Category: जीवनशैली

  • रुरुक्षेत्र  गाउँपालिका वडा न ४ पुर्ण पोषण मैत्री घोषणा

    रुरुक्षेत्र गाउँपालिका वडा न ४ पुर्ण पोषण मैत्री घोषणा

    चुरामणी तिमिल्सिना,रुरुक्षेत्र ।

    गुल्मीको रुरु क्षेत्र गाउँपालिका वडा न ४ लाई एक कार्यक्रमका विच पुर्ण पोषण मैत्री गाउँपालिका घोषणा गरिएको छ।

    आज सम्पन्न कार्यक्रम मार्फत गाउँपालिका भरका सम्पुर्ण स्वास्थ संस्थाहरुमा ब्यानर अनावरण तथा प्रमाणपत्र हस्तान्तरण गरि पोषण युक्त गाउँपालिका को रुपमा घोषण गरिएको हो ।

    यस्तै कार्यक्रम मार्फत वडा न ४ का २० जना स्वास्थ स्य‌मसेविका , सु(आहारा स्वास्थ कार्यालय गुल्मी, एकिकृत ग्रामीण बिकास समाज गुल्मी , का साथै गाउँपालिकाका स्वास्थ शाखा प्रमुख लाई कदर पत्रले सम्मान गरिएको आयोजकले बताएको छ ।

    वडा स्तरिय पोषण तथा खाद्य सुरक्षा निर्देशन समिती र बलेटक्सार स्वस्थ चौकीको आयोजनामा कार्यक्रम आयोजनाका कार्यक्रम सम्पन्न भएको हो । कार्यक्रममा गाउँपालिका अध्यक्ष यदु ज्ञवालीको प्रमुख आथित्यता रहेको थियो।

    कार्यक्रममा बोल्दै प्रमुख अतिथी अध्यक्ष ज्ञवालीले समग्र रुपमा स्वास्थ क्षेत्रमा क्रमिक रुपमा सुधारत्मक कार्यक्रमलाई बजेट बिनियोजन गरिएको ,करिब दुई महिनाको एक पटक घुम्ती सेवा वडा तहमा सन्चालन गर्ने, कम्तिमा बर्षको एक पटक सबै बिरामीको लागि निशुल्क स्वास्थ सिबिर सन्चालन गर्ने महिला तथा स्वास्थ क्षेत्रका कार्यक्रम लाई प्रभावकारी रुपमा अगाडी बढाउन स्यमसेविका विच अन्तरक्रियात्मक कार्यक्रम पनि सञ्चालन गरिने बताउदै प्राथमिक उपचार सामाग्री हरुको सदैव अभाव हुन नदिने समेत प्रतिबद्धता जनाउनु भयो।

    कार्यक्रममा पालिकाकी उपाध्यक्ष मिना गौतम नि।वर्तमान उपाध्यक्ष लक्ष्मी देबि पन्थ , प्रमुख प्रशासकीय अधिकृत मदु कृष्ण पौडेल जन जनप्रतिनिधिहरु , स्वास्थ शाखाका प्रमुख छत्र बहादुर अधिकारी विशिष्ट अतिथी रहनु भएको थियो ।समारोहमा विभिन्न शाखाका कर्मचारी , पत्रकार, स्वास्थ्य स्वयमसेविकाहरु लगायतको उपस्थिति रहेको थियो।

    कार्यक्रममा बोल्दै उपाध्यक्ष गौतमले स्यमसेविकाहरु भनेका गाउँका डाक्टर भएकाले उहाँहरुलाइ सामान्य उपचार सहजको लागि सामाग्री बाकस, झोला उपलब्ध गराइयको, हरेकको घर घर्दैलोमा जेष्ठ नागरिक देखि अपांग वृद्ध हरुलाइ स्वास्थ सेवा प्रवाह गर्नु पर्नेमा जोड दिनु भयो।
    यस्तै कार्यक्रममा वडा न ४ का स्वास्थ साखाका प्रमुख इन्द्र देवपौडेल ले विभिन्न १७ प्रकार का मापदण्ड पूरा गरि यो वडा पोषण घोषण गरिएको जान्कारी गराउदै करिब १ बर्षको अबधिमा नै सबै मापदण्ड पूरा गरेको बताउनु भयो।

