Blog

अनिल खत्री

२९ वैशाख, गुल्मी । गुल्मी जिल्लाको चन्द्रकोट गाउँपालिकामा बृहत नि:शुल्क स्वास्थ्य शिविर हुने भएको छ। गाउँपालिकाको आयोजनामा जनप्रतिनिधिले पदभार ग्रहण गरेको दिनको अवसरमा जेठ ४ गते एक दिने नि: शुल्क स्वास्थ्य शिविर सञ्चालन हुने शनिबार पत्रकार भेटघाट गरेर जानकारी गराएको हो ।

गाउँपालिकाले अघिल्लो वर्षबाट नि:शुल्क स्वास्थ्य शिविर गर्ने कार्यको थालनी गरेको गाउँपालिका अध्यक्ष युवराज खत्रीले बताउनुभयो । शिविरमा विभिन्न रोगका१६ जना बिशेषज्ञ डाक्टरहरुको सहभागीता हुनेछ ।

चन्द्रकोट गाउँपालिका गुल्मीको चालु आर्थिक वर्षको नीति तथा कार्यक्रममा रहेको स्वस्थ नागरिकको परिकल्पनालाई व्यवहारमा लैजादै गाउँपालिका भित्रका नागरिकहरुको आधारभूत स्वास्थ्य सेवा प्राप्त गर्ने अधिकारलाई सुनिश्चित गर्न स्वास्थ्य शिविरमा राख्ने गरेको पालिका उपाध्यक्ष बिष्णुप्रसाद भण्डारीले बताउनुभयो ।

नागरिकको स्वास्थ्य प्रतिको जिम्मेवारी वहन गर्ने क्रममा विशेषज्ञ डाक्टरहरुको उपस्थितिमा निःशुल्क स्वास्थ्य परिक्षण मार्फत स्वास्थ्य सुविधा प्रदान गर्ने उद्देश्यले चन्द्रकोट गाउँपालिले लिएको छ ।

आर्थिक अभावले अनेत्र गएर उपचार गराउन नसक्ने नागरिकलाई राहत दिने उदेश्यले बृहत नि: शुल्क शिविर राखिएको अध्यक्ष खत्रीले बताउनुभयो । शिविरमा जटिल रोगका बिरामी फेला परे अनेत्र उपचारमा जानको लागि गाउँपालिकाले शहरीकरण गर्ने अध्यक्ष खत्रीको भनाइ छ ।

यसक्षेत्रका नागरिक विभिन्न रोगका बिशेषज्ञ सेवा लिन पाल्पा, बुटवल, काठमाडौं जानुपर्ने बाध्यता छ । गतवर्ष पालिकाले राखेको शिविरमा २ हजार बढी नागरिकले सेवा लिएका थिए ।

पालिकाले जेठ १५ गते गणतन्त्र दिवसको अवसरमा रक्तदान कार्यक्रम गर्ने पनि गर्ने भएको छ ।

वैशाख २८
रुरुक्षेत्र गाउँपालिकाकाको गाउँ सभाको १६ औं अधिवेशनको पहिलो वैठकमा गाउँपालिका अध्यक्ष यदु ज्ञवालीले आगामी बर्षको नीति तथा कार्यक्रम प्रस्तुत गर्नु भएको छ ।

स्वास्थ्य, शिक्षा र ,स्थानिय रोजगारी प्राथमिकतामा राख्दै आज सुरु भएको १६ औं अधिवेशनको पहिलो बैठकमा चालु आर्थिक बर्षका धेरै कार्यक्रमलाई निरन्तरता दिदै आगामी आर्थिक बर्षको नीति तथा कार्यक्रम पेश गर्नु भएको हो ।

