Category: विचार

  • लुम्बिनी प्रदेशस्तरीय राष्ट्रपति रनिङ शिल्ड प्रतियोगिताको उपाधि बाँके जिल्लालाई

    लुम्बिनी प्रदेशस्तरीय राष्ट्रपति रनिङ शिल्ड प्रतियोगिताको उपाधि बाँके जिल्लालाई

    दाङ ।
    दाङको बेल्झुन्डीमा सञ्चालित १२ औ संघीय तथा प्रथम लुम्बिनी प्रदेशस्तरीय राष्ट्रपति रनिङ शिल्ड प्रतियोगिता –२०७९ को उपाधि बाँके जिल्लाले जितेको छ।

    नेपाल सरकार युवा तथा खेलकुद मन्त्रालयको तत्त्वावधान तथा लुम्बिनी प्रदेश खेलकुद परिषद्को आयोजनामा सञ्चालित प्रतियोगितामा १९ स्वर्ण ७ रजत र १० कास्य पदक हात पार्दै बाँकेले उपाधि जितेको हो।

    उपाधिसँगै उसले लुम्बिनी प्रदेशस्तरीय रनिङ शिल्ड उचाल्यो। त्यस्तै बर्दिया जिल्ला ९ स्वर्ण ९ रजत र १२ कास्य पदकका साथ द्वितीय हुँदा दाङ ६ स्वर्ण, ११ रजत र १३ कास्य पदक हात पार्दै तृतीय भयो भने कपिलवस्तु जिल्ला ६ स्वर्ण, ४ रजत र २ कास्य पदकका साथ सान्त्वना भयो।

    यसैबीच प्रतियोगिताअन्तर्गत कराते छात्रमा गुल्मी जिल्लाका हिमाल क्षेत्री र छात्रामा दाङकी डोल्मा थापा उत्कृष्ट खेलाडी घोषित भए।

    त्यस्तै एथलेटिक्समा छात्रमा बाकेका युवराज बिक र छात्रामा दाङकी निशा चौधरी उत्कृष्ट खेलाडी भए। त्यस्तै उसुतर्फ छात्रमा बाकेका सुदीप रोका मगर र छात्रामा बर्दियाकी लिन्दा दहित उत्कृष्ट भए। त्यस्तै भलिबल छात्रमा रुपन्देहीका बादल राना र छात्रातर्फ रुपन्देहीकै सपना डागी उत्कृष्ट खेलाडी भए।

    प्रतियोगितामा ब्यक्तिगत विधाअन्तर्गत एथलेटिक्स,उसु,करातेमा प्रथम स्थान हात पारेका खेलाडी र टिम गेमतर्फको कबडी,भलिबलमा छनोटका आधारमा टिम तयार गरिनेछ।

    छनोटमा परेका खेलाडीले असार २८ देखि ३० गतेसम्म हुने राष्ट्रिय राष्ट्रपति रनिङ शिल्ड प्रतियोगितामा लुम्बिनी प्रदेशको प्रतिनिधित्व गर्दै प्रतिस्पर्धा गर्नेछ्न्।

  • कांग्रेसको पदाधिकारी बैठक आज बस्दै

    कांग्रेसको पदाधिकारी बैठक आज बस्दै

    काठमाडौं ।
    नेपाली कांग्रेसको पदाधिकारी बैठक आज बस्दैछ। बैठक दिउँसो १ बजे पार्टी केन्द्रीय कार्यालय सानेपामा बस्ने पार्टी उपसभापति धनराज गुरुङले जानकारी दिए।

    भोलि बस्ने केन्द्रीय समिति बैठकका विषयमा छलफल हुने उपसभापति गुरुङले बताए। केन्द्रीय समिति बैठकका एजेण्डामा सहमति जुटाउन पदाधिकारी बैठक बस्न लागेको हो।

    कांग्रेसले केन्द्रीय समिति बैठकमा स्थानीय तह निर्वाचनको समीक्षा र विविध एजेन्डामाथि छलफल हुने जनाइएको छ। स्थानीय निर्वाचनपछि पहिलो पटक कांग्रेस केन्द्रीय समिति बैठक सोमबार बस्दै छ।

    आजको पदाधिकारी बैठकमा भ्रातृ संस्थाको विधानबारे पनि छलफल हुने बताइएको छ।

  • वर्षाका कारण दाङमा हुलाकी सडक भासियो

    वर्षाका कारण दाङमा हुलाकी सडक भासियो

    दाङ ।
    वर्षाका कारण दाङमा हुलाकी सडकमा क्षति पुगेको छ । हुलाकी राजमार्गको गढवा–राजपुर सडक खण्डअन्तर्गत राजपुर गाउँपालिका–२ मटेरियामा कल्भर्ट र सडकको केही भाग भासिएको छ ।

