Category: धर्म सस्कृती

  • कोटिहोममा सञ्चारकर्मीलाई सम्मान

    कोटिहोममा सञ्चारकर्मीलाई सम्मान

    कोटिहोममा सञ्चारकर्मीलाई सम्मान

    पोखरा । पोखरामा जारी श्री गण्डकी शतकुण्डीय गायत्री कोटिहोम विराट ज्ञान महायज्ञमा सञ्चारकर्मीलाई सम्मान गरिएको छ ।

     

    कोटिहोमको प्रचार प्रसारमा महत्त्वपूर्ण योगदान दिएको कदर स्वरूप १ सय बढी सञ्चारकर्मीलाई सम्मान गरिएको महायज्ञ प्रचार प्रसार संयोजक लेखराज ढकालले जानकारी दिए । उनका अनुसार देशभर बाट आउने सञ्चारकर्मीलाई सम्मान गर्ने कार्यक्रम जारी रहेको छ ।

     

    महायज्ञका सङ्कल्पकर्ता बालयोगेश्वर श्री विजय कृष्णमूर्तिजी महाराज श्रीमद्भागवत कथा प्रवक्ता एवम् वरिष्ठ ज्योतिषविद् हरिशरण शास्त्री, महायज्ञ मूल आयोजक समितिका सहसंयोजक गंगाधर पराजुलीले सञ्चारकर्मीलाई कदर पत्र दोसल्ला ओढाई सम्मान गरेका हुन्।

    सम्मान कार्यक्रममा सम्मानित भएपछि सञ्चारकर्मीले कोटिहोमको सम्मानले आफूहरूलाई थप उर्जा प्रदान भएको बताउँदै कोटिहोमको प्रचार प्रसारमा आफूहरूको तर्फबाट सक्दो सहयोग गर्ने प्रतिबद्धता जनाएका थिए ।

     

    महायज्ञका सङ्कल्पकर्ता बालयोगेश्वर श्री विजय कृष्णमूर्तिजी महाराजले आम सञ्चारकर्मीको सकारात्मक सन्देशले नै कोटिहोमले सफलता पाएको बताए ।

    कोटिहोममा प्रख्यात साधु सन्तको प्रवचन र नेपालका ख्याति प्राप्त कलाकारको प्रस्तुति रहेको छ ।

    कोटिहोममा चौरासी पूजन कार्यक्रम, सवा करोड पार्थिव शिवलिंगको निर्माण गरी भगवान् शिवको आशीर्वाद प्राप्त  गर्ने महत्त्वपूर्ण कर्म, १८ पुराण, ४ वेद र १०८ श्रीमदभागवत पाठ पारायण श्रवण साथै वेद, पुराण र भागवत मध्ये कुनै एकको कर्ता बन्ने अवसर, भूमि पूजनका लागि आफ्नो घरमा जमिनको एक मुठी माटो ल्याइ भूमि पूजन जस्तो महत्त्वपूर्ण कर्ममा सहभागी हुने व्यवस्था रहेको छ ।

     

    त्यसै गरी पितृ उद्धार, पारिवारिक सुख, शान्ति, सु–स्वास्थ्य र समृद्धिका लागि आफ्नो घर परिवार तथा आफ्ना पितृहरूको नाममा २१ कोटि दीप प्रज्वलन गर्ने, तुला दान कर्मका लागि आफ्ना पूजनीय आमाबुवाहरूलाई तुला दानका लागि कोटिहोम स्थलमा सहभागी गराउने,  वैवाहिक जीवनमा जोडिन इच्छुक सबैलाई शुभ विवाह कार्यक्रम, रुद्राभिषेक महा अनुष्ठान, अति रुद्री, लुघुरुद्री आदि पुण्यमयी कर्ममा सहभागी हुने व्यवस्था रहेको छ ।

     

    कोटिहोममा ४ सय बढी व्रामणले दैनिक भगवानको नाममा आहुति अर्पण गरिरहेका छन्। पावन भूमिमा आयोजित १ सय कुण्डीय कोटिहोमको हवन कुण्डका लागि जौ, तिल, घिउ आदि हवन सामग्री दान गर्ने र हवन कुण्ड परिक्रममा गर्ने व्यवस्था रहेको मानव सेवा फाउन्डेसनका व्यवस्थापक विष्णु थापाले जानकारी दिए ।

     

    कोटिहोममा जेठ १४ देखि २२ गतेसम्म प्रसिद्ध कथा वाचिका राधिका दासी, श्रीराम कथा वाचिका देवी चन्द्रकला सखी, दार्शनिक प्रवचनकर्ता चैतन्यकृष्ण महाराज सहभागी हुने महायज्ञ मूल आयोजक समितिका सह निर्देशक युवक लामिछानेले जानकारी दिए ।

     

    कार्यक्रममा राष्ट्रिय तथा अन्तर्राष्ट्रिय स्तरमा ख्याति प्राप्त कलाकारहरूबाट भजन, झाँकी, देव लीला, नृत्य लगायत प्रस्तुति रहेका छन् । पोखरा १७ स्थित सदाशिवजी सिद्देश्वर हरिहर मन्दिरको जग्गा र आसपासका स्थानीयको जग्गामा कोटिहोम सञ्चालन भएको छ । कोटिहोम जेठ २६ गतेसम्म सञ्चालन हुने छ ।

