Blog

रुरुक्षेत्र गाउँपालिकामा भर्ती खुल्यो ।
चुरामणि  तिमिल्सिना  भदौ ८
रुरुक्षेत्र गाउँपालिका गुल्मीले नगर प्रहरी भर्ती गर्ने भएको छ ।

पालिकाको नगर प्रहरी ऐन २०७९ र नगर प्रहरी संचालन कार्यबिधी २०७९ अनुसार हिजो बिहिबार बिभिन्न पदमा ५ जना नगर प्रहरीको पदपूर्तीको लागि सुचना जारी गरेको हो ।

पालिकाले १ जना नगर प्रहरी सहायक निरिक्षक र खुल्ला,आदीबासी जनजाती,महिला र दलित कोटामा ४ जना नगर प्रहरी जवान पदको लागि दरखास्त आह्वान गरेको सुचनामा उल्यख गरिएको छ । १५ दिने दरखास्त आह्वानन गरिएको सुचनामा भदौ २१ गते सम्म दरखास्त दिन सकिने उल्यख छ ।

पालिकाका हरेक गतिविधिमा सहज पुर्याउन   पालिकाको   सम्पत्ति  संरक्षण  सचेतना जगाउन टोल बस्तीमा हुने विभिन्न  समस्याहरु बुझ्न   तथा हरेक गतिविधि लाई  सहजको लागि  नगर प्रहरीको अभ्यास  गरेको गाउँपालिकाका अध्यक्ष  यदु ज्ञवालीले  बताउनु भयो।

यो पालिका सानो भएता पनि   भुगोल  तेति नमिल्दा गाउँघरमा हुने  विभिन्न  समस्याहरु बुझ्न  नेपाल  प्रहरी सित  नगर प्रहरीले   पनि सघाउने  हुँदा  यो आवस्यक    रहेको र गाउँका कुना कुनामा  सचेतना जनचेतना जगाउन पनि महत्त्वपूर्ण  भुमिका   आवस्यक  रहेकोले  नगर प्रहरी राख्न लागीएको पालिकाका प्रमुख  प्रशासकीय अधिकृत  लक्षमण पाण्डेले  रुरु सन्चार अन्लाईन  मिडिया लाई जान्कारी  दिनु भयो।

चुरामणि तिमिल्सिना   भदौ  ७

रुरुक्षेत्र गाउँपालिकमा स्वास्थ्य कार्यक्रमहरुको एकिकृत वार्षिक समीक्षा गोष्ठी सम्पन्न भएको छ । रुरुक्षेत्र गाउँपालिका गाउँ कार्यपालिकाको कार्यालय स्वास्थ्य शाखाको आयोजनामा कार्यक्रम गरिएको हो । आर्थिक वर्ष २०७९ /८० मा गरेका कामको जानकारी गराइएको थियो ।
गाउँपालिकाका प्रत्येक वडाका स्वास्थ्य शाखाहरु, आयुर्बेद शाखा र सिङ्गो स्वास्थ्य शाखाले आर्थिक वर्ष भित्रगरेका विभिन्न कार्यक्रमहरुको जानकारी गराइरहेको थियो । प्रगति विवरण प्रस्तुत गर्दै स्वास्थ्य प्रमुखहरुले हाल भएका समस्याहरु पनि पालिका अध्यक्ष, उपाध्यक्ष र अधिकृत समक्ष जानकारी गराउनु भएको थियो ।
कार्यक्रममा गाउँपालिका अध्यक्ष यदु ज्ञवालीको अध्यक्षता रहेको थियोे । यस्तै उपाध्यक्ष मिना देवि गौतम वडा नं. २ का वडा अध्यक्ष घनश्याम अर्याल, वडा नं. ३ का वडा अध्यक्ष शेषनारायण पौडेल, प्रमुख प्रशासकीय अधिकृत लक्ष्मण पाण्डे, शिक्षा शाखा प्रमुख झविलाल बि.क., जनस्वास्थ्य अधिकृत सम्झना अधिकारी, तथ्यांक अधिकृत मदन पाल कार्यपालिका परिवार लगायतको आतिथ्यता रहेको थियो। जनस्वास्थ निरीक्षक इन्द्रदेव पौडेलले स्वागत गर्नुभएको थियो ।
कार्यक्रममा अधिकृत पौडेलले हरेक नागरिकले स्वास्थ्य संस्थाबाट राज्यले प्रदान गरेका निशुल्क औषधिहरु सजिलै उपलब्ध गराइने , साना तिना समस्यालाई पालिकाले सहजीकरण गर्ने, मासिक बैठकमा विषयबस्तुका साथ प्रतिबेदन तयार गरि पालिकामा पठाउने काम लाई निरन्तर दिन आग्रह गर्नु भयो ।
कार्यक्रम लाई समापन गर्दै अध्यक्ष ज्ञवालीले स्वास्थ्य जस्तो बिषयमा खेलवाड नगरि गम्भीरताका साथ लाग्नुपर्ने औषधि कुनै पनि समयमा कमि हुन नदिने गरेका हरेक काम लाई प्रतिबेदन सहित तयारी गर्ने नागरिकका हरेक समस्याहरुको समाधान गर्न सिङ्गो पालिका लाग्दै आएको बताउनु भयो ।कार्यक्रमको सन्चालन स्वास्थ्य शाखा हेल्थ असिस्टेन्ट अमृत ज्ञवालीले गर्नु भएको   थियो।

