Category: जीवनशैली

  • आफ्नै जेठाजु द्वारा गुल्मीमा भाइबुहारी  बलात्कृत

    आफ्नै जेठाजु द्वारा गुल्मीमा भाइबुहारी बलात्कृत

    गुल्मी ।
    गुल्मीमा भाइबुहारी बलात्कारको आरोपमा जेठाजु पक्राउ परेका छन् । जिल्लाको धुर्कोट गाउँपालिका–६ निवासी ३५ वर्षीय अधर्मी (नाम परिवर्तन) आफ्नै सहोदर भाइकी १९ वर्षीय श्रीमती बलात्कार गरेको आरोपमा पक्राउ परेका हुन ।

    असार १४ गते दिउँसो सोही वडाको किटानी भन्ने स्थानको गोठमा भाइ बुहारीलाई बलात्कार गरेको आरोपमा जाहेरी परेपछि शुक्रबार पक्राउ गरिएको जिल्ला प्रहरी कार्यालयका सूचना अधिकृत प्रहरी निरीक्षक श्याम प्रकाश यादवले जानकारी दिए ।

    यादवका अनुसार ती महिलाका श्रीमान् रोजगारीका सिलसिलामा देश बाहिर र्हेका छन् ।

  • जन्मदिन मनाउन गरिने खर्च रुरु धार्मिक सेवा संचार प्रालीलाई सहयोग

    जन्मदिन मनाउन गरिने खर्च रुरु धार्मिक सेवा संचार प्रालीलाई सहयोग

    रुरुधाम रीडी ।
    समाजमा हिजो आज फरक फरक तरिकाले जन्मदिन मनाउने गरिन्छ ।

    कहिले केक काट्ने, कहिले पाटी प्यालेसमा कार्यक्रमको आयोजना गर्ने कहिले भने असायबर्ग लाई खाना खुवाउने कार्य गरेको देख्न सकिन्छ, यसै सिलसिलामा गुल्मी जिल्ला सत्यवती गाउँ पालिका वडा न १ अस्लेवाका सामाजिक अभियान्ता तुल्सी पाण्डेले आज आफ्नो जन्म दिन्को खर्च कटाई रुरु धार्मिक सेवा संचार प्रालीको कार्यालयको लागि सन्चार सामाग्री खरिद गर्न आर्थिक सहयोग प्रदान गर्नुभएको छ ।

    सहयोग प्रदान गर्दै पाण्डेले रुरु क्षेत्रको मात्र यस सस्थाले प्रचारप्रसार नगरी समग्र छिमेकी जिल्लामा हरेक गतिविधि तथा सामाजिक अभियानमा जोडिदै सन्चारका माध्यम बाट प्रकाशन प्रसारण गरिरहेकोले सामाग्री खरिदको लागी सहयोग गरेको बताउनु भयो। पाण्डेले आगामी दिनमा समेत यश धार्मिक सस्थालाइ बलियो बनाइ सन्चालन गर्नको लागि थप सन्चारका सामाग्रीहरु उपलब्ध गराउने प्रतिबद्धता जनाउनु भएको छ ।

    पाण्डे लाई सस्थाका अध्यक्ष चुरामणि तिमिल्सिनाले टेलीफोन गरि शुभकामना प्रदान गर्दै सहयोग र सदभावका लागि धन्यवाद व्यक्त गर्न भयो।

    यश धार्मिक सस्था आर्थिक जगेडा कोश नभएपनि अहिले सम्म दाताकै दानको भरमा सन्चालन हुँदै आयको छ । छोटो समयमा नै प्रचारप्रसारमा संस्थाले टेवा पुर्याउदै आएको अध्यक्ष तिमिल्सिनाले बताउनु भयो।

  • गाउँपालिकाको आर्थिक सहयोगमा उन्नत बोयर बाख्रा वितरण

    गाउँपालिकाको आर्थिक सहयोगमा उन्नत बोयर बाख्रा वितरण

    माधव पौडेल,पाणिनी ।
    गाउँपालिकाको आर्थिक सहयोगमा व्यवसायिक वाख्रापालनको लागी उन्नत बोयर बाख्रा वितरण गरिएको छ । पाणिनी गाउँपालिका को वडा नं २ पोखराथोक अर्घाखाँचीमा चार वटा बोयर जात का बाख्रा हरु गाउँपालिकाको ५० प्रतिशत अनुदानमा वितरण गरिएको हो ।