स्वास्थ्यका धेरैकार्यक्रमलाई निरतरता दिदै निशुल्क थाईराईड परिक्षण थपिएको छ । शिक्षामा शिक्षक सरुवा देखि प्रोत्साहन र संचालित स्कूल बसको लागि अनुदान र बिद्युतिय सवारी साधन बिद्यालयलाई उपलब्ध गराउने, संस्कृत माबिमा गुरुकुलिय शिक्षाको लागि आबासको ब्यवस्था गरिने,सबै बिध्यालयलाई प्रबिधि मैत्री बनाउने, पालिकाभित्र संचालित अटोको भाडा निर्धारण र रुटको ब्यवस्था गर्ने, पालिका भित्रका मुख्य बजारमा हार्टबजार संचालन, एक वडा एक ब्यवसायिक नर्ससरी,क्षतिपूर्ती सहितको नागरिक बडा पत्र, लगानी सम्मेलन, १० लाख भन्दा कमका योजना टोलबिकास समिति मार्फत गर्ने र बिकास निर्माणमा ठूला उपकरण प्रयोग नगरि कम्तिमा ४० जना स्थानियलाई रोजगारी दिइने नीति सार्वजनिक गरिएको छ ।

यस्तै संरचना बनाउदा नक्सा पास गर्ने ब्यवस्था, परमपरागत झ्यालढोका बनाउन अनुदान, प्लाष्टिकका झोला बिस्थापित गर्ने झोला बनाउने उद्योग संचालन गर्न अनुदान दिने लगायतका स्थानिय बिभिन्न रोजगारी तथा जिपलाईन जस्ता साहसिक तथा पर्यटकिय कार्यक्रम निजिक्षेत्र संगको साझेदारिमा संचालन गर्ने लगायतका केहि महत्वाकांक्षी योजना समेत आगामी नीति तथा कार्यक्रममा समाबेस गरिएको छ ।

सभा संचालन प्रमुख प्रशासकिय अधिकृत लक्ष्मण पाण्डेयले गर्नु भएको थियो । आगामी नीति तथा कार्यक्रम रुरु एफ एमको फेसबुक पेजबाट पूर्ण पाठको लाईभ भिडियो हेर्न र सुन्न सकिन्छ ।

प्रतिक्रिया

दयाराज न्यौपाने
पाल्पा – बगनासकाली गाउँपालिका कृषि शाखाको आयोजना र बीउ बिजन प्रयोगशाला भैरहवा रुपन्देहीको समन्वयमा मकै बिउ उत्पादन प्रविधि सम्बन्धी तालिम बगनासकालीमा सम्पन्न भएको छ ।
मकैबाली प्रर्वद्धन संघीय सशर्त कार्यक्रम अन्र्तगत भएको तालिममा बगनासकाली गाउँपालिकाका मकै बिउ उत्पादन पकेट क्षेत्रका १,२ र ३ वडाका ३५ जना किसानको सहभागिता रहेको थियो ।

तालिम उद्घाटन समारोहका प्रमुख अतिथि बगनासकाली गाउँपालिकाका प्रवक्ता टीकाबहादुर थापाले बगनासकालीलाइ मकैमा आत्म निर्भर र बिउको जोन कै रुपमा लैजान पहल गरेको बताउदै आगामी दिनमा थप लगानी गर्ने बताउनु भएको थियो । यहाँले बाहिर बिउको रुपमा समेत जाने गरेको उल्लेख गदै यसलाइ अझ व्यापाक बनाउन जोड दिने बताउनु भयो ।

कार्यक्रममा वडा नम्बर १ का वडाध्यक्ष शेरबहादुर चिदी,शिक्षा शाआ प्रमुख गुनाराम खनाल, कृषि प्रावधिक निशा मरासीनि,नारायण न्यौपाने, प्राविधिक साहेक किसोरकुमार खत्री लगायतको सहभागिता रहेको थियो । किसानको समस्यामा आधारित प्रविधि,बिउ उत्पादनमा कानुनी प्रक्रिया,बिउ उत्पादन,भण्डार तथा बिक्रीका बारेमा बीउ बिजन प्रयोगशाला भैरहवा रुपन्देहीका बाली विकास अधिकृत शालीकराम गौतम र बगनासकाली गाउँपालिका कृषि शाखा प्रमुख रामहरी गैरेले सहजीकरण गर्नुभएको थियो ।

