Category: विचार

  • दलिय सहमति गरी नागरिकतासम्बन्धी नयाँ विधेयक चाँडै पारित गराइने

    दलिय सहमति गरी नागरिकतासम्बन्धी नयाँ विधेयक चाँडै पारित गराइने

    काठमाडौं ।
    गृहमन्त्री बालकृष्ण खाँणले नेपाल सरकारले दलका बीचमा सहमति गरेर नागरिकतासम्बन्धी नयाँ विधेयक चाँडै पारित गराइने बताएका छन् ।

    प्रतिनिधिसभाको आजको बैठकमा नेपाल नागरिक विधेयक, २०७५ (पहिलो संशोधन) विधेयक फिर्ता लिने प्रस्तावमाथिको छलफलमा उठेका विषयमाथि जवाफ दिँदै सांसद्को चासोलाई सम्बोधन गर्दै बाधा फुकाउने गरी आजै बस्ने मन्त्रिपरिषद्को बैठकमा नयाँ विधेयक प्रस्तुत गर्नेबारे निर्णय हुने जानकारी दिए ।

    उनले सबै नेपालीलाई नागरिकता प्रदान गर्नु राज्य र सरकारको साझा दायित्व भएकाले यसअघि प्रस्तुत विधेयक छलफल र पारित गर्न समय लाग्न सक्ने भएकाले सार्थक प्रयत्नसहित दलीय छलफल गरेर चाँडै नयाँ विधेयक ल्याएर पारित गराइने जनाएका छन् ।

    उनले नागरिकतासम्बन्धी सङ्घीयतासम्बन्धी ऐनको अभावमा नागरिकता पाउन कुरिरहेको युवालाई नागरिकता दिनुपर्ने दायित्वलाई सरकारले पूरा गर्ने विश्वास व्यक्त गरे ।

    नागरिकता नपाएका कारण जनताले दैनिक जीवन गुजार्नसमेत कठिनाइ भोग्नुपरेको यथार्थलाई आत्मसात् गर्दै नयाँ विधेयक ल्याउने ध्येयका साथ विद्यमान विधेयक फिर्ता लिन लागिएकाले यसमा सबै दलको सहयोगको अपेक्षा व्यक्त गरे । उनले महत्वपूर्ण विधेयक र विषयमा दलबीचको सहमति गर्ने परम्परालाई निरन्तरता दिँदै राष्ट्रिय दायित्व पूरा गर्न आग्रह गरे ।

    विसं २०७५ साउन २२ गते सो विधेयक संसद्मा लगेको थियो भने राज्य व्यवस्था तथा सुशासन समितिमा सो विधेयक २२ महिना विचाराधीन रही दफाबार संशोधन भएको थियो । बैठकको बहुमतले सो विधेयक फिर्ताको प्रस्ताव स्वीकृत गरेको छ ।

  • नेपाल ज्योतिष परिषद जिल्लाकार्य समितीमा नयाँ  समिती

    नेपाल ज्योतिष परिषद जिल्लाकार्य समितीमा नयाँ समिती

    चुरामणी तिमिल्सीना,रिडी ।
    पाल्पाको तानसेन र गुल्मीको रिडीमा नेपाल ज्योतिष परिषदको जिल्ला कार्य समितीको नयाँ कार्य समिती गठन कार्य सम्पन्न भएको छ ।

    गुल्मीको रिडीमा सम्पन्न भएको अधिबेशनले शेषनारायण मरासिनिको अध्यक्षतामा १३ जना रहने गरी कार्य समिती गठन गरेको हो।

    यस्तै उपाध्यक्षमा माधब अर्याल,बिष्णु पन्थी ,सचिवमा चुरमणि तिमिल्सिना,सह सचिव माधब राज घिमिरे र अरुण ज्ञवाली,कोषाध्यक्षमा खेम राज ज्ञवाली ,रहनु भएको छ ।

    अधिबेशनले राजन पन्थी ,नवराज पन्थी ,अर्जुन ढकाल ,सुदिप काफ्ले,प्रकाश भट्टराई , हरि सापकोटा सुन्दर ज्ञवाली ,लाई सदस्यमा चयन गरेको हो ।

