Category: जीवनशैली

  • नवनिर्मित सत्यवती सव डिभिजन बन कार्यालय भवनको उद्घाटन

    नवनिर्मित सत्यवती सव डिभिजन बन कार्यालय भवनको उद्घाटन

    चुरामणी तिमिल्सीना,रिडी ।
    गुल्मीको रुरुक्षेत्र गाउँपालिका वडा न १ रातामाटामा नवनिर्मित सत्यवती डिभिजन बन कार्यालय भवनको एक कार्यक्रमका
    बिच लुम्बिनी प्रदेश बन तथा वातावरण मन्त्रालयलका सचिव दुर्गा बहादुर कार्कीले शिला अनावरण गरी उद्घाटन गर्नु भएको छ ।

    डिभिजन बनकार्यालय तम्घास गुल्मीका बन अधिकृत प्रभात सापकोटाको अध्यक्षमा कार्यक्रम गरिएको हो ।
    रिडी सत्यवती सब डिभिजन कार्यालय रिडीका प्रमुख दयाराम पौडेलले स्वागत मन्तव्य राख्नु भएको थियो ।

    ४० लाख लागतमा निर्माण भएको भवनमा ३कोठा सहित एक कार्यक्रम हल समेत निर्माण भएको छ ।
    तिलिस्मि कन्स्ट्रक्सन प्रा लि ले जिम्मेवारी पाएको भवन छोटो समयमै सम्पन्न गर्न सफल भएको भन्दै कम्पनीका सुन्दर भण्डारी र बिष्णु नेपाललाई सम्मान सहित भवन निर्माण पूरा गर्न सहयोग गर्नुहुनेअन्यलाई समेत सम्मान गरिएको थियो।

    कार्यक्रममा सुभकामना राख्दै वडा न १ का वडा अध्यक्ष नवराज बिकले यश कार्यालय लाई संरक्षण तथा पर्यटन प्रबन्धनम समेत
    टेवा पुर्याउन सक्ने हुनाले यश क्षेत्रमा रहेको सामुदायिक बनलाई हरियाली बनाउदै पिक निक स्पोट पार्क निर्माण ,चिडिया घर जस्ता
    नयाँ सम्रचना निर्माण गर्न आग्रह गर्नु भयो।

    कार्यक्रममा शुभकामना सहित सम्बोधन गर्दै प्रमुख अतिथी सचिव कार्कीले यश क्षेत्र लाई पर्यटन प्रबधानात्मक कार्यक्रमहरु सन्चालन गरिने , धार्मिक क्षेत्रमा धार्मिक क्षेत्रका लागि उपयुक्त हुने बृक्ष रोपण कार्यक्रम गरिने रुरु आउने पर्यटक लाई रेसुङगामा पुर्याउ विभिन्न योजनाका साथ कार्यक्रम अगाडी सारिने बताउदै यश भवनको लागि आवस्यक पर्ने बजेट्को थप प्रबन्ध मिलाउने प्रतिबद्धता जायर गर्नु भयो ।

    कार्यक्रममा ईलाका प्रहरी कार्यालय रिडीका प्रहरी निरीक्षक म लाल बन्जाडे समाजसेबि हिमाल श्रेष्ठ ,अमुल्य श्रेष्ठ राजेन्द्र जबरा ,प्रेम भण्डारी, अशोक श्रेष्ठ, उमनाथ पाण्डे , महिला समुह पत्रकार लगायतको आथित्यता रहेको थियो।।

    कार्यक्रम पश्चात् वर पिपल इमिली श्रीखण्ड लगायतका बिरुवा समेत रोपण गरिएको थियो ।कार्यक्रमको सन्चालन मुना शर्माले गर्नु भएको थियो।

  • पाल्पाको  अर्गलीमा   सरसफाइ कार्यक्रम

    पाल्पाको अर्गलीमा सरसफाइ कार्यक्रम

    अर्गली ,पाल्पा ।
    पाल्पाको अर्गलीमा सरसफाइ कार्यक्रम सम्पन्न भएको छ ।

    अर्गली बजार ब्यबस्थापन समिति अर्गली पाल्पाको आयोजना ,वडा न १४ वडा परिवार र प्रहरी चौकी अर्गली पाल्पाको समन्वयमा कार्यक्रम गरिएको हो। बजार क्षेत्र लाई सफा राख्न अभियान लाई निरन्तर दिने कार्यक्रममा चर्चा गरिएको थियो।

    सरसफाइ टोलिले सामाजिक भवनसडकका कुना कप्चेरा कुला लगायतका स्थानमा सरसफाइ गरेको ब्यबस्थापन समितिका अध्यक्ष बिष्णु रेग्मीले बताउनु भयो ।