काठमाडौंबाट पोखरा हुँदै म्याग्दी सदरमुकाम बेनी जाँदै गरेको बस धादिङको गजुरी गाउँपालिका २ मा दुर्घटना हुँदा ८ जनाको मृत्यु भएको छ।

धादिङका प्रहरी प्रमुख एसपी गौतम मिश्रका अनुसार प्रदेश ३-०१-००५ ख ९९५२ नम्बरको बस बुधबार बिहान सवा ११ बजे दुर्घटनामा परेको हो । दुर्घटनामा परी ८ जनाको मृत्यु भएको गौतमले जानकारी दिए।

मृतकमध्ये २ जना महिला र ६ जना पुरूष छन् । घाइते ८ जनाको उद्धार भएको छ।

गजुरी गाउँपालिकाका उपाध्यक्ष शर्मिला बिसुरालले घाइते पाँच जनालाई काठमाडौं पठाइएको बताइन् । ‘गजुरीको छहरानजिकैबाट त्रिशुलीमा बस खसेको हो। बसको आधा भाग पानीमा डुबेको अवस्थामा छ। घाइतेहरूको उद्धार गरी, गजुरी स्वास्थ्य चौकी, गजुरी अस्पताल र राजमार्ग अस्पतालमा उपचार भइरहेको छ। गजुरी अस्पतालमा उपचार सम्भव नभएकालाई काठमाडौं पठाइएको छ,’ उनले भनिन्।

मेरो गाउँ भाग्गे दमाई नामक कविता कोर्दै छु दमाई शब्द ले केही प्रियजन प्रती नकारात्मक भाव पर्न सक्छ त्यसले हजुर सङ माफी पनि माग्दै कोर्ने प्रयास गरे 🙏🙏🙏🙏🙏🙏 कविता भाग्य ले ठगेको भाग्गे दमाई

ऊ जन्मिनु भन्दा पहिला नै
उसको भाग्य लेखिइसकेको थियो
ऊ जन्मेपछि
उसको नाम पनि लेखियो
भाग्यले ठगेको भाग्गे दमाई .
उसलाई
न आफ्नो नामको अर्थ थाह थियो
न आफ्नो कामको स्वार्थ थाह थियो
न कहिल्यै सोध्यो उसले भाग्यलाई
ऊ किन अछुत भयो ?
बरु ऊ आफ्नो कर्म गरिरह्यो
टालो र धागोसँग जीवन साटिरह्यो
मान्छेहरु भन्थे
भाग्यमा लेखिएको टर्दैन
भाग्गेले टार्ने कोसिस पनि गरेन
आफू पनि मान्छे हो भन्ने
पटक्कै ज्ञान पाएन