    पानी निकास हुन नसक्दा सडक र कल्भर्टमा क्षति पुगेको स्थानीयले बताएका छन । सडकमा क्षति हुँदा अवागमन रोकिएको छ ।

    हुलाकी सडकअन्तर्गत बनिरहेको सडक तत्काल मर्मत गरेर सञ्चालनमा ल्याउन स्थानीयले माग गरेका छन् ।

    अहिले पूर्वमा कालाकाटेदेखि पश्चिममा राजपुरको गंगदीसम्मको करिब ४० किलोमिटर सडक कालोपत्रेको काम भइरहेको हो ।

  • एकीकृत समाजवादीको लुम्बिनी प्रदेश अध्यक्षमा सोमप्रसाद पाण्डे चयन

    एकीकृत समाजवादीको लुम्बिनी प्रदेश अध्यक्षमा सोमप्रसाद पाण्डे चयन

    बुटवल ।
    नेकपा एकीकृत समाजवादीको लुम्बिनी प्रदेश अध्यक्षमा सोमप्रसाद पाण्डे चयन भएका छन् । शनिबार बुटवलमा सम्पन्न पार्टीको प्रदेश कमिटी वैठकले संघीय सांसदसमेत रहेका पाल्पाका पाण्डेलाई अध्यक्ष चयन गरेको हो ।

    यसअघिका प्रदेश अध्यक्ष मेटमणि चौधरी शहरी विकास मन्त्री नियुक्त भएपछि पाण्डेलाई अध्यक्ष बनाइएको एकीकृत समाजवादीका नेताहरुले बताएका छन् ।

    यस्तै पार्टीको केन्द्र र प्रदेश कमिटीमा रहेका नेताहरुको भूमिका हेरफेर गरिएको छ । जसअनुसार प्रदेश सचिव एवं रुपन्देही अध्यक्ष रहेका राजु गुरुङले जिल्ला अध्यक्षको जिम्मेवारी छाडेका छन् । रुपन्देही अध्यक्षमा अविराम विक चयन भएका छन् ।

    उपाध्यक्ष रहेका सिद्धिचरण भट्टराई लुम्बिनी विकास कोषको कोषाध्यक्ष नियुक्त भएकाले उनको ठाउँमा श्रीराम यादव चयन भएका छन् ।

    यस्तै अर्का उपाध्यक्षमा चीनबहादुर गुरुङ, सचिवमा सरिता श्रीस, उपसचिवमा थानेश्वर खरेल, टंक पोखरेल र मीरा श्रेष्ठ चयन भएका छन् । रुपन्देही जिल्लाको नेतृत्व हेरफेरसम्बन्धी जिल्ला समितिले गरेको सिफारिस प्रदेश समितिले अनुमोदन गरेको प्रदेश सचिव राजु गुरुङले बताए ।

    वैठकले आगामी निर्वाचनलाई लक्षित गर्दै १२ वटै जिल्लामा निर्वाचन अभियान थाल्ने निर्णय गरेको छ ।

    वैठकलाई सम्बोधन गर्दै पार्टी अध्यक्ष माधवकुमार नेपालले निर्वाचनमा ५ दलीय गठबन्धन कायम रहने भएपनि गठबन्धनको मात्र भर नपरी संगठन विस्तार र परिचालनमा केन्द्रित हुन निर्देशन दिएका सचिव गुरुङले बताए ।

  • पहिरोले घर गोठमा क्षती : २ भैंसीको मृत्यु

    पहिरोले घर गोठमा क्षती : २ भैंसीको मृत्यु

    सत्यवति ,गुल्मी ।
    गुल्मीको सत्यवति गाउँपालिका वडा न ६ भलादिमा पहिरोले गोठ च्यापीदा २ वटा भैंसीको मृत्यु भएको छ ।

    शुक्रवार रातीदेखि परेको अविरल वर्ष संगै आएको पहिरोले कालिराज भण्डारीको घर गोठमा क्षती पुगेको हो । पहिरोका कारण करिव ४० लाखको क्षती भएको वडा न ६ का वडा अध्यक्ष बिष्णु प्रसाद भण्डारीले जानकारी दिनु भयो । टिनको छाानो रहेको गोठ पुणरुपर्मा क्षतिभएको र घरको पछाडीको भाग पुरिएको छ । गोठमा १ लैनो भैंसी १ ब्याउने भैसि पुरिएको छ । साथै गोठमा रहेको अन्नपात र घाँस पराल समेत सवै पुरीएको अध्यक्ष भण्डारीले बताउनु भयो ।

