Category: समाचार

चुरामणि तिमिल्सिना   फागुन  १८ गुल्मी

सत्यवती गाउँपालिका गुल्मीकी उपाध्यक्ष निरमाया तरामुले निति तथा कार्यक्रममा उल्लेख गरिएको एक कार्यक्रम गर्भवती तथा सुत्केरीसंँग उपाध्यक्ष भेटघाट कार्यक्रम अल्ट्रासाउन्ड सेवा सहित कोशेली भेटघाट कार्यक्रम सत्यवती गाउँपालिका वार्ड नं ५ जहाँ शुन्य होम डेलिभरी कार्यक्रम लागू भएको छ सोही वडाबाट शुभारम्भ गर्नुभएको हो।

उक्त कार्यक्रमको प्रमुख अतिथी गाउँपालिका अध्यक्ष टिकाराम पाण्डेले कार्यक्रमको समुद्घघाट्न गर्नुभएको हो भने शुभकामना मन्तव्यमा भौतिक बिकासले मात्र दिगो बिकास हुदैन सामाजिक बिकास पनि हुनुपर्छ भन्ने कुरामा जोड दिदै WHO को सुचक पूरा गर्न सबै क्षेत्रको सक्रियता हुनुपर्ने बताउनुभयो।
कार्यक्रमलाई सम्बोधन गर्दै वडा सदस्य ऋषिराम भण्डारीले गर्बिलो र राम्रो कार्यको थालनी आफ्नै वडाबाट शुरुआत गरेकोमा खुशीका भनाइ राख्नुभयो।त्यसै गरि प्रधानाध्यापक कृष्ण भण्डारीले गुल्मी जिल्लामै नबिनतम कार्य भएको प्रशंसा गर्नुभयो।

।त्यसै गरि ग्रामीण अल्ट्रासाउन्ड तालिम प्राप्त स्टाफ नर्स रुपा रिजालले गर्भवतीको गर्भको बच्चाको अबस्थाको जाँच गराउनुपर्ने र अल्ट्रासाउन्डमा कुनै विकिरण नरहेको जानकारी गराउदै आठ पटक स्वास्थ्य संस्थामा निशुल्क जाँच गर्ने र संस्थामै प्रसुती हुनुपर्ने कुराको जानकारी दिदै यो कुरा जनप्रतिनिधिबाट सुझाव सल्लाहको रुपमा दिदा प्रभाबकारी हुने र यस्तो राम्रो अभियानमुलक कार्यमा म पनि जोडिन र सेवा गर्ने अबसर पाएकोमा खुसी ब्यक्त गर्नुभयो।उपाध्यक्ष निरमाया तरामुले एउटा परिपक्व महिला आमा बन्न पाउनु र चाहाना राख्नु उनको नैसर्गिक अधिकार हो र कार्यक्रममा सहभागी ८ जना गर्भवती र १७जना सुत्केरीहरुलाई तपाईं महान नारी हो यसर्थ म सबैलाई सम्मान गर्न चाहान्छु भन्दै हरेक बार खाना चारका बिषयमा प्रकाश पार्दै समय समयमा नजिकको स्वास्थ्य संस्थामा गर्भ जाँच गर्नुपर्न, स्वास्थ्य सँस्थामै प्रसुती गराउनुपर्ने र स्वास्थ्य संस्थासम्म पुग्न आर्थिक अबस्था कमजोर भएकाको लागि यातायात सुबिधा दिएको कुरा राख्दै गर्भवती महिला,सुत्केरी आमा र बच्चाको स्वास्थ्य लाभको कामना ब्यक्त गर्दै कार्यक्रमको समापन गर्नुभयो भने तत्पश्चात गर्भवती महिलाहरूले अल्ट्रासाउन्ड सेवा लिनुभयो साथै सबैलाई एकथान न्यानो कपडा,एक ओटा हर्लिक्स,सन्देशमुलक शुभकामना कार्ड बितरण गरियो।