  • कोटिहोममा साधुसन्त नेता तथा कलाकारको लर्को, भोलि हास्य कलाकार मुन्द्रे आउँदै

    कोटिहोममा साधुसन्त नेता तथा कलाकारको लर्को, भोलि हास्य कलाकार मुन्द्रे आउँदै

    कोटिहोममा साधुसन्त नेता तथा कलाकारको लर्को, भोलि हास्य कलाकार मुन्द्रे आउँदै

    पोखरा । पोखरामा जारी श्री गण्डकी शतकुण्डीय गायत्री कोटिहोम विराट ज्ञान महायज्ञमा यतिवेला प्रवचनसँगै सङ्गीतमय वनेको छ ।
    कोटिहोममा वाचन प्रवीण पं. दिनबन्धु पोखरेलको आफ्नै झाँकी र सङ्गीत समूह सहितको प्रवचन तथा चर्चित राष्ट्रिय कलाकारको सुमधुर स्वरमा भएको भजन प्रस्तुतिले पनि कोटिहोम सङ्गीतमय बनेको छ ।

    दैनिकरुपमा कोटिहोममा आउने कलाकारको प्रस्तुति र सङ्गीतमय भजनले कोटिहोममा सहभागी भक्तजनले आनन्द लिएका छन् ।
    कोटिहोममा संघिय, प्रदेश सांसद, स्थानीय जनप्रतिनिधि, राजनितिक दलका केन्द्रीय नेताहरू, स्थानीय जनप्रतिनिधि तथा चर्चित राष्ट्रिय हास्य तथा दोहोरी कलाकारहरूको सहभागिता बढ्दै गएको प्रचार प्रसार संयोजक लेखराज ढकालले जानकारी दिए ।

    कोटिहोममा ३१ गते बुधबार  हास्य कलाकार जितु नेपाल ‘मुन्द्रे’ को सहभागिता रहने ढकालले जानकारी दिए । कोटिहोममा जेठ १ गते चर्चित गायिका एलिना चौहान, २ गते लोकदोहोरी गायिका पूर्णकला बिसी, ३ गते देउडा गायक नन्द कृष्ण जोशी, ४ गते भजन गायक रमेश सापकोटा, ५ गते लोकदोहोरी गायक राजु ढकाल,  ६ गते हास्य कलाकार मेरी वास्यैकी पल्पसा डंगोल ‘चम्सुरी’ र २४ गते महानायक राजेश हमालको सहभागिता रहने उनले जानकारी दिए । कोटिहोममा श्री श्री श्री १००८ महामण्डलेश्वर ईश्वर चैतन्यकृण्ण स्वामी महाराजको उपस्थिति रहेको थियो ।

    यसै गरी कोटिहोममा मङ्गलवार राष्ट्रिय लोकदोहोरी गायक श्याम रानाको भजन प्रस्तुतिमा भक्तजन छमछम नाचेका थिए ।
    मङ्गलवार कोटिहोम दर्शन गर्नका लागि आएका नेपाली काँग्रेसका केन्द्रीय सदस्य तथा प्रतिनिधि सभा सदस्य शङ्कर भण्डारीले सनातन धर्म संस्कार संस्कृतिको जगेर्ना गर्न कोटिहोमले सन्देश दिएको बताए ।

    उनीसँगै कोटिहोममा सहभागी भएका गण्डकी प्रदेश सभा सदस्य विन्दु पौडेल, द्रोर्ण कुमार कुँवर, प्रकाश बराल जिल्ला समन्वय समिति काठमाण्डौका प्रमुख तथा जिभि फाउन्डेसनका संस्थापक डा.जगदीश वैद्य, प्रहरी वरिष्ठ उपरीक्षक अभिमन्यु श्रेष्ठले पनि कोटिहोमको खुलेर प्रशंसा गर्दै यो ऐतिहासिक कोटिहोममा सहभागिता हुन सबैलाई आग्रह गरे ।

    कोटिहोममा मङ्गलवार नै खडादेवि फ्रेम हाउस नयाँवानेश्वर काठमाण्डौं बाट १ लाख ५ हजार ५ सय ५५ रुपैयाँ सहयोग प्राप्त भएको संयोजक ढकालले जानकारी दिए ।

    कोटिहोममा जारी प्रतियोगितामा देशभरबाट तीन सय बढी भजन समूहले सहभागिता जनाउँदै छन् । प्रतियोगितामा मङ्गलवार सम्म ८५ समूहले भाग लिइसकेका छन् । भजन प्रतियोगितामा हुने विभिन्न खालका झाकी, विभिन्न जिल्लाको भजन प्रस्तुतिले भक्तजनको ध्यान प्रतियोगिता तिर तानेको छ ।

    सिन्धुली, काभ्रे, सुनसरी, उदयपुर, अर्घाखाची लागयतका टाढा टाढा जिल्लाबाट पनि प्रतियोगितामा समावेश भएको राष्ट्रिय भजन प्रतियोगिताका संयोजक प्रजापति पराजुलीले जानकारी दिए । उनका अनुसार प्रतियोगितामा दैनिक १० समूहले प्रतिस्पर्धा गर्दै आएका छन्।

    प्रतियोतिामा देशभरबाट आएको प्रतियोगीले आफ्ना गाउँका भजन संस्कृतिलाई उजागर गर्ने थलो महायज्ञ वनेको छ । प्रतियोगितामा प्रथम हुनेलाई ३ लाख ५५ हजार पाँच सय ५५, द्वितीय हुनेलाई २ लाख ५५ हजार पाँच सय ५५, तृतीय हुने समूहलाई १ लाख ५५ हजार पाँच सय ५५ तथा सान्त्वना हुने दुई जनालाई जनही ६५ हजार पुरस्कार प्रदान गरिनेछ । प्रतियोगितामा विभिन्न ११ विधामा २५ हजार पाँच सय २५ रुपैयाँका दरले पुरस्कारको व्यवस्था छ ।
    त्यसै गरी जारी कोटिहोममा नियमित हुने रक्तदान कार्यक्रममा मङ्गलवार सम्म ३ सय बढीले रक्तदाताले रक्तदान गरेका छन् ।
    कोटिहोम आउने भक्तजनले आफू सक्य सहयोग गर्ने व्यवस्था भएकोले केही न केही सहयोग गरौँ भन्ने भावनालाई जागृत गर्न रक्तदान कार्यक्रम राखिएको आयोजकले जनाएको छ ।

