Blog

माघ २५

गाउँपालिका गुल्मीको आयोजनामा चालू आ.व. २०८०/०८१ को हाल सम्म संचालित योजना, कार्यक्रम तथा समग्र सार्वजनिक सेवा प्रवाहको बारेमा नागरिकको प्रश्न, गुनासो तथा सुझाव प्राप्त गर्दै आवश्यक सम्बोधनका लागि सार्वजनिक सुनुवाई तथा सामाजिक परिक्षण कार्यक्रम सम्पन्न भएको छ।

गाउँपालिका अध्यक्ष युवराज खत्री क्षत्रीको अध्यक्षतामा सम्पन्न कार्यक्रममा गाउँपालिका उपाध्यक्ष विष्णु प्रसाद भण्डारी, प्रमुख प्रशासकीय अधिकृत सरोज भुसाल, वडा अध्यक्ष लगायत कार्यपालिका सदस्यहरू, जनप्रतिनिधि तथा निवर्तमान जनप्रतिनिधिहरू, विभिन्न संघ संस्था निकायका व्यक्तित्वहरू लगायत सर्वसाधारणको उपस्थिति रहेको थियो।

कार्यक्रममा प्रमुख प्रशासकीय अधिकृत सरोज भुसालले हाल सम्म भए गरेका कामका बारेमा प्रस्तुतीकरण मार्फत जानकारी गराउनु भएको थियो। कार्यक्रममा प्रमुख जवाफदेही वक्ताको रूपमा गाउँपालिका अध्यक्ष, उपाध्यक्ष तथा प्रमुख प्रशासकीय अधिकृत रहनुभएको थियो भने सहजीकरण पत्रकार टोपलाल अर्याल, डिबि खड्का तथा महेश बोहोराले गर्नुभएको थियो।

पाल्पा । पाल्पा र गुल्मीका पत्रकारहरुका लागि मिडिया सारक्षरता कार्यक्रम बुधवारबाट तानसेनमा सुरू भएको छ ।
लुम्विनी प्रदेश सरकार, गृह मन्त्रालयको सहयोग र नेपाल पत्रकार महासंघ लुम्विनी प्रदेश समिमिको आयोजनामा कार्यक्रम सञ्चालन गरिएको हो ।

मिडिया साक्षरता कार्यशालामा प्रशिक्षक शिरोमणी ढुङ्गाना र मन्जिमा ढकालले सहजीकरण गर्नुभएको छ । कार्यशालाको उद्घाटन कार्यक्रम महासंघका लुम्विनी प्रदेश सदस्य भुवन कार्कीको अध्यक्षता, पाल्पा जिल्ला अध्यक्ष रेखीराम रानाको स्वागत र प्रदेश सदस्य प्रेमनारायण आचार्यको संचालनमा सम्पन्न भएको थियो ।

कार्यशाला बिहीवारसम्म चल्नेछ । कार्यशालामा पाल्पा र गुल्मीका गरी ३० जना बढी पत्रकारहरुको सहभागिता रहेको छ ।

माघ २४

रुरुक्षेत्र गाउँपालिका गुल्मीले स्थानिय पाठ्यक्रमको पुस्तक बिमोचन गरेको छ ।
कक्षा १ देखि ५ सम्मको स्थानिय पाठ्यक्रमको बिध्यार्थीले पढ्ने “रुरुक्षेत्र कृषि पर्यटन र संस्कृति” नामको किताब हिजो एक समारोहका बिच बिमोचन गरिएको हो ।

“रुरुक्षेत्र कृषि पर्यटन र संस्कृति” किताबमा ७ वटा इकाई रहेका छन । जसमा रुरुक्षेत्र गाउँपालिकाको परिचय, हाम्रो गाउँपालिकाको कृषि बाली, पशुपंक्षी तथा माछा मौरी पालन,हाम्रो गाउँपालिकाको पर्यटन,हाम्रो गाउँपालिकाको संस्कृती, नैतिक शिक्षा सदाचार र कर्तब्य र श्रम प्रतीको सम्मान रहेका छन ।

२०७७ साल देखि पाठ्यक्रम र पुस्तकको तयारिमा लागेको गाउँपालिकाले, शैक्षिक सत्र २०८० बाट एक सय पूणाङ्कको कक्षा १-३, १ सय ६० पाठ्य घण्टा र ४-५ , १ सय २८ पाठ्य घण्टा, किताब बिनै स्थानिय पाठ्यक्रमका आधारमा अध्यापन सुरु गरेको थियो ।

पुस्तक बिमोचन गाउँपालिका अध्यक्ष यदु ज्ञवाली, उपाध्यक्ष मिनादेवी गौतम, शिक्षा तथा सामाजिक बिकास समिती संयोजक शेषनारायण पौडेल, पुस्तक लेखन समिती संयोजक रमेश प्रसाद ज्ञवाली र जनबोध माध्यमिक बिधालयको कक्षा १ मा अध्ययनरत बिद्यार्थी अनिसा कुंवरले गर्नुभएको थियो ।

