तम्घास ।
गुल्मीको रेसुङ्गा नगरपालिका राङबासबाट सामान छोडेर तम्घास फर्कंदै गरेको लु १ ख १८६६ नंको ट्रक रेसुङ्गा–१० सिमिचौरमा पल्टिँदा चालक गुल्मीदरबार गाउँपालिका–३ का अन्दाजी ३२ वर्षीय रनबहादुर ढेगाको ज्यान गएको छ ।
आइतबार विहान ट्रक दुर्घटनामा परेको जिल्ला प्रहरी कार्यालय, गुल्मीका सूचना अधिकारी माधव खरेलले जानकारी दिए ।
ट्रक बाटोबाट करिब दुई सय मिटर तल खसेको छ । –रासस
गुल्मी ।
जबर्जस्ती करणी गरी फरार रहेका एक व्यक्तिलाई गुल्मी प्रहरीले पक्राउ गरेको छ ।
गत शुक्रबार राति धुर्कोट गाउँपालिका ६ की एक महिलालाई जबर्जस्ती करणी गरेको आरोपमा जिल्लाको मालिका गाउँपालिका ७ सिलादीका १९ वर्षीय रामबहादुर सुनारलाई प्रहरीले पक्राउ गरेको जानकारी दिएको छ ।
मालिका ६ राहले कुमाल पँधेरा नजिकैको जंगलमा ती महिलालाई जबर्जस्ती करणी गरेर ति युवक फरार भएका थिए ।
उनलाई प्रहरीले पक्राउ गरी घटनाबारे थप अनुसन्धान जारी रहेको प्रहरीले जनाएको छ ।
चुरामणी तिमिल्सीना,रिडी ।
गुल्मीको रुरुक्षेत्र गाउँपालिका वडा न १ रातामाटामा नवनिर्मित सत्यवती डिभिजन बन कार्यालय भवनको एक कार्यक्रमका
बिच लुम्बिनी प्रदेश बन तथा वातावरण मन्त्रालयलका सचिव दुर्गा बहादुर कार्कीले शिला अनावरण गरी उद्घाटन गर्नु भएको छ ।
डिभिजन बनकार्यालय तम्घास गुल्मीका बन अधिकृत प्रभात सापकोटाको अध्यक्षमा कार्यक्रम गरिएको हो ।
रिडी सत्यवती सब डिभिजन कार्यालय रिडीका प्रमुख दयाराम पौडेलले स्वागत मन्तव्य राख्नु भएको थियो ।
४० लाख लागतमा निर्माण भएको भवनमा ३कोठा सहित एक कार्यक्रम हल समेत निर्माण भएको छ ।
तिलिस्मि कन्स्ट्रक्सन प्रा लि ले जिम्मेवारी पाएको भवन छोटो समयमै सम्पन्न गर्न सफल भएको भन्दै कम्पनीका सुन्दर भण्डारी र बिष्णु नेपाललाई सम्मान सहित भवन निर्माण पूरा गर्न सहयोग गर्नुहुनेअन्यलाई समेत सम्मान गरिएको थियो।
कार्यक्रममा सुभकामना राख्दै वडा न १ का वडा अध्यक्ष नवराज बिकले यश कार्यालय लाई संरक्षण तथा पर्यटन प्रबन्धनम समेत
टेवा पुर्याउन सक्ने हुनाले यश क्षेत्रमा रहेको सामुदायिक बनलाई हरियाली बनाउदै पिक निक स्पोट पार्क निर्माण ,चिडिया घर जस्ता
नयाँ सम्रचना निर्माण गर्न आग्रह गर्नु भयो।
कार्यक्रममा शुभकामना सहित सम्बोधन गर्दै प्रमुख अतिथी सचिव कार्कीले यश क्षेत्र लाई पर्यटन प्रबधानात्मक कार्यक्रमहरु सन्चालन गरिने , धार्मिक क्षेत्रमा धार्मिक क्षेत्रका लागि उपयुक्त हुने बृक्ष रोपण कार्यक्रम गरिने रुरु आउने पर्यटक लाई रेसुङगामा पुर्याउ विभिन्न योजनाका साथ कार्यक्रम अगाडी सारिने बताउदै यश भवनको लागि आवस्यक पर्ने बजेट्को थप प्रबन्ध मिलाउने प्रतिबद्धता जायर गर्नु भयो ।