उक्त कार्यक्रममा स्वास्थ्य शाखा प्रमुख सुर्य रानाले स्वागत गर्दै गर्भाबस्थादेखी सुत्केरी भएको २ बर्षसम्म गर्नुपर्ने हेरचाह र नेपाल सरकारको सन 2030 सम्ममा मातृशिशु मृत्युदर कम गर्ने लक्ष्यमा यो कार्यक्रमले महत्त्वपूर्ण भुमिका खेल्ने बिषयमा प्रकाश पार्नुभएको थियो भने कार्यक्रमको सञ्चालन हिमलाल भण्डारी(हरि)ले गर्नुभएको र सञ्चालन कै कर्ममा मातृशिशु भेटघाट कार्यक्रम अन्य पालिका/नगरपालिकामा भए पनि अल्ट्रासाउन्ड सहितको गर्भवती सुत्केरी भेट कार्यक्रम सत्यवती गाउँपालिकामा पहिलो पटक भएको दाबी गर्नुभएको थियो।

पाल्पा । रिब्दीकोट गाउँपालिकाका अध्यक्ष नारायण बहादुर कार्कीले आफूले पालिका अध्यक्षको रुपमा रहँदा पाउने तलव भत्ताको रकमबाट पालिकाभित्रका ६५ परिवार बिपन्न नागरिकहरुको स्वास्थ्य बीमा गरिदिनुभएको छ । अध्यक्ष कार्कीले निर्वाचनको समयमा नै आफूले पाउने सेवा सुविधा जनताकै सेवामा खर्च गर्ने प्रतिबद्धता जनाउनुभएको थियो । सोही बमोजिम उहाँले यो वर्ष म बनाउँछु मेरो रिब्दीकोट अभियान अन्तरगत स्वास्थ्य बिमा कार्यक्रमलाई अगाडि बढाउनुभएको हो ।

३ हजार ५ सय रुपैयाँ तिरेपछि ५ जनासम्मको परिवारले स्वास्थ्य बीमाबाट उपचार गर्न पाउने भएकाले विपन्न वर्गलाई सहयोग पुग्नेगरी उक्त सहयोग गरिएको अध्यक्ष कार्कीले बताउनुभयो । अध्यक्ष कार्कीले श्रम गर्ने तर बचत नगर्ने र मदिरापान गर्ने लगायतका समस्याहरुको समाधानका लागि कार्यक्रमकै अवसरमा परामर्श समेत दिइएको र यस कार्यक्रमलाई आगामी दिनमा पनि निरन्तरता दिदै जाने अध्यक्ष कार्कीले बताउनुभयो ।

सोही अभियान अन्तरगत बिहीवार गाउँपालिकाको सभाहलमा पालिका भित्रका श्रमिकहरुलाई पोशाक सहित सम्मान गरिएको छ । सबै वडाको प्रतिनिधित्व हुने गरी श्रमिकहरुलाई सम्मान गरिएको हो । सबै वडाबाट तथ्यांक संकलन गर्न लगाएर उनीहरुलाई सम्मान गरिएको गाउँपालिकाका प्रमुख प्रशासकीय अधिकृत मणिप्रसाद खनालले बताउनुभयो । प्रधानमन्त्री रोजगार कार्यक्रम अन्तरगत पालिकाभित्रका ८ वटै वडाबाट प्रतिनिधित्व हुने गरी श्रमिकहरुलाई बोलाइ सम्मान गरिएको उहाँले बताउनुभयो ।

