Category: समाचार

रोल्पा। माडी गाउँपालिका ३ परेवा छहरामा जिप दुर्घटनामा मृत्यु हुनेको संख्या ८ पुगेको छ ।

माडी गाउँपालिका २ घर्तिगाउँबाट तालावाङ जाँदै गरेको जिप दुर्घटना हुँदा ज्यान जानेको संख्या ८ पुगेको रोल्पा प्रहरीले जानकारी दिएको छ ।

चुरामणि तिमिल्सिना   असार    १७

जनबोध माध्यमिक विद्यालय रुरक्षेत्र गाउँपालिका गुल्मीमा एक कार्यक्रमको आयोजना गरेर २०८० सालमा एसइई उत्तीर्ण भएका विद्यार्थीलाई तथा विद्यार्थीका अभिभावकलाई खादा माला टिका लगाई सम्मान गरिएको हो।
कृषि प्राविधिक र साधारण तर्फ गरी २९ जना विद्यार्थीहरू ले एसइई परीक्षा उत्तीर्ण हुन सफल भएका थिए। विद्यालय व्यवस्थापन समितिका अध्यक्ष तथा रुरु क्षेत्र गाउँपालिका वडा नम्बर ५ का वडाध्यक्ष एवं गाउँपालिकाका प्रवक्ता हरिप्रसाद ज्ञवालीको अध्यक्षतामा कार्यक्रम गरिएको हो।

विद्यालयका प्रधानाध्यापक बामदेव ज्ञवालीले कार्यक्रममा स्वागत मन्तव्य राख्दै विद्यार्थीको नतिजालाई प्रस्तुत गर्दै आगामी दिनमा उत्तीर्ण हुन नसकेका विद्यार्थीका लागि पनि केही सल्लाह सुझाव र उत्तीर्ण हुने तौर तरिका समेत कार्यक्रममा प्रस्तुत गर्नुभएको थियो। खादा टिका र माला लगाउँदै विद्यार्थीहरूले भने हामीले परीक्षामा सकेको गरेकै हो। नतिजा भनेअनुसारको नआएको ले गर्दा सबैजसो विद्यालय र विद्यार्थीहरू अहिले निराशामा परेको र आगामी हुने मौका परीक्षामा सबै विद्यार्थीहरु सफल हुन सक्नेछन् भन्ने बताए।

कार्यक्रममा विद्यार्थीका अभिभावक शिक्षक कर्मचारी शिक्षकप्रेमी महानुभावहरू लगायतको सहभागिता रहेको थियो। कार्यक्रमलाई सम्बोधन गर्दै अध्यक्ष ज्ञवालीले विद्यालयको नतिजा आगामी समयमा पनि थप हुने बिस्वास लिदै कक्षा ११ र १२ तथा माथिल्लो तहमा समेत यही रानीबास आउन आग्रह गर्नुभयो। क्षमतावान एवं दक्षता हासिल गर्नुभएका शिक्षकहरूको उपस्थितिमा हरेक पठनपाठन हुने आधुनिक प्रविधिसँग जोडिने उपकरणहरु पनि यस विद्यालयमा रहेकोले उत्तीर्ण भएका विद्यार्थीहरू सबैलाई यही जनबोधमा अध्ययनका लागि आउन अनुरोध गर्नुभयो। कार्यक्रमको सञ्चालन विद्यालयका सहायक प्रधानाध्यापक देवीराम कुवरले  गर्नु  भएको   थियो।

असार १६

धुर्कोटका_उत्कृष्ट_पशुपालक_किसान_सम्मानित
धुर्कोट गाउँपालिकाको आयोजनामा उत्कृष्ट पशुपालक किसान पुरस्कार वितरण कार्यक्रम सम्पन्न भएको छ।

आइतबार धुर्कोट गाउँपालिकाको सभाहल बर्बोट गुल्मीमा प्रत्येक वडाका १/१ जना गरी ७ जनालाई उत्कृष्ट पशुपालक किसान पुरस्कारबाट सम्मान गरिएको हो।