मकै प्रवद्र्धन समितिका संयोजक लेखनाथ गैरेले सिङ्गो मकैबाली परिवार एकचित्त भएर लागि परेको बताउदै मकै बालीको बीउ उत्पादनमा संलग्न कृषकहरुको तालिम प्रभावकारी रहेको बताउनु भयो ।
यस क्षेत्रमा मनकामना ३ जातको बिउ उत्पादन हुने कृषि प्रावधिक खिमराज काइरालाले जानकारी दिनुभयो ।
बगनासकाली गाउँपालिका कृषि शाखा प्रमुख रामहरी गैरेले नेपालको लागी मकै एउटा महत्वपुर्ण खाद्यन्न बाली भएको बताउदै बगनासकालीको सबै क्षेत्रमा खेती हुने गरेको समेत जानकारी दिनु भयो ।

वैशाख २८

आज वैशाख शुक्ल तृतीया अर्थात् अक्षय तृतीया। सनातन धर्मावलम्बीका लागि विशेष दिन।

यो दिन पवित्र तलाउ र नदीमा स्नान गरी भगवान् विष्णुको पूजा आराधना गर्ने विधान छ। ब्रह्मा विष्णु महेश्वरको आवाहन गरी घडा र जौको सातुलगायत शीतलता प्रदान गर्ने वस्तु दान गर्नाले अक्षय फल प्राप्त हुने पुराणमा उल्लेख छ। यस्तै छाता, जुत्तालगायत वस्तु पनि दान गर्ने परम्परा छ।

पुण्य मिल्ने विश्वासमा बाटोमा सर्वत र सातु राखेर बटुवालाई खुवाउने परम्परा पनि छ। गर्मीयाम भएकाले जौको सातु र सर्वत खाँदा शरीरलाई फाइदा गर्ने आयुर्वेदमा उल्लेख छ।
अक्षय तृतीयालाई सत्ययुगादि तिथि पनि मानिएको छ।

त्रेतायुगको आरम्भ यही दिनबाट भएको पौराणिक ग्रन्थहरूमा उल्लेख छ। अक्षय तृतीयाकै दिन भगवान् शिव पार्वतीको विवाह भएको पुराणमा उल्लेख छ। भगवान् विष्णुका छैटौँ अवतार परशुराम जयन्ती पनि वैशाख शुक्ल तृतीयाकै दिन मनाइन्छ।

आज १ घडी ४९ पला अर्थात् बिहान ६ बजेर ३ मिनेटसम्म द्वितीया तिथि रहेको र त्यसपछि तृतीया सुरु पञ्चांगमा उल्लेख छ।

प्रतिक्रिया

प्रतिमा भट्टराई  तिमिल्सिना )  बैशाख   २७

धार्मिक स्थलहरुलाई संरक्षण गरौ पर्यटन आगमनमा वृद्धि गरौ भन्ने मुल नाराका साथ पाल्पा गुल्मी स्याङ्जाको संगम स्थल नेपालकै चार धाम मध्यको एक धाम रुरु क्षेत्र धाममा २०७१ सालमा रुरु धार्मिक सेवा सन्चार प्रालिको स्थापना गरिएको हो ।प्रालिले स्थापना भएको आजकै दिन लाई सम्झना गर्दै १० औ जन्मउत्सव समारोह सामाजिक सन्जालबाट शुभकामना आदान प्रदान गर्दै मनायको हो ।विगतका बर्षहरुमा विभिन्न कार्यक्रम गरि मनाए ता पनि यस वर्ष कुनै पनि कार्यक्रमको आयोजना गर्न नसकियको प्रालिका अध्यक्ष तथा पत्रकार चुरामणि तिमिल्सिनाले जानकारि दिनु भयो।