    समारोहमा सामाजिक समितिका सम्योजक शेष नारायण पौडेल निबर्तमान उपाध्यक्ष लक्ष्मी पन्थ सुहाराका प्रतिनिधि स्यम सेबिका प्रतिनिधि लगायत ले शुभकामना मन्तव्य राख्नु भएको थियो। कार्यक्रममा उपाध्यक्ष पन्थ लाई सम्मान पत्र मायाको चिनो दोसल्ला सहित पालिकाले बिदाइ समेत गरेको थियो।

    कार्यक्रम को सनञ्चालन कम्प्युटर अप्रेटर दामोदर ज्ञवालीले गर्नु भएको थियो।

  • कपिलवस्तुमा लागु औषधसहित दुईजना पक्राउ

    कपिलवस्तुमा लागु औषधसहित दुईजना पक्राउ

    कपिलवस्तु ।
    कपिलवस्तुमा लागु औषधसहित दुईजना पक्राउ परेका छन् । मायादेवी गाउँपालिकाका, ४ चाकरचौडाबाट लागुऔषधसहित दुईजना पक्राउ परेका हुन् ।

    प्रहरीले जाँचको क्रममा सीमा नाकास्थित भारतबाट नेपालतर्फ आउँदै गरेको मोटरसाईकलमा वाणगंगा १ वैरीयाका २४ वर्षका राजन विक र सोही मोटरसाइकलको पछाडि सवार
    कपिलवस्तु वाणगंगा २ राजपुरकी २४ वर्षीया सोनाक्सी गुरुङलाई प्रहरीले पक्राउ गरेको हो ।

    उनीहरुको साथबाट लागुऔषध स्पासमो ४१ ट्याब्लेट र नाइट्रोभेट ४६ ट्याब्लेट फेला पारिएको प्रहरी उपरीक्षक दान बहादुर कार्कीले जानकारी दिए ।

  • माण्डव्य वंशको ईतिहासलाई व्यवस्थित गर्ने प्रयास :तेस्रो केन्द्रीय अधिवेशन सम्पन्न

    माण्डव्य वंशको ईतिहासलाई व्यवस्थित गर्ने प्रयास :तेस्रो केन्द्रीय अधिवेशन सम्पन्न

    कृष्ण अन्जान,गुल्मी ।
    सँघिय राज्य प्रणालीको शुरुवात सँगै जातिय अधिकार र पहिचानका कुरा मात्र उठेनन समानुपातिक राज्य व्यवस्थाले जातिय अधिकारलाई पनि स्थापित गरेको छ ।

    लामो समयसम्म दविएका जाति जनजाति तथा सिमान्तकृत समुदायले अधिकार पाएका छन । राज्यका निकाए हरुमा पुगेका छन ।
    यतिबेला जातिय मात्र नभएर वँशीय ईतिहास खोज्ने काम पनि शुरु भएको छ ।

    आफै खोजौँ आफ्नो पहिचान,अघि बढौ गरौँ पुर्खाको सम्मान यहि अवधारणाका साथ माण्डव्य वंशीय हरुले माण्डव्य ऋषिको तपोभुमी
    पाल्पाको माडि नजिकैको जिल्ला रिडीमा तेस्रो केन्द्रीय अधिवेशन सम्पन्न गरेका छन ।

    हाम्रो अभियान पुर्खाको सम्मान गर्नु र माण्डव्य वंशीयहरुको ईतिहास खोज्नु हो यो कुनै राजनीतिक सँगठन होईन र पुर्ण रुपले ईतिहास र पौराणिकताको खोज अनुसन्धान मुलक सँस्था हो माण्डव्य समाजका केन्द्रीय अध्यक्ष हेमन्त राज माण्डव्यले भने ।