    यस्तै पाल्पामा सम्पन्न अधिबेशनले हुमनाथ न्यौपानेको अध्यक्षता नयाँ कार्य समिती निर्माण गरेको हो ।

    भेलामा लुम्बिनी प्रदेश का अध्यक्ष ज्योतिष जनार्जन न्यौपाने, केन्द्रिय सदस्य सुन्दर भण्डारी ,केन्द्रिय सदस्य कुष्मा खर न्यौपाने , प्रदेश सचिव मनोहर घिमिरेको आथित्यतामा अधिबेशन सम्पन्न भएको हो ।

    अधिबेशनमा बोल्दै अध्यक्ष न्यौपानेले यस्ता धार्मिक पौराणिक तथा एतिहासिक क्षेत्रमा यस्तो ज्योतिष सदनको आबस्यकता रहेकोले यसलाई स्थापना गरि विभिन्न तालिम यस्तै अंतरकृया र छलफल बाट नयाँ कुराको ज्ञान हुने भएकोले यश सस्था लाई अगाडी बढाउन आफ्नो सस्था र आफूले सबै पक्षबाट सहयोग गर्ने प्रतिबद्धता जायर गर्नुभयो।

    कार्यक्रममा सपथ पछी सचिव तिमिल्सिनाले यश गुल्मी जिल्लामा ज्योतिष गुरुहरुको ठूलो माग भएकोले पुराना पुस्ता सकिदै जानू र नयाँ पुस्ताले यस्ता विषयको अध्यान नगर्दा ग्रामिण भेगमा निकै समस्या रहेकोले यश सदनले अबका दिन्मा युवा पुस्तालाई समेट्दै योजना अगाडी बढाउने प्रतिबद्धता जायर गर्नु भयो।

  • रुरुक्षेत्रका बिद्यालयलाई शैक्षिक सामाग्री हस्तान्तरण

    रुरुक्षेत्रका बिद्यालयलाई शैक्षिक सामाग्री हस्तान्तरण

    न्युज डेक्स ।
    रुरुक्षेत्र गाउँपालिका शिक्षा शाखा मार्फत शैक्षिक सामाग्री हस्तान्तरण भएको छ ।

    मुख्य मन्त्री शैक्षिक सुधार कार्यक्रम अन्तर्गतपालिकाका ४३ बिद्यालयलाई खेलकुदका सामाग्री,शिक्षण सिकाइ सहजीकरण सामाग्री,युरोगार्ड खानेपानी टंकी लगायतका सामग्री औपचारिक कार्यक्रमका साथ हस्तान्तरण गरिएको हो।

    हस्तान्तरण कार्यक्रममा पालिकाका अध्यक्ष यदु ज्ञवाली,उपाध्यक्ष मिना गौतम,प्रमुख प्रशासकीय अधिकृत मधुकृष्ण पौडेल,जनप्रतिनिधिहरु,बिद्यालयका प्रधानाध्यापक,शिक्षक प्रतिनिधि लगायत शिक्षा प्रेमी महानुभावहरुको आतिथ्यता रहेको थियो।

    कार्यक्रममा पालिकाका सात सामुदायिक माध्यमिक विद्यालयका प्रधानाध्यापकलाई विद्यालयको कामकाज गर्ने गरी एकएक थान ल्यापटप समेत प्रदान गरिएको अधिकृत पौडेलले बताउनु भयो ।

    हस्तान्तरण समारोहमा बोल्दै उप प्रमुख गौतमले शिक्षाको क्षेत्रमा अपरिहार्य परिवर्तन आवसश्यक रहेकोले हरेक विद्यालयमा शिक्षा समितिले अनुगमन गरी भएका समस्याको समाधान गर्न आफ्नो पालिकाको टिम लाग्ने प्रतिबद्धता जाहेर गर्नु भयो ।

