Category: विजनेश

विप्लव नेतृत्वको नेपाल कम्युनिस्ट पार्टी गुल्मी को चौथोे जिल्ला सम्मेलन क सुमन को नेतृत्वमा १७ सदस्यीय समिति निर्वाचित गर्दै सम्पन्न भएको छ । गुल्मीको धुर्कोट गाउँपालीकाको कुमारी मन्दिरमा सम्पन्न उक्त सम्मेलनको समुद्घाटन सम्मेलनका प्रमुख अतिथि तथा नेपाल कम्युनिस्ट पार्टीका केन्द्रीय सदस्य प्रजलद्वारा उद्घाटन समारोह लेखिएको ब्यानर फुकाउदै मैनबत्ती बालेर गरिएको थियो । प्रमुख अतिथिद्वारा शुभकामना मन्तव्य राख्दै राष्ट्रिय(अन्तर्राष्ट्रिय परिस्थिति , वैज्ञानिक समाजवादको टड्कारो आवश्यकता, एकीकृत जनक्रान्तिको औचत्यको बारेमा स्पष्ट धारणा राख्दै वर्तमान परिस्थिति वैज्ञानिक समाजवाद स्थापनाको लागि अनुकूल रहेको धारणा व्यक्त गरिएको थियो । जिल्ला इञ्चार्ज अपेक्षा अर्घाखाँची जिल्लाका सचिब खेम तथा कपिलवस्तु सचिब कमल लगायतको शुभकामना मन्तव्य राखिएको उक्त सम्मेलनको उद्घाटन समारोहमा जिल्लाका सचिब सुमनको अध्यक्षता , स्वागत मन्तव्य बिनोदको रहेको थियोे ।
कार्यक्रमको सन्चालन जिल्ला सदस्य बसन्त ले गर्नु भएको थियो

दाङमा ड्याममा डुबेर वेपत्ता भएको पुरुषको शव तीन दिन पछि भेटिएको छ । उनको शव बुधबार मध्यान्ह साढे १२ बजे भेटिएको जिल्ला प्रहरी कार्यालय दाङका प्रवक्ता डिएसपी राजनकुमार गौतमले जानकारी दिए ।
घोराही उपमहानगरपालिका १७ कर्जाहीका ४० वर्षीय अम्मर चौधरी गत सोमबार बिहान ११ बजेको समयमा कर्जाही स्थित ड्याममा घोङ्घी टिप्न गएको बेला डुबेर बेपत्ता भएका थिए । ड्याममा डुबे लगत्तै खोजि कार्य जारी राखे पनि उनको शव भेटिन सकेको थिएन । वेपत्ता भएका चौधरीको खोजीकार्यका लागि गोताखोरको टोली, शसस्त्र प्रहरी, नेपाल प्रहरी लगायत स्थानीयको टोलीले खोजी गरेको थियो ।

नेपाल महिला संघ अर्गली पाल्पाले तिज मिलन कार्यक्रम सम्पन्न गरेको छ । महिला संघ अर्गली पाल्पाकी अध्यक्ष चन्द्रकला खनालको अध्यक्षता रहेको कार्यक्रममा तानसेन नगर पालिकाका नगर प्रमुख सन्तोस लाल श्रेष्ठ प्रमुख अतिथी रहनु भएको थियो । यस्तै कार्यक्रममा नगर उपप्रमुख प्रतीक्षा सिङजाली अर्गली पाटी सभापती दधिराम न्यौपाने महिला संघ जिल्ला सभापती गङ्गा पौडेल , पाटि प्रेमी माधव नेपाल नेपाली कङ्र्से जिल्ला सचिव सुनिता अधिकारी , केन्द्रिय सदस्य रमा पन्थ गिता भट्टराई सुमित्रा राना , रेखा रेग्मी लगायतको आथित्यता रहेको थियो ।
कार्यक्रममा बोल्दै प्रमुख श्रेष्ठले चार्डपर्वहरु मनाउदा आफ्नो शक्ति अनुसार मनाउ, पर्वलाई भट्किलो नबाउन भन्दै तिजको पर्वको लागि शुभकामना समेत प्रदान गर्नु भयो ।

