पाल्पा  चैत्र  ३० गते

पाल्पामा कार दुर्घटना हुदा गुल्मी उद्योग वाणिज्य संघका अध्यक्षसहित तीनजना घाइते भएका छन। बुटवलबाट गुल्मी जाँदै गरेको बा ११ च ६५५६ नम्बरको कार पाल्पाकाे तानसेन नगरपालिका–५, सेतीपोखरीमा नजिकै दुर्घटना भएको हो ।

दुर्घटनामा गुल्मी उद्योग वाणिज्य संघका अध्यक्ष रेसुंगा नगरपालिका–८ का ईश्वरी पौडेल, रेसुंगा नगरपालिका–१ का चालक रामप्रसाद पन्थी र मृगेन्द्रप्रसाद श्रेष्ठ घाइते भएको प्रहरीले जनाएको छ ।

दुर्घटनाग्रस्त कार सडकदेखि करिब ५० मिटर तल अर्को सडकमा खसेको छ । घाइतेको तानसेनस्थित मिसन अस्पतालमा उपचार भइरहेको छ । घटनाका सम्बन्धमा थप अनुसन्धान भइरहेको प्रहरीले जनाएको छ ।

चैत ११

आज फागु पर्व अर्थात् आज होली पर्व । काठमाडौं सहित देशका पहाडी क्षेत्रमा धुमधामसँग मनाइँदैछ । वसन्त ऋतुको आगमनसँगै मनाइने फागु पूर्णिमा पर्व एक साता अघि काठमाडौंको वसन्तपुरमा चीर ठड्याएपछि सुरु भएको हो।

रंगचंगी तीन तले चीर ठड्याएपछि सुरु भएको फागु पूर्णिमाको आज विशेष दिन हो । हर्ष र उमंगमा मनाइने यो पर्वमा एक अर्कालाई विभिन्न प्रकारका रङ दलेर खुसी साटासाट गर्दै मनाउने गरिन्छ ।

असत्यमाथि सत्यको विजय भएको उत्सवका रूपमा रङ दलेर पर्व मनाउने गरिएको धार्मिक मान्यता छ । आसुरी शक्तिकी प्रतिक होलीकालाई आगोले भष्म गरी बिष्णु भक्त सत्यवादी प्रल्हादको उद्दार भएको धार्मिक कथनसँग जोडेर यो पर्व मनाउने गरिन्छ ।

तराई क्षेत्रमा पूर्णिमाको भोलिपल्ट होली मनाउने परम्परा छ ।

चैत ६
रूरूक्षेत्र गाउँपालिका गुल्मीका नागरिकले निस्शुल्क रगत पाउने भएका छन् ।

रूरू क्षेत्र गाउँपालिका र नेपाल रेडक्रस सोसाइटी, रक्तसंचार सेवा केन्द्र रुपन्देही बिच निस्शुल्क रगत उपलब्ध गर्ने गरि हिजो सम्झौता भएको हो ।

रक्त सञ्चार केन्द्रमा बुटवलआयोजित एक कार्यक्रममा रूरूक्षेत्र गाउपालिका अध्यक्ष यदु ज्ञवाली र स्वास्थ्य शाखा अधिकृत छत्र बहादुर अधिकारी रेडक्रस सोसाइटी रुपन्देही शाखाका सभापति दिपक क्षेत्री न्यौपाने र सदस्य सचिव राधा ज्ञवालीको सहभागितामा रूरू क्षेत्र गाउँपालिकाले निशुल्क रगत पाउने गरि सम्झौता भएको हेल्थ असिस्टेन्ट अमृत ज्ञवालीले रुरुएफ एमलाई बताए ।

कार्यक्रममा रूरूक्षेत्र गाउपालिका अध्यक्ष यदु ज्ञवालीले रूरूका सेवाग्राहीलाई लक्षित गरि सेवाको भावनाका साथ काम अघि बढाएको बताए । केन्द्रले मासिक रुपमा रगत उपलब्ध गराएको रिपोर्ट पठाउने र त्यसवापत भुक्तानी हुने उनले बताए ।

रुपन्देही शाखाका सभापति दिपक क्षेत्री न्यौपानेले पालिकाको परिचयपत्रको आधारमा निशुल्क रगत उपलब्ध गराउदै आएको उनले बताए । रगत ब्यवस्थापन चुनौतीको विषय भएको उनले बताए ।

रुरुक्षेत्र गाउँपालिकाले फागुन २७ गते स्थानिय तह स्थापना दिवसको अवसरमा नव निर्मित प्रहासकिय भवन परिसरमा रक्तदान कार्यक्रम आयोजना गरेको थियो ।