    सोध र अनुसन्धानमा जुटेको माण्डव्य सेवा समाजले माण्डव्य वँशको शुरुवात गर्ने माण्डव्य ऋषिको तपोभुमि पाल्पाको माडि फाँट भएको मान्यता राख्छ । यहि माडिफाँटमा माण्डव्य ऋषिले तपस्या यज्ञादि गरेको र यहिवाट वँश शुरुवात भएपछि नेपालका विभिन्न भाग र भारततिर समेत वँश फैलिएको ईतिहासले भन्छ ।

    माण्डव्य गोत्रिय भित्र भण्डारी,ज्ञवाली,अधिकारी,बजगाँई,रावल लगाएतका प्रमुख थर हरु हुन भने माण्डव्य समाजले गरेको अध्ययनले बयानव्वे थरी फेला पारेको र दुई थरी लोप भईसकेको र नव्वे थरि कायमै रहेका छन ।माण्डव्य सेवा समाजले देशका अडसठ्ठि जिल्लामा आफ्नो सँगठन निर्माण गरिसकेको छ र खोज अनुसन्धान भारतमा पनि जारि राखेको छ ।

    माण्डव्य गोत्रियहरुको पुर्ख्यौलीको विगत देखि वर्तमान सम्मलाई पछ्याउँदै जाँदा माडीफाँट क्षेत्रबाट भारतकोकस्मिर,हिमान्चल,उत्तराखण्ड लाई
    छिचोल्दै डोटिो बाँझगाउँमा कर्मथलो बनाए पछि यहाँबाट पनि अछाम जुम्ला हुँदै देशैभरि छरिएको हजारौं वर्षको ईतिहास छ ।

    मनुष्य जातिको उत्पति पछि वँश गोत्रहरु पनि सँगै बने ,यहि गोत्र वँशको ऐतिहासिकतालाई खोज्न सके भावि पुस्ताले समेत गोत्र र वँशबारे
    ज्ञान लिन सक्ने देखिन्छ ।

  • सत्यबतीमा चार दिने बालबिकास सहजकर्ता तालिम सम्पन्न

    सत्यबतीमा चार दिने बालबिकास सहजकर्ता तालिम सम्पन्न

    चुरामणि तिमिल्सिना, रिडी ।
    सत्यवति गाउँपालिका गुल्मीले चारदिने बालविकास सहजकर्ता तालिम सम्पन्न गरेको छ ।

    सामुदायिक र सस्थागत बिद्यालयका ४३ जना शिक्षकहरुको सहभागीता रहेको कार्यक्रममा अनुभवी र दक्ष शिक्षकहरु बाट प्रशिक्षण दिईएको छ ।

    बाल बालिकाको लागि नयाँपन,हसिलो विषय बस्तुमा आधारित रहदै अध्यापन गराउन टेवा पुगोस तथा बालबालिकाको मनोभावना बुझेर सिकाइ लाई अगाडी बढाउनको लागि तालिम सन्चालन गरिएको हो। बिद्यार्थीहरु नयाँ ज्ञान र तोते बोली लाइ चित्रकला मार्फत अगाडी बढाउन ठूलो टेवा पुग्ने कार्यक्रम पछी सहभागीले बताएका छन् ।

    कार्यक्रममा पालिकाका अध्यक्ष टिकाराम पाण्डे ,उपाध्यक्ष निरमाया तराममुले सहभागी लाई प्रमाणपत्र बितरण गर्नु भएको थियो।

    प्रमाणपत्र बितरण गर्दै अध्यक्ष र उपाध्यक्षले तालिममा सिकेका कुराहरुलाई ब्यबहारमा उतार्दै, बाल बच्चाहरुको सिकाइमा अब कमि नहुने बताउदै आबस्यक परे थप शिक्षा क्षेत्रमा गुणस्तर वृद्धिमा शिक्षा शाखाले थप तालिम सन्चालन गर्न सक्ने बताउनु भयो ।