    कार्यक्रममा तानसेन नगरपालिका वडा न १४ का वडा अध्यक्ष सोभाखर भट्टराईको प्रमुख आथित्यता रहेको थियो।

    कार्यक्रममा प्रमुख अतिथी वडा अध्यक्ष भट्टराईले कार्यक्रममा बोल्दै सरसफाइ जस्तो महत्त्वपूर्ण विषयबस्तु लामो समयको अन्तरालामा नगरी सकेसम्म बजार क्षेत्रमा साताको एक बार गर्न सके बजार तथा सडकहरु सफा हुने र विभिन्न रोगबाट वच्न पनि सकिने बताउदै यस्ता कार्यक्रममा वडा परिवारले आवस्यक सम्पुर्ण सहयोग उपलब्धगराउने प्रतिबद्धता जायर गर्नुभयो।

    यस्तै ब्यबस्थापनसमितिका अध्यक्ष बिष्णु रेग्मीले पर्व हरु नजिकिदै गर्दा यातायातमा मानिसहरुको भिड भाड पनि हुने हुँदा सरफाइ गरी चिटिक्क पार्न सके पर्यटनमा समेत टेवा पुग्ने बताउनु भयो ।

  • साफ च्याम्पियनसीप फुटबलमा आज नेपालले बंगालदेशसँग प्रतिष्पर्धा गर्दै

    साफ च्याम्पियनसीप फुटबलमा आज नेपालले बंगालदेशसँग प्रतिष्पर्धा गर्दै

    काठमाडौं ।
    २० वर्ष मुनीको साफ च्याम्पियनसीप फुटबलमा आज नेपालले बंगालदेशसँग प्रतिष्पर्धा गर्दैछ।

    खेल नेपाली समयअनुसार दिउँसो सवा ४ बजे सुरु हुनेछ। नेपालले बंगलादेशलाई हराउन सके फाइनल पुग्ने संभावना बढ्नेछ। तर त्यसका लागि पनि भारत र माल्दिभ्सबीच आजै बेलुकी सवा ७ बजे हुने खेलको नतिजा कुर्नुपर्नेछ।

    नेपालले बंगलादेशमाथि जित हात पारेमा र भारत माल्दिभ्ससँग पराजित भएमा वा बराबरीमा रोकिएमा नेपाल बंगलादेशसँगै फाइनल पुग्नेछ। बंगलादेशसँग पराजित भएमा नेपालको फाइनल पुग्ने सम्भावना समाप्त हुनेछ।

    आइतबारको खेलमा भारतसँग ८–० को फराकिलो अन्तरले पराजित भएपछि नेपालको शीर्ष दुईमा पुग्ने संभावना कठिन बनेको हो।

    प्रतियोगितामा सहभागी पाँच टिममध्ये माल्दिभ्स र श्रीलंका फाइनल होडबाट बाहिरिसकेका छन्।

  • आज नागपञ्चमी पर्व : मूलढोकामा नागको तस्विर  टाँसेर मनाइदैं

    आज नागपञ्चमी पर्व : मूलढोकामा नागको तस्विर टाँसेर मनाइदैं

    काठमाडौं ।
    सनातन धर्मावलम्बी मंगलबार नागपञ्चमी पर्व मनाउँदैछन्।

    यो दिन विधिपूर्वक नागको पूजा गर्नाले नाग प्रसन्न हुने र वर्षभरि विषालु जीवको भय नहुने विश्वास छ। नागपूजनका क्रममा सर्प, बिच्छी खजुर आदि अन्य विषालु जीवको पनि पूजा गरिन्छ।

    चट्याङले घरमा कुनै किसिमको हानि नोक्सानी नपु¥याओस् भन्ने उद्देश्यले बज्रवारकहरूको पूजा गरिन्छ।

    मूलढोकामा नागको तस्विर टाँसी विभिन्न पदार्थ चढाई पूजा गर्ने परम्परा छ। विशेषगरी गृहद्वारका दुवैतर्फ गोबरद्वारा निर्मित नाग वा सर्पको मूर्ति बनाएर घ्यू, दूध आदिले धारा दिई दुबो,धानको लाबा आदि वस्तु चढाई चन्दन, पुष्प आदिले पूजा गरी नागको आराधना गर्नुपर्ने विधि शास्त्रमा उल्लेख छ।