काठमाडौँ जादै गरेको बस दुर्घटना ७ जनाको मृत्यु २० जना घाइते

काठमाडौँ जादै गरेको बस दुर्घटना ७ जनाको मृत्यु
चैत ५
कमल पौड्याल

बागलुङ जिल्लाको निसिखोला गाउँपालिका–६ स्थित जाउले पानीमा रात्रि बस दुर्घटना हुँदा ७ जनाको मृत्यु भएको छ । दुर्घटनामा २० जना घाइते भएका छन् ।

रुकुम पूर्वबाट काठमाडौँका लागि छुटेको बागमती प्रदेश ०१–००६ ख ३८७९ नं. को बस मध्यपहाडी लोकमार्गमा दुर्घटना भएको हो ।

बस सडकबाट करिब १ सय ५० मिटर तल पुगेको र उद्धार कार्य जारी रहेको इलाका प्रहरी कार्यालय बुर्तिवाङका प्रमुख प्रहरी निरीक्षक राजकुमार विकले जानकारी दिनुभएको छ । घटनाको थप विवरण आउन बाँकी रहेको छ ।

चुरामणि तिमिल्सिना  फागुन ३० रिडी

सत्यवती गाउँपालिकामा आधुनिक ल्याब जडान,
सत्यवती गाउँपालिका गुल्मीमा आधुनिक ल्याब उपकरण मंगलबार जडान गर्दै गाउँपलिका अध्यक्ष टिकाराम पाण्डे ले उत्घाटन गर्नु भएको छ ।
सत्यवती गाउँपालिकाको समन्वयमा स्वास्थ्य सेवा विभाग, काठमाण्डौबाट प्राप्त आधुनिक ल्याब मेसिन जोहाङ्ग प्राथमिक स्वास्थ्य केन्द्र बाट सेवा प्रवाह गरिएको स्वास्थ शाखा प्रमुख सुर्य बहादुर रानाले जानकारी दिनु भयो।
गाउँपालिकाका नागरिकलाई थप स्वास्थमा सेवा प्रवाह गर्न , गाउँबाट नै सेवा लिन र नागरिकको पैसालाई बचत गर्न यो सेवा सन्चालन गरिएको गाउँपालिकाका अध्यक्ष टिकाराम पाण्डे ले जानकारी दिनुभयो।
यो उपकरण अटोमिक उपकरण भएको ले नतिजामा कुनै प्रकारको समस्या नहुने , किड्नीको जाच, कलेजोमा रगतको चिल्लो मात्रा , सुगर, रगतमा प्रोटिनको मात्रा, युरिकेसिट जाँच तथा अन्य सेवा पनि यो उपकरण बाट लिन सकिने केन्द्रका मेडिकल अधिकृत डा. प्रभाकर किरण न्यौपानेले जानकारी दिनु भयो।

कार्यक्रममा जनप्रतिनिधि ,प्रमुख प्रशासकीय अधिकृत कमल प्रसाद भुसाल स्वास्थका कर्मचारीहरुको आतिथ्यता रहेको थियो।
सेवा लिन आएकाहरु लाई धेरै बेर बस्न नपर्ने धेरै जनाको एकै साथ ल्याब बाट नतिजा हात पर्ने हुँदा अत्यन्त उपयोगी र भर्पदो यो उपकरण रहेको अधिकृत भुसालले जानकारी दिनुभयो।

रुरुक्षेत्र गाउँपालिकाले रक्तदान कार्यक्रम गरेर स्थापना दिवस मनायो
फागुन २८

रुरुक्षेत्र गाउँपालिकाले स्थापना दिवसको अवसरमा आयोजना गरेको ‘रक्तदान, जीवनदान’ भन्ने नारासहितको वृहत रक्तदान कार्यक्रम हिजो सम्पन्न भएको छ ।

कार्यक्रममा १०४ रक्तदाताहरुबाट रगत दान गरिएको थियो।

२०७३ फागुन २७ गते स्थानीय तह स्थापना भएको दिनको अवसरमा गाउँपालिकाका सेवा प्रवाह, विकास निर्माणको साथमा मानव सेवामा समेत रहेको सन्देश दिनको वृहत रक्तदान कार्यक्रम गरिएको हो।

रक्तदान कार्यक्रममा नागरिकको उल्लेखनीय उपस्थिती रहेको भन्दै यस्तो कार्यक्रम नियमित सञ्चालन गर्नुपर्ने आवश्यकता रहेको स्वास्थ्य शाखा प्रमुख छत्रबहादुर अधिकारीले बताउनुभयो।