    यस्तै कार्यक्रममा शैक्षिक जिल्ला समन्वयकर्ता प्रकाश चालिसेले शैक्षिक क्षेत्रलाई सुधार गर्न र प्रबिधिमैत्री बनाउन यो कार्यक्रम स्थानीय तहमा प्रभावकारी हुने कुरामा जोड दिनु भयो।

    कार्यक्रममा बोल्दै अध्यक्ष ज्ञवालीले आगामी बर्षहरुमा सबै विद्यालयका प्रशासनिक काममा सहजताका लागि कम्प्युर,ल्यापटप,फोटोकपी तथा विद्युतीय सामाग्रीहरु प्रदान गर्न बजेटको ब्यबस्थापन भएको र शिक्षा क्षेत्रबाट कुनै पनि बालबलिका बिद्यालय जान बाट बन्चित नबनाउन र विदयालय सञ्चालनमा सूचना प्रबिधिलाई जोड्न आफुले प्रदेश तथा केन्द्र सरकार समक्ष नयाँ टेक्नोलजीका विषयमा अध्ययन समेत गरेको बताउनु भयो ।

    कार्यक्रमको सहजीकरण शिक्षा शाखा प्रमुख तेज बहादुर कुमालले गर्नु भएको थियो।

  • यात्रु सचेतना जगाउने कार्यमा ट्राफिक  प्रहरी सक्रिय

    यात्रु सचेतना जगाउने कार्यमा ट्राफिक प्रहरी सक्रिय

    चुरामणि तिमिल्सिना,रिडी ।
    अस्थायी ट्राफिक प्रहरी पोष्ट रिडी गुल्मीले जनता माध्यमिक बिध्यालय सत्यवती १ अस्लेवाका बिद्यार्थीहरु लाई ट्राफिक नियमहरुको बारेमा जानकारी गराएको छ ।

    सडकमा हिडदा , बाटो क्रस गर्दा , चडदा ,ओर्लिदा ध्यान दिनु पर्ने कुराहरु ,बसमा यात्रा गर्दा हात तथा टाउको बाहिर ननिकाल्न आग्रह,यातायात चालका लाई गन्तव्यमा सफलता पुर्वक पुर्याउन गति सिमित गरी चलाउन आग्रह ,बजार तथा बिध्यालय क्षेत्रमा प्रेसर हर्न नबजाउने,गन्तव्यमा पुग्न बसबाट झरेपछि लाइन बद्द रुपमा बिद्यार्थी हरु लाई हिड्न समेत प्रशिक्षण दिईएको छ ।

    यसरी नियम को पालना गर्दा कुनै पनि दुर्घटना र धनजनको क्षति नहुने साथै बिद्यार्थीहरु लाई दुर्घटना न्यूनीकरण सम्बन्धि सचेतना जगाउने कार्यक्रम गरिएको अस्थायी ट्राफिक प्रहरी पोष्टका प्रहरी सहायक निरीक्षक जगनाथ पाण्डेले जानकारी दिनु भयो

    पाण्डेले केही समय यता रिडी थोर्गा रातामाटा, रिडी खर्याङ सडक खण्ड,कालीगण्डकी करिडोर लगायतका स्थानमा चेक जाच लाई कडा गर्दै सवारी धनी सवारी चालक यात्री लाई विभिन्न चेतनामुलक जानकारी गराउदै बर्षादको समयमा यात्रा गर्दा बाटोमा पहिरो जान सक्ने बाटो अबरोध हुने भएको हुँदा तत्कालै प्रहरी तथा सरोकार बाला निकाय लाई खबर गरी सहयोग गर्न आग्रह गर्नुभयो।

    पछिल्लो समयमा रिडी बजारको पार्किङ लाई ब्यबस्थापन गर्न पुरना तथा अब्यबस्थित ब्रेकर हरुलाइ हटाइ नयाँ टिजिटल ब्रेकर राख्ने कार्य वडा कार्यालय र बजार बासीको समन्वय र सहकार्यम राखीएको पाण्डेले बताउनु भयो ।