लुगा सिलाउदा सिलाउदै आमाले
बिष्टको मतानमा भाग्गेलाई जन्माएपछि
एउटा खेतालो थपियो भन्दै
खुसियाली छाएथ्यो गाउँमा
तर काहिल्यै छाएन खुसियाली
भाग्गेको दुखिया भाग्यमा
स्कुल गएन/जान पाएन
अक्षर चिनेन/चिन्न पाएन
राम्रो लगाएन/लगाउन पाएन
मीठो खाएन/खान पाएन
उसले धेरै कुरा पाएन
सबभन्दा ठूलो कुरा त
किन पाएन भन्ने कुरा उसले थाहै पाएन
वाल्यकाल यसरी नै बित्यो

जब भाग्गे जवान भयो
उसले देख्यो भाग्यवादको कुरुप अनुहार
बिभक्त बलेसी
बिटुलो बाटो
अध्याँरो पँधेरो
विषाक्त हावा
बिरानो समाज
अमानवीय मानव
ऊसँग आफ्नो भन्नु
आफू बाहेक कोहि नभएको पायो
ऊ आफैलाई बिरानो देखेर
पहिलोपल्ट बेस्सरी तर्सियो

भाग्गेले भाग्य खोज्ने एकल निर्णय गर्‍यो
र बन्दुक बोक्यो काँधमा
उसले ठान्यो
बन्दुकको नालबाट उसको भाग्य जन्मन्छ
बिद्रोहको बिगुल फुक्दै उसले
दरबार दाग्यो
दरबारिया ताक्यो
शासन लुट्यो
शासक कुट्यो
तर भाग्गेको भागमा
तिघ्रामा गाडिएको बमको छर्रा
देब्रे पातामा लागेको गोलीको दाग
र दुई वर्षे काल कोठरी कैद बाहेक
अरु केही परेन
अरुको भाग्यामा पद, प्रतिष्ठा र पैसा पारेर
आफ्नो चाहिँ भाग्यमा परेको
राहतको एक बोरा चामल पिठ्युँमा बोकेर
भाग्गे दमाई पुरानै झुप्रोमा आइपुग्यो

धेरैको भाग्य चम्काएको भाग्गे दमाई
आफ्नो भाग्य चम्काउन
देश छोड्ने अन्तिम निर्णय गर्‍यो
पाखो बारी र घरबारी
साहुलाई तमसुक गरिदिएर भाग्गे दमाई
ठूलो जहाज चढेर उड्यो
क्षितिज भन्दा धेरै टाढाका देशमा
जहाजमा उड्दा उड्दै उसले सपना देख्यो
चिटिक्कको घर, वरिपरि फूलबारी
एउटी सुशील गृहिणी, दुई सुन्दर सन्तान
गरिखानलाई दस पाथी बिउको दोयम खेत
एक हल गोरु र दूध दिने भैंसी

आज दस वर्ष भयो
भाग्गे दमाई क्षितिज पारि बेपत्ता भएको
भाग्य र सपना दुबै हराएर
भाग्गे पनि बिरानो देशमै हरायो ।।
रचना कविता
लेखक लालमणी कोईराला कारिकोट
हाल दोहा कतार

गुल्मी भदौ  २

नेकपा माओवादी केन्द्र गुल्मीको जिल्ला समन्वय समितिको संयोजकमा युवराज केसीलाई तोकिएको छ । नेकपा माओवादी केन्द्र लुम्बिनी प्रदेशको बैठकले उनलाई संयोजक तोकेको हो । चन्द्रकोट गाउँपालिकाका अध्यक्ष समेत रहेका केसी नेकपा माओवादी केन्द्रमा बौद्धिक नेताका रुपमा परिचित छन् ।

साउन ३० गते दाङको देउखुरीमा बसेको । नेकपा माओवादी केन्द्र लुम्बिनी प्रदेशको बैठकले उनी सहित ४ जनालाई संयोजक तोकेको हो । यस भन्दा पहिले नेकपा माओवादी केन्द्र गुल्मीको जिल्ला समन्वय समितिको संयोजकमा बुद्धि जिसी थिए । उनी प्रधानमन्त्री कार्यालयको जिम्मेवारी पाएर जिल्ला बाहिर बस्नु पर्ने भएपछि केसीलाई संयोजक तोकिएको हो । उनले जिम्मेवारी तोकिएर आए पछि संगठनलाई थप सुदृढीकरण गर्ने बताए ।