सम्मानका लागि पालिका भित्रका ८ वडाका गरी ६४ जना श्रमिकलाई बोलाइएको थियो । ख्याहाका १०, देउरालीका २०, खस्यौलीका १२, भैरवस्थानका ८, कुसुमखोलाका ३, ठिमुरेका ७ पालुङमैनादीका ४ र फेकका ४ जनालाई सम्मान गरिएको हो । गाउँघरमा बसेर पनि श्रम गरेर जिविकोपार्जन गर्नेहरुलाई प्रधानमन्त्री रोजगार कार्यक्रम अन्तर्गत यसरी सम्मान गरिएका गाउँपालिका उपाध्यक्ष कान्ता अधिकारीले बताउनुभयो ।

गाउँपालिकाका जनस्वास्थ्य निरीक्षक सुनिल अधिकारीले मादक पदार्थको सेवनबाट स्वास्थ्यमा पर्ने समस्याहरुको बारेमा जानकारी गराउनुभएको थियो । सोही अवसरमा श्रमिकहरुको क्षयरोग परीक्षण समेत गरिएको उहाँले बताउनुभयो । कार्यक्रममा नेपाल पत्रकार महासंघ पाल्पाका सचिव यज्ञमूर्ति तिमिल्सिनाले रिब्दीकोटको यो अभ्यास जिल्लामै नमुना रहेको बताउनुभयो । उहाँले नागरिक असल बन्दा परिवार र सिंगो पालिका समृद्ध हुन सहयोग पुग्ने भन्दै यस कार्यक्रमले श्रमिकहरुलाई पनि असल मार्गमा लाग्न प्रेरित गर्ने बताउनुभयो ।

पत्रकार तथा प्रशिक्षक रामप्रसाद न्यौपानेले श्रम अनुसारको पारिश्रमिक पाउनु र बचत गर्नु पनि उत्तिकै महत्वपूर्ण रहेको बताउनुभयो । प्रहरी चौकी हार्थोकका प्रहरी जवान गोविन्द किसानले मादक पदार्थ सेवनबाट हुने सक्ने जोखिम र घटनाबारे अवगत गराउनुभएको थियो । गाउँपालिकाकी रोजगार कार्यक्रम संयोजक दुर्गा पछाईले प्रधानमन्त्री रोजगार कार्यक्रम र महत्वबारे जानकारी गराउनुभएको थियो । कार्यक्रम गाउँपालिकाका अधिकृत रुकलाल भट्टराईको संचालनमा चलेको थियो ।

पाल्पा । माथागढी गाउँपालिकाले स्थानीय कच्चा पदार्थहरुबाट निर्मित मसला उत्पादन बजारीकरण र ब्रान्डिङ कार्यक्रमलाई अगाडि बढाउने भएको छ ।

प्रारम्भिक चरणमा माथागढी–कसेनीमा दालचिनी र प्रसोधन तथा मसला उद्योगको स्थापना गरिएको छ । गत आर्थिक वर्षमा उक्त भवन निर्माणसँगै प्रसोधन मेसिनरीहरुको पनि ब्यवस्था गरिएको थियो । जुन उद्योग स्थापनाका लागि गाउँलेहरुले उत्साही भएर जनश्रमदान समेत गरेका थिए । कुल २६ लाख ९५ हजार ७ सय २६ रुपैयाँको लागतमा निर्मित उद्योगमा गाउँलेहरुको तर्फबाट उक्त उद्योग स्थापनाका लागि २ लाख ४५ हजार ७ सय २६ रुपैयाँको श्रमदान भएको थियो ।