    एकातिर भगवान् शिवको गहनाको रूपमा सर्प रहेका छन् भने अर्कातिर भगवान् विष्णुको आसनको रूपमा शेषनाग रहेका छन्।यसैले हिन्दुधर्ममा नागको महत्त्व महत्वपूर्ण मानिएको छ। अनन्त, वासुकि, पद्म, महापद्म, तक्षक, कुलीर, कर्कट र शंख गरी नागका आठ प्रकार रहेको उल्लेख छ।

    कृषिप्रधान मुलुक भएकाले सर्प र मानिसबीचको दूरी हटाउन यो पर्वको महत्त्व रहेको छ। साथै नाग वा सर्पको बासस्थानको रूपमा रहेका पानीका स्रोतलाई स्वच्छ र पवित्र राख्न यो दिनले प्रेरित गर्छ।

  • “छत्रकोटमा रातारात काठ तस्करी“ , कस्ले काट्यो कसैलाई थाहा छैन

    “छत्रकोटमा रातारात काठ तस्करी“ , कस्ले काट्यो कसैलाई थाहा छैन

    भुवन भुसाल, गुल्मी ।
    गुल्मीको छत्रकोटमा रातारात काठ तस्करी भएको भेटिएको छ ।

    भेडुवा बजार बाट राम मन्दिर जाने बाटोमा पर्ने सामुदायिक जंगलमा केही रुख जरैबाट ढालिएको र केही ढालीएको फेला पारिएको हो ।
    छत्रकोट ३ चोयगा देबपुरीमा मध्यरातमा २० भन्दा बढी सल्लाका रुख डोजर लगाएर ढाली गोलिया तस्करी गरिएको छ ।

    स्थानीय कृष्ण टन्डनका अनुसार राती ढोजर लगाएको स्थानीयले देखेर खबर गरेपछी हेर्न आयौं आउँदा २०/२२ सल्लाको बोट ढालीएको छ
    कस्ले रातारात काट्यो कसैलाई थाहा छैन ।

    छत्रदेबी हरियाली सामुदायिक बन उपभोक्ता समितिका सचिब बिष्णु पन्त पनि तस्करीको खबर पाएपछी अनुगमनमा पुगे ।

    अनुगमनमा पुगेका सचीव पन्तका अनुसार बन समिती सङ्ग कसैले सल्लाह गरेको छैन , जङ्गलका केही सल्लाहरुमा अंक पनि लेखिएको छ
    तर यो सब कस्ले गर्यो समिती र स्थानीयलाई थाहा छैन ।

    काटिएका सल्लाका अधिकांस गोलिया तस्करले लगेका छन भने केही गोलिया सोही जंगलमा छोडेका छन ।
    रातभर काठ काटेर ट्याक्टरमा लोड गरेर लगेको र काम नसक्दै उज्यालो भएकाले केही काठ रहेको हुनसक्ने स्थानियले अनुमान गरेका छन ।

    “काठ तस्करी भएको बारे डिभिजन बन कार्यालय गुल्मीमा खबर पनि गरिएको छ, अब स्थलगत अनुगमन पछि अझै खबर पुर्याउछौं,
    बन कार्यालयले अगाडि केही गर्ला“ समिती सचिव पन्तले भने ।

    डिभिजन बन कार्यालय गुल्मीका प्रमुख प्रभात सापकोटाले के रहेछ बुझ्न अधिकृत सहितको टोलि पठाएको र अनुसन्धान पछि दोषीलाई बन ऐन अनुसार मुद्दा चलाउने प्रतिबद्धता व्यक्त गरे ।

  • रेन्बो बोडिङ्गमा कक्षा ८ का बिद्यार्थीको प्रथम त्रैमासिक परिक्षाको नतिजा विशेलषण

    रेन्बो बोडिङ्गमा कक्षा ८ का बिद्यार्थीको प्रथम त्रैमासिक परिक्षाको नतिजा विशेलषण

    चुरामणी तिमिल्सीना ।
    रेन्बो इन्लिस बोडिङ स्कुल रुरु क्षेत्र गाउँपालिका गुल्मीले कक्षा ८ का बिद्यार्थीको प्रथम त्रैमासिक परिक्षाको नतिजा विशेलषण कार्यक्रम सम्पन्न गरेको छ ।

    बिद्यार्थी अभिभावक र बिषयगत शिक्षकहरु बिच कार्यक्रम गरेको हो। बोडिङ स्कूलका प्रधानाध्यापक योजन खत्रीले कार्यक्रम माथी प्रकाश पार्दै गुणस्तरीय नतिजा ल्याउन , बिद्यार्थीको कमजोरी पन तथा सफल पक्षको जानकारी गराउन , बिद्यार्थी लाई मोबाइलबाट टाढा राख्न बिद्यार्थीहरु माथिल्लो तह सम्म पुग्दा नतिजामा कमि हुन नदिन कार्यक्रमको आयोजना गरिएको बताउनु भयो।