प्रालिले स्थापना काल देखिनै धार्मिक पौराणिक सास्कृतिक ऐतिहासिक तथा खोज मुकल पर्यटकीय स्थलहरुको प्रचारप्रसार गरिरहेको छ । रुरु क्षेत्रमा चार जिल्लाका कविहरुको माझ कबि गोष्ठी समारोह , असाय, गरिब, बिपन्न , फरक क्षमता , गरिब दुखि बर्ग भक्त भक्तेनि आमा बुवा सन्तहरुको लागि दाताहरुको समन्वयमा स्वास्थ शिबिर , लता कपडा वितरण ,भन्डारा खाध्य सामाग्री वितरण , ठुला ठुला महायज्ञको सन्चालन व्यवस्थापन गर्दै आइरहेको छ । नेपालमै पहिलो पटक रुरु धाममा भजन प्रतियोगिता दोहोरोसंख बजाउने प्रतियोगिता , करोड दिप प्रजवलन , चार जिल्ला पाल्पा, गुल्मी स्याङ्जा र अर्घाखाँचीका पत्रकार सम्मान , सामाजिक अभियानताहरु सम्मान , असल वुहारीको सम्मान निसुल्क चौरासी ब्रतबन्ध दान दाताको सम्मान कार्यक्रमलाई ९ औ वर्ष देखि निरन्तर सन्चालन गरिरहेको छ ।

प्रालिले यति मात्र हैन विभिन्न स्थानमा आवस्यकता अनुसार भजन मन्डलि संगै ब्राहामण उपलब्ध गराउने,प्रचारप्रसारको लागि रुरु भित्ते पात्रो प्रकाशन गर्ने , सन्चार र सुचना लाई प्रचारप्रसार गर्न विभिन्न बिधालय , महिला समुह,आमा समुह, क्लब उधोग बाणिज्य संघ, वडा परिवार लगायतलाई उत्घोषण, आधारभुत पत्रकारिता, समाचार लेखन, बाचन, नेतृत्व बिकास तालिम पनि सन्चालको कार्यलाई निरन्तरता दिदै आएको छ । सेवा सन्चारको नाम राखेकै आधारमा बिपन्न परिवारका बिरामी लाइ सामाजिक सन्जालको प्रयोग गरि आर्थिक सङ्कलन तथा हस्तान्तरण कार्यक्रमलाइ केही समय यता देखि प्राथमिकता साथ अगाडी बढाइरहेको छ ।प्रालि को कार्यलय सित कुनै पनि आथिक सहयोग जगेडा नभएपनि हाल सम्म दान विर दाताहरुको सहयोग बाट फ्री ईन्टरनेट सुबिधा देखि कार्यलय बसेको भवन सिसि क्यामेरा जडान , अफिसियल सामाग्री हाल सम्म दाताकै सहयोग बाट सन्चालन भएको छ

। यस अवसरमा आर्थिक भौतिक नैतिक देश तथा बिदेशबाट सहयोग प्रदान गर्नु हुने सम्पुर्ण दानदाताहरु प्रति हार्दिक धन्यवाद प्रदान गरिएको छ। यसो त यस सस्थाले बिगतका बर्षहरुमा शैक्षिक तथा बौद्धिक कार्यक्रम गर्ने , नेपाल प्रहरीको सहयोगमा पिछडिएका महिला बर्ग फरक क्षमता मात्र नभइ गाउँका महिला दिदि बैनिहरुलाइ लैङ्गकि हिम्सा,बाल बिबाह बहुविबाह, चेतना मूलक बिषयबस्तु सामाजिक सन्जाल , गाजा फडानी अबैध मदिरा उत्पादन रोकथाम , सरसफाइ कार्यक्रम जस्ता बिषयमा तालिम पनि प्रदान गरिरहेको छ । यस्ता कार्यक्रम लाई वडा तथा प्रहरीको सहयोग भएमा निरन्तर प्रदान गर्ने अध्यक्ष तिमिल्सिनाले जानकारि गराउनु भयो।

धार्मिक सस्था प्रालिले केही वर्ष यता देखि आफ्नै कार्यलय वाट कर्ताको माग भएको कारणले अन्लाईन बाट नामकरण , ग्रहसान्ति, जाप, हबन तर्पण तथा विविध पुजा गराउने कार्यक्रम पनि अगाडी बढाइरहेको छ