यो उद्योगबाट बिशेषतः माथागढीका महिला र युवाहरुलाई उद्यमशील बनाउने योजना गाउँपालिकाको रहेको छ । अध्यक्ष चिदीले नेपालीहरुको भान्छामा प्रयोग हुने धेरै मसला बाह्य देशबाट आयातित रहेको बताउनुभयो । चिदीले स–साना उपभोग्य वस्तु किन्दा पैसा देश बाहिर जाने र यहीं मसला बनाउ“दा अर्गानिक मसलाको प्रयोग गर्न पाईने र धेरैथोरै बेचेर महिला र युवाहरुले आम्दानी समेत गर्न सक्ने भएकोले पनि गाउँपालिकाले उद्योग स्थापनाका लागि कार्यक्रम बनाएको बताउनुभयो । माथागढी अदुवा उत्पादनका लागि प्रख्यात छ । यहाँ टिमुरको पनि उत्पादन छ । दालचिनी र बेसार पनि यहाँ प्रसस्त रुपमा उत्पादन हुन्छ । खुर्सानीका लागि समस्या छैन । धनियाँ पनि यही उत्पादन हुन्छ । यी स्थानीय उत्पादनहरुलाई मसला बनाई बजारी गर्न सक्ने हो भने राम्रो आम्दानी हुने भएकोले पनि गाउँपालिकाले यसप्रकारको पहल थालेको अध्यक्ष चिदीले बताउनुभयो ।

गाउँपालिकाले यो उद्योगलाई थप प्रभावकारी कसरी गराउन सकिन्छ भन्ने विषयमा छलफल अगाडि बढाएको छ । स्थानीय समुदायको अपनत्व हुने गरी उद्योग समुदायमा हस्तान्तरण गर्ने योजना रहेको उहाँले बताउनुभयो । यदि त्यसो भएमा उद्योग प्रति स्थानीयको अपनत्व हुने गाउँपालिकाले आर्थिक प्राविधिक सहयोग गर्ने उहाँको भनाई छ ।

लुम्बिनी प्रदेश सरकारको सहकार्यमा गाउँपालिकामा गत आर्थिक वर्षमा संचालित नवप्रवर्तन साझेदारी कोष अन्र्तगत मसला उद्योग भवन र मेसिन खरिद गरिएको थियो । यस आर्थिक वर्षमा महिलाहरुलाई उद्यमशील बनाउने योजना रहेको अध्यक्ष चिदीले बताउनुभयो ।

यसअघि स्थानीय महिलाहरुलाई २ दिने तालिम समेत संचालन गरिसकेको छ । गाउँपालिकाले महिलाहरुलाई आत्मनिर्भर गराउने उद्देश्यले मसला बनाउने तालिम दिइसकेको जनाइएको छ । तालिममा महिलाहरुलाई स्थानीय कच्चा पदार्थको प्रयोग गरि मसला बनाउन सिकाइएको थियो । यसरी गाउँमै मसला उद्योग खुलेपछि स्थानीय महिलाहरू पनि खुशी भएका छन् । यसअघिमा तालिममा सहभागी २० जना महिलाहरुले पालिकाले आफूहरुलाई जिम्मेवारी दिएमा कुशलतापुर्वक उद्योग संचालन गर्ने तयारी समेत गरेका छन् ।

स्थानीय हेमा दर्लामीले यो उद्योगबाट आफू जस्तै धेरै महिलाहरू उद्यमशील बन्न सक्ने बताउनुभयो । “उद्योग भएको स्थानमा पानीको ब्यवस्था पालिकाले गर्दिएर उद्योग संचालनको जिम्मेवारी हामीलाई दिनुभयो भने हामीले राम्रो गरेर देखाउ“छौं ।” उहाँले भन्नुभयो ।

तस्बिरः कसेनीमा निर्मित मसला उद्योग भवन

पाल्पा । ४२ औं मगर एकता पाल्पा जिल्लाभर बिभिन्न कार्यक्रमका साथ मनाइएको छ ।

दिवसका अवसरमा पाल्पाका १० वटै पालिकाहरुले स्थानीय बिदा दिएका थिए । बगनासकाली गाउँपालिकाको चिलाङ्दीमा पनि ४२ औं मगर दिवस कार्यक्रम सम्पन्न भएको छ । नेपाल मगर संघ बगनासकालीको सहआयोजना, बगनासकाली गाउँपालिकाको सहयोग र आदिवासी समन्वय समिति बगनासकालीको आयोजना भएको कार्यक्रममा पालिका अन्तरगतका ९ वटै वडाहरुबाट फरक फरक कला संस्कृति प्रस्तुत गरिएको थियो । कौरा, झ्याउरे, ठुलो नाच लगायतका नाच र गीत प्रस्तुत गरिएको थियो ।