  • नागरिकता विधेयक फिर्ता लिने सरकारको निर्णय

    नागरिकता विधेयक फिर्ता लिने सरकारको निर्णय

    काठमाडौं ।
    सरकारले नागरिकता विधेयक फिर्ता लिएको छ। मंगलबार सिंहदरबारमा बसेको मन्त्रिपरिषद बैठकले नागरिकता विधेयक फिर्ता लिने निर्णय गरेको एक मन्त्रीले जानकारी दिए।

    दलहरुबीच सहमति हुन नसकेपछि सरकार विधेयक फिर्ता लिने अवस्थामा पुगेको हो । २०७५ सालमै सरकारले ल्याएको यो विधेयमा प्रतिनिधिसभाको राज्य व्यवस्था तथा सुशासन समितिले छलफल सकेर बहुमतले प्रतिवेदन पारित गरी प्रतिनिधिसभा बैठकमा पेश गरिसकेको छ ।

    विधेयकमा रहेको नेपाली पुरुषसँग विवाह गरेर आउने विदेशी महिलालाई तत्कालै नागरिकता दिने वा ७ वर्षपछि दिने भन्ने विषयमा विवाद थियो।

    बैठकले राष्ट्रिय योजना आयोगका उपाध्यक्षको राष्ट्र संघमा जाने भ्रमण स्वीकृत गरेको छ ।गृहमन्त्रीको सिफारिसमा विभिन्न व्यक्तिलाई आर्थिक सहायता प्रदान गर्ने निर्णय पनि गरेको मन्त्रिपरिषद् स्रोतले बताएको छ ।

    बैठकमा अर्थमन्त्री जनार्दन शर्माको राजीनामाको बिषयमा भने कुनै छलफल भएन ।
    मन्त्रिपरिषद् बैठक सकिएपछि प्रधानमन्त्री शेरबहादुर देउवाले सत्ता गठबन्धनको नेकपा (माओवादी केन्द्र)का अध्यक्ष पुष्पकमल दाहाल प्रचण्डसँग अर्थमन्त्रीको राजीनामाका बिषयमा छलफल गर्न लागेको स्रोतले जनाएको छ।

    बिहान खुमलटारमा बसेको माओवादी केन्द्रको पूर्वस्थायी कमिटी बैठकमा अध्यक्ष प्रचण्डले अर्थमन्त्री शर्माको विषयमा प्रधानमन्त्रीसँग छलफल गरी टुंगो लगाउने निर्णय गरेको थियो।

  • श्रृङ्गा जनता मा.विमा जुनियर युवा रेडक्रस सर्कलको पुर्नगठन

    श्रृङ्गा जनता मा.विमा जुनियर युवा रेडक्रस सर्कलको पुर्नगठन

    श्रृङ्गा ,गुल्मी ।
    श्रृङ्गा जनता मा.वि छत्रकोट ४ गुल्मीमा जुनियर÷युवा रेडक्रस सर्कलको पुनर्गठन गरिएको छ।

    विद्यालयमा सोमबार एक कार्यक्रमको बिचमा जुनियर÷युवा रेडक्रस सर्कलको पुनर्गठन गरिएको हो जसमा अध्यक्ष पदमा कक्षा १० का छात्र रन्जित पन्थ सर्वसम्मत निर्वाचित भएका छन् ।

    त्यस्तै सचिवमा कक्षा ९ बाट सोनिया कंडेल, उपसचिवमा कक्षा ९ बाटै अमित कंडेल र उपकोषाध्यक्षमा कक्षा ६ बाट प्रज्ञान कंडेल निर्विरोध निर्वाचित भएका छन् । उपाध्यक्ष र कोषाध्यक्षको टुंगो लाग्न बाकी छ। त्यस्तै सदस्यमा अस्मिता अर्जेल, प्रदीप झांक्री, रक्षा पन्थ, चन्दन झाक्री र सिद्दान्त बन्जाडे निर्बिरोध चुनिएका हुन् ।