    महायज्ञका सङ्कल्पकर्ता वालयोगेश्वर विजय श्रीकृष्ण मूर्तिले कोटिहोम ज्ञान महायज्ञलाई सबैको साझा थलोको रूपमा हेर्न आग्रह गरेका छन् ।
    ‘कोटिहोममा प्रतिनिधि सभा, प्रदेश सभा, स्थानीय जनप्रतिनिधि राजनीतिक दलका नेताहरूको उपस्थितिले हामीलाई प्रेरणा थपेको छ’ उनले भने ‘यो ऐतिहासिक कोटिहोम सबैको साझा थलो हो, यहाँहरू सबैलाई हामी स्वागत गर्दछौ ।’

    महायज्ञमा गत वैशाख २७ गते देखि वाचन प्रवीण पं. दिनबन्धु पोखरेलले आफ्नै झाँकी र सङ्गीत समूह सहित कोटीहोममा प्रवचन गरिरहेका छन् ।

    उनले जेठ ३ गते सम्म ७ दिन कथा वाचन गर्ने कार्यक्रम रहेको छ । अनुराधा पाण्डेद्वारा श्यामद भागवत कथा प्रवचनको सुरुवातसँगै महायज्ञमा अन्तर्राष्ट्रिय कथा वाचिका देवी प्रतिभा, व्यासाचार्य प्रशान्त कृष्ण परांकुशलगायत साधु सन्तले महायज्ञमा कथा वाचन गरिसकेका छन्।

    कोटिहोममा जेठको पहिलो हप्ता राष्ट्रव्यापी खुल्ला वक्तृत्वकला प्रतियोगिता हुने भएको छ ।  ‘सनातन संस्कृति, गण्डकी कोटिहोम र हामी विद्यार्थी’ भन्ने शीर्षकमा प्रतियोगिता हुन लागेको प्रतियोगिता संयोजक पब्लिक स्पिकर, मोटीभेटर, शिक्षा तथा संस्कृतिविद्  डा. तुलसी प्रभास खनालले जानकारी दिए ।

    उनका अनुसार देशभरबाट कक्षा ८ देखि १२ सम्मका विद्यार्थी उक्त वक्तृत्वकला प्रतियोगितामा सहभागिता जनाउन पाउनेछन् । एसइई तथा कक्षा ११ को परीक्षा दिएका विद्यार्थी पनि प्रतियोगिता सहभागिता जनाउन पाउनेछन् ।

    प्रतियोगितामा  प्रथम हुनेलाई ५१ हजार १ सय ५१, द्वितीय हुनेलाई ४१ हजार १ सय ४१, तृतीय हुनेलाई ३१ हजार १ सय ३१ र सान्त्वना हुनेलाई २१ हजार १ सय २१ र विविध सम्मान गरिने छ ।

    कोटिहोममा चौरासी पूजन कार्यक्रम, सवा करोड पार्थिव शिवलिड्डको निर्माण गरी भगवान् शिवको आशीर्वाद प्राप्त  गर्ने महत्त्वपूर्ण कर्म, १८ पुराण, ४ वेद र १०८ श्रीमदभागवत पाठ पारायण श्रवण साथै वेद, पुराण र भागवत मध्ये कुनै एकको कर्ता बन्ने अवसर, भूमि पूजनका लागि आफ्नो घरमा जमिनको एक मुठी माटो ल्याइ भूमि पूजन जस्तो महत्त्वपूर्ण कर्ममा सहभागी हुने व्यवस्था रहेको छ ।

    त्यसै गरी पितृ उद्धार, पारिवारिक सुख, शान्ति, सु–स्वास्थ्य र समृद्धिका लागि आफ्नो घर परिवार तथा आफ्ना पितृहरूको नाममा २१ कोटि दीप प्रज्वलन गर्ने, तुला दान कर्मका लागि आफ्ना पूजनीय आमाबुवाहरूलाई तुला दानका लागि कोटिहोम स्थलमा सहभागी गराउने,  वैवाहिक जीवनमा जोडिन इच्छुक सबैलाई शुभ विवाह कार्यक्रम, रुद्राभिषेक महा अनुष्ठान, अति रुद्री, लुघुरुद्री आदि पुण्यमयी कर्ममा सहभागी हुने व्यवस्था रहेको छ ।

    कोटिहोममा ४ सय बढी व्रामणले दैनिक भगवानको नाममा आहुति अर्पण गरिरहेका छन्। पावन भूमिमा आयोजित १ सय कुण्डीय कोटिहोमको हवन कुण्डका लागि जौ, तिल, घिउ आदि हवन सामग्री दान गर्ने र हवन कुण्ड परिक्रममा गर्ने व्यवस्था रहेको मानव सेवा फाउन्डेसन व्यवस्थापक विष्णु थापाले जानकारी दिए ।

