Blog

छत्रकोट गाउँपालिकाको प्रशासकीय भवनको शिलन्यास,संघिय सरकारको अनुदानमा अन्यौलता
माघ १८

छत्रकोट गाउँपालिका गुल्मीकोे प्रशासकीय भवनको शिलन्यास गरिएको छ । हिजो बुधबार एक कार्यक्रमको आयोजना गरी गाउँपालिका अध्यक्ष रामप्रसाद पाण्डेले भवनको शिलन्यास गर्नु भएको हो ।

अहिले निर्माण सुरु भएको भवन ०८२ साल मंसिर महिनाभित्र सकिसक्नुपर्नेछ । भवनको कुल लागत नौ करोड ११ लाख १७९ रुपैँया रहेको छ ।

भवन निर्माण हुने रकम ६० प्रतिशत संघीय सरकार र ४० प्रतिशत पालिकाले व्यहोर्ने गाउँपालिका अध्यक्ष पाण्डेले जानकारी दिनुभयो । संघीय सरकार बाट प्रप्त हुने ६० प्रतिशत रकम प्राप्त नभएको पनि अध्यक्ष पाण्डेले बताउनु भयो ।

छत्रकोट गाउँपालिका वडा नम्बर ३ भेडुवामा बन्न थालेको भवनको जग्गा छ रोपनी रहेको छ । भेडुवा बजारमाथीको हरियाली सामुदायिक बनले पालिकालाई उपलब्ध गराएको जग्गामा बन्दै छ । जग्गा प्राप्तीको लागि पालिकाले बिभिन्न प्रक्रिया पुरा गदै सामुदायिक बन बाट प्राप्त गरेको हो ।

यसको लागि स्थानिय समाजसेबी झक बहादुर मिधुनले ६ रोपनी निजी जग्गा निशुल्क बनलाई सट्टामा उपलब्ध गराउनु भएको थियो । छत्रकोट गाउँपालिकाले जग्गादाता मिधुनप्रती आभार प्रकट गर्दै धन्यबाद ज्ञापन गरेको छ ।

  चुरामणि  तिमिल्सिना  रिडी  माघ  १३

रुरु क्षेत्र धाम रिडीमा पुस्तक बिमोचन कार्यक्रम सम्पन्न भएको छ । गुल्मीको अर्खलेमा जन्मनु भएका कृष्ण बहादुर कुवरले लेख्नुभएको “पुराणमा के छ ?” नामक पुस्तक मन्दिर परिसरमा रुरुका जेष्ठ नागरिक अजुमान श्रेष्ठ र विशिष्ट अतिथिले बिमोचन गर्नुभएको हो । मानव कल्याण वृद्धआश्रम रिडीका अध्यक्ष जिवन कुमार कसजुको अध्यक्षमा कार्यक्रम भएको हो । यस्तै कार्यक्रममा प्रमुख अतिथि जेष्ठ नागरिक अजुमान श्रेष्ठ रहनु भएको थियो । समारोहमा मन्दिर समितिका अध्यक्ष पर्सुराम भट्टराई, मानव कल्याण वृद्ध आश्रम गुल्मीका आजिवन सदस्य तथा वडा न १ का पुर्व वडा अध्यक्ष रामलाल बिक , समजसेवी ओम प्रसाद अमात्य, मन्दिर सचिव पदम प्रसाद भट्टराई मेघराज रिजाल, शिक्षा प्रेमि धनन्जय भण्डारी , साधक दुर्गा दत्त पौडेल विशिष्ट अतिथि रहनु भएको थियो।

कार्यक्रमका अध्यक्ष जिवन कुमार कसजुले कार्यक्रममा स्वागत गर्दै कुवरले गरेका सामाजिक काम संघसस्था लाई पुर्याउनु भएको योग्दान र पुस्तकका विषयमा चर्चा र परिचर्चा गर्नुभएको थियो।