    नेपाल रेडक्रस सोसाइटी जिल्ला शाखा गुल्मीको परिपत्र अनुसार कक्षा ८ सम्मका जुनियर सदस्य ४ जना र कक्षा ९–१२ का युवा सदस्य ७ जना गरि जम्मा ११ सदस्यीय रहने गरि नेपाल जुनियर÷युवा रेडक्रस सर्कलको पुनर्गठन गरिएको विद्यालयका प्रधानाध्यापक विकाश चन्द्र खरेलले बताउनुभयो।

    जसमा प्रधानाध्यापक खरेल संरक्षक हुनुहुन्छ भने शिक्षक नायकमा ललिता पन्थ र सह नायकमा माधव ज्ञवाली चयन हुनुभएको छ ।

  • माण्डव्य वंशको ईतिहासलाई व्यवस्थित गर्ने प्रयास :तेस्रो केन्द्रीय अधिवेशन सम्पन्न

    माण्डव्य वंशको ईतिहासलाई व्यवस्थित गर्ने प्रयास :तेस्रो केन्द्रीय अधिवेशन सम्पन्न

    कृष्ण अन्जान,गुल्मी ।
    सँघिय राज्य प्रणालीको शुरुवात सँगै जातिय अधिकार र पहिचानका कुरा मात्र उठेनन समानुपातिक राज्य व्यवस्थाले जातिय अधिकारलाई पनि स्थापित गरेको छ ।

    लामो समयसम्म दविएका जाति जनजाति तथा सिमान्तकृत समुदायले अधिकार पाएका छन । राज्यका निकाए हरुमा पुगेका छन ।
    यतिबेला जातिय मात्र नभएर वँशीय ईतिहास खोज्ने काम पनि शुरु भएको छ ।

    आफै खोजौँ आफ्नो पहिचान,अघि बढौ गरौँ पुर्खाको सम्मान यहि अवधारणाका साथ माण्डव्य वंशीय हरुले माण्डव्य ऋषिको तपोभुमी
    पाल्पाको माडि नजिकैको जिल्ला रिडीमा तेस्रो केन्द्रीय अधिवेशन सम्पन्न गरेका छन ।

    हाम्रो अभियान पुर्खाको सम्मान गर्नु र माण्डव्य वंशीयहरुको ईतिहास खोज्नु हो यो कुनै राजनीतिक सँगठन होईन र पुर्ण रुपले ईतिहास र पौराणिकताको खोज अनुसन्धान मुलक सँस्था हो माण्डव्य समाजका केन्द्रीय अध्यक्ष हेमन्त राज माण्डव्यले भने ।

    सोध र अनुसन्धानमा जुटेको माण्डव्य सेवा समाजले माण्डव्य वँशको शुरुवात गर्ने माण्डव्य ऋषिको तपोभुमि पाल्पाको माडि फाँट भएको मान्यता राख्छ । यहि माडिफाँटमा माण्डव्य ऋषिले तपस्या यज्ञादि गरेको र यहिवाट वँश शुरुवात भएपछि नेपालका विभिन्न भाग र भारततिर समेत वँश फैलिएको ईतिहासले भन्छ ।

    माण्डव्य गोत्रिय भित्र भण्डारी,ज्ञवाली,अधिकारी,बजगाँई,रावल लगाएतका प्रमुख थर हरु हुन भने माण्डव्य समाजले गरेको अध्ययनले बयानव्वे थरी फेला पारेको र दुई थरी लोप भईसकेको र नव्वे थरि कायमै रहेका छन ।माण्डव्य सेवा समाजले देशका अडसठ्ठि जिल्लामा आफ्नो सँगठन निर्माण गरिसकेको छ र खोज अनुसन्धान भारतमा पनि जारि राखेको छ ।

    माण्डव्य गोत्रियहरुको पुर्ख्यौलीको विगत देखि वर्तमान सम्मलाई पछ्याउँदै जाँदा माडीफाँट क्षेत्रबाट भारतकोकस्मिर,हिमान्चल,उत्तराखण्ड लाई
    छिचोल्दै डोटिो बाँझगाउँमा कर्मथलो बनाए पछि यहाँबाट पनि अछाम जुम्ला हुँदै देशैभरि छरिएको हजारौं वर्षको ईतिहास छ ।