    व्यवस्थित आधुनिक बाख्रापालन व्यवसायको विस्तार ,युवा स्वरोजगार र ग्रामीण गरिबी न्यूनीकणको आधार भन्ने मूल नारा सहित साना व्यवसायिक कृषि उत्पादन केन्द्र बाख्रा पकेट कार्यक्रम अन्तर्गत शुक्रवार एक कार्यक्रमका बिच बाख्रा वितरण गरिएको छ ।

    पाणिनी गाउँपालिकाको आर्थिक सहयोग र पाणिनी बाख्रा पकेट समितिको आयोजनामा वितरण गरिएको हो । वितरण कार्यक्रममा वडा न २ का वडा अध्यक्ष चन्द्रकान्त पौडेल ,नायब पशु स्वास्थ्य प्राविधिक प्रकाश बिष्ट ले सहजीकरण गर्नु भएको थियो ।

  • भीम अस्पतालका स्वास्थ्यकर्मी द्धारा दुई घन्टा ओपिडी सेवा बन्द

    भीम अस्पतालका स्वास्थ्यकर्मी द्धारा दुई घन्टा ओपिडी सेवा बन्द

    रुपन्देही ।
    भीम अस्पतालका स्वास्थ्यकर्मीले शुक्रबार बिहान दुई घन्टा ओपिडी सेवा बन्द गरेका छन् ।

    सरकारले घोषणा गरेको कोरोना जोखिम भत्ता हालसम्म उपलब्ध नगराएको भन्दै उनीहरूले भैरवास्थित भीम अस्पतालमा शुक्रबार ओपिडी सेवा बन्द गरेका हुन् ।

    भीम अस्पताल संघर्ष समिति गठन गरेका स्वास्थ्यकर्मीले आजदेखि आन्दोलनका कार्यक्रम सुरु गरेका छन् । समितिले बिहीबार आन्दोलनका कार्यक्रम सार्वजनिक गरेको थियो ।

    संघर्ष समितिका संयोजक तथा स्वास्थ्यकर्मी गोपाल उपाध्यायले आफूहरूले कोरोना महामारीको दोस्रो लहरमा जोखिममा रहेर काम गरे पनि सरकारले सोको कदर नगरेको बताए । उनले सरकार आफैँले घोषणा गरेको जोखिम भत्ता उपलब्ध नगराउँदा आन्दोलित हुनुपरेको उनको भनाइ छ ।

    सरकारले आफ्नो कुरा सुनोस भन्नका लागि आफूहरू आन्दोलनमा उत्रिनुपरेको उनको भनाई छ ।

  • घोराहीमा भएको दुर्घटनामा दुई जनाको मृत्यु ,दुई घाइते

    घोराहीमा भएको दुर्घटनामा दुई जनाको मृत्यु ,दुई घाइते

    दाङ ।
    दाङको घोराहीमा भएको दुर्घटनामा दुई जनाको मृत्यु भएको छ भने दुई घाइते भएका छन् ।

    गए राति घोराही उपमहानगरपालिका–७ बेसाईमा सौडियारबाट सर्रातर्फ आउँदै गरेको रा३प २९२२ नम्बरको मोटरसाइकलले दुई साइकललाई ठक्कर दिएको प्रहरी नायब उपरीक्षक मुुकुन्दप्रसाद रिजालले जानकारी दिए ।

    उक्त दुर्घटनामा परी मोटरसाइकल चालक घोराही–१५ का ३५ वर्षीय गङ्गाबहादुर कुँवर र साइकलयात्री घोराही–७ का १६ वर्षीय रितेश केसीको मृत्यु भएको छ । दुवैको उपचारका क्रममा मृत्यु भएको प्रहरीले जनाएको छ ।

    दुर्घटनामा परी मोटरसाइकलमा सवार घोराही–७ का ३८ वर्षीय वसन्त चौधरी र साइकलयात्री सोही ठाउँका १५ वर्षीय विनोद भण्डारी घाइते भएका छन् ।

    घाइते दुवैको राप्ती स्वास्थ्य विज्ञान प्रतिष्ठान घोराहीमा उपचार भइरहेको छ ।

  • देशका धेरै स्थानमा हल्कादेखि मध्यम वर्षाको सम्भावना

    देशका धेरै स्थानमा हल्कादेखि मध्यम वर्षाको सम्भावना

    काठमाडौं ।
    देशका धेरै स्थानमा शुक्रबार हल्कादेखि मध्यम वर्षाको सम्भावना छ।

    जल तथा मौसम विज्ञान विभागले प्रदेश १ का एक–दुई स्थानमा भारी वर्षाको सम्भावना रहेको जनाएको छ। तराई–मधेश क्षेत्रमा हल्का वर्षाको सम्भावना छ।