कार्यक्रममा मेघावाट रिजालले पुस्तकका विषयमा समेटीएका विषयवस्तु लाई चर्चा र परिचर्चा गर्दै लेखक तथा प्रकाशलाई धन्यवाद ब्यक्तगर्नु भयो।
पुस्तकमा १८ पुराण गङामाता गाइको महत्त्व रुद्राक्ष को महिमा, पाप तथा धर्म दान जप तप जस्ता महत्त्वपूर्ण विषय समेटीएको छ। कार्यक्रमको आयोजना मानव कल्याण वृद्ध आश्रम रिडी गुल्मी र रुरु धार्मिक सेवा संचार प्रालि रिडीले गरेको थियो।

सदाचारी राजनीति गरेको भन्दै डा. भण्डारी नगद सहित सम्मानित, पुरस्कारको रकम जलन अस्पताललाई दिने भण्डारीको घोषणा

भुवन भुसाल, काठमाडौ । नेपाली कांग्रेसका नेता एवं डा. चन्द्र भण्डारी नगद सहित सम्मानित हुनुभएको छ । निष्ठापुर्ण सदाचारी राजनीति गरेको भन्दै वहाँलाई विश्व हिन्दु महासंघले आज एक भव्य समारोहका निलप्रसाद भण्डारी स्मृति पुरस्कार २०८० प्रदान गरेको हो ।

राष्ट्रिय प्रजातान्त्र पार्टिका अध्यक्ष राजेन्द्र लिंङ्देन, महासंघका कार्यवाहक सभापती राजेन्द्र कुमार भण्डारी र निल फाउन्डेसनका संरक्षक खुदलक्ष्मी भण्डारीले यो पुरस्कार प्रदान गर्नुभएको हो ।

महासंघले नगद २५ हजार सहित वहाँलाई सम्मान एवं पुरस्कृत गरेको हो । पुरस्कार प्रदान गर्दै विश्व हिन्दु महासंघले नेपालको वर्तमान विषम राजनीतिक परिस्थितिका बिचमा पनि संघिय साम्सद डा. चन्द्र भण्डारीले नेपाली माटोको सुगन्ध, नेपाली राष्ट्रियता र सनातन धर्म, सस्कृतिको पक्षमा मन वचन र कर्मले सधै निष्ठापुर्ण सदाचारी राजनीतिक जीवन द्वारा नेपाली समाजमा निरन्तर आशाको दियो प्रज्वलित गरिरहेको बताएको छ ।

पुरस्कार ग्रहण गर्दै डा. भण्डारीले आफ्नो सम्पुर्ण जीवन नेपाल देश र नेपालीका लागि व्यतित गर्ने प्रण दोहोराउनु भयो । सामाजिक संजाल फेसबुक मार्फत वहाँले पुरस्कार बापतको रकम किर्तिपुरमा रहेको जलन अस्पताललाई दिने बताउनुभएको छ । फेसबुकमा डा भण्डारी लेख्नुहुन्छ
“नील प्रसाद भण्डारी स्मृति पुरस्कार-२०८०” द्वारा सम्मानित गर्नु गर्नुभएकोमा हार्दिक आभार तथा धन्यवाद !! यो पुरस्कारबाट प्राप्त रकम किर्तिपुर अस्पतालमा स्थापना गरिएको जलन उपचार अक्षयकोषलाई हस्तान्तरण गरिनेछ।”

भुवन भुसाल, गुल्मी । छत्रकोट गाउँपालिकाको गाउँसभाको दोश्रो अधिवेशन सम्पन्न भएको छ । पौष २६ गतेदेखी सुरु भएको बैठक आज दोश्रो बैठक बसेर समापन भएको हो ।

गाउँ सभाले गाउँपालिका उपाध्यक्ष साबित्रा ज्ञवालीले पेश गरेको चालू आर्थिक वर्षका लागी बिनियोजित बजेट संसोधन/ रकमान्तर प्रस्ताव सर्वसम्मत पारित गरेको छ ।