। यहाँ पर्यटन प्रबधन गर्न रुरु धाममा बृहत कविगोष्ठी समारोह गर्ने , स्थानीय बासि नेपाल प्रहरी जनप्रतिनिधि सङै सहकार्य गरि कालीगण्डकी सरसफाइ कार्यक्रम लाई अगाडी बढाउने गुरुकुलका बटुक तथा आश्रम परिवार लाई निशुल्क स्वास्थ शिविर सन्चालन गर्ने , आयुर्वेद औषधि सम्बन्धि जानकारी गराउने लगायतका कार्यक्रम पनि गरिने समचारमा उल्लेख गरिएको छ ।

वैशाख २३

शृङ्गिस्वर बहुमुखी क्याम्पस रुरुक्षेत्र गाउँपालिका रानिबास गुल्मीको पाँचौ साधारण सभा हिजो सम्पन्न भएको छ ।

साधारण सभाले चक्रपणी गौतमको अध्यक्षतामा २१ सदस्यीय क्याम्पस संचालक समिति, मिनप्रसद ज्ञवालीको अध्यक्षतामा ३ सदस्यीय लेखा समिति र दलप्रसद श्रेष्ठको अध्यक्षतामा सल्लाहकार समितिको सर्वसहमत चयन गरेको हो ।

कार्यक्रमका प्रमुख अतिथी लुम्बिनी प्रदेश सरकारको आन्तरिक मामिला तथा कानुन मन्त्री दिनेश पन्थीले देशमा युवा नबसेको बर्तमान समयमा क्यम्पसलाई पनि चुनौती भएको बताउनु भयो । उहाले क्याम्पस संचालनमा प्रदेश सरकारबाट गर्न सक्ने सबै सहयोग गर्ने प्रतिबद्धता ब्यक्त गर्नु भएको थियो ।

कार्यक्रमका अतिथी गाउँपालिका अध्यक्ष यदु ज्ञवलीले गाउँपालिकाले क्यम्पसको लागि गर्नसक्ने सबै सहयो गर्ने प्रतिबद्धता ब्यक्त गर्दै बिध्यार्थीलाई कमाउदै पढ्दै गर्ने बतावरण तयार गर्नु पर्ने बताउनु भयो ।

लुम्बिनी प्रदेशका पूर्व सांसद कमलराज श्रेष्ठले बिध्यार्थी जति भए पनि गुणस्तरिय शिक्षा दिनु पर्ने बताउनु भयो ।

कार्यक्रममा नेकपा एमालेका नेता मधुकृष्ण पन्त, रेसङ्गा बहुमुखी क्याम्पसका प्रतिनिधी बुद्धी न्यौपाने,शृङ्गिस्वर बहुमुखी क्याम्पसका उपप्रध्यापक बिकासचन्द्र खरेल,स्वबियु सभापती बिशाल थापा, बिध्यार्थी सरिता गन्धर्व लगायतले सुभकामना ब्यक्त गर्नु भएको थियो ।

क्याम्पसका कार्यबहाक निमित्त प्रमरख रामप्रसाद श्रेष्ठले करिब ७६ लाख रुपैया बराबरको आयब्याय सार्वजनिक कगर्दै क्याम्पसमा आर्थिक समस्या रहेको बताउनु भयो । कार्यक्रममा स्वागत संचालक समितिका सदस्य हरिप्रसाद ज्ञवालीले गर्नु भएको थियो । कार्यक्रम संचालन उपप्रध्यापक कृष्णप्रसाद ज्ञवालीले गर्नु भएको थियो । समारोहमा बिभिन्न बिधाका ५१ जना आजिवन सदस्यलाई सम्मान गरिएको थियो ।

प्रतिक्रिया

कालिदास आत्रेय
वैशाख २३

गुल्मीको छत्रकोट गाउँपालिका वडा नम्बर ६ दौघा मोहरेका अग्नी पीडितहरुलाई राहत वितरण गरिएको छ।

