गाउँपालिका पेज
बैशाख २१
नेपाल सरकार उद्योग वाणिज्य तथा आपूर्ति मन्त्रालयको सहयोग तथा चन्द्रकोट गाउँपालिका गुल्मी मार्फत संचालित गरिबी निवारणका लागि लघु उद्यम विकास कार्यक्रम मेड्पा अन्तर्गत चालू आर्थिक बर्षमा संचालित सीप विकास तालिम अन्तर्गत चन्द्रकोट ७ रूपाकोटमा संचालित व्यवसायिक मौरी पालन सम्बन्धि आधारभूत तालिम तथा वडा नं ६ मा संचालित मौरीपालन तालिम अन्तर्गतको स्तरोन्नति तालिमको प्रविधि हस्तान्तरण, प्रमाणपत्र वितरण तथा समापन कार्यक्रम सम्पन्न भएका छन् ।
गाउँपालिका अध्यक्ष तथा उद्यम विकास समिति संयोजक युवराज खत्री क्षत्री ज्यूको अध्यक्षतामा संचालित दुबै कार्यक्रममा गाउँपालिका उपाध्यक्ष विष्णु प्रसाद भण्डारी,वडा अध्यक्षहरू, वडा सदस्यहरू, निवर्तमान वडा अध्यक्ष, कार्यक्रम सम्पर्क व्यक्ति,इन्जिनियर,उद्यम विकास सहजकर्ता लगायतको उपस्थिति रहेको थियो।
जस अन्तर्गत वडा नं ७ का कुल २० जनालाई पञ्जा, टोपी,धुवाँदानी, क्विन गेट लगायतका सामाग्री प्रदान गरिएको थियो भने आवश्यकता पहिचानका आधारमा पुर्नताजगी तथा एड्भान्स सीप बिकास तालिम स्तरोन्नति तर्फ वडा न. ६ का ३१ जनालाई घार राख्ने स्ट्याण्ड, धुवाँदानी, क्वीन गेट लगायतका सामाग्री प्रदान गरिएको थियो।
About Author