कार्यक्रममा ईलाका प्रहरी कार्यालय रिडीका प्रहरी निरीक्षक म लाल बन्जाडे समाजसेबि हिमाल श्रेष्ठ ,अमुल्य श्रेष्ठ राजेन्द्र जबरा ,प्रेम भण्डारी, अशोक श्रेष्ठ, उमनाथ पाण्डे , महिला समुह पत्रकार लगायतको आथित्यता रहेको थियो।।
कार्यक्रम पश्चात् वर पिपल इमिली श्रीखण्ड लगायतका बिरुवा समेत रोपण गरिएको थियो ।कार्यक्रमको सन्चालन मुना शर्माले गर्नु भएको थियो।
अर्गली ,पाल्पा ।
पाल्पाको अर्गलीमा सरसफाइ कार्यक्रम सम्पन्न भएको छ ।
अर्गली बजार ब्यबस्थापन समिति अर्गली पाल्पाको आयोजना ,वडा न १४ वडा परिवार र प्रहरी चौकी अर्गली पाल्पाको समन्वयमा कार्यक्रम गरिएको हो। बजार क्षेत्र लाई सफा राख्न अभियान लाई निरन्तर दिने कार्यक्रममा चर्चा गरिएको थियो।
सरसफाइ टोलिले सामाजिक भवनसडकका कुना कप्चेरा कुला लगायतका स्थानमा सरसफाइ गरेको ब्यबस्थापन समितिका अध्यक्ष बिष्णु रेग्मीले बताउनु भयो ।
कार्यक्रममा तानसेन नगरपालिका वडा न १४ का वडा अध्यक्ष सोभाखर भट्टराईको प्रमुख आथित्यता रहेको थियो।
कार्यक्रममा प्रमुख अतिथी वडा अध्यक्ष भट्टराईले कार्यक्रममा बोल्दै सरसफाइ जस्तो महत्त्वपूर्ण विषयबस्तु लामो समयको अन्तरालामा नगरी सकेसम्म बजार क्षेत्रमा साताको एक बार गर्न सके बजार तथा सडकहरु सफा हुने र विभिन्न रोगबाट वच्न पनि सकिने बताउदै यस्ता कार्यक्रममा वडा परिवारले आवस्यक सम्पुर्ण सहयोग उपलब्धगराउने प्रतिबद्धता जायर गर्नुभयो।
यस्तै ब्यबस्थापनसमितिका अध्यक्ष बिष्णु रेग्मीले पर्व हरु नजिकिदै गर्दा यातायातमा मानिसहरुको भिड भाड पनि हुने हुँदा सरफाइ गरी चिटिक्क पार्न सके पर्यटनमा समेत टेवा पुग्ने बताउनु भयो ।
पाल्पा ।
पाल्पाको रैनादेवी छहरा गाउँपालिका–३, भुवनपोखरीमा जिप दुर्घटना हुँदा तीन जना घाइते भएका छन् । घाइतेमध्ये एक जनाको अवस्था गम्भीर रहेको छ ।
भुवनपोखरीको झिरुबासबाट तानसेनतर्फ आइरहेको लु १ ज २१६९ नम्बरको जिप बिहीबार बिहान साढे ८ बजेतिर दुर्घटना भएको प्रहरीले जनाएको छ ।
गएरातिदेखि नै पानी परिरहेकाले चिप्लो बाटो भएका कारण दुर्घटना भएको हुन सक्ने प्रहरीले अनुमान गरेको छ ।
घाइतेहरूलाई उपचारका लागि तानसेनमा उपचार भैरहेको जिल्ला प्रहरी कार्यालय पाल्पाका प्रहरी नायव उपरीक्षक वीरेन्द्र थापाले जानकारी दिनुभयो ।
काठमाडौं ।
कोरोनाभाइरस पहिलो पटक उत्पति भएको मानिएको चीनको केन्द्रीय सहर वुहान उपनगरमा फेरि लकडाउन गरिएको छ ।