    कोटिहोममा जेठ १४ देखि २२ गतेसम्म प्रसिद्ध कथा वाचिका राधिका दासी, श्रीराम कथा वाचिका देवी चन्द्रकला सखी, दार्शनिक प्रवचनकर्ता चैतन्यकृष्ण महाराज सहभागी हुने महायज्ञ मूल आयोजक समितिका सह निर्देशक युवक लामिछानेले जानकारी दिए ।

    कार्यक्रममा राष्ट्रिय तथा अन्तर्राष्ट्रिय स्तरमा ख्याति प्राप्त कलाकारहरूबाट भजन, झाँकी, देव लीला, नृत्य लगायत प्रस्तुति रहेका छन् । पोखरा १७ स्थित सदाशिवजी सिद्देश्वर हरिहर मन्दिरको जग्गा र आसपासका स्थानीयको जग्गामा कोटिहोम सञ्चालन भएको छ । कोटिहोम जेठ २६ गतेसम्म सञ्चालन हुने छ ।

  • गन्डकी कोटिहोममा ११ हजार कलश पुजन हुने

    गन्डकी कोटिहोममा ११ हजार कलश पुजन हुने

    पोखरा । ऐतिहासिक श्रीगण्डकी शत(सय) कुण्डीय गायत्री कोटिहोम विराट् ज्ञान महायज्ञका प्रमुख आकर्षणहरु सार्वजनिक भएको छ । सार्वजनिक कार्यक्रम तालिका यस्तो रहेको छ ।

     

    १. संगीतमय श्रीमद् भागवत कथा वचन हुने।
    २. श्रीराम कथा वाचन हुने।
    ३. शिव महापुराण कथा वाचन हुने।
    ४. श्री हनुमत् कथा वाचन हुने।
    ५. श्रीमद् देवी भागवत कथा वाचन हुने।
    ६. लाखौँको ब्रतवन्ध, विबाह, चौरासी पूजा, तुलादान जस्ता कर्म गरिने।
    ७. प्रत्येक नेपालीको नाममा कोटि दीप प्रज्ज्वलन हुने।
    ८. ३०० भन्दा बढी ब्राह्मण गुरुहरु द्वारा नियमित हवनमा सहभागी हुने।
    ९. लाखौँ रामनाम पुस्तिका वितरण गरी अरबौं रामनाम लेखिने।
    १०. १ करोड पार्थिव शिव लिङ्ग निर्माण गरी १ करोड वेल पत्र द्वारा पूजन गरिने।
    ११. राष्ट्रिय भजन प्रतियोगिताको आयोजना हुने जसमा उचित पुरस्कार तथा सम्मानको पनि व्यवस्था गरिने।
    १२. कवि तथा सन्त सम्मेलन हुने।
    १३. धार्मिक संघ/ संस्थाको सम्मेलन हुने।
    १४. विशेष धर्म सभाको आयोजना गरिने।
    १५. ११ हजार कलश पूजन गरिने।
    १६. २५ हजार नरिवल यज्ञ भगवान तथा तालबाराही मातालाई भोग लगाएर आम भक्तजनहरुलाई प्रसाद स्वरुप बाडिने।
    १७. गण्डकी प्रदेशका ३ देखि ९ वर्ष सम्मका हजारौं बालिकाहरुको कन्या पूजन गरिने।
    १८. ७० वर्ष भन्दा माथि उमेर पुग्नुभएका गण्डकी प्रदेशका सम्पूर्ण ज्येष्ठ नागरिकहरुलाई सम्मान गरिने।
    १९. गण्डकी प्रदेशका १००० भन्दा बढी स्रष्टालाई सम्मान गरिने।
    २०. राष्ट्रिय तथा अन्तर्राष्ट्रिय कलाकारहरुको आगमन हुने।
    २१. रामलीला, कृष्णलीला आदिको प्रस्तुति हुने।
    २२. शालिग्राम पूजन महामहोत्सवको आयोजना गरिने।
    २३. धार्मिक क्षेत्रहरुको चित्र निर्माण गरी चित्रकला प्रतियोगिता हुने।
    २४. गण्डकी सभ्यता, शालिग्राम क्षेत्र, मुक्ति क्षेत्र, दामोदर कुण्ड तथा यहाँका ऐतिहासिक, धार्मिक तथा साँस्कृतिक विषयहरुलाई लिएर वक्तृत्वकला हुने र विजयी हुनेलाई विशेष पुरस्कार तथा सम्मानको व्यवस्था गरिने।
    २५. वृहत रक्तदान कार्यक्रमको आयोजना गरिने।
    २६. विभिन्न भजन मंच, ज्ञान मंच, विचार मंच जस्ता विभिन्न मंचहरुमा अलग अलग कार्यक्रमहरु आयोजना पनि गरिने।
    २७. तण्डुलाचल, धान्याचल पर्वत निर्माण पनि गरिने।
    २८. गण्डकी प्रदेशका धार्मिक संघ/ संस्था, मठ मन्दिर, आमा समूह आदिका पदाधिकारीहरु तथा सामाजिक क्षेत्रमा विशिष्ट योगदान पुर्याउनुभएकालाई विशेष सम्मान तथा अभिनन्दन गरिने।
    २९. गण्डकी प्रदेशका धार्मिक तथा सामाजिक अभियन्ताहरुलाई छुट्टै सम्मान पत्र, अभिनन्दन पत्र, कदर पत्र, प्रशंसा पत्र आदिले नागरिक अभिनन्दन गरिने ।
    ३०. शंकराचार्य, जगद् गुरु, विभिन्न अखडाका महन्त, विश्व प्रसिद्ध कथा प्रवक्ताहरु, धर्म गुरुहरुको आगमन हुने ।
    ३१. विभिन्न धार्मिक संस्था, गुरुकुल, गौशाला, धर्मशाला, मठ मन्दिर आदि संचालन गरी सामाजिक सेवामा उत्कृष्ट कर्म गर्नेलाई पनि छुट्टै सम्मानको व्यवस्था पनि गरिने ।
    ३२. गण्डकी प्रदेशका तीर्थ स्थलहरुको फोटो प्रदर्शनीहरु गर्दै त्यहाँको महत्त्वता बारे प्रचार/ प्रसार गरिने ।
    ३३. हिन्दु, बौद्ध, जैन, किराँत, मष्टो लगायत विभिन्न धर्म सम्प्रदायमा आस्था राख्ने सबैलाई जमघट गरी सनातन संसद, धर्म संसद आदिको कार्यक्रम आयोजना गरिने ।
    ३४. ठुला ठुला सन्त, महन्त, विद्वान पण्डितहरुको समुह बनाई उहाँहरुको हस्ताक्षरबाट विभिन्न मान, पदवी, उपाधि तथा विभूषण पनि प्रदान गर्ने ।
    ३५. गण्डकी क्षेत्र भित्रका धर्म, संस्कृति तथा परम्परालाई उजागर गर्ने गरी गण्डकी प्रदेशमा विभिन्न धार्मिक, साँस्कृतिक लगायतका अन्य विषयलाई गण्डकी क्षेत्रको बारेमा कुनै पनि कविता, गजल, गीत, भजन, मन्तब्य आदि कुनै पनि विषयमा सर्वोत्कृष्ट प्रदर्शन गर्नेलाई विशेष पुरस्कारको व्यवस्था पनि गरिने ।
    ३६. नेपालका सबै जिल्लाहरुबाट प्रतिनिधित्व हुने गरी करिव ५०० भजन समुहलाई आमन्त्रण गरी प्रतिस्पर्धा गराएर उच्चतम पुरस्कार समेत प्रदान गरी गण्डकी राष्ट्रिय भजन प्रतियोगिताको आयोजना गरिने ।
    ३७. प्रत्येक घरबाट आफ्नो जमिनको माटो ल्याएर भूमि पूजन गरी दोष निवारण गरिने ।
    ३८. २१ फिट रुद्राक्षको शिव लिंग निर्माण गरिने ।
    ३९. धार्मिक पुस्तकहरुको प्रदर्शनी गरिने ।
    ४०. दु:ख निवारण तथा मनोकामना पूर्ति यज्ञको आयोजना समेत गरिने ।