धुर्कोट गाउँपालिकाको बार्षिक कार्यक्रम अनुसार गाउँपालिका भित्र पशुपालन क्षेत्रमा उत्कृष्ट कार्य गरे वापत प्रति किसान नगद रु. ५ हजार सहित डोसल्ला र सम्मान पत्रले सम्मान गरिएको हो ।
धुर्कोट गाउँपालिका अध्यक्ष भुपाल पोखरेलको अध्यक्षता रहेको कार्यक्रममा उपाध्यक्ष सीता गिरी, प्रमुख प्रशासकीय अधिकृत ज्ञानुराम पन्थी, वडा अध्यक्ष र कर्मचारीको उपस्थिति रहेको कार्यक्रमको संचालन भरत खड्काले गर्नुभएको थियो।

चुरामणि तिमिल्सिना   असार   १५

रुरुक्षेत्र गाउँपालिका वडा नं १ रिडीमा नवनिर्मित रुरु कर्भड हल तथा सभाहलको एक कार्यक्रमका बीच राष्ट्रिय खेलकुद परिषदका सदस्य सचिव टंक घिसिङ ज्यूले उत्घाटन गर्नुभयो।
१ करोड २४ लाख को लागतमा निर्माण सम्पन्न भएको कर्भड हल निर्माण समितिका अध्यक्ष गुरुप्रसाद ज्ञवालीले प्रतिवेदनमा जानकारी गराउनु भयो। डबल कोड भएको सुविधा सम्पन्न रहेको छ। झण्डै १० वर्ष को समय अवधिमा यो निर्माण सम्पन्न भएको निर्माण समितिका सचिव रामलाल के कार्यक्रममा स्वागत गर्दै जानकारी दिनुभयो।

कार्यक्रममा रुरु क्षेत्र गाउँपालिकाका अध्यक्ष यदु ज्ञवाली ,उपाध्यक्ष मिनादेवी गौतम ,पूर्व उपाध्यक्ष लक्ष्मी देवि पन्थ ,सव इन्जिनियर माधव माधव देवकोटा , सोकिय सचिव प्रविण थापा , विशिष्ट अतिथि रहनु भएको थियो। यस्तै रुरु क्षेत्र गाउँपालिका वडा नम्बर ३ का वडाध्यक्ष शेषनारायण पौडेल, वडा नम्बर ५ का वडा अध्यक्ष तथा गाउँपालिकाका प्रवक्ता हरिप्रसाद ज्ञवाली विभिन्न सङ्घसंस्थाका प्रमुखहरू यस्तै महिला समूह ,आमा समूह युवा क्लब सामाजिक अभियन्ताहरू जनप्रतिनिधिहरु शिक्षाप्रेमी महानुभावहरु एवं निर्माण कमिटीका पदाधिकारीहरूको सहभागिता रहेको थियो।

कार्यक्रमलाई   सम्बोधन गर्दै प्रमुख अतिथि सदस्य सचिव ले यस कभर्ड हल तथा सभाहल लाई सबै प्रकारको सहयोग गर्ने ,खेलकुद क्षेत्रलाई अगाडि बढाउनका निम्ति परिषद्का तर्फबाट सबै प्रकारको सहयोग उपलब्ध गराउने प्रतिबद्धता जनाउँदै निर्माण कमिटीलाई धन्यवाद तथा बधाई ज्ञापन।गर्नुभएको थियो। यस्तै विशिष्ट अतिथि अध्यक्ष ज्ञवालीले सभाहलका निम्ति पालिकाबाट पनि बजेट विनियोजन गर्ने र खेलकुदलाई पनि प्रवर्द्धन गर्ने प्रतिबद्धता जनाउनुभयो।

कार्यक्रममा योग्दान पुर्याउने निर्माण कमिटिका अध्यक्ष गुरु प्रसाद ज्ञवालीलाई विशेष सम्मान गरिएको थियो कार्यक्रमको संचालन धनन्जय भण्डारीले गर्नु भएको थियो।