पाठ्यपुस्तक रमेश प्रसाद ज्ञवाली संयोजक, रोहित प्रसाद भण्डारी, महेन्द्र प्रसाद गौतम,नारायण ज्ञवाली, राम प्रसाद श्रेष्ठ, कृष्ण प्रसाद गौतम, नारायण ज्ञवाली , मिन प्रसाद ज्ञवाली , शान्ती पाण्डेय ज्ञवाली, सदस्य रहेको समूहले तयार पारेको हो ।

बिमोचन कार्यक्रममा अध्यक्ष ज्ञवालीले पाठ्यपुस्तकले शिक्षण सिकाई कृयाकलापमा सकारात्मक भुमिका खेल्ने बताउनुभयो । उहाले पाठ्यक्रम र पुस्तक निर्माण गर्ने सबैलाई धन्यबाद व्यक्त गर्नुभयो ।

उपाध्यक्ष मिनादेवी गौतम,प्रमुख प्रशासकीय अधिकृत लक्ष्मण पाण्डे,सामाजिक बिकास समिती संयोजक एवम् वडा नं ३ का वडा अध्यक्ष शेषनारायण पौडेल,सबै राजनैतिक दलको प्रतिनिधित्व गरेर नेकपा एमाले रुरुक्षेत्र गाउँ कमिटी अध्यक्ष फर्शुराम ज्ञवाली,संघसस्थाको तर्फबाट जनज्योति माबि रिमुवाका प्रधानाध्यापक भुवनेश्वर भुसाल,पुस्तक लेखन समिती सदस्य शान्ती पाण्डे ज्ञवालीले सुभकामना ब्यक्त गर्नु भएको थियो ।

चुरामणि तिमिल्सिना  रिडी  माघ  २३

गुल्मीको रुरु क्षेत्र गाउँपालिका वडा न १ रिडीमा बृहत रक्तदान कार्यक्रम सम्पन्न भएको छ। रुरु फेन्ड्स क्लब रिडी गुल्मीको आयोजना तथा रुरु जनसेवा पोलिकिल्निक रिडीको आयोजनामा कार्यक्रम गरिएको हो। कार्यक्रमलाई सफल पार्न भने नेपाल नियमित रक्तदाता संघ जिल्ला शाखा रुपन्देहीले प्राबिधिक सहयोग गरेको हो।
रुरु क्षेत्र गाउँपालिका वडा न १ का वडा अध्यक्ष नवराज बि.क. कार्यक्रममा प्रमुख अतिथि रहनु भएको थियो । नवराज बि.क. ले कार्यक्रममा यो सेवा मुलक कार्यक्रम नियमित गर्न पर्ने भएकोले हरेकले समय अनुसार रक्तदान पुन्य पनि हुने र सरिर लाई कुनै पनि किसिमको असर नहुने हुँदा आउँदा दिनहरुपनि यो कार्यक्रम यस क्षेत्रमा सन्चालन गर्न कार्यक्रम आयोजक तथा स आयोजक लाई आग्रह गर्नु भयो।
यस्तै सहआयोक बनेको क्लिनिकका डा बिकास पन्थिले रक्तदान गर्दा शरीरमा फाइदा हुने अन्य बिरामीको लागि रक्षा हुनेरक्त सन्चार प्रभावकारी हुने हुँदा यस्तो कार्यक्रम ३ महिनामा १ पटकहुन आवस्यक रहेको बताउदै आगामी दिनमा पनि सबैको सहयोग भएमा आफ्नो टिमले गर्ने प्रतिबद्धता जायर गर्नु भयो।
यस्तै कार्यक्रममा जिल्ला शाखा रुपन्देहीका अध्यक्ष अशेष सिल्वाले आफ्ना भनाइ राख्दै आफ्नो टिम नै दैनिक यस सेवा मुलक कार्यमा लागेको र यस्तै कार्यमा सबै लाई जोडिन आग्रह गर्नु भएको थियो। उहाँ ले यस्ता कार्यक्रममले धेरै अस्पतालमा बिरामीको ज्यान बचाउन सफल भएकोले नियमित यो अभियान सन्चालन गरिएको बताउनु भयो।

उत्घाटन सत्रमा जनप्रतिनिधि , राजनितिक दल , सुरक्षा निकाय , महिला समुह , बौद्धिक ब्यक्तिहरु, शिक्षाप्रेमि , उधोग बाणिज्य संघ , ब्यापारी , बैंकका कर्मचारी सामाजिक अभियानताहरु लगायतको आतिथित्यता रहेको थियो कार्यक्रमको सन्चालन चिरञ्जीवी ज्ञवालीले गर्नु भएको थियो। कार्यक्रममा ६० जनाले ६० पोका बल्ड दान गरेका थिए उक्त रगत बलड बैंक बुटवलमा रहने प्राबिधिक टोलिले जानकारी दिएको छ।