कार्यक्रमका प्रमुख अतिथि बगनासकाली गाउँपालिका अध्यक्ष सरस्वती दर्लामी चिदीले मगर समुदायमा रहेको कला संस्कृति र अनुभव साटासाट गर्न यसप्रकारको कार्यक्रम सहयोगी भएको बताउनुभयो । अध्यक्ष चिदीले गाउँपालिकाले पनि बिभिन्न कार्यक्रम मार्फत मगर समुदायको स्तरोन्नतीमा सम्बोधन गर्दै आएको बताउनुभयो ।

गाउँपालिकाका उपाध्यक्ष हरिप्रसाद पाठकले पुराना कला संस्कृति र पुराना मान्छेहरुको अनुभव अनुभुतिलाई नयाँ पुस्तासम्म पुस्तान्तरण गर्नु आजको आवश्यकता भएको बताउनुभयो । नेपाल पत्रकार महासंघ पाल्पाका सचिव यज्ञमूर्ति तिमिल्सिनाले बगनासकालीका सबै वडाहरुमा फरक फरक कला संस्कृति रहेको र ती संस्कृतिहरुको संरक्षण सम्बर्धन आजको आवश्यकता रहेको बताउनुभयो ।

कार्यक्रममा स्वागत मन्तव्य राख्दै बगनासकाली गाउँपालिकाका प्रवक्ता टिका बहादुर थापाले मगर एकता दिवसले मगर समुदायको सवलीकरणमा थप टेवा पु¥याउने बिश्वास ब्यक्त गर्नुभयो । आदिवासी समन्वय समितिका संयोजक गण बहादुर बुढाथोकीको अध्यक्षतामा भएको कार्यक्रमको संचालन सचिव दिलिप गाहा र कलाकार हुमु रानाले गर्नुभएको थियो ।

पाल्पा । मगर एकता दिवसः भोलि पाल्पा जिल्लाभर बिदाको घोषणा गरिएको छ । जिल्लाका २ नगरपालिका र ८ गाउँपालिकाले स्थानीय बिदाको घोषणा गरेका हुन् ।

नेपाल मगर संघ स्थापना भएको दिनलाइ मगर समुदायले एकता दिवसका रूपमा मनाउने गरेका छन् । मगर समुदायको विशेष पर्व तथा एकताको दिन भएकाले स्थानीय बिदा दिइएको पालिकाहरूले जनाएका छन् ।

मगर एकता दिवसको दिन फागुन १५ गते जिल्लाका विभिन्न स्थानका विविध कार्यक्रमको आयोजना गरिएको छ । पाल्पाको तानसेन, रामपुर, माथागढी सराई, रामपुर, बगनासकालीको चिलाङ्दी, छहरा, सत्यवतीलगायतका स्थानमा विविध कार्यक्रमको आयोजना गरिएको बताइएको छ ।

