर्नेछ ।

बुटवल ।
पाल्पा सिमेन्ट उद्योगले आफ्नो उत्पादन पहिलो पटक भारत निर्यात गर्न सुरु गरेको छ ।

पश्चिम नवलपरासीको सुनवल नगरपालिका–७ स्थित आरएमसी ग्रुपद्वारा सञ्चालित उद्योगले शुक्रवारबाट तानसेन सिमेन्ट सुनौली नाका हुँदै भारततर्फ निकासी सुरु गरेको सञ्चालक शेखर अग्रवालले जानकारी दिए। स्

थानीय र राष्ट्रिय स्तरमा बजारीकरण गर्दै आएको उद्योगले पहिलो दिन ३ हजार बोरा सिमेन्ट भारत पठाएको छ। नेपालमा उत्पादित सिमेन्ट भारतीय बजारमा निर्यात सुरु भएको छ।

भारतमा सिमेन्ट पठाउनका लागि गर्नुपर्ने गुणस्तर मापदण्डलगायतका सबै सरकारी प्रक्रिया पूरा गरी उद्योगले सिमेन्ट पठाउन थालेको हो। उद्योगले पहिलो चरणमा भारतको उत्तर प्रदेशलाई लक्षित गरेर सिमेन्ट पठाउन सुरु गरेको छ।

दैनिक १८ सय टन क्लिंकर उत्पादन क्षमताको प्लाण्ट रहेको उद्योगले दैनिक ३ हजार टन सिमेन्ट उत्पादन गर्दै आएको उद्योगका जनसम्पर्क प्रबन्धक जीवन निरौलाले जानकारी दिए।

न्युज डेक्स ।
रुरुक्षेत्र गाउँपालिका शिक्षा शाखा मार्फत शैक्षिक सामाग्री हस्तान्तरण भएको छ ।

मुख्य मन्त्री शैक्षिक सुधार कार्यक्रम अन्तर्गतपालिकाका ४३ बिद्यालयलाई खेलकुदका सामाग्री,शिक्षण सिकाइ सहजीकरण सामाग्री,युरोगार्ड खानेपानी टंकी लगायतका सामग्री औपचारिक कार्यक्रमका साथ हस्तान्तरण गरिएको हो।

हस्तान्तरण कार्यक्रममा पालिकाका अध्यक्ष यदु ज्ञवाली,उपाध्यक्ष मिना गौतम,प्रमुख प्रशासकीय अधिकृत मधुकृष्ण पौडेल,जनप्रतिनिधिहरु,बिद्यालयका प्रधानाध्यापक,शिक्षक प्रतिनिधि लगायत शिक्षा प्रेमी महानुभावहरुको आतिथ्यता रहेको थियो।

कार्यक्रममा पालिकाका सात सामुदायिक माध्यमिक विद्यालयका प्रधानाध्यापकलाई विद्यालयको कामकाज गर्ने गरी एकएक थान ल्यापटप समेत प्रदान गरिएको अधिकृत पौडेलले बताउनु भयो ।

हस्तान्तरण समारोहमा बोल्दै उप प्रमुख गौतमले शिक्षाको क्षेत्रमा अपरिहार्य परिवर्तन आवसश्यक रहेकोले हरेक विद्यालयमा शिक्षा समितिले अनुगमन गरी भएका समस्याको समाधान गर्न आफ्नो पालिकाको टिम लाग्ने प्रतिबद्धता जाहेर गर्नु भयो ।

यस्तै कार्यक्रममा शैक्षिक जिल्ला समन्वयकर्ता प्रकाश चालिसेले शैक्षिक क्षेत्रलाई सुधार गर्न र प्रबिधिमैत्री बनाउन यो कार्यक्रम स्थानीय तहमा प्रभावकारी हुने कुरामा जोड दिनु भयो।

कार्यक्रममा बोल्दै अध्यक्ष ज्ञवालीले आगामी बर्षहरुमा सबै विद्यालयका प्रशासनिक काममा सहजताका लागि कम्प्युर,ल्यापटप,फोटोकपी तथा विद्युतीय सामाग्रीहरु प्रदान गर्न बजेटको ब्यबस्थापन भएको र शिक्षा क्षेत्रबाट कुनै पनि बालबलिका बिद्यालय जान बाट बन्चित नबनाउन र विदयालय सञ्चालनमा सूचना प्रबिधिलाई जोड्न आफुले प्रदेश तथा केन्द्र सरकार समक्ष नयाँ टेक्नोलजीका विषयमा अध्ययन समेत गरेको बताउनु भयो ।

कार्यक्रमको सहजीकरण शिक्षा शाखा प्रमुख तेज बहादुर कुमालले गर्नु भएको थियो।