    सवै परिवारले खान खाइरहेको अबस्थामा एक्कासी माथीबाट ठूलो आवाजमा पहिरो आयो र सबै पुरिदियो भण्डारीले बताउनु भयो। पहिरो लाई हटाउन नेपाल प्रहरी जन प्रतिनिधि पत्रकार तथा स्थानीको ठूलो संख्यामा उपस्थिती रहेको थियो ।

    सडक सन्चालन भए पनि पुरिएका भैसीहरु भने निकाल्न्न डोजर प्रयोग गरिएको छ । पिडितलाई तत्काल राहातको लागी पालिकाको आपतकालीन बैठक बसि सहयोग गर्ने वडा न ६ का वडा सदस्य युवराज न्यौपानेले जानकारी दिनु भयो।

    अहिले पिडित परिवार लागि स्थाननतरणको लागि र सामाग्री सार्नको लागी स्थानीयले सहयोग गरेका छन् ।

  • चन्द्रकोट गाउँपालिकामा : सार्बजनिक सुनुवाई तथा सामाजिक परिक्षण कार्यक्रम

    चन्द्रकोट गाउँपालिकामा : सार्बजनिक सुनुवाई तथा सामाजिक परिक्षण कार्यक्रम

    चुरामणि तिमिल्सिना ।
    हरेक क्षेत्रमा सबैको कृयाशिलता सबल एवम सक्षम चन्द्रकोट,भ्रष्टाचारमा शून्य सहनशीलता भन्ने मुल नाराका साथअगाडी बढेको चन्द्रकोट गाउँपालिकाले आ.व. २०७८/०७९ लाई लक्षित गर्दै सार्बजनिक सुनुवाई तथा सामाजिक परिक्षण कार्यक्रम सम्पन्न गरेको छ ।

    चन्द्रकोट गाउँपालिकाका अध्यक्ष युवराज के सीलेकार्यक्रमको ब्यानर बाचन गरी कार्यक्रमको उत्घाटन गर्नु भएको थियो।
    कार्यक्रममा पालिकाकाउपाध्यक्ष बिष्णु प्रसाद भण्डारी यस्तै प्रमुख प्रशासकीय अधिकृतइन्द्र बहादुर खत्रीले कार्यक्रममा सहभागीले राखेको जिज्ञाको जवाफ दिनु भएको थियो।

    सहजिकरणको लागी नेपाल पत्रकार महासघं गुल्मीका अध्यक्ष टोपलाल अर्याल, सह–सचिव तिलाचन पाण्डे,कार्यसमिति सदस्य महेश बोहोरा लगायत संचार टिमले कार्यक्रमको भुमिका निर्बाहा गर्नु भएको थियो ।

    कार्यक्रममा वडा अध्यक्षहरु कार्य पालिकाकाका सदस्यहरु वडा सदस्यहरु विभिन्न शाखका प्रमुखहरु,विषयगत समितिका पदाधिकारीहरु बौद्धिक बर्ग सुरक्षा निकाय ,राजनैतिक दलका प्रमुख प्रतिनिधीहरु महिला समूह लगायतको सहभागीता रहेको थियो।

    सुनाइ कार्यक्रममा आयोजना सन्चालन , पशुविमा ,कर शिक्षा ,महिला क्षमता तालिम सन्चार बिधुत सडक,खेलकुद मैदान,टोल फ्री नम्बर , बादरको समस्या सरकारी जगा ब्यबस्थापन , तथा भक्तानी ब्यबस्थापन सहज जस्ता विषयमा कार्यक्रम केन्द्रित रहेको थियो।

    सर्ब साधारणले राखेको जिज्ञासा उत्तर दिदै हरेक समस्य समाधन गर्न पालिकाको सिङ्गो टिम लागिरहेको, तत्कालनै गर्नु पर्ने काम लाई जन्प्रतिनीधि आमा समूह ,तथा श्रम दान बाट सहजीकरण गर्ने ब्यापारी बर्गको लागि करको दायरा्मा ल्याउने स्वास्थ खानेपानी लाई तत्काल नै पालिकाले सम्बोधन गर्ने अध्यक्ष उपाध्यक्ष र अधिकृतले प्रतिबद्धता जायर गर्नु भयो ।