  चुरामणि  तिमिल्सिना   माघ  १९

रूरूक्षेत्र गाउँपालिकाको वडा नं. २ मा संचालन भएको आलु पकेट कार्यक्रममा कृषकहरूलाई यान्त्रिक उपकरण हस्तान्तरण र कृषकसँग अन्तरक्रिया कार्यक्रम सम्पन्न भएको छ । वितरण कार्यक्रममा अन्तरक्रिया गर्दै गाउँपालिका अध्यक्ष यदु ज्ञवालीले गाउँमा अधिकांश मानिसहरु किसान भएकाले कृषिबाट नै आयआर्जन वृद्धि गर्न सफल भएकोले कृषि क्षेत्रमा गाउँपालिकाले लगानी गर्ने प्रतिबद्धता जाहेर गर्नुभयो।

कार्यक्रममा उपाध्यक्ष मिनादेवी गौतम, प्रमुख प्रशासकीय अधिकृत लक्ष्मण पाण्डे, वडाध्यक्ष घनश्याम अर्याल, पशु विकास अधिकृत अमित ज्ञवाली, कृषि अधिकृत प्रकृती ज्ञवाली वडा सचिव, जन प्रतिनिधि तथा किसान बर्गको सहभागीता रहेको थियो । यो कार्यक्रम बिगतमा पनि सन्चालन गरिएकोले अहिले पनि निरन्तर गरिएको कृषि अधिकृत प्रकृति ज्ञवालीले बताउनु भयो।
यता गाउँलाई कृषि बाट नै अगाडी बढाउन र युवाहरु लाई गाउँमानै कृषि गर्न सहयोग पुर्याउन सिङ्गो गाउँपालिका लागिरहेको पालिका उपाध्यक्ष मिना देवि गौतम बताउनु हुन्छ । कार्यक्रममा सहभागीता जनाउदै अधिकृत पाण्डेले युवाहरु लाई बिदेश हैन नेपालमा मै राज्यले विभिन्न सिपमुलक तालिम कृषि फम ठुला ठुला कृषि उधोगहरु तथा आधुनिक प्रबिधि सहित कृषि गर्न सकेमा मात्र कृषि क्षेत्रमा सिङ्गो राज्यले नै फडको मार्ने धारणा ब्यक्त गर्नुभयो अहिले रुरुका धेरै स्थानमा आलुको कार्यक्रम समेत चलिरहेको छ ।

श्रीराम गौतम  गुल्मी  माघ १९

गुल्मीको चन्द्रकोट गाउँपालिका वडा नं १ मा अवस्थित चन्द्रकोट क्षेत्रकै शैक्षिक धरोहरका रुपमा रहेको शारदा माध्यमिक विद्यालयमा आज माघ १९ गते “शैक्षिक गुणस्तर वृद्धि वर्ष २०८०” लाई भव्य रुपमा सफल पार्नका लागि शुक्रबार सरिय कार्यक्रम अन्तर्गत “शारदा तारा” तर्फका शारदा गायन तारा र शारदा नृत्य ताराको तेस्रो चरणको कार्यक्रम सम्पन्न गरिएको छ । बिद्यालयका सहायक प्रधानाध्यापक लालबहादुर रानाको अध्यक्षतामा सम्पन्न कार्यक्रममा गायन अन्तर्गत १२ र नृत्य तरफ ११ गरी जम्मा २३ जनाको सहभागिता रहेको थियो।

। विद्यार्थीहरु किताबी ज्ञानमा मात्रै सीमित नभई कला साहित्य तर्फ पनि सक्षम बनुन भन्ने उद्देश्यले यस विद्यालयमा विगत ७ वर्ष यता शारदा तारा कार्यक्रम सञ्चालन गर्दै आइरहेको र यस्ता कार्यक्रमले विद्यार्थीमा अपेक्षित उपलब्धि भइरहेको र आगामी दिनमा थप परिष्कृत र परिमार्जन गर्दै जानुपर्ने समापन सत्रमा बोल्दै बिद्यालयका सहायक प्रधानाध्यापक रानाले बताउनु भयो । बिद्यालयका शिक्षक र सम्पूर्ण विद्यार्थीको उपस्थितिमा आयोजना गरिएको कार्यक्रमको सञ्चालन कक्षा १२ मा अध्ययनरत विद्यार्थी एलिश्मा वि. कले गर्नुभएको हो ।