फागुन १४

गुल्मीका चार पालिकाले मगर दिवसको अवसरमा सार्वजनिक बिदा दिएका छन् । जिल्लाका कालिगण्डकी, चन्द्रकोट, सत्यवती र गुल्मीदरबार गाउँपालिकाले मगर दिवसको अवसरमा फागुन १५ गते सार्वजनिक बिदा दिएका हुन् । ४२ औं राष्ट्रिय मगर एकता दिवसको अवसरमा चारवटा स्थानीय तहले छुट्टाछुट्टै सूचना जारी गर्दै सार्वजनिक बिदा दिएको जानकारी गराएका छन् । कालीगण्डकी गाउँपालिका अध्यक्ष बेदबहादुर थापा, चन्द्रकोट गाउँपालिका अध्यक्ष युवराज केसी, गुल्मीदरबार गाउँपालिका अध्यक्ष सरोज थापा र सत्यवती गाउँपालिका प्रमुख प्रशासकीय अधिकृत कमलप्रसाद भुसालले हस्ताक्षर गरेर सूचना निकाल्दै बिदाको जानकारी गराएका हुन् । सार्वजनिक बिदा दिएका स्थानीय तहमा मातहतका सम्पूर्ण वडा कार्यालय, स्वास्थ्य चौकी, विद्यालय तथा सार्वजनिक संघ संस्थाहरुमा सार्वजनिक बिदा दिइएको जनाएका छन् । बिदा दिएका यी पालिकामा मगर जातीहरुको बाहुल्यता समेत रहेको छ ।

प्रतिक्रिया

फागुन १३

प्राविधिक शिक्षा तथा व्यवसायीक तालिम परिषद्को ३६ औँ बार्षिकोत्सव समारोह तथा तुराङ्ग बहुप्राविधिक शिक्षालय स्थापनाको तेस्रो बर्ष प्रवेशको अवसरमा हिजो विभिन्न कार्यक्रम सम्पन्न गरिएको छ ।

गुल्मीको चन्द्रकोट गाउँपालिका – तुराङ्गमा रहेको शिक्षालय २०७८ सालमा स्थापना भएको थियो । कार्यक्रमको अवसरमा यस बर्ष भर्ना भएका नयाँ विद्यार्थीहरुलाई स्वागत गरिएको थियो ।

त्यसैगरी शिक्षालयले चलाएको प्राविधिक तालिमका सहभागिहरुलाई प्रमाण पत्र वितरण गरिएको थियो । यो बर्ष कृषि र भेटेनरीतर्फ गरी ४० विद्यार्थी भर्ना भएका छन् । नवआगन्तुक विद्यार्थी एवं तालिमका सहभागिहरुलाई कार्यक्रमका प्रमुख अतिथि सत्यवती गाउँपालिकाका अध्यक्ष टिकाराम पाण्डे, चन्द्रकोट गाउँपालिकाका अध्यक्ष युवराज केसी, शिक्षालय प्रमुख प्रदिपराज पाण्डे लगायतले स्वागत एवं प्रमाण पत्र वितरण गर्नुभयो ।

तुराङ्ग बहुप्राविधिक शिक्षालयमा कृषि र भेटेनरीतर्फ ४०/४० गरी कुल ८० विद्यार्थीले अध्ययन गर्न पाउँछन् । तर उक्त संख्याको आधामात्रै भर्ना भएको शिक्षालयले जनाएको छ । शिक्षालय स्थापनाको तेस्रो बर्ष चलिरहदा अहिलेसम्म शिक्षालयमा ८३ विद्यार्थी भर्ना छन् । सत्यवती र चन्द्रकोट गाउँपालिकाले ८/८ विद्यार्थीलाई निशुल्क अध्यापन गराउने कार्यक्रम ल्याएका छन् ।

जसमा अहिले सत्यवतीका ८ र चन्द्रकोट छ विद्यार्थीले निशुल्क अध्ययन गरिरहेका छन् । कुल तीन बर्षे कोर्ष निजी कलेजमा अध्ययन गर्दा तीन लाख बराबर खर्च हुन्छ । तर सरकारको आङ्गिक क्याम्पस रहेको शिक्षालयमा ४० हजारमा तीन बर्षे कोर्ष अध्ययन गर्न पाइने शिक्षालय प्रमुख प्रदिपराज पाण्डेले जानकारी दिए । हाल क्याम्पसको आफ्नै संरचना र जग्गा छैन । जसका लागि मानका टिकाराम बहुमुखी क्याम्पसको नौ वटा कोठा लिएर प्रशासनिक काम गरेको छ भने स्थानीयको चार रोपनी जग्गा लिएर विद्यार्थीहरुलाई अभ्यास गराइएको छ ।