न्यायिक समितीका सदस्य पिताम्बर अर्यालले पेस गरेको न्यायिक अर्धवार्षिक प्रतिवेदन, राजस्व परामर्श समिती संयोजक साबित्रा ज्ञवालीले पेश गरेको छत्रकोट गाउँपालिकाको आर्थिक एन २०८० संसोधन सम्बन्धि प्रस्ताव सर्वसम्मत पारित भएको छ ।

त्यस्तै, आर्थिक बिकास समिती संयोजक तेजकान्त अर्यालले पेस गरेको चालू आर्थिक बर्षको ब्ययको बिवरण, बिधायन समितीका संयोजक नारायण रेश्मीले पेश गरेको छत्रकोट गाउँपालिकाका ५ वटा कार्यबिधी एउटा ऎन पनि सर्वसम्मतीले पारित भएको छ ।

सभाका अध्यक्ष राम प्रसाद पाण्डेयले निर्णयार्थ पेस गरेका सबै बिषय सर्वसम्मतीले पास भएका हुन । गाउँ सभामा गाउँपालिकाले संचालन गरेका योजना, त्यसको कार्यान्वयन, परिणाम लगायतका बिषयमा समेत शून्य समयमा छलफल गरिएको थियो ।

गुल्मी

मकर सङ्क्रान्ति पर्वको अवशरमा गुल्मीको धार्मिक एवं ऐतिहासिक स्थल रुरुक्षेत्रको कालीगण्डकीमा स्नान गर्नका लागि आज बिहानैदेखि श्रद्धालुहरुको घुँईचो बढेको छ ।

मकर सँक्रान्ति गुल्मी, पाल्पा र स्याङ्जाको सँगम स्थल रुरु क्षेत्रमा अबस्थीत काली गण्डकी नदीमा स्नानगरि त्यस नजिकै रहेको भगवान हृषीकेष मन्दिरमा पुजाआजा गर्नाले देब ऋण, पितृ ऋण र ऋषि ऋणबाट मुक्त हुने जनविश्वास रहिआएको छ ।

मकर सँक्रान्तिको दिन कालीगण्डकीमा स्नान गर्नाले आफुले अन्जानमा गरेका सम्पूर्ण पापहरु नष्ट भई मोक्ष प्राप्ती हुन्छ भन्ने जनविश्वास छ । नेपालकै चारधाम मध्यको एक धामको रुपमा प्रसिद्ध धार्मिक स्थलको रुपमा चिनिएको रुरुक्षेत्रमा स्नान गर्नका लागि नेपालका अन्य जिल्लादेखि भारतबाट समेत भक्तजनहरुको घुँईचो लाग्ने गर्दछ । गुल्मीमा विषेशगरि जेठी, माईली र कान्छी गरि तीन दिनलाई मकर सँक्रान्ति पर्व मानेर श्रद्धालुहरु काली गण्डकि नदिमा स्नान गर्न आउने प्रचलन छ ।

मकर सँक्रान्ति पर्वको अवशरमा स्थानीय रुरु फ्रेण्ड्स क्लब र फ्रेण्ड्स क्लवको मुख्य आयोजनामा आजदेखि छ दिनसम्म रमाईलो मेला समेत सञ्चालन गरिएको छ । तीन जिल्लाको संगम स्थल कालीगण्डकी नदीमा मकर संक्रान्तिको अवशर सञ्चालन हुन लागेको रिडी मेलामा विशेषगरि हातबाट बुनेका कम्मल, काम्ला, राडी–पाखी लगायत बाँस तथा चोयावाट निर्मित सामग्रिहरुका साथै ओखरका घाँजी, गुँड, सुन्तला लगायतका वस्तुको राम्रो व्यापारहुने गर्दछ ।