अनिल खत्री
१५ असार, गुल्मी । गुल्मी पहिरोमा पुरिएर ५ जनाको जनाको मृत्यु भएको छ । जिल्लाको मालिका गाउँपालिका वडानम्बर–६ कडेल पाटामा भेषबहादुर कामीको घर पहिरोले पुर्दा एकै परिवारका ५ जनाको मृत्यु भएको जिल्ला प्रहरी कार्यालय गुल्मीका प्रहरी निरीक्षक सूर्यभान चौधरीले बताए ।
पहिरोमा पुरिएर ५५ को भेष बहादुर कामी, श्रीमती ४८ की सुन्तली कामी, बुहारी २६ वर्षकी सिता बिक, नातिनिहरु ८ वर्षकी सपना बिक, ८ महिनाको बिपना बिक रहेको प्रहरीले जनाएको छ । गुल्मीमा गएराती अबिरल वर्षा भएको थियो ।
घरमा माथिबाट ढुङ्गा ,माटो सहितको पहिरो भेषबहादुर कामीको ढुङ्गा माटोले बनेको २ तले टिनले छाएको घर पुरेको हो । पहिरोले पुरेको बारे जानकारी शनिबार बिहान ७ बजे मात्रै प्राप्त भएको थियो ।
उनिहरुलाई राति नै पुरेको हुनसक्ने अनुमान रहेको छ । घटना स्थलमा उद्धारको लागि प्रहरी, स्थानीय जनप्रनिधि र रेडक्रसको टोली घटना स्थलमा पुगेका छन् ।
पहिरोमा थप उद्धारका लागि जिल्ला प्रहरी कार्यालय गुल्मीबाट प्रहरी निरीक्षक राम कुमार केसीको कमाण्डमा १५ जनाको टोली र रामवाण गुल्म तम्घास गुल्मीबाट उप.सेनानि मिन बहादुर शाहिको कमाण्डमा २२ जनाको टोली खटिएको प्रहरीले जनाएको छ ।

असार   १५

गुल्मी । गुल्मीमा पहिरोले घर पुर्दा बेपत्ता पाँच जना मध्ये चार जनाको शव फेला परेको छ । जिल्लाकाे मालिका गाउँपालिका वडा नम्बर ६ कँडेलपाटाका भेषबहादुर बिककाे घर पहिरोले पुरिँदा आफूसहित श्रीमती सुन्तली बिक, बुहारी सीता बिक, नातिनी बिपना बिक र सपना बिक बेपत्ता भएका थिए । बेपत्ता मध्ये भेषबहादुरकी श्रीमती सुन्तली बाहेक अन्य चार जनाको शव फेला परेको मालिका गाउँपालिका वडा नम्बर ६ का वडाध्यक्ष दिपक भण्डारीले जानकारी दिए । पहिरोले पुरिएकाे घर कच्ची दुई तले रहेको थियो । रातीको समयमा माथिबाट आएको पहिरोले घर पुर्दा घरपरिवार सबै पहिरोमा परेका हुन् । जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक शंकर पाेखरेलले घटनास्थलमा प्रहरी निरिक्षककाे नेतृत्वमा टाेली खटिएको जानकारी दिए । उनले सशस्त्र प्रहरीसँग पनि समन्वय भई घटनास्थलमा खटिएको तर वर्षायामकाे समय भएकोले छिटो पुग्न समस्या भइरहेको बताए ।

असार १४

गाउँपालिका गुल्मीलाई पूर्ण खोप दिगोपना सुनिश्र्चित, पूर्ण खोप मैत्री स्वास्थ्य संस्था युक्त, पूर्ण संस्थागत प्रसुती युक्त र पोषण मैत्री गाउँपालिका घोषणा गरिएको छ ।

आज एक समारोहका बिच लुम्बिनी प्रदेशका स्वास्थ्य मन्त्री दिपेन्द्र बहादुर पुन मगर, सांसद चिन्तामणी पाण्डेय, जिल्ला समन्वय समिति प्रमुख द्रोण बहादुर खत्री पूर्व सांसद कमलराज श्रेष्ठलगायतका सरोकारवालाको सहभागितामा बिभिन्न स्वास्थ्य सेवा युक्त पालिका घोषणा गरिएको हो ।