  • रुरुक्षेत्र धाममा हुने  दसौं  भजन महोत्सव उत्घाटन गर्न अर्थ  मन्त्री  धनेन्द्र कार्की आउनु हुँदै

    रुरुक्षेत्र धाममा हुने दसौं भजन महोत्सव उत्घाटन गर्न अर्थ मन्त्री धनेन्द्र कार्की आउनु हुँदै

    मंसिर  १२  रुरु धाम

    आउँदो मंसिर २१ गते रुरु धार्मिक सेवा सन्चार प्राइभेट लिमिटेडको आयोजना तथा स्थानीय तहको समन्वयमा रुरु धाममा नेपालमै दशौं पटक संचालन गर्न लागिएको दशौं भजन महोत्सवको उद्घाटनको लागि लुम्बिनी प्रदेश सरकारका माननीय अर्थमन्त्री धनेन्द्र कार्की आउनुहुने भएको छ ।

    पबित्र स्थल तथा पबित्र कार्य सबैको सरोकार सॅंग जोडिएको र यस्तो कार्यक्रम लाई आफु मात्र नआइ प्रदेश सरकारका अन्य सचिवहरुको पनि सहभागी गराउने मन्त्री कार्कीले बताउनुभयो। रुरु धार्मिक सेवा संचार प्रा.लि.ले गर्न लागेको कार्यक्रम देख्दा खुशी व्यक्त गर्दै आगामी वर्ष प्रदेश सरकारले यस्ता रचनात्मक कार्यक्रमहरु गर्न र पर्यटन प्रर्वधन गर्न बजेट बिनियोजन समेत गर्ने प्रदेश सरकारका सचिव रबिलाल पन्थ र डिलाराम पन्थिले भेटमा बताउनु भयो। महोत्सव लाई सफल पार्न स्थानीय तहरुले पनि सक्दो तथा मिल्दो सहयोग गरिरहेको समाचारमा उल्लेख गरिएको छ ।

    भजन प्रतियोगितामा पाल्पा, गुल्मी, स्याङ्जा,रुपन्देही, अर्घाखाँची, पर्वत र काठमाडौंबाट भजन मण्डलीहरुले संचार कार्यालयमा सम्पर्क पनि गरेको समाचारमा बताइको छ । कार्यक्रम एक दिन मात्र हुने हुँदा सहभागी कमि नहुने आयोजकले जनाएको छ ।

  • आह बाट तिहार सुरु हुँदै  पहिलो दिन काग तिहार , यम दीपदान पनि आजै

    आह बाट तिहार सुरु हुँदै पहिलो दिन काग तिहार , यम दीपदान पनि आजै

    कार्तिक कृष्ण त्रयोदशी अर्थात् कागतिहार। विभिन्न प्रकारका खानेकुरासहित बुधबार कागको पूजा गरिँदैछ।

    बुधबार १७ घडी ८ पला अर्थात् दिउँसो १ बजेर ५  मिनेटसम्म त्रयोदशी रहेको पञ्चाङ्ग निर्णायक विकास समितिले जनाएको छ। यमपञ्चकको पहिलो दिन कागको पूजा गर्ने विधान रहेको परेको समितिका अध्यक्ष प्रा. श्रीकृष्ण अधिकारीले जानकारी दिए। तर घडीपलाका हिसाबले मंगलबार नै त्रयोदशी लागेको समितिले जनाएको छ।