    कार्यक्रमको सन्चालन शिव ज्ञवालीले गर्नु भएको थियो।

  • गाउँपालिकाले किसानहरुलाई दियो पाडी उपहार

    गाउँपालिकाले किसानहरुलाई दियो पाडी उपहार

    भुवन भुसाल, गुल्मी ।
    गुल्मीको छत्रकोट गाउँपालिका वार्ड न ४ का किसानहरुलाई पाडी उपहार दिइएको छ ।
    कृषि पेशा गरिरहेका तर आर्थिक रुपमा कमजोर किसानलाई छत्रकोट गाउँपालिकाले भैसिको पाडी उपहार स्वरुप प्रदान गरेको छ । आर्थिक बर्षको अन्त्य सम्म पनि योजना कार्यान्वयन नभएको अवस्थामा नयाँ निर्वाचित जनप्रतिनिधिको अनवरत खटाईले आफुहरुले पाडी उपहार पाएको भन्दै किसान हर्षित भएका छन ।

    मागका आधारमा वार्डका २७ जना किसानहरुलाई पाडी प्रदान गरिएको वडा अध्यक्ष गुणाखर ज्ञवालीले बताउनुभयो । दूध उत्पादनका निम्ति भैंसी प्रवर्द्धन कार्यक्रम अन्तर्गत २७ जना किसानहरूलाई भैसिको पाडी दिइएको हो ।

    “जो किसान पौरखी छ, तर आर्थिक अवस्था कमजोर छ उनिहरुलाई छनोट गरेर पाडी बितरणका निम्ति छनोट गरिएको हो ” वडा सदस्य केशब कंडेलले भन्नुभयो । नेपाल सरकारको दूध मिसन कार्यक्रम अन्तर्गत भैंसी प्रवर्द्धन कार्यक्रम बाट पाडी बितरण गरिएको हो ।

    बितरण गरिएका भैंसी किसानहरुले ३ बर्ष सम्म बिक्रि गर्न पाउदैनन् , प्रत्येक ३ /३ महिनामा अनुगमन गर्ने सर्तमा भैसिको पाडी बितरण गरेको दिगाम भैंसी पालन उपभोक्ता समितिका अध्यक्ष चुण्ड प्रसाद कंडेलले बताउनुभयो ।

    बितरण गरिएका सबै पाडिहरुको आज बिमा समेत गरिएको छ । छत्रकोटका पशु शाखा प्रमुख टेकराज खनालले गत बर्ष भैंसी बितरण कार्यक्रम आलोचित भएकाले ब्यवसायीक रुपमा भैंसी पालन गरेर आम्दानी लिन आग्रह गर्नुभयो । कार्यपालिका सदस्य भगवती न्यौपाने वडा सदस्य थानेस्वर पन्थ र कृषि प्राबिधिक पबित्रा खनाल लगायतको उपस्थितिमा भैसिका पाडी बिरतण गरिएको हो ।

    २७ वटा पाडी स्थानिय जनप्रतिनिधि , समुहका पदाधिकारी लगायतको सक्रियतामा छत्रकोट भित्रै खरिद गरिएको हो । खरिद गरिएका पाडी एकै स्थानमा राखी चिट्ठा प्रणाली बाट बितरण गरिएको छ ।

  • जापानका पूर्वप्रधानमन्त्री आबेको निधनमा शनिबार राष्ट्रिय शोक मनाउने

    जापानका पूर्वप्रधानमन्त्री आबेको निधनमा शनिबार राष्ट्रिय शोक मनाउने

    काठमाडौं ।
    जापानका पूर्वप्रधानमन्त्री सिन्जो आबेको निधनमा सरकारले शनिबार राष्ट्रिय शोक मनाउने निर्णय गरेको छ।

    शुक्रबार बसेको मन्त्रिपरिषद् बैठकले उक्त निर्णय गरेको हो। आबेको गोली प्रहार गरी हत्या भएकोमा उक्त निन्दनीय कार्यको सरकारले घोर भर्त्सना समेत गरेको छ।

    ‘मित्र राष्ट्र जापानका पूर्वप्रधानमन्त्री सिन्जो आबेको गोली प्रहार गरी हत्या भएकोमा उक्त निन्दनीय कार्यको नेपाल सरकार घोर भर्त्सना गर्दछ।
    उहाँको निधनप्रति गहिरो दुःख प्रकट गर्दै जापान सरकार, जापानी जनता र स्वर्गीय आबेको परिवारजनप्रति नेपाल सरकार हार्दिक समवेदना व्यक्त गर्दछ। नेपाल सरकारले स्वर्गीय आबेको सम्मानमा मिति २०७९ असार २५ गते शनिबार राष्ट्रिय शोक मनाउने निर्णय गरेको छ’, मन्त्रिपरिषद्को निर्णयमा भनिएको छ।