शिक्षालयले विद्यार्थीहरुलाई अभ्यास गराउनको लागि थप १० रोपनी जग्गा भाडामा लिने तयारी गरेको छ । शिक्षालयमा गुल्मीका साथसाथै हुम्ला, जुम्ला, मुगू, बाजुरा, बाँके, सुर्खेत, लमजुङ्ग, प्युठान लगायतका ठाउँबाट विद्यार्थीहरु आएका छन् । कार्यक्रममा बोल्दै सत्यवती गाउँपालिका प्रमुख टिकाराम पाण्डे र चन्द्रकोट गाउँपालिका प्रमुख युवराज केसीले शिक्षालयको बृहत्तर विकासको लागि पालिकाले सक्दो सहयोग गर्ने बताए । कार्यक्रममा गुल्मीका कोष तथा लेखा नियन्त्रक झविन्द्र बेल्वासे, विभिन्न वडाका वडाध्यक्षहरु, पत्रकार, स्थानीय समाजसेवी लगायतको उपस्थिति रहेको थियो ।

पाल्पा । बरिष्ठ मुटुरोग बिशेषज्ञ डा. भगवान कोइराला लगायतको टोली स्वास्थ्य शिविरका लागि बराङ्दी आउँने कार्यक्रम रहेको छ । यही फागुन ११ र १२ गते दुई दिने बृहत निःशुल्क स्वास्थ्य शिविर हुने र शिविरमा डा. कोइराला सहितको टोली आउने भएको हो ।

रिडी राम्दी समाज काठमाडौको आयोजना र बगनासकाली बहुउद्देश्यीय सहकारी संस्था बराङ्दीको सह–आयोजनामा २ दिने बृहत निःशुल्क स्वास्थ्य शिविर बगनासकाली बहुउद्देश्यीय सहकारी संस्थाको प्रांगण बगनासकाली ८ बराङ्दीमा सञ्चालन हुने सहकारीका अध्यक्ष कृष्ण भुसालले बताउनुभयो । बढ्दो स्वास्थ्य समस्यालाई मध्य नजर गदै स्वास्थ्य शिविरको आयोजना गर्न लागिएको उहाँले बताउनुभयो ।

शिविरमा स्वास्थ्य परीक्षण गर्न आउने सम्पूर्णलाई निःशुल्क स्वास्थ्य परिक्षण तथा आवश्यक भएमा निशुल्क औषधी उपलब्ध गराइने छ । शिविरमा बरिष्ठ मुटुरोग विशेषज्ञ प्रा.डा. भगवान कोइराला, स्त्रीरोग विशेषज्ञ राजेन्द्र बश्याल, आँखारोग विशेषज्ञ तथा बाल रोग विशेषज्ञ सहित वरिष्ठ चिकित्सकहरुद्धारा स्वास्थ्य परीक्षण गरिने सहकारीका सचिव कमलराज तिमिल्सिनाले बताउनुभयो ।

रिडी राम्दी समाजले बिभिन्न समयमा सामाजिक कार्य गदै आएको छ । आउदा दिनहरुमा पनि देशव्यापी स्वास्थ्य शिविर लगायत अरू विभिन्न सामाजिक कार्य गर्दै जाने समाजका अध्यक्ष रामप्रसाद घिमिरेले बताउनुभयो ।

दयाराज न्यौपाने
पाल्पा – यही फागुन ११र१२ गते दुई दिने बृहत निःशुल्क स्वास्थ्य शिविर हुने भएको छ । रिडी राम्दी समाज काठमाडौको आयोजना र बगनासकाली बहुउद्देश्यीय सहकारी संस्था बराङ्दीको सह आयोजनामा फागुन ११ र १२ गते ( शुक्रबार र शनिबार) का दिन बृहत निशुल्क स्वास्थ्य शिविर बगनासकाली ८ बराङ्दीमा सञ्चालन हुने जनाइएको छ । बढ्दो स्वास्थ्य समस्यालाई मध्य नजर गदै स्वास्थ्य शिविरको आयोजना गर्न लागिएको बगनासकाली बहुउद्देश्यीय सहकारी संस्थाका अध्यक्ष कृष्ण भुषालले जानकारी दिनु भयो ।