वुहान उपनगरको जनसंख्या १० लाख छ । जियाङ्जिया जिल्लाका चार जनामा लक्षणविहीन कोभिड देखिएपछि तीन दिनसम्म उनीहरूलाई आफ्नो घर वा कम्पाउन्डमा बस्न आदेश दिइएको छ ।
चीनले ‘शून्य कोभिड’ रणनीति अनुसरण गर्दै आएको छ । जसमा सामूहिक परीक्षण, आइसोलेसन नियमको कडा पालना र स्थानीय तहमा लकडाउन समावेश छन् ।
कोभिडविरुद्ध कडाइका कारण चीनमा अन्य देशहरूको तुलनामा कम मानिसहरूको मृत्यु हुने गरेको छ ।
तर, लगातारको प्रतिबन्धका कारण मानिस मर्कामा परेका छन् । १ करोड २० लाख जनसंख्या भएको वुहानमा नियमित परीक्षणका क्रममा दुई दिनअघि दुई जनामा लक्षणविहीन कोभिड देखिएको थियो ।
त्यस्तै कन्ट्र्याक्ट ट्रेसिङबाट अन्य दुई जनामा संक्रमण भेटिएको पाइएको थियो । त्यस लगत्तै लकडाउन घोषणा गरिएको थियो ।
काठमाडौं ।
नवलपरासी पूर्वको दाउन्नेमा बस पल्टिएर आगलागी हुँदा ३१ जना घाइते भएका छन्,चारको अवस्था गम्भीर छ।
कञ्चनपुरबाट काठमाडौंका लागि छुटेको ना ५ ख ५१०० नम्बरको बस आफै अनियन्त्रित भई सडक छेउमा पल्टिदा बसमा आगो लागेको नवलपुर प्रहरी प्रमुख डिएसपी सन्तोष पाठकले जनाकारी दिए।
बसमा ३१ जना सवार रहेको र चारको अवस्था गम्भीर रहेको पाठकको भनाइ छ।
घाइते मध्ये ६ जनालाई उपचारका लागि भरतपुर अस्पताल चितवन पठाइएको र अन्यको मध्यबिन्दु अस्पतालमा उपचार भइरहेको छ।
चालक भने फरार रहेकोले खोजी भइरहेको प्रहरी नायब उपरीक्षक पाठकले बताए।
माधव ज्ञवाली,गुल्मी ।
रुरुक्षेत्र गाउँपालिका गुल्मीमा गाउँपालिका भित्र संचालित खानेपानी आयोजनाका उपभोक्ता समितिहरु सङ्ग अन्तरक्रिया कार्यक्रम सम्पन्न भएको छ।
गाउँपालिकाको सभाहलमा बिहिवार एक कार्यक्रमको बिच अन्तरक्रिया कार्यक्रम सम्पन्न गरिएको हो।
कार्यक्रममा गाउँपालिका भित्रका झण्डै २० वटा खानेपानी आयोजनाका उपभोक्ता समितिहरुको उपस्थिति रहेको थियो।
अन्तरक्रिया कार्यक्रममा उपस्थित सबै उपभोक्ता समितिका प्रतिनिधिहरुले आफ्ना आफ्ना खानेपानी आयोजनाहरुको सुरुवात देखि हालसम्मको अवस्था, मासिक तथा वार्षिक आय–व्यय, कर्मचारी,पिउने पानीको अवस्था,पानीको मुलको अवस्था र आयोजनामा प्रयोग गरिने प्रविधी एवं मेसिनरी लगायत आफ्ना समस्याहरुको बारेमा जानकारी गराएका थिए।
कार्यक्रममा जानकारी गराइए अनुसार गाउँपालिका भित्र संचालित भिन्नाभिन्नै आयोजनाका उपभोक्ताले भिन्नाभिन्नै मासिक महसुस बुझाउने गरेको
पाइएको छ।सम्बन्धित स्थानको भुगोल लगायत विभिन्न कारणले तिर्नुपर्ने महसुसलमा एकरुपता नभएको पाइएको हो।
कार्यक्रममा उपस्थित लगभग सबै उपभोक्ता समितिहरुको समस्या भने लगभग उस्तै थियो। आफुहरुले पिउने गरेको पानीको शुद्धतामा प्रश्न रहेको