मकर सँक्रान्तिमा रिडी क्षेत्रमा हजारौं श्रद्धालु भक्तजनहरु आउने भएका कारण रिडी मेलामा व्यापार गर्नकाका लागि गुल्मी, पाल्पा, अर्घाखाँची लगायत स्याङ्जा, प्यूठान, वाग्लुङ्, रुकुम, रोल्पा, पर्वत लगायतका ठाउँवाट समेत व्यापारीहरु रिडी आउने गर्दछन ।

सँक्रान्तिको दिन मेलामा रुरुक्षेत्र गाउँपालिका र कृषि ज्ञानकेन्द्रको आयोजनामा कृषि मेला प्रर्दशनीको आयोजना गरिएको छ । प्रर्दशनीमा घरेलु उत्पादित सामग्रि लगायत कृषि उपजका वस्तुहरु प्रदर्शनमा राखिएको कृषि ज्ञान केन्द्र गुल्मीका प्रमुख नवराज भण्डारीले जानकारी दिनु भएको छ ।

मेला अबधिभर स्थानीय एवं राष्ट्रिय कलाकारहरुको साँगितिक प्रस्तुति समेत राखिएको छ । मेलालाई व्यवस्थीत रुपमा सञ्चालनका लागि स्थानीय एक दर्जन भन्दा बढी संघ संस्थाहरुको पनि सहयोग रहेको मेला आयोजक संस्था रुरु फ्रेण्ड्स क्लवका अध्यक्ष सोबित थापाले जानकारी दिनु भएको छ ।

चुरामणि तिमिल्सिना   पुस  २९  रुरु धाम

पाल्पा गुल्मी र स्याङ्जाको सङ्गम स्थल विश्वकै धार्मिक , पौराणिक , एतिहासिक तथा पर्यटकीय पवित्र तीर्थस्थल नेपालकै चार धाम मध्य एक धाम रुरु क्षेत्रमा माघे सङ्क्रान्ति मेलाको तयारी पूरा भएको छ।

तिन जिल्लालाई केन्द्र बिन्दु बनाइ यो मेला लाग्ने गर्दछ ।यो मेलालाई यस क्षेत्रकै पर्वको रुपमा हेरिन्छ । प्रत्येक वर्ष लाग्ने यो मेला तिन जिल्लामा फरक फरक कार्यक्रमको आयोजना गर्ने गरिन्छ। पाल्पा जिल्ला तर्फ धार्मिक कार्यक्रम भजन कृतन ,पुजा पाठ ,भण्डारा , दान पुन्य , जस्ता कार्यक्रम बढि मात्रामा गरिन्छ।

यस्तै गुल्मी तर्फ रुरु फ्रेन्डस कलब र फ्रेन्डस क्लब तथा स्थानिय आधा दर्जन भन्दा बढि संघ सस्थाको सहयोग र वडा र पालिका संग समन्वय गरि बृहत सास्कृतिक कार्यक्रमको आयोजना गर्ने तयारी समेत पूरा गरिएको रुरु फ्रेन्डस क्लबका अध्यक्ष सोभित थापाले जानकारी दिनु भयो।

यस्तै स्याङ्जा तर्फ यस वर्ष पनि युवाहरुको साथ सहयोगमा दोस्रो पटक वडा अध्यक्ष कप भलिबल प्रतियोगिताको आयोजना गर्ने तयारी पूरा भएको वडा अध्यक्ष कृष्ण बहादुर लामिछानेले बताउनु भयो। यो मेला पौराणिक मेला भएकोले कुनै पनि मेलाको आयोजना गर्न नपरेता पनि ब्यवस्थापन संरक्षण सुरक्षाका कारणले मेला लाई रौनकताका साथ आयोजना समेत गरिदै आइयको रुरु क्षेत्र गाउँ पालिका वडा न १ का वडा अध्यक्ष नवराज बिकले जानकारी दिनु भयो । अध्यक्ष नवराजले मेला लाई ब्यवस्थापन र पुर्ण रुपमा सुरक्षाको प्रत्याभुति भक्तजनलाइ दिलाउन्को निम्ति वडा मार्फत पालिका जिल्ला प्रशासन जिल्लाका सुरक्षा निकाय सित सहकार्य गरेर अगाडी बढेको बताउनु भयो।