घोषणा कार्यक्रममा बोल्दै लुम्बिनी प्रदेशका स्वास्थ्य मन्त्री पुन मगरले उल्यखित कार्यक्रमको दिगोपना प्रभाबकारिताको लागि पहाडी भुगोलमा सचेतना बढे पनि तराईका जिल्लामा सचेतना बढाउन र यस्ता कार्यक्रमको सुचाङ्क पुरा गर्न कठिन भएको बताउनु भयो । उहाले रुरुक्षेत्र गाउँपालिकाले गरेको भौतिक बिकासको प्रसंसा गर्दै सामाजिक बिकासमा स्वास्थ्य क्षेत्रमा पनि राम्रो काम गरेको बताउनु भयो । उहाले थाईराइड जाँचको लागि आवस्यक उपकरण रुरुक्षेत्र गाउँपालिकालाई उपलब्ध गराउने घोषणा गर्नु भयो ।

लुम्बिनी प्रदेशका सांसद चिन्तामणी पाण्डेयले जिल्लाका १२ पालिकामा सबैभन्दा धेरै रुरुक्षेत्र गाउँपालिकाले भौतिक बिकास गरेको बताउनु भयो ।

जिल्ला समन्वय समिति प्रमुख द्रोण बहादुर खत्रीले भौतिक बिकास संगै सामाजिक बिकासमा जोड दिनु पर्ने आजको आवस्यकता रहेको बताउनु भयो ।

गाउँपालिकाको स्वास्थ्य शाखा प्रमुख छत्र बहादुर अधिकारीले गाउँपालिका गुल्मीलाई पूर्ण खोप दिगोपना सुनिश्र्चित, पूर्ण खोप मैत्री स्वास्थ्य संस्था युक्त, पूर्ण संस्थागत प्रसुती युक्त गाउँपालिका घोषणाका तथ्याङ्क सहितको प्रतिबेदन सर्वजनिक गर्नु भएको थियो ।

प्रस्तुत प्रतिबेदनमा महिला सामुदायिक स्वास्थ्य स्वयं सेबिका स्वास्थ्यकर्मी पालिकाभरि खटाई नियमित खोप पाउने बिभिन्न उमेर समूहका ७५८ जना बालबालिबाले खोप पाएको, बालबालिबाले खोप लागि आवस्यक तयारी प्रयाप्त रहेको, स्वास्थ्यकर्मी तथा संरचना हाललाई प्रयाप्त रहेको, रुरु प्राथकि स्वास्थ्यकेन्द्र, थानपती स्वास्थ्य चौकी, बलेटक्सार स्वास्थ्य चौकीमा ३ वटा बर्थिङ्गसेन्टर बाट गुणस्तरिय सेवा प्रवाह भएको, पछिल्लो समयमा ४८ जनाले स्थानिय बर्थिङ्गसेन्टरबाट सेवा लिएको र बाहिरका स्वास्थ्य संस्था बाट १०७ जनाले सेवा लिई पूर्ण संस्थागत प्रसुती युक्त गाउँपालिका भएको र पोषको लागि बिभिन्न कार्यक्र गर्दै सिकान्तकृत बोटे माझी र गन्दर्भ बस्तीलाई नमुना बस्तीको रुपमा छनौट भएको, बालबालिबाको नियमित तौल मुआक लिईएको र यसको लागि महिला सामुदायिक स्वास्थ्य स्वयं सेबिका स्वास्थ्यकमी आमा समुह प्रभाबकारी रुपमा परिचालन भएको उल्यख गरिको छ ।

कार्यक्रम एवं गाउँपालिका अध्यक्ष यदु ज्ञवालीले कार्यक्रमको दिगोपना प्रभाबकारिताको लागि पालिका सधै सचेतताका साथ लाग्ने प्रतिबद्धता ब्यक्त गर्दै, यस उपलब्धी र घोषणाको लागि लागिपर्ने सबैलाई धन्यबाद ज्ञापन गर्नु भएको थियो ।

कार्यक्रममा प्रमुख प्रशासकिय अधिकृत लक्षमण पाण्डेयले कार्यक्रममा स्वागत गर्दै स्वास्थ्य क्षेत्रमा गाउँपालिकाले गरेका नीतिगत कार्यक्रम र समग्र पालिकाको उपलब्धी बताउनु भएको थियो ।
कार्यक्र दामोदर ज्ञवालीले संचालन गर्नु भएको थियो । कार्यक्रमा स्वास्थ्यकर्मी महिला सामुदायिक स्वास्थ्य स्वयं सेबिकाले बिभिन्न कार्यक्रम प्रस्तुत गरेका थिए ।

प्रतिक्रिया