    कार्यक्रमको सहजीकरण शिक्षा साखा प्रमुख बिष्णु ज्ञवालीले गर्नु भएको थियो ।

  • रेसुङ्गा नगरको मासु मिसन कार्यक्रम :कृषकलाई उन्नत जातका पाडा हस्तान्तरण

    रेसुङ्गा नगरको मासु मिसन कार्यक्रम :कृषकलाई उन्नत जातका पाडा हस्तान्तरण

    केशब गौतम,गुल्मी ।
    गुल्मीको रेसुङ्गा नगरपालिका कृषकको घर–घरमा पुग्न थालेको छ ।

    समुन्नत नगरपालिकाको मुख्य आधारनै कृषि भएकाले कृषकको घर–घरमा पुगेर गुनासो सम्बोधन गर्न थालिएको नगर प्रमुख
    खिल्ध्वज पन्थीले बताए । नगरपालिकाको वडा नम्बर ११ र १२ मा मासु मिसन कार्यक्रमको लागि कृषकलाई उन्नत जातका पाडा हस्तान्तरण
    गरिएको नगरप्रमुख पन्थीले बताए ।

    हस्तान्तरण कार्यक्रम बोल्दै नगरप्रमुख पन्थीले यो कार्यक्रम कृषकको लागि महत्वपूर्ण भएको बताए ।
    नगरप्रमुख पन्थीका अनुसार आर्थिक वर्ष २०७९÷८० को नीति तथा कार्यक्रममा पनि कृषि पशुपालनलाई प्राथमिकता दिएको बताए ।
    स्वरोजगारले बेरोजगार हटाउन महत्वपूर्ण भूमिका खेल्ने उनको भनाइ थियो ।

    रेसुङ्गा नगरपालिका वडा नम्बर ११ मा तील बहादुर बुचा र वडा नम्बर १२ मा नेत्र बस्नेतलाई उन्नत जातका पाडा हस्तान्तरण गरिएको छ ।

    पाडा हस्तान्तरण गर्दै कृषकको साथमा नगरपालिका रहेकाले निर्धक्क भएर काम गर्न नगर प्रमुख पन्थीले आग्रह गरेका छन् ।
    कषिमा आकर्षित र कृषकलाई उत्साहित बनाउनका लागि उत्कृष्ट काम गर्ने कृषकलाई पुरस्कार स्वरुप निब्र्याजी ऋण उपलब्ध गराउने उनको भनाइ थियो ।

    नगरपालिकाका पशु शाखा प्रमुख रुमाखर मरासिनीले ५० वटा पाडा कपिलवस्तुबाट खरिद गरेर ल्याइएको थियो ।
    कृषकलाई पाडा प्रवद्र्धन मासु मिसन कार्यक्रमको लागि नगरले २० लाख ४४ हजार रुपैयाँ बजेट छुट्याएको थियो । वडा नम्बर ११ मा २५ र १२ मा २५ वटाका दरले पाडा हस्तान्तरण गरिएको पशु शाखा प्रमुख मरासिनीले बताए ।

    कार्यक्रममा रेसुङ्गा नगरपालिका प्रमुख पन्थीसहित उपप्रमुख अमृता कुँवर,वडा नम्बर १ का वडाध्यक्ष रामप्रसाद पन्थी,
    वडा नम्बर ९ का वडाध्यक्ष कृष्ण प्रसाद पाण्डे,वडा नम्बर १० का वडाध्यक्ष एवं नगरपालिकाका आर्थिक विकास संयोजक राम बहादुर बस्नेत
    ,वडा नम्बर ११ का वडाध्यक्ष खुम बहादुर राना, वडा नम्बर १२का वडाध्यक्ष चेहरसिह टन्डन,नगरपालिकाका कृषि शाखा प्रमुख हरि शरण पन्थी लगायतको उपस्थित रहेको थियो ।

  • नेपाल प्रहरीले माग्यो ठूलो संख्यामा कर्मचारी (सूचनासहित)