मेलामा पाल्पा , गुल्मी, स्याङ्जा, अर्घाखाँची, रुपन्देही, बाग्लुङ, पर्वत, रुकुम, रोल्पा, काठमाडौ, दाङ , परासि , झापा , र इटहरी बाट समेत भक्तजन भगवानको दर्शनको निम्ति आउने पौराणिक महत्त्व यो क्षेत्र तिन जिल्लाको संगम भएकोले कालीगण्डकी नदिमा स्नान गरि भगवान ह्षीकेशको दर्शन गर्ने दान पुन्य गर्ने जप तर्पण मार्जन गर्नाले देव ऋण पितृ ऋण र ऋषि ऋण बाट मुक्त हुने कुरा बराहा पुराणमा उल्लेख भए अनुसार यहाँ तीर्थ यात्रीहरु आउने गर्दछन। प्राय :गरि यसै दिन आफ्नो ग्रह शान्ति ग्रह दान , जोगिलाई दान गर्नको लागि यहाँ आउने पनि गर्दछन ।यसरि यहाँको यस दिन्को महत्त्व झलकाउन सकिन्छ ।

यहाँ रुकुम बाट रुकुमेलिहरु भेडाका उन बाट बनेका चार पाटे काम्ला, लम्बरि काम्ला जुम्लाका अग्रजहरुहरुले जुम्लेलि सुइटर , टोपि, उनका सुइटर , राडि पाखि , उन्का आस्कोट, बिक्री गर्न आउने गर्दछन।

यस्तै बाग्लुङको जलजला तथा पाल्पाको रैना देवि,अर्घाखाँचीको निहालि पटौति , गुल्मीको लुम्पेक , सत्यवती खैरेनि बाट डाला , सुपा , नाम्ला , चाल्ना हरु ब्यापार गर्न तथा हस्त सामग्रीको प्रदसनि गर्न रिडी मेलामा आउने गर्दछन । मेलामा रुकुम र रोल्पा बाट आउने हाजि , ओखर यहाँ किन बेच पनि हुने गर्दछ। यस्तै मेलामा पाल्पाको रिब्दीकोट ख्याहा बाट ख्यालि बन्चरो , हसिया उदाउने उधिन ढुंङगो , लघुवेलि तावा, हसिया सेल रोटि निकाल्ने जिर लगायतका सामाग्रीहरु यहाँ बिक्री स्थलमा राख्ने गरिनछ ।

यहाँ धेरै जसो बुटवल लगायतअन्य स्थानबाट विभिन्न प्रकारका ताता कपडा लता कपडाहरु भान्सामा प्रयोग हुने सामग्रीहरु, गलैचा, तथा घरेलु ढाका तथा ढाका बाट बनेका अन्य सामग्रीहरु बाट ब्यापारीहरुले लाखौको आम्दानी गर्ने गर्दछन ।यति मात्र हैन यहाँ यस क्षेत्रकै पाहुरको रुपमा पठाइने गुल्मेलि गुड खुदो गुल्मेलि कफि लेकको टिमुर , बन्पाखाको बाको , पैचोको उत्पादन सिन्कि अचार ग्रामीण भेगमा पाइने महत्त्वपूर्ण तथा आर्युर्बेदिक औसधि पनि यहाँ ठुलो मात्रमा किन बेच हुने गर्दछ।