    सनातन हिन्दु समाजमा यमराजको दूत वा सन्देशबाहक पक्षीको रूपमा कागको पूजा गरिन्छ। कागलाई यमराजको सन्देश सुनाउने दूत पनि मानिन्छ।

    कागको आवाजको प्रकृतिअनुसार राम्रा नराम्रा खबरको अनुमान लगाइन्छ। कागले भूकम्प आदि प्राकृतिक विपत्तिको अग्रिम सूचना पनि दिन्छ भन्ने विश्वास गरिन्छ।

    काग अत्यन्त चलाख पक्षी हो। अन्नबालीमा लाग्ने किरा-फट्याङग्रा खाएर किसानको सहयोगी बन्ने र फोहोर वस्तु खाइदिएर वातावरण स्वच्छ राख्ने कारण पनि कागको पूजा गरिएको हो।

    वैदिक सनातन परम्परामा कार्तिक कृष्ण त्रयोदशीका दिन मात्र नभई हरेक दिन आफूले बिहानको भोजन गर्नुअघि काग र कुकुरलाई खाना खुवाउनुपर्ने नियम छ।

    यमदीप दान पनि बुधबार नै

    कार्तिक कृष्ण त्रयोदशीका साँझ गरिने यमदीपदान पनि बुधबार नै गर्नुपर्ने समितिले जनाएको छ। यद्यपि बुधबार १ बजेर ५ मिनेटदेखि नै चतुर्दशी तिथि लागिसकेको हुनेछ।

    यमपञ्चकका अवसरमा यमदीप दान गरे यमयातनाबाट मुक्ति पाइने शास्त्रीय मान्यता छ। यमदीपदान गर्दा दक्षिण फर्काएर गर्नुपर्ने धर्मशास्त्रविद् प्राडा रामचन्द्र गौतमले बताउनु भयो।

  • आउँदो मंसिर २१ गते रुरुधाममा  दशौ भजन महोत्सव हुने

    आउँदो मंसिर २१ गते रुरुधाममा दशौ भजन महोत्सव हुने

    कार्तिक  ५

    प्रतिमा  भट्टराई  रुरु धाम

    पाल्पा, गुल्मी, पाल्पा र स्याङ्जाको संगमस्थल रिडीमा भजन महोत्सव हुन लागेको छ । रुरु धार्मिक सेवा सञ्चार प्रालिले मंसिर २१ गते दशौ भजन महोत्सव तथा दोहोरो शङ्ख प्रतियोगिताको गर्न लागेको हो ।

    विवाह पञ्चमीको अवसरमा महोत्सव तथा प्रतियोगिता गर्न लागिएको रुरु धार्मिक सेवा सञ्चारले जनाएको छ । पछिल्लो समय लोप हुन लागेका लोक भजनहरुको संरक्षण गर्ने उद्देश्यले महोत्सव गर्न लागिएको प्रालिका अध्यक्ष चुरामणि तिमिल्सिना ले बताए । उनले भने ‘सनातन हिन्दू धर्म, संस्कार र संकृतिका रूपमा रहेको लोक भजन संरक्षणका लागि हामीले अगुवाइ गरिरहेका छौं ।’ महोत्सव गरेर होस् वा प्रतियोगिता आयोजना गरेरै किन नहोस् भजनहरुको संरक्षण र प्रवद्र्धन गर्नु पर्छ भनेर नै विगत ९ वर्षदेखि सक्रिय रुपमा लाग्दै आएको तिमिल्सिनाको भनाई छ । ‘युवा पुस्ता विदेश पलायन हुने बूढापाकाको भजनमोह पुस्तान्तरण नहुँदा समस्या छ, लोक भजन संरक्षण गर्नका लागि पुस्तान्तरण गर्न आवश्यक छ’, उनले भने । कार्यक्रममा विगतका वर्षहरुमा जस्तै दोहोरो शंख बजाउने प्रतियोगिता, करोड दीप प्रज्वलन, पत्रकार, उत्कृष्ट कृषक,दान दाताहरुलाई सम्मान गरिने छ ।यस्तै कार्यक्रममा विभिन्न पाठ, चौरासी पुजा, तुला दान , पाठ पारायण ,तथा विविध कार्यक्रम गर्ने प्रालिका अध्यक्ष तिमिल्सिनाले जानकारी दिए ।भजन प्रतियोगितामा प्रथम हुनेलाई १४ हजार र प्रमाणपत्र ,द्धितिय हुनेलाई ९ हजार र प्रमाणपत्र, तृतीय हुनेलाई ६ हजार र प्रमाण पत्र र सान्त्वना हुनेलाई २ हजार र प्रमाणपत्र प्रदान गरिने छ । साथै सहभागी प्रतियोगीलाई १ हजार र प्रमाणपत्र समेत दिइने जनाइएको छ । यस्तै शंख बजाउने प्रतियोगितामा प्रथम हुनेलाई २ हजार र प्रमाणपत्र द्धितिय हुनेलाई १ हजार ५००र प्रमाणपत्र , तृतीय हुनेलाई १ हजार र प्रमाणपत्र, सान्त्वना हुने २ जनालाई ५ सयका दरले प्रदान गरिने छ ।महोत्वसको प्रचारप्रसार गर्न मर्यादित बनाउन पत्रचार गर्न , विभिन्न स्थानमा पुगेर कार्यहरु पनि अगाडी बढेको रुरु अनलाईन सञ्चार प्रालिका प्रधान सम्पादक विष्णु प्रसाद पाण्डेले जानकारी दिए । महोत्वस अवलोकन गर्न आउने सम्पुर्ण भक्तजनहरुलाई भण्डाराको समेत व्यवस्थासँगै सम्पूर्ण पितृहरुको सम्झना गर्दै शिव महापुरण पाठपारायण, चौरासी पुजा, बेद पाठ, चण्डी पाठ, शिवजिको पुजा,ग्रहशान्ती पनि गरिने छ । कार्यक्रममा १ हजार भन्दा माथि दान गर्ने दातालाई सम्मान गरिने समेत सम्पादक पाण्डेले जानकारी दिए । कार्यक्रम रुरुक्षेत्र धामको पवित्र स्थल रुरुधाम रिडीमा गरिने पनि प्रालिका खेमराज ज्ञवालीले बताए ।