    नेपाल प्रहरीले माग्यो ठूलो संख्यामा कर्मचारी (सूचनासहित)

    काठमाडौं ।
    नेपाल प्रहरी प्रधान कार्यालयले ठूलो संख्यामा कर्मचारी माग गरेको छ ।

    प्रहरी प्रधान कार्यालयले जनपद समूहतर्फ प्रहरी सहायक निरीक्षक र प्रहरी जवान पदहरूमा २ हजार ९१७ जना कर्मचारी माग गरेको हो ।

    आइतवार सार्वजनिक सूचना जारी गर्दै कार्यालयले कर्मचारी माग गरेको हो ।

    पहिले माग गरेको संख्यामा यस दिन थप गरेर कर्मचारी माग गरिएको प्रहरी प्रधान कार्यालयले जनाएको छ ।

  • आइतबार:सूर्यदेवको पूजा गरे मिल्छ यस्तो लाभ (जानी राखौं)

    आइतबार:सूर्यदेवको पूजा गरे मिल्छ यस्तो लाभ (जानी राखौं)

    काठमाडौं ।
    हिन्दू धर्मअनुसार आइतबार सूर्यदेवको बार मानिन्छ ।

    यस दिन केहि सरल उपाय मार्फत सूर्य देवलाई प्रसन्न गर्न सकिने र जीवनका सबै समस्या समाधान गर्न सकिने धार्मीक मान्यता छ ।

    सूर्यदेवबाट प्रकाश, आरोग्य, प्रतिष्ठा प्राप्त हुने छ भने दुष्टहरुको निवारण हुनेछ । नवग्रह शान्ति विधानमा मात्र सूर्योपासनाबाट सबै ग्रहको शान्ति मिल्ने उल्लेख छ ।

    किन भने सूर्यदेवलाई नौ ग्रहको मुख्य ग्रह अर्थात राजा मानिन्छ ।

    तपाईंले जीवनमा कुनै तनाव झेलिरहनु भएको छ भने सूर्यदेवलाई प्रसन्न पारेर आफ्नो सबै तनाव निवारण गर्न सक्नु हुनेछ ।
    सूर्यदेवको कृपाबाट व्यक्तिलाई समाजमा मानसम्मान प्राप्त हुनेछ । साथै, नोकरी तथा भाग्य सम्बन्धी समस्या सूर्यको पूजाबाट टाढा हुनेछ ।

    हरेक दिन बिहान सूर्यलाई नमस्कार गरेमा बल, बुद्धि, विद्या, वैभव,तेज,ओज,पराक्रम तथा दिव्यता प्राप्त हुनेछ ।
    आइतबारको दिन व्रतालुहरुले एक छाक मात्र खाना खानुपर्दछ । साथै खानामा नुनतेल मिसाउनु हुँदैन ।
    व्रत बस्नेहरुले रातो वस्त्र लगाउँदा सूर्यदेव प्रसन्न हुन्छन् भने पूजा गर्दा रातो रङ्गको फूल चढाउनुपर्छ ।

    हिन्दु धर्ममा सूर्यलाई प्रत्यक्ष देव भनिन्छ ।सूर्यको किरणले पृथ्वी प्रकाशमय हुने भएकाले यसलाई जीवनको आधार समेत मानिन्छ ।
    धर्ममा देवता हुनका साथै ज्योतिष मान्यतामा सूर्य ग्रह पनि हो ।यसलाई नौ ग्रह मध्ये सबैभन्दा महत्वपूर्ण मानिन्छ ।

    त्यसैले कुण्डलीमा सूर्यको स्थिति कमजोर भए मान–सम्मान र सुख–समृद्धिमा कमी हुने मान्यता छ ।
    सूर्यको स्थिति बलियो पार्न र सुर्य देवलाई प्रसन्न पार्न आइतबार पूजा र केहि उपाय अपनाउनु पर्दछः

    १. हरेक नित्य बिहान सबेरै उठेर स्नान गरी सूर्य देवलाई जल अर्पण (अर्घ) गर्नु पर्दछ ।