यस वर्ष स्थानीय ब्यापारीहरु झविलाल ढकाल , कृष्ण ज्ञवाली बिष्णु सापकोटा र खिम प्रसाद गौतमले करिव ३० लाख भन्दा माथिको गुड तथा खुदोको ब्यापार हुने बताउनु भयो ।गाउँ घरबाट आउने सुन्तलाको मात्र करिव २५ लाखको सेरोफेरोमा ब्यापार हुने सन्केत देखिएको छ। मेला लाई आकर्षक बनाउन गुल्मी बाट आयोजना हुन गैइरहेको बृहत सास्कृतिक कार्यक्रमा राष्टिय कलाकार बाट बेजोड प्रस्तुती स्थानिय कला सस्कृति मौलिक परम्परा चर्के पिङ बचाका लागि रेल तथा जादु घर समेत तयारी गरिरहेको सहआयोजका तर्फबाट प्रयास कसजुले बताउनु भयो । मेला लाई लक्षित गर्दै नेपाल प्रहरीले शान्ति सुरक्षाको ब्यबस्थापनको निम्ति आफनो कार्यालय लाई आएको जिम्मेवारी पुरा गर्ने र ढुक्क सित मेला भर्न आउने भक्तजनलाई सुरक्षामा कमि हुन नदिने ईलाका प्रहरी कार्यालय रिडीका प्रहरी निरीक्षक अनिल थापाले बताउनु भयो । यस्तै मेलामा बढि मात्रमा ठुला देखि साना सवारी साधनहरुको अध्याधिक चाप हुने हुँदा अस्थायी ट्राफिक प्रहरी पोस्ट रिडीका प्रहरी सहायक निरीक्षक नन्द बहादुर शाही ले बताउनु भयो।

खालि स्थानमा पार्किङ को ब्यबस्थापन गरिने सडकका दाया बाया सवारी साधन लाई मिलाइ राख्ने आउने भक्तजनलाई कुनै पनि किसिमको झन्झट बेहोर्न नपर्ने बताउनु भयो। मेलामा गाउँमै कुदियका गिठिका ठेका टुनिका ठेका ठेकि यस्तै गिठिकै आरि बास्बाट बनेका बासका काइया मुडा , ढकिया , स्थानिय महिला समुहले बनायका अगबति विभिन्न परकारका अचार गुल्मी पाल्पा र स्याङ्जाको प्रसिद्ध आलु बाट बनेको चुकौनि बटुक फापरका परिकारहरु यस्तै सखर खन्ड पनि यहाँ किन बेच राम्रो भएको देखिन्छ । यता तीर्थ यात्री लाई मन्दिरमा दर्शनको निम्तो लाइनको प्रबन्ध मिलाइने मन्दिर क्षेत्रमा सिसि केमराको ब्यबस्थापन गरिएको सोधखोज तथा परामर्श सेवा दिने तयारी पनि पुरा गरेको मन्दिर समितिका अध्यक्ष पर्सुराम भट्टराईले जानकारी दिनु भयो ।

माघे संक्रान्तीको अवसरमा कारीकोट स्पोर्ट्स क्लबद्वारा पालिका स्तरीय पुरुष तथा महिला भलिबल प्रतियोगिता आयोजना गर्दै

पुस -२९
माघे -संक्रान्तीको अवसरमा कारीकोट स्पोर्ट्स क्लब कारिकोट स्याङ्जाद्वारा दोस्रो पालिका स्तरीय वडा अध्यक्ष पुरुष तथा महिला भलिबल प्रतियोगिता हुने भएको छ। गुल्मी , पाल्पा र स्याङ्जाको संगमस्थल पवित्र स्थल रुरुक्षेत्रधाम अन्तर्गत ढगौतीबगरमा माघ १ गते देखि उक्त प्रतियोगिता हुने स्थानीय बम लामिछाने मगरले जानकारी दिनु भयो।

उक्त पवित्र धार्मिक तथा पर्यटकीय स्थलमा कारिकोट स्पोर्ट्स क्लबले गत वर्ष देखि पालिका स्तरीय वडा अध्यक्ष पुरुष तथा महिला भलिबल प्रतियोगिताको आयोजना गरिएको लामिछाने मगरले जानकारी दिनु भयो।