लगभग सबैले बताएका थिए ।त्यो समस्या विशेष गरि बर्खाको समयमा हुने उपभोक्ता समितिहरुको रहेको थियो।
धेरै जसो पानीको मुल खोलामा हुने भएकोले मुलको राम्रो सङ्ग संरक्षण हुन नसक्दा बर्खाको बेलामा शुद्ध पानी पिउन नपाउने भएकोले आउँ र ज्वोरो लगायतका स्वास्थ्य सम्बन्धि समस्या देखिने गरेको उनिहरुले बताए।
कतिपय खानेपानी आयोजनाहरुको बैंक मौज्दात रहेको, कतिपयको आम्दानी र खर्च बराबर भएकोले भैपरी आउनसक्ने समस्याको लागि बैंक मौज्दात नरहेको र कतिपय खानेपानी आयोजना त घाटामा संचालन गरिरहेको समस्या पनि कार्यक्रममा उठेको थियो।
त्यस्तै पाइपलाइन, फिल्टर, पानी फाल्ने मोटर, अन्य उपकरण, दक्ष प्राविधिक लगायत विद्धुत महसुलको विषयमा पनि उपस्थित उपभोक्ता समितिका प्रतिनिधिहरुले समस्या राखेका थिए,धेरैको माग पानीको विद्दुत महसुल गाउँपालिकाले तिरिदियोस भन्ने थियो।
तर खानेपानी तथा सरसफाइ डिभिजन कार्यालय गुल्मीका प्रमुख आवीत हुसेनले भने यो कुराको खण्डन गरेका छन् ।
उनले गाउँपालिकाले सो महसुल तिरिदिन नहुने बताए। यदि गाउँपालिकाले तिरिदियो भने त्यस प्रति जनताको लगाव नरहने र दिगो रुपमा स्वच्छ खानेपानी उपलब्ध हुन नसक्ने उनको धारणा छ। जनस्तरबाट केही महसुल उठाउनै पर्ने उनको भनाइ छ । पानीको महसुल तिर्नै नसक्ने कोहि भए उनिहरुको पहिचान गरि छुट दिन सकिने उनको तर्क छ।
खानेपानी र स्वच्छताको मौलिक हक संविधानमै उल्लेख भएकोले त्यसप्रति वितरकको ध्यान पुग्नुपर्ने उनले बताए। गाउँपालिका भित्र कसैले खानेपानी सङ्ग संबंधित उपकरण जोड्न नसकेर पानी पिउनबाट बन्चित भएको भए यदि गाउँपालिकाले वास्तविकता पहिचान गरि सिफारिस गरेर पठाए खानेपानीले निःशुल्क उपलब्ध गराउने पनि उनको भनाइ छ।
गाउँपालिका अध्यक्ष यदु ज्ञवालीले कार्यक्रममा उठेका समस्याहरुलाई प्राथमिकतामा राखेर सम्बोधन गर्ने प्रतिबद्धता व्यक्त गरेका छन् ।खानेपानीको क्षेत्रमा साना साना लापरबाहीले गर्दा ठुला समस्या आउन सक्ने भएकोले साना साना कुरामा ख्याल गरेमा ठुला समस्या न आउने उनको भनाइ छ।
खानेपानीको कुरामा एकदम चनाखो भएर लाग्न उनले उपभोक्ता समितिलाई आग्रह गरेका छन् ।
उनले प्रदेश बाट आएका ठुला बजेटलाई बेवास्ता गर्ने तर एक दुई लाखको लागि वडा र गाउँपालिका धाउने समस्या रहेको बताउँदै प्रदेशबाट आउने गरेका बजेटलाई समयमै कार्यान्वयन गर्नेगरी चनाखो भएर काम गर्नुपर्ने बताए।
उनले खानेपानी आयोजनाका नियमित अधिवेशन र नियमित नविकरण गर्न अनुरोध गरेका छन् भने आर्थिक पारदर्शिता सबैभन्दा महत्वपूर्ण रहेकोले आर्थिक पारदर्शितालाई एकदम ख्याल गर्न अनुरोध गरेका छन् ।