    मनुष्य जातिको उत्पति पछि वँश गोत्रहरु पनि सँगै बने ,यहि गोत्र वँशको ऐतिहासिकतालाई खोज्न सके भावि पुस्ताले समेत गोत्र र वँशबारे
    ज्ञान लिन सक्ने देखिन्छ ।

  • सत्यबतीमा चार दिने बालबिकास सहजकर्ता तालिम सम्पन्न

    सत्यबतीमा चार दिने बालबिकास सहजकर्ता तालिम सम्पन्न

    चुरामणि तिमिल्सिना, रिडी ।
    सत्यवति गाउँपालिका गुल्मीले चारदिने बालविकास सहजकर्ता तालिम सम्पन्न गरेको छ ।

    सामुदायिक र सस्थागत बिद्यालयका ४३ जना शिक्षकहरुको सहभागीता रहेको कार्यक्रममा अनुभवी र दक्ष शिक्षकहरु बाट प्रशिक्षण दिईएको छ ।

    बाल बालिकाको लागि नयाँपन,हसिलो विषय बस्तुमा आधारित रहदै अध्यापन गराउन टेवा पुगोस तथा बालबालिकाको मनोभावना बुझेर सिकाइ लाई अगाडी बढाउनको लागि तालिम सन्चालन गरिएको हो। बिद्यार्थीहरु नयाँ ज्ञान र तोते बोली लाइ चित्रकला मार्फत अगाडी बढाउन ठूलो टेवा पुग्ने कार्यक्रम पछी सहभागीले बताएका छन् ।

    कार्यक्रममा पालिकाका अध्यक्ष टिकाराम पाण्डे ,उपाध्यक्ष निरमाया तराममुले सहभागी लाई प्रमाणपत्र बितरण गर्नु भएको थियो।

    प्रमाणपत्र बितरण गर्दै अध्यक्ष र उपाध्यक्षले तालिममा सिकेका कुराहरुलाई ब्यबहारमा उतार्दै, बाल बच्चाहरुको सिकाइमा अब कमि नहुने बताउदै आबस्यक परे थप शिक्षा क्षेत्रमा गुणस्तर वृद्धिमा शिक्षा शाखाले थप तालिम सन्चालन गर्न सक्ने बताउनु भयो ।

    कार्यक्रमको सहजीकरण शिक्षा साखा प्रमुख बिष्णु ज्ञवालीले गर्नु भएको थियो ।

  • आइतबार:सूर्यदेवको पूजा गरे मिल्छ यस्तो लाभ (जानी राखौं)

    आइतबार:सूर्यदेवको पूजा गरे मिल्छ यस्तो लाभ (जानी राखौं)

    काठमाडौं ।
    हिन्दू धर्मअनुसार आइतबार सूर्यदेवको बार मानिन्छ ।

    यस दिन केहि सरल उपाय मार्फत सूर्य देवलाई प्रसन्न गर्न सकिने र जीवनका सबै समस्या समाधान गर्न सकिने धार्मीक मान्यता छ ।

    सूर्यदेवबाट प्रकाश, आरोग्य, प्रतिष्ठा प्राप्त हुने छ भने दुष्टहरुको निवारण हुनेछ । नवग्रह शान्ति विधानमा मात्र सूर्योपासनाबाट सबै ग्रहको शान्ति मिल्ने उल्लेख छ ।

    किन भने सूर्यदेवलाई नौ ग्रहको मुख्य ग्रह अर्थात राजा मानिन्छ ।

    तपाईंले जीवनमा कुनै तनाव झेलिरहनु भएको छ भने सूर्यदेवलाई प्रसन्न पारेर आफ्नो सबै तनाव निवारण गर्न सक्नु हुनेछ ।
    सूर्यदेवको कृपाबाट व्यक्तिलाई समाजमा मानसम्मान प्राप्त हुनेछ । साथै, नोकरी तथा भाग्य सम्बन्धी समस्या सूर्यको पूजाबाट टाढा हुनेछ ।