    सुदूरपश्चिम, कर्णाली, लुम्बिनी र गण्डकी प्रदेशका एक्दुई स्थानमा भारी वर्षा हुन अनुमान गरिएको छ।

    बिहान आंशिकदेखि सामान्य बदली रही प्रदेश १, बागमती प्रदेश र कर्णाली प्रदेशका केही स्थानमा हल्का वर्षा भइरहेको छ।

    राति देशभर सामान्य बदली रहने विभागको भनाइ छ।

  • हर्मिचौर मविमा रेडक्रस सर्कल को पुनर्गठन

    हर्मिचौर मविमा रेडक्रस सर्कल को पुनर्गठन

    चुरामणि तिमिल्सिना,रिडी ।
    हर्मिचौर माध्यमिक बिध्यालय कालीगण्डकी गाउँपालिका गुल्मीमा म सेवा गर्छु भन्ने मुख्य उद्देश्यका साथ नेपाल जुनियर तथा युवा रेडक्रस सर्कल को पुनर्गठन गरिएको छ ।

    बिध्यालयका प्रधानाध्यापक तिलाचन पाण्डेको अध्यक्षतामा गरिएको कार्यक्रममा सुरज पाण्डे अध्यक्षमा चयन हुनु भएको छ ।

    यस्तै उपाध्यक्षमा प्रमिशा पाण्डे सचिवमा भावना पाण्डे उपसचिवमा प्रमिश न्यौपाने कोषाध्यक्षमा रामु पाण्डे उपकोषाध्यक्षमा पुजा पाण्डे चयन हुनु भएको छ ।

    यस्तै ,सदस्यहरुमा विवेक पाण्डे स्मृति तरामु हिमाल सुनार, विनिता सुनार रहनु भएको छ । यस्तै अन्य सदस्यहरुमा भगवान पाण्डे सागर पाण्डे ,साधना पाण्डे वसन्त पाण्डे प्रज्ञा पाण्डे रहनु भएको छ । सर्कलमा भीमलाल भुसाल शिक्षक नायक सहशिक्षक नायक गणेशराज उपाध्या र प्रधानाध्यापक तिलाचन पाण्डे संरक्षकमा रहनु भएको छ। गठित नयाँ समिती लाई सपथ ग्रहण यस्तै काम कर्तव्य अधिकार र जिम्मेवारी प्रदान गरिएको हो ।

    बिद्यालयमा गठित समितीले विभिन्न समयमा अतिरिक्त क्रियाकलाप सन्चालन गर्ने दुख परेका हरुको लागि विभिन्न अभियानहरु मार्फत सहयोग कार्यक्रम गर्ने विभिन्न समयमा मागका आधारमा तालिम पनि सन्चालन गर्ने नायक भुसालले जानकारी दिनु भयो ।

  • नागरिक मैत्री सेवा प्रवाह गर्न गुल्मीदरवारले अध्यक्षको सचिवालय स्थापना गर्ने

    नागरिक मैत्री सेवा प्रवाह गर्न गुल्मीदरवारले अध्यक्षको सचिवालय स्थापना गर्ने

    नवीन कार्की ,गुल्मी ।
    गुल्मीदरवार गाउँपालिकाले जनताको सेवा प्रवाहलाइ मध्यनजर गरी सेवा प्रवाहलाई नागरिक मैत्री बनाउन अध्यक्षको सचिवालय स्थापना गर्ने निर्णय गरेको छ ।

    गाउँपालिकाको सेवा प्रवाहमा प्रभावकारीता ल्याउन दोश्रो गाउँ सभावाट अध्यक्ष द्धारा पेश भएको निति तथा कार्यक्रममा गुुल्मी दरवार गाउँपालिकाका गाउँसभा सदस्यबाट प्राप्त सुझाव सल्लाहलाई नीति तथा कार्यक्रममा समावेश गर्दै यस्तो निर्णय गरिएको छ ।

    त्यस्तै गाउँपालिकामा संन्चालित आ.व. २०७८/०७९का योजना महँगी, कामदारको अभाव तथा निर्वाचनको कारणले समयमा सम्पन्न हुन नसकेका योजनाहरूको लागि म्याद थप्ने निर्णय पनि गरिएको छ ।

