गुल्मीको कालीगण्डकी दुर्गा भवन मा . वि ले मनायो २१ औं राष्ट्रिय धान दिवस

Written by

चुरामणि तिमिल्सिना असार १५

कालीगण्डकी गाउँपालिका वडा नम्बर ६ छापचौरमा रहेको दुर्गा भवन माध्यमिक विद्यालय ले पनि आज २१ औ राष्ट्रिय धान दिवस २०८० लाई सफल पार्नका निम्ति विद्यार्थी ,शिक्षक, अभिभावक र कर्मचारी बिहानैदेखि खेतमा व्यस्त देखिन्थे जलवायु मैत्री कृषि धान उत्पादनमा वृद्धि भन्ने मूल नाराका साथ यो विद्यालयले पनि भव्य कार्यक्रमका साथ धान दिवस मनाएको हो। विद्यालयको बाली विज्ञान संकाय द्वारा आयोजित यो कार्यक्रम भव्य रुपमा सम्पन्न गरिएको हो। स्थानीय समाजसेवी एवं विद्यालयका सल्लाहकार विश्वास ढकाल ज्यूको खेत भाडामा लिएर रोपाही महोत्सव गरिएको हो।
।कार्यक्रम को पुर्व सन्ध्यामा ” जलवायु मैत्री कृषि धान उत्पादन मा वृद्धि ” र २१ औ राष्ट्रिय धान दिवस सफल पारौ ” भन्ने नारा सहित र्याली गर्दै बजार परिक्रमा गरिएको थियो।कार्यक्रम मा बालिविज्ञान का बिद्यार्थी हरुलाइ हातेट्याक्टर चलाउन सिकाइयको थियो । साथै धान खेतिको बारेमा कृषि बिज्ञ द्वारा प्रशिक्षण गराइयको थियो ।
कार्यक्रम मा प्रमुख अतिथि को रुपमा कालीगण्डकी गा पा वार्ड न ७ का अध्यक्ष घनस्याम थापा हुनुहुन्थ्यो ।

यस्तै वालिविज्ञान शाखा का प्रमुख मुना वस्याल को सभापतित्वमा कार्यक्रम संचालन गरिएको थियो । कार्यक्रम मा विद्यालय व्यवस्थापन समितिका अध्यक्ष सुरेश ढकाल , बिधालय का प्रधानाध्यापक विजय ढकाल शिक्षक कर्मचारीको बाक्लो सहभागीता रहेको थियो।