सो शिविरमा स्वास्थ्य परिक्षण गर्न आउने सम्पूर्णलाई निशुल्क स्वास्थ्य परिक्षण तथा निशुल्क औषधी उपलब्ध गराइने छ । शिविरमा मुटुरोग विशेषज्ञ ः प्रा.डा भगवान कोइराला, स्त्रीरोग विशेषज्ञ राजेन्द्र बश्याल, आँखारोग विशेषज्ञ तथा बाल रोग विशेषज्ञ सहित वरिष्ठ चिकित्सकहरुद्धारा स्वास्थ्य परिक्षण गरिने सहकारीका सचिव कमलराज तिमिल्सिनाले बताउनु भयो ।
रिडी राम्दी समाजले बिभिन्न समयमा सामाजिक कार्य गदै आएको छ । आउदा दिनहरुमा पनि देशव्यापी स्वास्थ्य शिविर लगायत अरु विभिन्न सामाजिककार्य गर्दै जाने रिडी राम्दी समाज काठमाडौका अध्यक्ष रामप्रसाद घिमिरेले जानकारी दिनु भयो ।

चुरामणि  तिमिल्सिना  फागुन  ७  पाल्ला

त्रिभुवन माध्यमिक विध्यालय अर्गली पाल्पामा शैक्षिक अन्तरक्रिया कार्यक्रम

पाल्पा जिल्ला तानसेन नगरपालिका वडा न १४ अर्गली त्रिभुवन माध्यमिक बिद्यालयमा शैक्षिक अन्तरक्रिया कार्यक्रम सम्पन्न भएको छ । विद्यालयको आयोजनामा विशिष्ट चन्दाता पूर्व जलश्रोत राज्य मन्त्री हरि पाण्डेको प्रमुख अतिथ्यता तथा वि.व्य.स. अध्यक्ष कमल रानाको अध्यक्षतामा शैक्षिक अन्तरक्रिया कार्यक्रम गरिएको हो।

कार्यक्रममा प्रमुख अतिथि मन्त्री ले समग्र रूपमा अर्गली क्षेत्रको शिक्षा, स्वास्थ , पर्यटन, तथा विविध बिकासका पुर्वधारहरु अगाडी बढाउन बिकास कार्यक्रमहरु गतिशील बनाउन सबैभन्दा पहिला गुरुयोजना , बनाउन आवस्यक रहेकोले यस विषयमा चिन्तन मनन गर्न सरोकार वा लाई आग्रह गर्दै आफुले पनि सहयोग गर्ने प्रतिबद्धता जायर गर्नु भयो।

कार्यक्रममा विभिन्न शैक्षिक सरोकारवाला व्यत्तित्वहरुले आफ्नो आफ्नो विचार सहितको सुझाव तथा मन्तव्य राख्नु भएको थियो । कार्यक्रममा तानसेन नगरपालिका वडा नं. १४ वडाध्यक्ष, सदस्य तथा तानसेन नगरपालिका वडा न १४ भित्र रहेका विद्यालयहरुका प्रधानाध्यापकहरु ,ब्यवस्थापन समितिका पदाधिकाहरु बुद्धिजीव, बैद्धिक व्यक्तित्व, विद्यालयसँग सरोकार राख्ने व्यक्तित्वहरुको उपस्थिति रहेको थियो । कार्यक्रम यसै विद्यालयका प्रधानाध्यापक नारायणप्रसाद नेपालले कार्यक्रम संचालन गर्नुभएको थियो ।