    विशलेषण कार्यक्रममा अभिभावक मिना पुन र बिधयालयका शिक्षक तथा अभिभावक तिर्थ लाल श्रेष्ठले यो कार्यक्रम अभिभावक र बिद्यार्थीका लागि बहुउपयोगी भएकोले आगामी दिनहरुमा पनि हरेक तहका बिद्यार्थीका अभिभावक शिक्षक र बिद्यार्थी बिच आबस्यक रहेकाले कार्यक्रम प्रभावकारी भएको बताउदै बिद्यार्थीहरुले मोबाइल बढी प्रयोग गरेकाले यश लाई न्यूनीकरण गर्न अन्य विधि अपनाउन समेत कार्यक्रममा चर्चा गर्नु भएको थियो ।

    बोडिङले यस्तै कार्यक्रम गत बुधबार कक्षा १० का बिद्यार्थी अभिभावक र शिक्षक बिच पनि गरेको प्रधानाध्यापक खत्रीले बताउनुभयो । कार्यक्रमको सहजीकरण सहायकप्रधानाध्यापक यज्ञ प्रसाद ज्ञवाली र सिर्जना कमल अर्यालले गर्नु भएको थियो ।

  • वडा स्तरीय क्रिकेट प्रतियोगिता घ्यूबेशी खेल मैदानमा सुरु

    वडा स्तरीय क्रिकेट प्रतियोगिता घ्यूबेशी खेल मैदानमा सुरु

    चुरामणी तिमिल्सीना ।
    रुरुक्षेत्र गाउँपालिका वडा नं–५ बम्घामा रहेको टाहाटिम युवा क्लबले वडा स्तरीय क्रिकेट प्रतियोगिता घ्यूबेशी खेल मैदानमा सुभारम्भ गरेको छ।

    कार्यक्रममा प्रमुख अतिथी ररु क्षेत्र गाउँपालिका कि निवर्तमान कार्यपालिका सदस्य तथा सामाजिक अभियन्ता अन्जु कंडेल रहनु भएको थियो ।कार्यक्रममा ब्याडटिङ गर्दै प्रमुख अतिथी कंडेलले खेलको उद्ध्घाटन गर्नु भएको हो ।

    कार्यक्रमलाई लाई सम्बोधन गर्दै प्रमुख अतिथी कंडेलले युवा बर्गहरु खेल जगतमा अत्यन्त मेहेन्तका साथ लागेर जीवन नै समर्पण गरी देश तथा बिदेशमा नाम कमाउन सफल भएकोले स्थानीय सरकारले हरेक खेल हरुका लागि बजेट नै बिनियोजन गरी खेलाडी हरु लाई प्रशिक्षण दिनुपर्नेमा जोड दिनु भयो ।

    पालिकाको गहना थपिने भएकाले खेलाडी हरु लाई थप हौसलाप्रदान गर्न कार्यक्रम को लागि द्दितिय पुरस्कार रु १० हजार समेत सहयोग गरेको बताउनु भयो ।

    कार्यक्रममा खेल संयोजक कमल गिरिको अध्यक्षता रहेको थियो । समारोहमा कलबका अभिभावक पदम श्रेष्ठ , खेल प्रेमी बिमल ज्ञवाली ,दानु श्रेष्ठ अतिथी रहनु भएको थियो।

    कार्यक्रममा बोल्दै अध्यक्ष गिरिले युवा हरुले हरेक प्रकारका खेलहरु सिक्न अति आबश्यक रहेकाले खेल मैदानको बिकास संगै प्रशिक्षकको ब्यबस्था तथा खेलाडी लाई पालिकाले प्रोत्साहन गरेमा खेल जगतमा युवाको रुचि बढ्ने बताउनु भयो ।

    कार्यक्रममा २० टिमको सहभागीता रहेको आयोजकले जानकारी दिएको छ ।

    प्रतियोगितामा प्रथम हुने लाई रु २० हजार सहित जिन्सीपुरस्कार र द्दित्तय हुने समूह लाई १० हजार र जिन्सी पुरस्कारको ब्यबस्था गरिएको कलबका अभिभावक पदम श्रेष्ठले जानकारी दिनु भयो ।