गत १९ गतेको आगलागीबाट पीडित परिवारहरुलाई भौतिक समरचना निर्माण कार्यका लागि गुल्मी दौघा रुपन्देही सम्पर्क समाजको तर्फबाट नगद रु १ लाख ३९ हजार र लुम्बिनी फ्रेन्ड सर्कलको तर्फबाट ३० हजार छत्रकोट ६ का वडा अध्यक्ष नारायण रेस्मीलाई हस्तान्तरण गरिएको थियोे ।

त्यसैगरी लुम्बिनी प्रदेस सरकारका गृह मन्त्री दिनेश पन्थी नेतृत्वको टोलिले अग्नी पीडित क्षेत्रको स्थलगत अबलोकन गरेको थियोे ।

सो अवसरमा नेकपा एमाले लुम्बिनी प्रदेश कमिटी सदस्य फर्सुराम पाण्डेले पीडितहरुलाई आफ्नो व्यक्तिगत तर्फबाट रु ५० हजार र लायन्स क्लब काठमाडौ गुल्मीको तर्फबाट रु २५ वडा अध्यक्ष नारायण रेस्मीलाई हस्तान्तरण गर्नुभएको थियोे । संकलन भएको रकम छत्रकोट गाउँपालिकाको निर्णय अनुसार एक द्वार प्रणाली बाट भौतिक समरचना निर्माण गर्दा वितरण गरिने भएको छ।

राहत हस्तान्तरण कार्यक्रममा गुल्मी दौघा सम्पर्क समाजको तर्फबाट कोषाध्यक्ष गोबिन्द ज्ञवाली, लुम्बिनी फ्रेन्ड सर्कलको तर्फबाट सचीव अर्जुन खनाल र अध्यक्ष पदम न्यौपाने , नेकपा एमाले लुम्बिनी प्रदेश कमिटी सदस्य फर्सुराम पाण्डे लगाएतले मन्तव्य राख्दै आफुहरु सधै पीडितको साथमा रहेको बताउनु भएको थियोे ।

कार्यक्रममा बोल्दै लुम्बिनी प्रदेश गृह मन्त्री दिनेश पन्थीले पीडितहरुलाई धैर्य रहन आग्रह गर्दै प्रदेश सरकारले आफ्नो मापदण्ड अनुसारको सहयोग उपलब्ध गराउने प्रतिबद्धता प्रकट गर्नुभएको थियोे ।

कार्यक्रममा वडा अध्यक्ष नारायण रेस्मीले सबैलाई धन्यवाद व्यक्त गर्नु भएको थियोे । कार्यक्रमको सन्चालन पुर्ब वडा अध्यक्ष थम्मन ज्ञवालीले गर्नुभएको थियोे । कार्यक्रममा दौघा रुपन्देही सम्पर्क समाजका उपाध्यक्ष सचिब सदस्यहरु र लुम्बिनी फ्रेन्ड सर्कलका सदस्यहरुको उपस्थिति रहेको थियोे ।

प्रतिक्रिया

गाउँपालिका पेज

बैशाख   २१

नेपाल सरकार उद्योग वाणिज्य तथा आपूर्ति मन्त्रालयको सहयोग तथा चन्द्रकोट गाउँपालिका गुल्मी मार्फत संचालित गरिबी निवारणका लागि लघु उद्यम विकास कार्यक्रम मेड्पा अन्तर्गत चालू आर्थिक बर्षमा संचालित सीप विकास तालिम अन्तर्गत चन्द्रकोट ७ रूपाकोटमा संचालित व्यवसायिक मौरी पालन सम्बन्धि आधारभूत तालिम तथा वडा नं ६ मा संचालित मौरीपालन तालिम अन्तर्गतको स्तरोन्नति तालिमको प्रविधि हस्तान्तरण, प्रमाणपत्र वितरण तथा समापन कार्यक्रम सम्पन्न भएका छन् ।