कमला बास्तलाले संचालन गरेको कार्यक्रममा स्वागत मन्तव्य सीता ज्ञवालीले राख्नु भएको थियो ।

चुरामणी तिमिल्सीना, रिडी ।
गरे के हुन्न र भन्ने उदाहरण दिदै रुरु क्षेत्र गाउँपालिका वडा १ रिडीका फर्सुराम नेपालले कृषि पेसा लाई मुख्य पेसा बनाउदै आउनु भएको छ ।

गुल्मीको रुरु गाउपालिका १ रिडीमा बसोबास गर्दै आउनु भएका नेपाल खास गरी तरकारी ,काक्रा,करेला ,केरा ,फलफूल ,कागती खेती गर्दै आउनुभएको छ ।

यस ब्यबसायी बाट नेपालले राम्रो आम्दानी भएको बताउनु भयो । तरकारी तथा अन्य फलफुल उत्पादन गर्दा आधुनिक प्रबिधी अपनाइ कृषि उपज उत्पादन गरेको बताउनु भयो ।

अहिले उनको खेत बारीमा ४० वटा कागतीका बोट ले फल दिदा आफै अचम्म परेका छन ।

सिजनमा कागती उत्पादन कुन्टिवका कृवटल भन्दा माथी टिपेर सबै कागती पैचो पसल प्रा लि लाई दिदै आएको बताउनु भयो। नेपालले आफ्ना खेत बारिमा जे उत्पादन गरेपनि सबै पैचो पसललाई दिदै आयको बताए।

नेपालले कृषि ब्यबसाय बाट झन्डै बार्सिक रुपमा ८ लाखको आम्दानी गर्दै आयका छन ।

सिजन्मा गाजर , बन्दा गोभि बोडि घिरम्ला लौरे सेमि र अन्य उत्पादन पनि गर्ने गरेको बताए । नेपाललाई खेत बारिमा सघाउनको लागि उनकी श्रीमती राधा नेपालले सघाउने गर्दछिन ।

आफुले फर्म सुभारम्भ मा वडा तथा स्थानीय सरकारले कागतीका बिरुवा तथा खन्जोतका उपकरणमा केही प्रतिशत छुट दिएको र पछल्लो समयमा केही आश्वासन पनि दिएको बताउनु भयो।

कृषक नेपाल लाई थप सुबिधा प्राप्त भए यहाँको सोच कस्तो छभनेर जिज्ञासा राख्दा सिचाइको लागि पाइप तथा बिधुत्तिय उपकरणहरु, लामो समय टिक्ने खन्जोत्का सामग्री स्थायी टनेल लगायतका सामाग्री भएको भए थप तर्कारी वृद्धि हुने बताउनु भयो।

नेपालले कृषि लाई जो अगाडी बढाउन २०७१ सालमा पि आर नमुना कृषि फर्म समेत दर्ता गरेर अगाडी बढ्नु भएको हो ।

अहिले बारिमा तर्कारी मात्र हैन झन्डै १०० बोट जि नाइन जातको केरा बाट पनि आम्दानी लिगेको बताउनु भयो ।

उहाँले थप्दै भनु भयो केरा बाट सबै भन्दा आम्दानी हुने संकेत देखीएकोले केरा लगाउने अभियानलाई निरन्तरता दिने बताउनु भयो।

खासै कुनै प्रकारको तालिम नलिगेपनी उत्पादनमा कमि नभएको उहाँले बताउनु भयो।

गुल्मी ।
गत वर्ष तेस्रो नम्बरमा रहेको गुल्मी यसपटक ९७.७५ प्रतिशत अंक प्राप्त गरी जिल्ला प्रशासन कार्यालयहरुमा सवोत्कृष्ट भएको हो ।