रुरुक्षेत्र गाउँपालिकाका नागरिकहरुलाई रगतको अभावले उपचारबाट बन्चित हुन नपरोस भन्ने मुख्य उद्देश्यको साथ गाउँपालिका समग्र क्षेत्रमा जस्तै मानव सेवामा पनि जनताको साथमै रहेको सन्देश दिन सिंहदरबारको अधिकार गाउँमा स्थापित भएको दिन स्थानीय तह स्थापनाको अवसरमा यो कार्यक्रमको आयोजना गरिएको अध्यक्ष ज्ञवालीले बताउनुभयो।

रक्त सञ्चार सेवा केन्द्र बुटवलको प्राविधिक सहयोगमा सञ्चालन गरिएको रक्तदान कार्यक्रममा गाउँपालिकाका कर्मचारी, शिक्षक, स्वास्थ्यकर्मी, महिला स्वास्थ्य स्वयंसेविका, स्थानीय समाजसेवीहरुको सहभागीता रहेको थियो।

फागुन २४

सत्ता समीकरण बदलिएसँगै बनेको नेकपा (माओवादी केन्द्र)का अध्यक्ष पुष्पकमल दाहाल प्रचण्ड नेतृत्वको मन्त्रिपरिषद्‍ विस्तार भएको छ।

उक्त मन्त्रिपरिषद्‍मा १६ मन्त्री थपिएका छन्। उनीहरूलाई शीतल निवासमा आयोजित विशेष समारोहमा राष्ट्रपति रामचन्द्र पौडेलले शपथ ग्रहण गराएका हुन्।

नेकपा एमालेका रघुवीर महासेठलाई उपप्रधान तथा भौतिक पूर्वाधार, पदम गिरीलाई कानुन, हरि उप्रेतीलाई रक्षा, भगवति चौधरीलाई महिला बालबालिका, राजेन्द्र राईलाई खानेपानी, दामोदर भण्डारीलाई उद्योग, ज्वालाकुमारी साहलाई कृषि, बलराम अधिकारीलाई भूमि व्यवस्था मन्त्रालयको जिम्मेवारी दिइएको छ।

माओवादी केन्द्रका नरायणकाजी श्रेष्ठ उपप्रधान तथा परराष्ट्र, वर्षमान पुन अर्थ, शक्तिबहादुर बस्नेत उर्जा, रेखा शर्मा सञ्चार र हितबहादुर तामाङलाई पर्यटन मन्त्रालयको जिम्मेवारी दिइएको छ।

रास्वपाका रवि लामिछाने उपप्रधान तथा गृह, डीपी अर्याल श्रम, विराजभक्त श्रेष्ठ युवा तथा खेलकुद र सुमना श्रेष्ठलाई शिक्षा मन्त्रालय दिइएको छ।

विनाविभागीय मन्त्रीको सपथ खाएका रास्वपाका डिपी अर्याल, एमालेका पदम गिरी र माओवादीका हितबहादुर तामाङलाई पनि मन्त्रालयको जिम्मेवारी दिइएको हो।

यस्तै एकीकृत समाजवादीका भानुभक्त जोशीलाई संघीय मामिला तथा सामान्य प्रशासन र धनबहादुर बुढालाई सहरी विकास मन्त्री बनाइएको छ।

प्रतिक्रिया

गुल्मीदरबार गाउँपालिका द्वारा अविवाहित नागरिकालाई सम्मान तथा सामाजिक सुरक्षा भत्ता वितरण कार्यक्रम सप्पन्न ।

नवीन कार्की  गुल्मी
गुल्मीको गुल्मीदरबार गाउँ पालिकाले विभिन्न कारणले अविवाहित महिला र पुरुषलाई जनही मासिक एक हजार रुपैयाँका दरले सामाजिक सुरक्षा भत्ता वितरण गरेको छ।
गुल्मीदरबार गाउँपालिकाको आर्थिक बर्ष ०८०/०८१ को वार्षिक स्वीकृति सामाजिक सुरक्षा कार्यक्रम शिर्षकमा विनियोजित भएको बजेट बाट २०८० साल साउन देखि पुस सम्मको अविवाहित महिला १८ जना र पुरुष १६ जना गरि गाउँपालिका भित्रका ३४ जना अविवाहित नागरिकलाई सम्मान गरेको हो ।

उक्त कार्यक्रममा बोल्दै सभाका सभापति गुल्मीदरबार गाउँपालिकाका अध्यक्ष सरोज कुमार थापाले यस्तो कार्यक्रम विरलै स्थानिय तह हरुमा मात्र भएको बताउनु भयो । कार्यक्रममा बोल्दै अध्यक्ष थापाले तपाईं हरुलाई दिएको यो सेवा नहटाउने प्रतिबद्धता ब्याक्त गर्दै बजेटले भेटे सम्म अझ बढी सेवा दिने बताउनु भएको थियो।