दीपमा  नवगन्तुक विद्यार्थीलाई स्वागत
भदौ–२, बुटवल ।
पुरुषोत्तम पाण्डेय

बुटवल–८, सुख्खानगरमा अवस्थित दीप बोर्डिङ हाई स्कुलमा कक्षा ११ मा भर्ना भएका विद्यार्थीहरूलाई एक विशेष कार्यक्रमबिच स्वागत गरिएको छ ।

विद्यालयको कक्षा १२ का विद्यार्थीहरूको आयोजनामा सिद्धार्थ कटेजमा गरिएको स्वागत कार्यक्रममा नव आगन्तुक विद्यार्थीहरूलाई टीका, खादा र मायाको चिनोसहित स्वागत गरिएको हो ।
सो कार्यक्रममा राष्ट्रिय परीक्षा बोर्डले प्रकाशन गरेको कक्षा १२ को बोर्ड परीक्षामा विज्ञान सङ्कायबाट ३.७५ जिपिए ल्याई प्रथम हुने शर्मिला पन्थी, ३.६६ जिपिए ल्याई द्वितीय हुने अनिल घिमिरे, ३.६५ जिपिए ल्याई तृतीय हुने प्रवीन भट्टराई तथा व्यवस्थापन सङ्कायबाट ३.७२ जिपिए ल्याई प्रथम हुने सुस्मिता थापा र तारा सुनार, ३.६६ जिपिए ल्याई द्वितीय हुने सुजल थापा मगर र ३.६५ जिपिए ल्याई तृतीय हुने कृति न्यौपानेलाई पुरस्कृत गरिएको थियो भने आफ्नो विषयमा शतप्रतिशत र अब्बल नतिजा ल्याउन योगदान पु¥याउनुहुने शिक्षकहरूलाई सम्मान गरिएको थियो । विद्यालयबाट कक्षा १२ को बोर्ड परीक्षामा सम्मिलित विद्यार्थीमध्ये १० जनाले ए प्लस, ५४ जनाले ए, १०१ जनाले बि प्लस, २७ जनाले बि र १ जनाले सि प्लस ग्रेडसहित ८८ प्रतिशत विद्यार्थी उत्तीर्ण भएका छन् ।

कार्यक्रममा बोल्दै बुटवल उपमहानगरपालिकाका प्रमुख प्रशासकीय अधिकृत टेकराज पन्थीले दीप बोर्डिङले गुणस्तरीय विद्यार्थी उत्पादन गरी शैक्षिक उन्नयनमा महत्वपूर्ण योगदान पु¥याइरहेको बताउनुभयो भने अभिभावक महासंघका केन्द्रीय सदस्य तथा रुपन्देही अध्यक्ष लोकनाथ ज्ञवाली र वडा नं. ८ का वडाअध्यक्ष यज्ञप्रसाद पङ्गेनीले विद्यालयको शैक्षिक उन्नयनको शुभकामना व्यक्त गनुृभएको थियो ।
विद्यालयको कक्षा १२ मा अध्ययनरत विद्यार्थी बिराज पौडेलको अध्यक्षता, बुटवल उपमहानगरपालिकाका प्रमुख प्रशासकीय अधिकृत टेकराज पन्थीको प्रमुख आतिथ्यता, अभिभावक महासंघका केन्द्रीय सदस्य तथा रुपन्देही ध्यक्ष लोकनाथ ज्ञवाली, बुटवल उपमहानगरपालिका वडा नं. ८ का ध्यक्ष यज्ञप्रसाद पङ्गेनी, प्राचार्य टीकाराम न्यौपाने, उपप्राचार्य त्रय ज्ञानु थापा, कलाधर अर्याल र सुरेन्द्रकुमार शाक्य, वि.व्य.स. सदस्य वसन्तकुमार जोशी, वि.स.समिति सदस्य तथा लेखा प्रमुख रेखा श्रेष्ठ, प्रवीन श्रेष्ठ, विष्णुमाया श्रेष्ठ, विज्ञान सङ्कायका संयोजक कमल नेपाल, कक्षा ११ र १२ का सहसंयोजक अमर खत्री लगायत तहगत संयोजकहरूको आतिथ्यतामा सम्पन्न कार्यक्रममा कक्षा ११ की अविप्सा आचार्यले स्वागत, कक्षा ११ की कसिस पाठकले धन्यवाद मन्तव्य व्यक्त गरेका थिए भने कार्यक्रमको सञ्चालन पुरुषोत्तम पाण्डेयले गर्नुभएको थियो ।