बिहीबार मूल्यांकन समितिका संयोजक प्रमुख भीष्मकुमार भुसाल र प्रशासन महाशाखाका प्रमुख टेकबहादुर केसीले बुझाएको अध्ययन प्रतिवेदनअनुसार कार्यसम्पादनमा मुल्याङकनमा गुल्मीलाई देशैभरीका जिल्ला प्रशासन कार्यालयहरु मध्ये सर्वोत्कृष्ट ठहराएको हो ।

कार्यसम्पादन मूल्यांकनमा सर्वोत्कृष्ट अंक प्राप्त गर्ने जिल्ला प्रशासन कार्यालय गुल्मीको प्रमुख जिल्ला अधिकारीको जिम्मेवारीमा सहसचिव पुण्यविक्रम पौडेल रहनुभएको छ । गृह मन्त्रालयले प्रमुख जिल्ला अधिकारीहरुसँग गरेको कार्यसम्पादन सम्झौताको आधारमा कार्यान्वयनको अवस्थाको मूल्यांकन गरेर बर्षै पिच्छे गृह मन्त्रालयले नतिजा सार्वजनिक गर्दै आएको छ ।

सो समितिले शान्ति सुरक्षा, अपराध नियन्त्रण, सुशासन र सेवा प्रवाह,लागूऔषध नियन्त्रण, विपद् जोखिम न्यूनीकरण तथा व्यवस्थापन, मुआब्जा वितरण र विकास निर्माणमा समन्वय तथा आर्थिक प्रशासनसमेत गरी ६८ वटा परिसूचकहरूलाई मुल्यांकनलाई आधार मानी प्रत्येक बर्ष प्रतिवेदन तयार गर्दैैै आएको छ ।

जसअनुुसार ९७ प्रतिशत अंकसहित अर्घाखाँची प्रशासन दोस्रो, नवलपरासीपूर्व प्रशासन ९६.७५ प्रतिशतसहित तेस्रो स्थानमा रहन सफल भएका छन भने रूकुम पश्चिम प्रशासन ९६.५ सहित चौंथो नम्बरमा परेको छ ।

यसैगरी, हुम्ला जिल्ला प्रशासन पाँचौं नम्बरमा पर्न सफल भएको छ भने हुम्लासँगै समान ९५ प्रतिशत अंक नै पाएको डडेलधुरा पनि पाचौं स्थानमा रहन सफल भएको गृह मन्त्रालयले जनाएको छ।

रीडि ।
रुरु क्षेत्र गाउँपालिका गुल्मीले आर्थिक बर्ष २०७८ /०७९ को वार्षिक प्रगती समिक्षा कार्यक्रम सम्पन्न गरेको छ ।

समिक्षा कार्यक्रममा पालिका भित्रका सबै वडाले गरेका काम प्रगति समस्या वार्षिक रुपमा गर्ने कार्ययोजना प्रस्तुत भएको थियो।

सबै वडाको प्रतिबेदन केलाउदा बसाई सराइ वृद्धि भएको ,योजना सन्पन्न गर्न सहज नभएको ,उपभोक्ता समितीमा बस्न नमान्नु ले योजना सम्पन्मा ढिलाइ ,उपभोक्ताले तालिम लाई ब्यबहारमा लागू नगर्दा समस्या भोग्नु परेको कार्यक्रममा वडा न १ का वडा सचिव राम प्रसाद ज्ञवालीले बताउनु भयो।

कार्यक्रममा यस्तै पालिकाका विभिन्न शाखाहरु प्रमुख हरुले गरेका कामको प्रगती विवरण काम गर्ने तरिका शैली वर्ष भरी गर्ने कामको तयारीका विषयमा चर्चा गरेका थिए।

कार्यक्रममा पालिकाका अध्यक्ष यदु ज्ञवाली उपाध्यक्ष मिना गौतम प्रमुख प्रशासकीय अधिकृत मधु कृष्ण पौडयाल सबै वडाका वडा अध्यक्षहरु कार्यापालिकाका सदस्य पत्रकार ,अन्य कर्मचारीको सहभागीता रहेको थियोे ।