    गुल्मीदरवार गाँउपालिका को २३ औं कार्यपालिकाको वैठकले गाउँपालिकाका सवै कार्यालयबाट हुने सेवा प्रवाह जवाफदेहीता, पारदर्शितालाई मध्यनजर गरेर चुस्त दुरूस्त सेवा प्रवाह गर्ने निर्णय गरिएको प्रवत्ता शालिकराम टण्डनले बताउनु भयो ।

  • रुपन्देहीमा पौडी खेल्ने क्रममा एक व्यक्ति बेपत्ता

    रुपन्देहीमा पौडी खेल्ने क्रममा एक व्यक्ति बेपत्ता

    बुटवल ।
    रुपन्देहीमा पौडी खेल्ने क्रममा एक व्यक्ति हराएका छन् ।

    बुधबार साँझ ६ बजेपछि आफ्ना दुई साथीसहित सिद्धार्थनगर नगरपालिका १२ स्थित डण्डा खोलामा नुहाउन पुगेका सोलुखुम्बु जिल्ला थुलुङ दूधकोसी गाउँपालिका २ का २८ वर्षीय सागर राई बेपत्ता भएको जिल्ला प्रहरी कार्यालय रुपन्देहीका प्रवक्ता प्रहरी नायब उपरीक्षक नवरत्न पौडेलले बताए ।

    उनका अनुसार सागरका दुई साथी कलयाण राई र निलेश चौधरीको उद्धार गरिएको छ । उनको खोजी कार्य जारी रहेको पौडेलले जानकारी दिए ।

  • गुल्मीदरबार गाउँपालिकामा तेस्रो  राष्ट्रपती रनिङ्ग शिल्ड प्रतियोगिता सुरु

    गुल्मीदरबार गाउँपालिकामा तेस्रो राष्ट्रपती रनिङ्ग शिल्ड प्रतियोगिता सुरु

    चुरामणि तिमिल्सिना ।
    “राष्ट्रका लागि खेलकुद,स्वास्थ्यका लागि,खेलकुद सबैका लागि खेलकुद“ भन्ने नाराका साथ गुल्मीदरबार गाउँपालिकाको आयोजनामा पालिका स्तरीय तेस्रो राष्ट्रपति रनिङ्ग शिल्ड प्रतियोगिता औपचारिक कार्यक्रमका साथगुल्मीदरबार गाउँपालिकाका अध्यक्ष सरोज कुमार थापा,उपाध्यक्ष तारा थापा ढेगा प्रमुख प्रशासकीय अधिकृत लक्ष्मण पाण्डेले सामुहिक रुपमा उद्घाटन गर्नु भएको हो ।

    बिद्यार्थीहरु लाई खेल प्रती रुचि जगाउन तथा प्रतिभाको बिकास गर्न राष्ट्रको गहनारुपमा चिनाउन कार्यक्रम आयोजना गरिएको अध्यक्ष थापाले बताउनु भयो।
    उहाँले खेलकुद बिद्यार्थीबर्गलाइ अपरिहार्य रहेको बताउदै आगमी दिनमा पनि यस्तै रचनात्मक क्रियाकलाप पालिकाले गर्ने पालिकाका प्रमुख प्रशासकीय अधिकृत लक्षमण पाण्डेले जानकारी दिनु भयो । पाण्डेले खेल कुद क्षेत्रमा पनि पालिकाले बजेट बिनियोजन गरेकोले बजेट अनुसार कार्यक्रम अगाडी बढाइने बताउनु भयो ।

    यता कार्यक्रममा उपाध्यक्ष थापाले बिद्यार्थी बर्गहरुमा यस्ता कार्यक्रमले शरीर फुर्तिलो तथा स्वस्थ राख्न मद्दत गर्ने भएकोले कार्यक्रम आयोजना गर्न पालिकाले सबै खेल कुदका क्षेत्रमा सहयोग गर्ने प्रतिबद्धता जनाउनु भयो।

    उत्घाटन सत्रमा पालिकाका प्रेस सल्लाहकार नवीन कार्की जन प्रतिनिधि शिक्षक अभिभावक बिद्यार्थी खेल प्रेमी महानुभाव तथा कर्मचारी हरुको सहभागीता रहेको थियो ।कार्यक्रम शुक्रबार सम्म सन्चालन हुने प्रेस सल्लाहकार कार्कीले जानकारी दिनु भएको छ ।