    २. यो कार्य साताभरी सम्भव नभए पनि आइतबार भने गर्नुपर्ने मान्यता छ ।

    ३. उदाउँदो सुर्यलाई जल अर्पण गर्दा यसमा सख्खर मिसाएर अर्घ दिनु शुभ मानिन्छ ।

    ४. सूर्य देवलाई रातो रंग मनपर्ने भएकाले जलमा एक चिम्टि कुमकुम मिसाउन सकिन्छ ।

    ५. आइतबार जल अर्पण गर्दा रातो फूल पनि सूर्य देवलाई अर्पित गर्नु पर्दछ ।

    ६. रातो फुल र कुमकुम हालेका जल बरको रुखमा चढाए सूर्य देव प्रसन्न हुने मान्यता छ ।

    ७. आइतबार आदित्य हृदय स्तोत्रको पाठ गर्न अत्यन्त प्रभावशाली मानिन्छ ।

    ८. कुण्डलीमा सुर्य मजबुत पार्न आइतबार सुर्य देवको नुन नखाई व्रत बस्नु पर्दछ । एजेन्सीको सहयोगमा

  • दाङमा मोटरसाइकल चोरीमा संलग्न ९ जना पक्राउ

    दाङमा मोटरसाइकल चोरीमा संलग्न ९ जना पक्राउ

    दाङ ।
    दाङमा मोटरसाइकल चोरी गर्ने गिरोहलाई प्रहरीले नियन्त्रणमा लिएको छ ।

    बुटवलबाट मोटरसाइकल चोरी गरी दाङ ल्याएर बिक्री गर्ने गिरोहलाई प्रहरीले नियन्त्रणमा लिएको हो । विभिन्न स्थानबाट मोटरसाइकल चोरी गरी दाङ ल्याएर बिक्री गर्ने ९ जनालाई लमही र गढवाबाट पक्राउ गरिएको जिल्ला प्रहरी कार्यालय दाङले जनाएको छ ।

    पक्राउ पर्नेमा गढवा गाउँपालिका ६ का १७ वर्षीय आनन्द परियार,सोही ठाउँकै १७ वर्षीय क्रम बस्नेत,१६ वर्षीय रातन बस्नेत,१६ वर्षीय नसिब अहमद,१५ वर्षीय बरुण कुमाल,१९ वर्षीय अनिलसिंह ठकुरी, १९ वर्षकै लक्ष्मण विष्ट र लमही नगरपालिका ५ का १९ वर्षीय बसियमसिंह ठकुरी रहेका छन ।

    उनीहरुले विभिन्न स्थानबाट मोटरसाइकल चोरी गरेर ल्याई गिरोहमार्फत बिक्री गर्दै आइरहेको पाइएको छ ।

    पक्राउ परेकाहरुमाथि थप अनुसन्धान भैरहेको जिल्ला प्रहरी कार्यालय दाङका प्रहरी प्रमुख सुरेश काफ्लेले जानकारी दिए ।

  • लुम्बिनी प्रदेशसभा सदस्य वलीकोे हर्कत मर्यादा बिपरित : छानविन समिति

    लुम्बिनी प्रदेशसभा सदस्य वलीकोे हर्कत मर्यादा बिपरित : छानविन समिति

    बुटवल ।
    नेपाल कम्युनिष्ट पार्टीबाट दाङको क्षेत्र नं. ३ (ख) बाट निर्वाचित लुम्बिनी प्रदेशसभा सदस्य विमला वलीले दाङको तुलसीपुरमा रहेको
    वाइसियल नेता एकराज बस्नेतको घरमा गरेको हर्कत मर्यादा बिपरित कार्य भएको निष्कर्ष छानविन समितिले निकालेको छ।

    जेठ ३१ गते बिहान तत्कालिन लुम्बिनी प्रदेश सरकारको स्वास्थ्य, जनसंख्या तथा परिवार कल्याण राज्यमन्त्री वलीले बस्नेतको घरमा गएर
    उनकी श्रीमती मीना र साढे तीन वर्षीया छोरीमाथि कुटपिट गरेकी थिइन्।