सो कार्यक्रममा गुल्मीदरबार गाउँपालिकाका उपाध्यक्ष तारा थापा प्रमुख प्रशासकीय अधिकृत राजिव पन्थी सातै बडाका बडा अध्यक्ष कार्यपालिका सदस्यहरुको उपस्थिति रहेको थियो ।
कार्यक्रमको सहजीकरण गुल्मीदरबार गाउँपालिका सामाजिक विकास शाखा प्रमुख नवराज घिमिरेले गर्नु भएको थियो।

फागुन   २२  रुरु

रूरूक्षेत्र गाउँपालिका र अर्घाखाँचीको छत्रदेव गाउँपालिकाको लागत साझेदारीमा पवित्र तिर्थस्थल रुरुक्षेत्र गाउँपालिका १ रिडीधाममा दाहसंस्कार कार्य गर्न आउनुहुने मलामीहरूको सुविधाको लागी रूरूक्षेत्र-छत्रदेव विश्रामस्थल (शौचालय, खानेपानी र बस्नेस्थल) को आज एक कार्यक्रमका बिच शिलान्यास गरिएको छ ।

कार्यक्रममा रुरुक्षेत्र गाउँपालिका अध्यक्ष यदु ज्ञवाली , गाउँपालिकाका प्रमुख प्रशासकिय अधिकृत लक्ष्मण पाण्डे , छत्रदेव गाउँपालिका अध्यक्ष चन्द्रमान श्रेष्ठ , प्रमुख प्रशासकिय अधिकृत भेषराज घिमिरे , ईन्जिनीयर साजन पाण्डे , वडाध्यक्ष नवराज वि.क , भिमलाल खनाल , निवर्तमान वडाध्यक्ष रामलाल वि क , गाउँपालिकाका कर्मचारी , स्थानीय , समाजसेवी लगायतको उपस्थिती रहेको थियो ।

शिलान्यास कार्यक्रममा बोल्दै रुरुक्षेत्र गाउँपालिका अध्यक्ष ज्ञवलीले पूनित कार्यको लागि सहयोग र संरक्षण गर्न सबैलाई अनुरोध गर्नुभयो ।

यस्तै , छत्रदेव गाउँपालिका अध्यक्ष चन्द्रमान श्रेष्ठले सबै मिलेर धार्मिक कार्यमा लाग्नुपर्ने बताउनुभएको थियो ।

कार्यक्रममा ईन्जिनीयर साजन पाण्डेले निर्माण कार्य समयमै सम्पन्न गर्ने प्रतिवद्धता जनाउनु भएको थियो ।  कालीगण्डकी  नदिको तटमा बन्ने   यो   बिश्राम स्तल   करिव दुई  महिनामै आफुले सक्ने    योजनाका साथ आजै बाट काम गर्ने  कार्यक्रममा प्रतिबद्धता  जायर गर्नु भयो।

चुरामणि तिमिल्सिना  फागुन २२रिडी

शिवरात्रीको अवसरमा पौवा रेसुङ्गाले ग्राहक नचाउदै
होटेल पौवाले शिवरात्री को अवसरमा होटेलमा आउने पाहुनाहरुलाइ भजन किर्तनमा नचाउने भएको छ ।शिवरात्रीका दिन पौवाका १२ वटै शाखामा विशेष पुजाआजा गर्दै दिउँसो देखिनै भजन किर्तन कार्यक्रम राखियको होटेल पौवा रेसुङ्गाका शाखा प्रमुख प्रदीप घिमिरे ले बताए ।
शिवरात्रिको प्रसाद ,पौवाको स्वाद।सस्कृतिको संरक्षण ,भजन किर्तनको उल्लास भन्ने मुल नाराको साथ सदाका वर्षमा जस्तै यस वर्षपनि सबै शाखाका कार्यक्रम आयोजना गरिएको होटेल पौवाले जनाएको छ ।
पौवाले नेपालमा मनाइने हरेक चाडपर्व हर्सोउल्लासका साथ आफ्ना अतिथि पाउनाहरु सङसङै मनाउने र रमाइलो प्रदान गरि सस्कृतिको जगेर्ना गर्दै आएकोघिमिरे जानकारी दिए।
यसैगरी यसबर्षको शिवरातत्रिमा पनि भजन किर्तन मार्फत सम्पूर्णलाइ सेवाप्रदान गरिने भएकोले सबैजना उपस्थित भइदिनहुन होटेल पौवाले अनुरोध पनि गरेको छ ।
सास्कृति महत्त्व राख्ने दिनहरूमा परम्परा र सस्कृती अनुसार ग्राहकलाइ परिकार खुवाएर परम्परागत रैथाने खानाको संरक्षण गर्न अभियान थालेको छ।माघ १ गतेपनी पौवाले विशेष परिकार तयार गरि ग्राहकलाई सेवा दिएको थियो ।