कार्यक्रममा पालिकाका अध्यक्ष प्रमुख प्रशासकीय अधिकृत बिच कार्य सम्पदान सम्झौता , यस्तै पालिका अध्यक्ष र वडाका अध्यक्ष बिच कार्य सम्पादन सम्झौता समेत सम्पन्न भएको हो।

सम्झौता गर्न बाकी रहेका विभिन्न साखाका प्रमुखहरु सित अधिकृत पौडयाल ले बैठकमा सम्झौता गर्ने कार्यक्रममा बताउनु भयो।

कार्यक्रमलाई समपन गर्दै अध्यक्ष ज्ञवालीले बिकासका योजनाहरु लाई ढिला सुस्ती नगरी समयमा सक्ने ,काममा अटेर गरी भुक्तानी लिन आउनेलाई निकासा नदिने ,कर्मचारी प्रशासन लाई चुस्तदुरुस्तका साथ राख्ने ,भएका समस्यालाई क्रमै सित आबस्यकता अनुसार पूरा गर्ने , बेरुजु न आउने तरीकाले कार्यसम्पादान गर्ने ,शिक्षा स्वास्थ सरसफाइ , बजार अनुगमन जस्ता विषयमा जनता लाई सजकता जस्ता विषयमा चनाखो बनाउने प्रतिबद्धता जायर गर्नु भयो ।

कार्यक्रमको सन्चालन पालिकाका कर्मचारी दामोदर ज्ञवालीले गर्नु भएको थियो।

पाल्पा ।
जिल्लाको रिब्दीकोट गाउँपालिकाका खुर्सानी कृषक गाउँमै संकलन केन्द्र सञ्चालनमा आएपछि उत्साहित भएका छन् ।

उत्पादन गरेको अकबरे खर्सानी विक्री नहुँदा बारीमा कुहाउनु परेको अवस्थामा चिन्तित बनेका यहाँका कृषक गाउँमै संकलन केन्द्र सञ्चालनमा
आए पछि भने उत्साहित भएका हुन् ।

गत वर्ष २ सय ८० रुपैयाँ किलोमा बिक्री भएको अकबरे खुर्सानी अहिले बिक्री नभई बारीमै कुहिन थालेपछी यहाँका कृषकहरु चिन्तित बनेका थिए ।
अहिले गाउँमै सञ्चालन भएको अकबरे खुर्सानी संकलन तथा प्रशोधन उद्योगमा बारीमा कुहिन थालेको खुर्सानी बिक्री गर्न पाएपछी कृषकहरु
खुसी भएका हुन् ।

गाउँकै संकलन केन्द्रमा कृषकहरुले प्रति किलो १ सय रुपैयाँमा अहिले अकबरे खुर्सानी विक्रि गरिरहेका छन् ।उत्पादन भएको खुर्सानी गाउँघरमै १ सय रुपैयाँमा बिक्री गर्न पाउँदा आफुहरुलाई ठूलो राहत मिलेको रिव्दीकोट २ देउरालीका कृषक दिपक पाण्डेले बताए । उनले भने ‘दुई चार किलो खुर्सानी लिएर बजार जान पनि सकिएन, घरमा आएर कसैले किन्ने अवस्था भएन ।

बारीमा अन्य कृषि उत्पादन लगायो जंगली जनावर बादर,दुम्सी,मृग,बदेलले सिध्याइदिन्छन्,नखाने यही खुर्सानी हो,तर उत्पादन भएको खुर्सानी समेत बिक्री नहुँदा हामी चिन्तित बनेका थियो, अहिले गाउँमै संकलन केन्द्र सञ्चालन भएपछी उत्साहित छौं ।’बजारमा प्रति किलो ८० रुपैयाँमा बिक्री हँुदै आएको अकबरे खुर्सानी रिब्दीकोट संकलन केन्द्रले कृषकहरुबाट प्रति केजी १ सय रुपैयाँमा खरिद गरेको छ ।