चुरामणि तिमिल्सिना  माघ  १९  रुरु धाम

अर्गली बहुमुखी क्याम्पस अर्गली पाल्पाले अभिभावक भेला  गर्दै नयाँ नेतृत्व चयन गरेको छ । संचालक समितिका अध्यक्ष पदम प्रसाद भट्टराईको अध्यक्षतामा सन्चालित सभाले १५ सदस्यिय क्याम्पस सन्चालन समिति गठन गरेको हो।

। भेलाले कमल कृष्ण गैरेलाई अध्यक्षको जिम्मेवारी प्रदान गरेको छ । उपाध्यक्षमा दधिराम न्यौपाने सदस्यहरुमा सोभाखर भट्टराई कमल राना राधिका थापा , बिष्णु रेग्मी रमेश प्रसाद न्यौपाने ,कृष्ण पाण्डे , घनश्याम पाण्डे लक्षमण पाण्डे नारायण प्रसाद नेपाल भिम ढेगा रहनु भएको छ समितीमा क्यापस प्रमुख सदस्य सचिव लक्षमण रेग्मी रहनु भएको छ ।
यस्तै भेलाले ५ सदस्य सल्लाहकार समिति समेत गठन गरेको छ जस्मा श्रीधर प्रसाद भट्टराई , दुर्गा दत्त रेग्मी , पर्सुराम भट्टराई , पदम प्रसाद भट्टराई र भानुभक्त पाण्डे रहनु भएको छ क्याम्प लाई दिगो पन दिन बिद्यार्थीको संख्यामा वृद्धि शैक्षिक बिकास लाई गुणस्तर बनाउन र विद्यार्थी को नतिजा लाई माथि उकासन्न आफ्नो ३ वर्ष कार्यकाल रहने नव गठित समितिका अध्यक्ष कमल कृष्ण गैरेले प्रतिबद्धता जायर गर्दै सभामा आफ्ना भनाइ व्यक्त गर्नु भयो।

यस्तै आफ्नो कार्य कालपनि शैक्षिक बिकास गर्दै निर्माण गतिलाई पनि सम्पन्न गराउदै बितेकोले सबैलाई सहयोग गरेको भन्दै अध्यक्ष भट्टराई धन्यवाद व्यक्त गर्नुभयो। यस क्याम्पसमा पाल्पा गुल्मी स्याङ्जा अर्घाखाँची बाट अहिले बिद्यार्थी नियामित पठन पाठनको निम्ति आउने गरेकोले केही लाई अध्यानमा लाग्ने खर्च पनि क्याम्पले सहजीकरण गर्दै आएको क्याम्पस प्रमुख लक्षमण रेग्मीले बताउनु भयो।

चुरामणि  तिमिल्सिना  रिडी

रुरुक्षेत्र गाँउपालिका गुल्मीको पशु विकास शाखाद्वारा ६३ वटा सार्वजनिक कुकुरहरूको बन्ध्याकरण तथा रेबीज़ रोग नियन्त्रणको लागी बलेटक्सार तथा रिडी बजारमा कुकुर बन्ध्याकरण कार्यक्रम सम्पन्न गरिएको छ । गाउँघरमा कुकुर बाट हुन सक्ने दुर्घटना ,जोखिम तथा यस्ले निम्त्याउने समस्याले यो अभियान निरन्तरता प्रदान गरिएको गाउँपालिका अध्यक्ष यदु ज्ञवाली जानकारी दिनुभयो।

गाउँघरका कुना कुनामा कुकुरको संख्यामा वृद्धि देखिएको थियो र अहिले अनि यस कार्यक्रमलाई अगाडी सार्दै बन्ध्याकरण लाई सम्पन्न गरिएको पशुबिकास अधिकृत अमित ज्ञवालीले वताउनु भयो।

चुरामणि तिमिल्सिना  रिडी

रुरुक्षेत्र गाँउपालिका गुल्मीको पशु विकास शाखाद्वारा ६३ वटा सार्वजनिक कुकुरहरूको बन्ध्याकरण तथा रेबीज़ रोग नियन्त्रणको लागी बलेटक्सार तथा रिडी बजारमा कुकुर बन्ध्याकरण कार्यक्रम सम्पन्न गरिएको छ । गाउँघरमा कुकुर बाट हुन सक्ने दुर्घटना ,जोखिम तथा यस्ले निम्त्याउने समस्याले यो अभियान निरन्तरता प्रदान गरिएको गाउँपालिका अध्यक्ष यदु ज्ञवाली जानकारी दिनुभयो।

गाउँघरका कुना कुनामा कुकुरको संख्यामा वृद्धि देखिएको थियो र अहिले अनि यस कार्यक्रमलाई अगाडी सार्दै बन्ध्याकरण लाई सम्पन्न गरिएको पशुबिकास अधिकृत अमृत ज्ञवालीले वताउनु भयो।