    घटना बाहिरिएपछि छानविन गर्न लुम्बिनी प्रदेशका आन्तरिक मामिला तथा संञ्चार मन्त्री तिलकराम शर्मा संयोजक रहेको तीन सदस्य
    छानविन समिति बनेको थियो। छानविन समितिमा कानुन,महिला,बालबालिका तथा जेष्ठ नागरिक मन्त्री रमा घर्ती र प्रदेशका मुख्य
    न्यायाधिवक्ता श्रीकृष्ण सुवेदी सदस्य थिए।

    उक्त समितिले तयार पारेको प्रतिवेदन संयोजक शर्माले शनिबार मुख्यमन्त्री कार्यालय पुगेर मुख्यमन्त्री कुलप्रसाद केसीलाई बुझाएका हुन्।

    प्रतिवेदन बुझाएपछि समितिका संयोजक मन्त्री शर्माले राज्य मन्त्री वली अनाधिकृतरूपमा अरुको घरमा जानू कमजोरी देखिएको जानकारी दिए।

    ‘राज्य मन्त्री वलीज्यू पदीय मर्यादा बिर्सेर व्यक्तिगत लेनदेनको पैसा उठाउन अरूको घरमा पुगेर झैझगडामा उत्रने गल्ती गरेको छानविन प्रतिवेदनको निष्कर्ष हो,’शर्माले भने, ‘एकराज र राज्यमन्त्री वलीबीच लेनदेन भएको देखिएपनि त्यसरी उहाँ पुग्नु सही हैन भन्ने हो।’

    जेठ ३१ गते बिहान पौने ९ बजेतिर तुलसीपुर–५ आलुमण्डी नजिकैको बस्नेतको घरमा तत्कालिन राज्यमन्त्री वली झण्डावाला गाडी र अंगरक्षकसहित पुगेकी थिइन्।

    मुख्यमन्त्री केसीले पनि प्रतिबेदन बुझेपछि राज्यमन्त्री वलीबाटै प्रारम्भिक रूपमा कमजोरी भएको देखिएको जानकारी दिए। प्रतिवेदनको अध्ययन पछि मात्रै सरकार र पार्टीले आवस्यक कदम चाल्ने मुख्यमन्त्री केसीले बताए।

    छानविनको क्रममा वली र एकराज बस्नेतबीच साढे ६ लाख जतिको लेनदेन भएको खुलेको थियो।

  • मणिपुर पहिरोमा पुरिएर १८ जनाको मृत्यु ,५० भन्दा बढी बेपत्ता

    मणिपुर पहिरोमा पुरिएर १८ जनाको मृत्यु ,५० भन्दा बढी बेपत्ता

    काठमाडौं ।
    भारतको मणिपुरमा पहिरोमा पुरिएर १८ जनाको मृत्यु भएको छ। ५० जना भन्दा बढी हराइरहेका छन्।

    बीबीसीका अनुसार घाइते १८ जनालाई अस्पताल भर्ना गरिएको छ। जिरिबमलाई इम्फालसँग जोड्न रेलमार्ग निर्माण भइरहेको वेला वर्षासँगै ठूलो पहिरो गएर उनीहरू पुरिएको अधिकारीहरुले बताएका छन्।

    निरन्तरको वर्षाले उद्धारमा कठिनाइ भएको मणिपुरका मुख्यमन्त्री एन बिरेन सिंहले बताए। त्यहाँ आगामी २४ घण्टा भारी वर्षा हुने अनुमान गरिएको छ।

    समाचारका अनुसार रेलमार्ग निर्माणका क्रममा सुरक्षाका लागि ठूलो संख्यामा प्रादेशिक सेनाका जवान तैनाथ गरिएको थियो।

    मृत्यु हुनेहरुमा केही मजदुर र सेनाका जवान रहेको भारतीय सञ्चारमाध्यमले जनाएका छन् ।