    कार्यक्रमको सन्चालन कलबका सचिव पवन गिरिले गर्नु भएको थियो।

  • भुवनपोखरीमा जिप दुर्घटना,तीन जना घाइते,एकको अवस्था गम्भीर

    भुवनपोखरीमा जिप दुर्घटना,तीन जना घाइते,एकको अवस्था गम्भीर

    पाल्पा ।
    पाल्पाको रैनादेवी छहरा गाउँपालिका–३, भुवनपोखरीमा जिप दुर्घटना हुँदा तीन जना घाइते भएका छन् । घाइतेमध्ये एक जनाको अवस्था गम्भीर रहेको छ ।

    भुवनपोखरीको झिरुबासबाट तानसेनतर्फ आइरहेको लु १ ज २१६९ नम्बरको जिप बिहीबार बिहान साढे ८ बजेतिर दुर्घटना भएको प्रहरीले जनाएको छ ।
    गएरातिदेखि नै पानी परिरहेकाले चिप्लो बाटो भएका कारण दुर्घटना भएको हुन सक्ने प्रहरीले अनुमान गरेको छ ।

    घाइतेहरूलाई उपचारका लागि तानसेनमा उपचार भैरहेको जिल्ला प्रहरी कार्यालय पाल्पाका प्रहरी नायव उपरीक्षक वीरेन्द्र थापाले जानकारी दिनुभयो ।

  • कोरोनाभाइरस उत्पति भएको चीनको वुहानमा फेरि लकडाउन

    कोरोनाभाइरस उत्पति भएको चीनको वुहानमा फेरि लकडाउन

    काठमाडौं ।
    कोरोनाभाइरस पहिलो पटक उत्पति भएको मानिएको चीनको केन्द्रीय सहर वुहान उपनगरमा फेरि लकडाउन गरिएको छ ।

    वुहान उपनगरको जनसंख्या १० लाख छ । जियाङ्जिया जिल्लाका चार जनामा लक्षणविहीन कोभिड देखिएपछि तीन दिनसम्म उनीहरूलाई आफ्नो घर वा कम्पाउन्डमा बस्न आदेश दिइएको छ ।

    चीनले ‘शून्य कोभिड’ रणनीति अनुसरण गर्दै आएको छ । जसमा सामूहिक परीक्षण, आइसोलेसन नियमको कडा पालना र स्थानीय तहमा लकडाउन समावेश छन् ।
    कोभिडविरुद्ध कडाइका कारण चीनमा अन्य देशहरूको तुलनामा कम मानिसहरूको मृत्यु हुने गरेको छ ।

    तर, लगातारको प्रतिबन्धका कारण मानिस मर्कामा परेका छन् । १ करोड २० लाख जनसंख्या भएको वुहानमा नियमित परीक्षणका क्रममा दुई दिनअघि दुई जनामा लक्षणविहीन कोभिड देखिएको थियो ।

    त्यस्तै कन्ट्र्याक्ट ट्रेसिङबाट अन्य दुई जनामा संक्रमण भेटिएको पाइएको थियो । त्यस लगत्तै लकडाउन घोषणा गरिएको थियो ।

  • जीटूजी सम्झौता अनुसार भारतबाट रासायनिक मल आउने निश्चित

    जीटूजी सम्झौता अनुसार भारतबाट रासायनिक मल आउने निश्चित

    काठमाण्डौ ।
    नेपाल र भारतबीच भएको जीटूजी (सरकारदेखि सरकार) सम्झौता अनुसार रासायनिक मल आउने निश्चित भएको छ ।

    गएको फागुनमा दुई देशबीच पाँच वर्षका लागि जीटूजीको माध्यमबाट मल खरिद गर्ने सम्झौता भएको थियो ।

    सम्झौताको ६ महिनापछि मल नेपाल आउने निश्चित भएको त्यसका लागि सरकारले तत्काल पैसाको व्यवस्था गर्नुपर्ने कृषि सामग्री कम्पनी लिमिटेडका प्रमुख राजेन्द्रबहादुर कार्कीले बताउनुभयो । भारतको राष्ट्रिय केमिकल फर्टिलाइजर लिमिटेडबाट नेपालले मल खरिद गर्ने सम्झौता गरेको छ ।

    भारत सरकारसँग मूल्य, ढुवानीलगायत अन्य सबै कुरामा सहमति भएको छ । भारतले नेपालको भण्डार स्थलसम्म मल ल्याइदिने सम्झौता गरेको छ ।
    भारतले आफूले खरिद गरेको मल नेपाललाई दिने प्रमुख कार्कीले जानकारी दिनुभयो ।

    नेपाल र भारतबीच पाँच वर्षका लागि रासायनिक मल आपूर्ति गर्ने सम्झौता भएको छ ।