  • खैरेनी सिगाहा नवाहा यज्ञमा भक्तजनको लर्को

    रुपन्देही   असोज   २३

    प्रतिमा तिमिल्सिना

    खैरेनी सिगाहा नवाहा यज्ञमा भक्तजनको लर्को

    वडादशैंको पावन अवसरमा सिगाहा दुर्गा पञ्चायन मन्दिरमा कथा श्रावण तथा पूजाआजा गर्नका साथै रात्रिकालिन भजन कृतन गर्नका लागि विभिन्न स्थानबाट दैनिक रुपमा भक्तजनको बाल्लो उपस्थिती रहेको छ । नवाहा देविभागवत महापुराण यज्ञमा कथा बाचक आचार्य पण्डित रविन्द्र चापागाईं तथा उपबाचकको रुपमा बिशाल न्यौपाने, संगीतमा पण्डित चुरामणि तिमिल्सिना रहनु भएको छ ।

    लामो समय देखि सन्चालन भएको महायज्ञले प्रत्येक वर्ष पुर्णता पाएदै आएको छ। कार्यक्रमलाई सफल बनाउन देवदह नगरपालिकाका नगरप्रमुख धुर्व प्रसाद खरेल यस्तै उप-प्रमुख बिद्यालक्ष्मी गुरुङ, वडाका अध्यक्षहरु , जनप्रनिधिहरू विभिन्न कार्यालयका प्रमुखहरु, धार्मिक अभियान्ताहरु सहभागी जनाउदै कार्यक्रमलाई सफल बनाउन र धार्मिक जागरण ल्याउन सबैले सहयोग गर्ने प्रतिबद्धता जायर गरेको मन्दिर संचालन समितिका अध्यक्ष दिननाथ तिमिल्सिनाले बताउनुभयो ।

    यता कार्यक्रमलाई प्रचारप्रसार गर्ने फुलपातिलाई भब्य बनाउने र कार्यक्रममा कुनै कमि नगर्ने भन्दैसल्लाहकार टन्कनाथ पाण्डे , सहयोगी बिरेन्द्र पाण्डे , बिक्रम पाण्डे र कोषाध्यक्ष चुरामणि तिवारी निरन्तर खटिनु भएको छ ।

  • रुरुक्षेत्र रिडीमा तीज विशेष  कार्यक्रममा  शुभकामना  आदानप्रदान

    रुरुक्षेत्र रिडीमा तीज विशेष कार्यक्रममा शुभकामना आदानप्रदान

    चुरामणि तिमिल्सिना   भदौ  १६

    चेतनशिल महिला बिकास बहुउद्देश्य सहकारी सस्था लिमिटेड रुरुक्षेत्र गाउँपालिका वडा न १ रिडी गुल्मीले महिलाहरुको महान पर्व हरितालिका तीजको पावन असवसरमा शुभकामना सहित दरखाने कार्यक्रम सम्पन् गरेको छ

    । सस्थाकी अध्यक्ष लक्ष्मी बरालको अध्यक्षतामा सन्चालित कार्यक्रममा रुरुक्षेत्र गाउँपालिका वडा न १ का वडा अध्यक्ष नवराज बिकको प्रमुख आथित्यता रहेको थियो।कार्यक्रममा रुरुक्षेत्र गाउँपालिका कार्यपालिका सदस्यहरु उधोग बाणिज्य संघ जन प्रतिनिधिहरु टोल बिकास सस्था लगायतको आतिथ्यता रहेको थियो ।

    कार्यक्रममा लेखा सपरिक्षेक गोमा मरासिनिले स्वागत मनतब्य राख्नु भएको थियो। कार्यक्रममा प्रमुख अतिथि अध्यक्ष बिक ले यो महान पर्वलाई भडकिलो नबाइ गाउँघरका पुराना भाकाहरु लाई गुन्जायमान गराउनु पर्ने पर्वको रुपमा पोषाक ,गर्गहना अनावश्यक खरिद गर्दा भार नपर्ने तरिकाले खरिद गर्नु पर्ने , मौलिक भाका लाई संरक्षण गर्दै लैजादा यो पर्व दिगोपन हुने बताउनु भयो ।कार्यक्रमको सन्चान रेणुका पन्थिले गर्नु भएको थियो।