गाउँपालिका अध्यक्ष तथा उद्यम विकास समिति संयोजक युवराज खत्री क्षत्री ज्यूको अध्यक्षतामा संचालित दुबै कार्यक्रममा गाउँपालिका उपाध्यक्ष विष्णु प्रसाद भण्डारी,वडा अध्यक्षहरू, वडा सदस्यहरू, निवर्तमान वडा अध्यक्ष, कार्यक्रम सम्पर्क व्यक्ति,इन्जिनियर,उद्यम विकास सहजकर्ता लगायतको उपस्थिति रहेको थियो।

जस अन्तर्गत वडा नं ७ का कुल २० जनालाई पञ्जा, टोपी,धुवाँदानी, क्विन गेट लगायतका सामाग्री प्रदान गरिएको थियो भने आवश्यकता पहिचानका आधारमा पुर्नताजगी तथा एड्भान्स सीप बिकास तालिम स्तरोन्नति तर्फ वडा न. ६ का ३१ जनालाई घार राख्ने स्ट्याण्ड, धुवाँदानी, क्वीन गेट लगायतका सामाग्री प्रदान गरिएको थियो।

कालिदास आत्रेय
वैशाख २१

गुल्मीको छत्रकोट गाउँपालिका वडा नम्बर ६ दौघा मोहरेका अग्नि पीडितहरुलाई हिजो राहत वितरण गरिएको छ।

गत बुधबार दिउँसो जङ्गलबाट आएको आगोले छत्रकोट ६ मोहरेका राम बहादुर ज्ञवाली, मोहन सुनार र महेश सुनारका घर थाराहरु जलेर पुर्ण रुपमा क्षती भई छिमेकीको घरमा बस्न वाध्य भएका छन ।

अग्नि पीडितहरुलाई प्रारम्भिक राहत स्वरुप छत्रकोट गाउँपालिकाबाट पिफम, बिस्तारा सेट, खाद्य सामग्री, भाडाकुडा, ग्यास चुलो लगाएतका सामग्रीहरु वितरण गरिएको हो ।

त्यसैगरी नेपाल रेडक्रस सोसाइटी जिल्ला शाखा गुल्मी, दिगाम उपशाखा र हर्दिनेटा उपशाखा बाट त्रीपाल, कम्बल,भाडासेट,लत्ताकपडा लगाएतका सामग्रीहरु वितरण गरिएको थियोे ।

छत्रकोट गाउँपालिका अध्यक्ष राम प्रसाद पाण्डेको नेतृत्वमा गाउँपालिका उपाध्यक्ष , वडा अध्यक्ष , कार्यपालिका सदस्यहरु, वडा सदस्यहरु , नेपाल रेडक्रस सोसाइटी जिल्ला शाखा गुल्मीका सदस्य टंक प्रसाद पन्थको नेतृत्वमा शाखा उपशाखा सदस्यहरु र नेकपा एमाले जिल्ला कमिटी अध्यक्ष बालसिह काउछाको नेतृत्वमा जिल्ला कमिटी उपाध्यक्ष ,सदस्यहरु, पालिका कमिटी अध्यक्ष लगाएतका पदाधिकारीहरुको सो अबसरमा सहभागीता रहेको थियोे ।

राहत वितरण कार्यक्रममा बोल्दै छत्रकोट गाउँपालिका अध्यक्ष राम प्रसाद पाण्डेले, दैबीप्रकोपको दुस्खद क्षणमा यो प्रथम चरणको राहत पीडितको घाउमा मलम लगाउने काम भएको र हामी हरपल पीडितको साथमा रहदै अन्य राहतका सम्पुर्ण प्रयासहरु गरि बसोबासको समेत व्यबस्था गर्ने प्रतिबद्धता प्रकट गर्नु भएको थियोे ।

कार्यक्रमको संचालन पुर्व वडा अध्यक्ष थम्मन ज्ञवालीले गर्नुभएको थियोे । सो अबसरमा अग्नि पीडितहरुलाई राहतदिन इच्छुक व्यक्ति र संघसस्थाहरु छत्रकोट वडा न ६ को भए वडा कार्यालय र बाहिरको भए गाउँपालिकामा समन्वय गरि एक द्वार प्रणालीबाट वितरण गरिने समेत जानाकारी गराइएको थियोे ।

प्रतिक्रिया