पहिलो दिन संकलन केन्द्रमा रिब्दीकोट ७ पालुङमैनादीका कृषकहरुले करीव १ सय ५० किलो अकबरे खुर्सानी बिक्री गरेका छन् ।

गाउँपालिकालाई कृषि उत्पादन मार्फत परिचित गराउने अभियान पालिकाको ८ वटै वडामा अकबरे खुर्सानी अभियान चलाएका
निवर्तमान पालिका अध्यक्ष नारायण बहादुर जि.सी. स्थानीय निर्वाचनमा पराजित भएसंगै संकलन केन्द्र सञ्चालन गरी कृषकहरुसँग जोडिएका छन् ।

गीता पाण्डे
साउन १९,गुल्मी ।
गुल्मीमा जन्म दिनको अवसरमा हुने फजुल खर्चलाई कटौती गरी विपन्न परिवारलाई खाद्यान्न सहयोग गरिएको छ ।

जिल्लाको रुरुक्षेत्र गाउँपालिकामा रहेको रेन्बो इङलिस सेकेन्डरी बोडिङ स्कुलमा रहेका शिक्षक र इच्छुक बिद्यार्थीहरुले जन्म दिनको अवसरमा हुने फजुल खर्चलाई कटौती गरी जम्मा गरेको कोषबाट विपन्नलाई खाद्यान्न सहयोग गरिएको ब्यबस्थापक अन्जु खत्रीले जानकारी दिनुभयो ।

सो कोषमा जम्मा भएको रकमबाट रुरुक्षेत्र गाउँपालिकाका अति विपन्न तीन परिवारलाई करिब तीन महिनालाई पुग्ने खाद्यान्न वितरण गरिएको खत्रीले बताउनुभयो ।

स्कुलमा कार्यरत शिक्षक ,कर्मचारी र इच्छुक बिद्यार्थीहरुबाट जन्म दिनको अवसरमा हुने फजुल खर्चलाई कटौती गरी सामाजिक क्षेत्रमा सहयोग गर्ने गरी नविनत्तम कार्यहरु गर्दै आएको बिद्यालय ब्यबस्थापन समितिका अध्यक्ष यमबहादुर खत्रीले जानकारी दिनुभयो ।

सो कोषमा जम्मा भएको रकमबाट यस अघि पनि घातक रोग लागेका अभिभावकहरुलाई रु एक लाख रुपियाँसम्म सहयोग गर्दै आएको र आवश्यक परेमा सहयोग गर्ने कामबाट पछाडि नपर्ने ब्यबस्थापक खत्रीले दाबी गर्नुभयो ।

घरको अवस्था कमजोर भएका र घातक रोग लागेका बिरामीहरुका लागि यो कार्यक्रम प्रभाबकारी भएको बिद्यालयले बताउँदै आएको छ ।

रिडी,गुल्मी ।
रुरु धार्मिक सेवा सन्चार प्राइभेट लिमिटेड र कालीगण्डकी पोस्ट डट्कमले आउदो श्रावण २५ गते देखि दोस्रो रुरु कालीगण्डकी अनलाईन तिज नृत्य प्रतियोगिताको शुभारम्भ गर्ने भएको छ ।

रुरु क्षेत्र धाममा प्रधान कार्यालय राखेर विभिन्न कार्यक्रम गर्दै आएको प्रालिले यसबर्ष पनि बिगतका बर्षहरुमा जस्तै सामाजिक सन्जालबाट खुल्ला तिज नृत्यप्रतियोगिता गर्ने प्रालिका अध्यक्ष चुरामणि तिमिल्सिनाले बताउनु भयो।