  • जग्गाको व्यापारमा शुभाशुभ विचार

    जग्गाको व्यापारमा शुभाशुभ विचार

    भाद्र  ५ रुरु  धाम

    जग्गाको व्यापारमा शुभाशुभ विचार

    पैसा वा सम्पत्तिको भरमा परेर कुनै पनि ठाँउमा आफूलाई मन पर्ने बित्तिकै घर वा जग्गा किन्ने वा बेच्ने गरिन्छ । जग्गा बेच्दा वा किन्दा आफ्नो स्वभाव, राशिअनुसार ठीक छ छैन त्यो विचार पुऱ्याउनु आवश्यक मानिन्छ । आफ्नो राशि नक्षत्रअनुसारको मित्रकारक राशिसँग सम्बन्धित ठाँउको अगाडिको अक्षर मिल्छ भने त्यस क्षेत्रको जग्गा वा घर किन्न सकिन्छ र त्यो घर वा जग्गाबाट सँधै लाभ प्राप्त हुन्छ ।

    यो संसारमा जन्मजात शत्रु र मित्रका रूपमा प्राणीहरूको आगमन भएकोजस्तो भ्रम देखिन्छ । वास्तवमा त्यो भ्रममात्र हो । स्वभाव भने पृथक् हुनसक्छ । यदि गाउँ, टोल, छिमेक, शहर, नगर, देश आदि जुनसुकै ठाँउको पहिलो अक्षर ज्योतिषीय राशि मध्ये एउटामा अवश्य पर्दछ । त्यो राशि र क्रेताको राशि बीच मित्र संज्ञक योग परेमा लाभैलाभ हुनसक्छ तर यस्तो मिलेन भने त्यो क्षेत्रको घर वा जग्गा किनेपछि हानी मात्र हात पर्दछ । यदि किन्ने व्यक्तिको राशिदेखि नगर, शहर, गल्ली आदिको नाम दोस्रो, पाँचौं, नवौं, एघारौ राशिमा परे त्यस्तो ठाँउको जग्गा वा घर किन्दा लाभ नै हुन्छ तर वास्तुशास्त्रको आधारलाई नकार्नु वा ख्याल नराख्नु चाहिँ हुदैन। यदि पहिलो, सातौं राशि परेमा त्यस्तो क्षेत्रको जग्गा वा घर किन्दा शत्रु बढ्‌ने हुन्छ, झगडा हुन्छ र मुद्दा मामिला पर्दछ। यदि चौथो, आठौं र बाह्रीं राशिमा आफुले किन्ने जग्गा वा घर रहेको ठाँउको नाम पर्न गएमा अनेकौं प्रकारका रोग लाग्ने र विरामी हुने हुन्छ। घर वा जग्गा रहेको ठाँउको नामको पहिलो अक्षर क्रेताको राशिबाट यदि तेस्रो र छैटौं राशि पर्न गएमा दुर्घटना, आगलागी, चोरी, लुटपाट आदि जस्ता अनेकौं उपद्रव हुन्छ र त्यो क्षेत्रको जग्गा वा घर राम्रो उपयोगी बन्न सक्दैन। यदि नगर वा शहरको नामको पहिलो अक्षरसँग क्रेताको राशि तालमेल हुदैन भने पनि टोल, गल्ली, क्षेत्र, कालोनी नामसँग शत्रुभाव पर्ने राशि नपरे सामान्यतया किनबेच गर्न सकिन्छ। यदि शहर वा टोल, नगर दुवैबाट बाधा परेमा त्यस्तो ठाँउमा घर वा जग्गा किनबेच गर्नु हुँदैन। यसरी क्रेता र विक्रेता बीच शुभाशुभ विचार गर्नु पर्दछ ।
    ज्येातिष : मुकुन्द पेाखरेल

  • पशुपतिमा हुने  मासिक  महायज्ञको तयारी तीब्र 

    पशुपतिमा हुने  मासिक  महायज्ञको तयारी तीब्र 

    पशुपतिमा हुने  मासिक  महायज्ञको तयारी तीब्र

    चुरामणि तिमिल्सिना

    नेपालकै चारधाम मध्ये एक धाम पशुपति क्षेत्रमा यही श्रावण १ गतेदेखि मासिक ज्ञान महायज्ञ को तयारी तीव्र पारिएको छ। प्रसिद्ध धामहरु मध्य एक धाम पशुपति क्षेत्र नेपालका आरध्य देवताको रुपमा पनि लिने गरिन्छ। भगवान पशुपतिनाथको सानिध्यमा गर्न लागिएको कोटीहोम मासिक यज्ञमा नेपालका ७७ वटा जिल्लाबाट विद्वान गुरुहरु पण्डित वर्गहरु को उपस्थिति रहेको छ। यस यज्ञमा हवन, विभिन्न पाठहरू पारायण , जप तर्पणमार्जन , निःशुल्क भण्डारा, आरती लगायतका थुप्रै कार्यक्रमहरु राखिएको आयोजक संस्थाका प्रबन्धक तथा कार्यक्रम संकल्पकर्ता बालयोगेश्वर विजयी मुर्ति महाराजज्यूले जानकारी दिनुभयो ।

    उहाँले आज सबै ब्राह्मणहरूलाई सम्बोधन गर्दै सबै ब्राह्मणहरूको चाजोपाजो मिलाएको , ब्राह्मणका निम्ति कुनै पनि समस्या नभएको ब्राह्मण गुरुहरूलाई खानपिनदेखि आवासको राम्रो सुविधा मिलाइएको जानकारी गराउनुभयो। उहाँले यस्तो कार्यक्रम नेपालमै पहिलोपटक मानव सेवा फाउन्डेसन नेपाल ले गर्न लागेको र सबै पक्षलाई साथ र सहयोग गर्न आग्रह समेत गर्नुभयो।
    विभिन्न आश्रमहरू निर्माण गर्नका निम्ति यो कोटिहोम यज्ञको आयोजना गरिएको समेत बताउनुभयो।