    जापानका पूर्वप्रधानमन्त्री सिन्जो आबेको शुक्रबार हत्या भएको हो। स्थानीय समयअनुसार बिहान साढे ११ बजेतिर दक्षिणपश्चिम जापानको नारा सहरमा आबेमाथि गोली हानिएको थियो।

    आइतबार हुने माथिल्लो सदनको चुनावमा आबेको लिबरल डेमोक्र्याटिक पार्टीका एक उम्मेदवारको पक्षमा भाषण गरिरहेका आबेमाथि गोली हानिएको थियो।

  • पाल्पा सिमेन्ट उद्योगको उत्पादन : भारत निर्यात गर्न सुरु

    पाल्पा सिमेन्ट उद्योगको उत्पादन : भारत निर्यात गर्न सुरु

    बुटवल ।
    पाल्पा सिमेन्ट उद्योगले आफ्नो उत्पादन पहिलो पटक भारत निर्यात गर्न सुरु गरेको छ ।

    पश्चिम नवलपरासीको सुनवल नगरपालिका–७ स्थित आरएमसी ग्रुपद्वारा सञ्चालित उद्योगले शुक्रवारबाट तानसेन सिमेन्ट सुनौली नाका हुँदै भारततर्फ निकासी सुरु गरेको सञ्चालक शेखर अग्रवालले जानकारी दिए। स्

    थानीय र राष्ट्रिय स्तरमा बजारीकरण गर्दै आएको उद्योगले पहिलो दिन ३ हजार बोरा सिमेन्ट भारत पठाएको छ। नेपालमा उत्पादित सिमेन्ट भारतीय बजारमा निर्यात सुरु भएको छ।

    भारतमा सिमेन्ट पठाउनका लागि गर्नुपर्ने गुणस्तर मापदण्डलगायतका सबै सरकारी प्रक्रिया पूरा गरी उद्योगले सिमेन्ट पठाउन थालेको हो। उद्योगले पहिलो चरणमा भारतको उत्तर प्रदेशलाई लक्षित गरेर सिमेन्ट पठाउन सुरु गरेको छ।

    दैनिक १८ सय टन क्लिंकर उत्पादन क्षमताको प्लाण्ट रहेको उद्योगले दैनिक ३ हजार टन सिमेन्ट उत्पादन गर्दै आएको उद्योगका जनसम्पर्क प्रबन्धक जीवन निरौलाले जानकारी दिए।

  • नवौँ राष्ट्रिय खेलकुद:विजेतालाई १० लाख रुपैयाँको आकर्षक ट्रफी

    नवौँ राष्ट्रिय खेलकुद:विजेतालाई १० लाख रुपैयाँको आकर्षक ट्रफी

    काठमाण्डौ ।
    नवौँ राष्ट्रिय खेलकुदका लागि राष्ट्रिय खेलकुद परिषद् (राखेप) का सदस्य सचिव टंकलाल घिसिङको संयोजकत्वमा कार्यकारी समिति गठन गरिएको छ । आज शुक्रवार बसेको मुल आयोजक समितिको बैठकले कार्यकारी समिति गठन गर्ने निर्णय गरेको हो ।

    बैठकले आवश्यकता अनुसार निर्देशिकामा रहेका १४ वटा विषयगत समिति गठनका लागि कार्यकारी समितिलाई निर्देशन दिएको छ ।

    नवौँ राष्ट्रिय खेलकुद प्रतियोगिता आउँदो असोज २८ देखि कात्तिक ३ गतेसम्म गण्डकी प्रदेशका विभिन्न ठाउँमा हुँदैछ । प्रतियोगितामा सात वटा प्रदेश, तीन विभाग र गैरआवासीय नेपाली सङ्घ (एनआरएनए) गरी ११ टोलीले ३६ खेलमा प्रतिस्पर्धा गर्ने भएका छन् ।

    प्रतियोगितामा विजेता टोलीलाई १० लाख रुपैयाँको आकर्षक ट्रफी दिइने भएको छ ।
    मूल आयोजक समितिको बैठकले प्रतियोगिताको विजेता टोलीलाई प्रदान गर्न १० लाख रुपैयाँको आकर्षण ट्रफी बनाउने निर्णय गरेको हो । सर्वाधिक स्वर्ण पदक विजेता टोलीले पाउने ट्रफी सरकारले बनाउने भएको हो ।