हास्यव्यङ्ग्य कलाकार विष्णु जी पाण्डे माइलाबाको विशेष प्रस्तुति रहेको कार्यक्रममा विद्यार्थीहरूले नृत्य, गायन र विविध रमाइला प्रस्तुति दिएका थिए भने सांस्कृतिक कार्यक्रमको सञ्चालन विद्यार्थी द्वय आशिका भुसाल र वसन्त पौडेलले गरेका थिए ।

रिडी भदौ २ / गुल्मीको मुसिकाेट नगरपालिका वडा नं १ का वडाध्यक्ष माेहन घिमिरे मृत अवस्थामा भेटिएका छन् ।

बिहान करिव ५ बजे आसपास फेसबुक स्टाटस लेखेर अलबिदा उल्लेख गरेका घिमिरे घर नजिकैको रुखमा झुन्डिएको अवस्थामा मृत भेटिएको जिल्ला प्रहरी कार्यालय गुल्मीले जनाएको छ।

सुक्रवार अपरान्ह घरबाट निस्केका घिमिरे रातभर घर नफर्केकाे पारिवारिक श्राेतले जनाएकाे जिल्ला प्रहरी कार्यालयले बताएको छ।

घिमिरे नेपाली कांग्रेस मुसिकाेट नगरपालिका नगर कमिटीका अध्यक्ष समेत हुन।

किन सोध्छन…
के छ भनेर ?
म भन्छु आजसम्म
सबथोक छ
कसैले लुट्न नसकेको अभाव छ
तनाव छ
गरिब हुनुको गतिलो छाप छ
कसैले नबुझेको एउटा जीर्ण शरीर छ
छन थुप्रै स्वासमा अल्झिएका सपनाहरू
बाँकी अझै छन
रहरले बाधेको यो जिन्दगानी छ
के छैन र म सँग
आफन्तको घुर्काई छ
पराईको हेपाई छ
छातीको चर्काई छ
आँखामा आँसु छ
छ मसँग सबथोक छ
केहि छुटेका छन सबथोकमा तर सबथोक छ ।
दिप अभागी

किन सोध्छन…
के छ भनेर ?
म भन्छु आजसम्म
सबथोक छ
कसैले लुट्न नसकेको अभाव छ
तनाव छ
गरिब हुनुको गतिलो छाप छ
कसैले नबुझेको एउटा जीर्ण शरीर छ
छन थुप्रै स्वासमा अल्झिएका सपनाहरू
बाँकी अझै छन
रहरले बाधेको यो जिन्दगानी छ
के छैन र म सँग
आफन्तको घुर्काई छ
पराईको हेपाई छ
छातीको चर्काई छ
आँखामा आँसु छ
छ मसँग सबथोक छ
केहि छुटेका छन सबथोकमा तर सबथोक छ ।
दिप अभागी

घनश्याम पौडेल
अर्घाखाँची, २६ साउन । अर्घाखाँची जिल्लाको भुमिकास्थान नगरपालिकामा एक जनाको ज्यान गएको छ । आफैले बोकेको एकनाले भरुवा बन्दुक पड्कीदा एकको मृत्यु भएको हो ।

भुमिकास्थान नगरपालिकाको वडा नं. ७ पानडाडाँमा बस्ने वर्ष ४५ का पदम केसी आफैले बोकेको भरुवा बन्दुक एक्कासी पड्कन गई दाहिने कोखामा लागेको थियो ।

बन्दुक पड्कीएपछि घाईते भएका केसी उपचारको लागी सन्धिखर्कमा आएका थिए । अर्घाखाँची अस्पतालमा ल्याईएका केसीलाई अर्घाखाँची अस्पतालले मृत घोषणा गरेको स्वास्थ्यकर्मी तथा पत्रकार अशोक चौहानले जानकारी दिए ।