उनले बैंकमा पैसा दाखिला गर्न र बैंकबाटै पैसा खर्च गर्न सबैलाई आग्रह गरेका छन् ।
बर्षौ देखि यत्तिकै संचालनमा आएका र अधिवेशन नगरेका र समिति नविकरण पनि नगरेका उपभोक्ता समितिलाई यथाशीघ्र भेला गरेर अधिवेशन गर्न उनले गाउँपालिकाको तर्फबाट निर्देशन समेत दिएका छन् ।
अध्यक्ष ज्ञवालीले खानेपानीको विषयमा गहन अध्ययन गरेर पालिक भरी नै महसुलमा एकरुपता ल्याउन कार्ययोजना बनाएर अघि बढ्ने बताए।
खानेपानी आयोजनाका सबै उपभोक्ता समितिसङ्ग बसेर सबैका सुझाव सल्लाहलाई लिएर यस सम्बन्धि कार्ययोजना बनाउने उनको भनाइ छ।
लामाखर्क,च्युरेक लगायतका क्षेत्रमा पानीको चरम अभाव रहेको र ती स्थानमा अन्य विकल्प नरहेकोले चालू योजनाहरुलाई समयमै सक्नेगरी प्राथमिकतामा राखेर काम गर्न उनले खानेपानी तथा सरसफाइ डिभिजन कार्यालय गुल्मीलाई अनुरोध गरेका छन् ।
यसरी खानेपानी उपभोक्ता समिति सङ्ग अन्तरक्रिया कार्यक्रम गरेर नया सुरुवात गरेकोमा उपस्थित सबैले खुसी व्यक्त गरेका थिए।
बुटवल ।
रुपन्देहीमा अवैध लागू औषध डेढ किलो गाँजासहित दुई जना पक्राउ परेका छन् ।
जिल्लाको सैनामैना नगरपालिका –१० झिमपुरका २७ वर्षीय रोशन थारु र सोही नगरपालिका –५ बालपुरका २७ वर्षीय कमल कुमालको घर खानतलासी गर्दा थारूबाट १ किलो ३६० ग्राम र कुमाल बाट २०४ ग्राम सुकेको गाँजा पनि बरामद गरिएको छ ।
ती दुबै जनालाई सालझण्डी ईलाका प्रहरी कार्यालय प्रमुख प्रहरी निरीक्षक जगन्नाथ मरासिनीको कमाण्डमा खटिएको प्रहरीले पक्राउ गरेको हो ।
उनीहरुमाथि अदालतमा मुद्धा दायर भइ थप अनुसन्धान भइरहेको प्रहरीले जनाएको छ ।
पाल्पा ।
लुम्बिनी मेडिकल कलेज प्रवास पाल्पाले स्वास्थ्य बीमा कार्यक्रमबाट दिँदै आएको सबै खालका सेवा स्थगित गरेको छ ।
नेपाल सरकारले आव २०७९÷०८० को नीति तथा कार्यक्रमबाट स्वास्थ्य बीमा कार्यक्रम सरकारी तथा सामुदायिक अस्पतालमा मात्र लागू हुने निर्णय बमोजिम ओपिडी र इमर्जेन्सीलगायतका स्वास्थ्य बीमा कार्यक्रमबाट हुने सवै सेवा स्थगित भएको अस्पतालले जनाएको छ ।
अस्पतालले विज्ञप्ति प्रकाशित गर्दै हालसम्म स्वास्थ्य बीमा कार्यक्रमबाट रेफर बिरामीका लागि मात्र सेवा दिइरहेकोमा अबदेखि स्वास्थ्य बीमाबाट रेफर भएर आएका बिरामीलाई कुनै पनि सेवा दिन नसकिने जनाएको छ ।
आगामी दिनमा नेपाल सरकारबाट निजी अस्पतालबाट समेत स्वास्थ्य बीमा कार्यक्रम लागू गर्ने भन्ने निर्देशन प्राप्त भए पुनः स्वास्थ्य बीमाका बिरामीको उपचार गर्न सकिने अस्पतालले जानकारी दिएको छ ।
अस्पतालले स्वास्थ्य बीमा गरेका बिरामीलाई सेवा नदिने भनेपछि विरामीहरु भने मर्कामा परेका छन् ।