तिमिल्सिनाले गाउँमा लुकेका प्रतिभाहरु लाई सामाजिक सन्जाल बाट प्रचारप्रसार गर्न र नयाँ नया खोजी प्रतिभाको बिकास कला सस्कृतीको संरक्षण मौलिक प्रतिभा लाई स्थान दिन बिगतका दिनमा गरिएको कार्यक्रमले निकै नै सफलता प्राप्त गरेकोले बिगत बर्ष जस्तै यश बर्ष पनि यो कार्यक्रमको आयोजना गर्न लागीएको बताउनु भयो।

महिला हरुको महान पर्व हरितालिका तिजको अवसर पारेर आउदो २५ गते कार्यक्रमको उत्घाटन गरि भाद्र ९ सम्म कार्यक्रम सन्चालन गरिने र तिजकै आसपासमा नतिजा प्रकासन प्रसारण पनि गरिने कालीगण्डकी पोस्टका सम्पदाक यम सोमैले जानकारी दिनु भयो ।

अनलाईन तिज कार्यक्रममा सहभागी सबै लाई प्रमाण पत्र समेत बितरण गरिने र विभिन्न बिधाका पुरस्कार हरुराखी कार्यक्रम लाई अझ प्रभाव कारी रुपमा सन्चालन गरिने मौलिक प्रतिभा लाई मध्यम नजर गरि विशेष पुरस्कर प्रदान गरिने, नतिजाका आधार हरु पनि केही दिनमा सार्वजनिक गरिने रुरु सन्चार अन्लाईन खबरका सम्पादक बिष्णु प्रसाद पाण्डेले बताउनु भयो ।

भुवन भुसाल, गुल्मी ।
गुल्मीको छत्रकोटमा रातारात काठ तस्करी भएको भेटिएको छ ।

भेडुवा बजार बाट राम मन्दिर जाने बाटोमा पर्ने सामुदायिक जंगलमा केही रुख जरैबाट ढालिएको र केही ढालीएको फेला पारिएको हो ।
छत्रकोट ३ चोयगा देबपुरीमा मध्यरातमा २० भन्दा बढी सल्लाका रुख डोजर लगाएर ढाली गोलिया तस्करी गरिएको छ ।

स्थानीय कृष्ण टन्डनका अनुसार राती ढोजर लगाएको स्थानीयले देखेर खबर गरेपछी हेर्न आयौं आउँदा २०/२२ सल्लाको बोट ढालीएको छ
कस्ले रातारात काट्यो कसैलाई थाहा छैन ।

छत्रदेबी हरियाली सामुदायिक बन उपभोक्ता समितिका सचिब बिष्णु पन्त पनि तस्करीको खबर पाएपछी अनुगमनमा पुगे ।

अनुगमनमा पुगेका सचीव पन्तका अनुसार बन समिती सङ्ग कसैले सल्लाह गरेको छैन , जङ्गलका केही सल्लाहरुमा अंक पनि लेखिएको छ
तर यो सब कस्ले गर्यो समिती र स्थानीयलाई थाहा छैन ।

काटिएका सल्लाका अधिकांस गोलिया तस्करले लगेका छन भने केही गोलिया सोही जंगलमा छोडेका छन ।
रातभर काठ काटेर ट्याक्टरमा लोड गरेर लगेको र काम नसक्दै उज्यालो भएकाले केही काठ रहेको हुनसक्ने स्थानियले अनुमान गरेका छन ।

“काठ तस्करी भएको बारे डिभिजन बन कार्यालय गुल्मीमा खबर पनि गरिएको छ, अब स्थलगत अनुगमन पछि अझै खबर पुर्याउछौं,
बन कार्यालयले अगाडि केही गर्ला“ समिती सचिव पन्तले भने ।

डिभिजन बन कार्यालय गुल्मीका प्रमुख प्रभात सापकोटाले के रहेछ बुझ्न अधिकृत सहितको टोलि पठाएको र अनुसन्धान पछि दोषीलाई बन ऐन अनुसार मुद्दा चलाउने प्रतिबद्धता व्यक्त गरे ।