    हरेक दिन बिहान सूर्यलाई नमस्कार गरेमा बल, बुद्धि, विद्या, वैभव,तेज,ओज,पराक्रम तथा दिव्यता प्राप्त हुनेछ ।
    आइतबारको दिन व्रतालुहरुले एक छाक मात्र खाना खानुपर्दछ । साथै खानामा नुनतेल मिसाउनु हुँदैन ।
    व्रत बस्नेहरुले रातो वस्त्र लगाउँदा सूर्यदेव प्रसन्न हुन्छन् भने पूजा गर्दा रातो रङ्गको फूल चढाउनुपर्छ ।

    हिन्दु धर्ममा सूर्यलाई प्रत्यक्ष देव भनिन्छ ।सूर्यको किरणले पृथ्वी प्रकाशमय हुने भएकाले यसलाई जीवनको आधार समेत मानिन्छ ।
    धर्ममा देवता हुनका साथै ज्योतिष मान्यतामा सूर्य ग्रह पनि हो ।यसलाई नौ ग्रह मध्ये सबैभन्दा महत्वपूर्ण मानिन्छ ।

    त्यसैले कुण्डलीमा सूर्यको स्थिति कमजोर भए मान–सम्मान र सुख–समृद्धिमा कमी हुने मान्यता छ ।
    सूर्यको स्थिति बलियो पार्न र सुर्य देवलाई प्रसन्न पार्न आइतबार पूजा र केहि उपाय अपनाउनु पर्दछः

    १. हरेक नित्य बिहान सबेरै उठेर स्नान गरी सूर्य देवलाई जल अर्पण (अर्घ) गर्नु पर्दछ ।

    २. यो कार्य साताभरी सम्भव नभए पनि आइतबार भने गर्नुपर्ने मान्यता छ ।

    ३. उदाउँदो सुर्यलाई जल अर्पण गर्दा यसमा सख्खर मिसाएर अर्घ दिनु शुभ मानिन्छ ।

    ४. सूर्य देवलाई रातो रंग मनपर्ने भएकाले जलमा एक चिम्टि कुमकुम मिसाउन सकिन्छ ।

    ५. आइतबार जल अर्पण गर्दा रातो फूल पनि सूर्य देवलाई अर्पित गर्नु पर्दछ ।

    ६. रातो फुल र कुमकुम हालेका जल बरको रुखमा चढाए सूर्य देव प्रसन्न हुने मान्यता छ ।

    ७. आइतबार आदित्य हृदय स्तोत्रको पाठ गर्न अत्यन्त प्रभावशाली मानिन्छ ।

    ८. कुण्डलीमा सुर्य मजबुत पार्न आइतबार सुर्य देवको नुन नखाई व्रत बस्नु पर्दछ । एजेन्सीको सहयोगमा

  • आफ्नै जेठाजु द्वारा गुल्मीमा भाइबुहारी  बलात्कृत

    आफ्नै जेठाजु द्वारा गुल्मीमा भाइबुहारी बलात्कृत

    गुल्मी ।
    गुल्मीमा भाइबुहारी बलात्कारको आरोपमा जेठाजु पक्राउ परेका छन् । जिल्लाको धुर्कोट गाउँपालिका–६ निवासी ३५ वर्षीय अधर्मी (नाम परिवर्तन) आफ्नै सहोदर भाइकी १९ वर्षीय श्रीमती बलात्कार गरेको आरोपमा पक्राउ परेका हुन ।

    असार १४ गते दिउँसो सोही वडाको किटानी भन्ने स्थानको गोठमा भाइ बुहारीलाई बलात्कार गरेको आरोपमा जाहेरी परेपछि शुक्रबार पक्राउ गरिएको जिल्ला प्रहरी कार्यालयका सूचना अधिकृत प्रहरी निरीक्षक श्याम प्रकाश यादवले जानकारी दिए ।

    यादवका अनुसार ती महिलाका श्रीमान् रोजगारीका सिलसिलामा देश बाहिर र्हेका छन् ।