उक्त प्रतियोगितामा पुरुष तर्फ प्रथम पुरुस्कार रु १,११,१११ शिल्ड , मेडल र प्रमाणपत्र , द्वितीय पुरस्कार रु ६६,६६६ शिल्ड , मेडल र प्रमाणपत्र , तृतीय पुरस्कार ३३,३३३ शिल्ड , मेडल र प्रमाणपत्र र सान्त्वना पुरस्कार १७,७७७ शिल्ड , मेडल र प्रमाणपत्र रहेको छ। साथै खेल अवधिभर विभिन्न बिधाका उत्कृष्ट खेलाडीलाई पुरस्कृत गरिनुका साथै म्यान अफ द म्याचको समेत छनोट गरि पुरस्कृत र सम्मान गरिने लामिछानेले जानकारी दिनु भयो। प्रतियोगितामा सहभागिता हुनको लागि प्रत्येक समूहले रु ६,००० दर्ता शुल्क तोकिएको छ।

यस्तै गरि महिला तर्फ प्रथम पुरस्कार रु ३०,००० शिल्ड , मेडल र प्रमाणपत्र , द्वितीय पुरस्कार रु २०,००० शिल्ड , मेडल र प्रमाणपत्र र तृतीय पुरस्कार १०,००० राखिएको छ। महिला समूह तर्फ शुल्क रु ३,५०० तोकिएको छ।

उक्त प्रतियोगिताका लागि हिजो एक अनौपचारिक कार्यक्रम मार्फत पुरस्कार तथा ट्रफी सार्वजनिककरण गरिएको थियो। उक्त पुरस्कार तथा ट्रफी सार्वजनिककरण कार्यक्रममा राष्ट्रिय जनमुक्तिपार्टीका श्री बम लामिछाने , वडा अध्यक्ष कृष्ण लामिछाने , सचिल केहर राज कोइराला , वडा सदस्य मणिकलाल श्रेष्ठ , दिपा सिंजाली , स्थानीय समाजसेवी मोतीलाल घर्ती मगर लगायतको उपस्थिति रहेको थियो ।

चुरामणि तिमिल्सिना   पुस  २९ गुल्मी

गुल्मीको सत्यवती गाउँपालिकामा गाउँसभाको १४ औं अधिबेशनको पहिलो बैठक सम्पन्न भएको छ ।गाउँसभाका अध्यक्ष टिकाराम पाण्डे उपाध्यक्ष निरमाया तरामु सचिव कमल प्रसाद भुसाल यस्तै वडाका अध्यक्षहरु कार्यपालिका सदस्यहरु वडा सदस्यहरु , पालिकाकाका कर्मचारीको सहभागीता रहेको थियो।

सभामा बोल्दै सभाका अध्यक्ष टिकारम पाण्डे ले सभाका सदस्यहरुले राखेका जिज्ञासा लाई चित्त बुझ्दो जवाफ प्रदान गर्नुभएको थियो।
सभामा छुट्टाछुट्टै समितिका संयोजकहरुले गत६ महिना अवधिमा गरेका कार्य प्रगति यस्का समस्या का विषयमा सम्मानित सभामा प्रस्तुत गर्नु भएको थियो।सभामा प्रस्तुत भएका विभिन्न प्रतिबेदनहरु सर्वसहमति रुपम पास समेत भएको हो ।

यता सभाका अध्यक्ष टिकाराम पाण्डेले पछिल्लो समयमा यस पालिकामा हरेक बिकास निर्माणका कार्यहरु तीब्र रुपमा अगाडी बढेको , संघका कर्मचारी र प्रदेशका कर्मचारीहरु कम हुँदा कार्य सम्पदान गर्न असजिलो भएको , सडक पुर्वधार निर्माण खानेपानी जस्ता बिकास निर्माणका कार्य हरु लाई आर्थिक मसान्त भन्दा एक महिना अगाडी नै कामको मुल्यकन गरि भुक्तानी समेत प्रदान गरिने बताउनु भयो।

 गुल्मी…
नाम गोप्य राखेर सामाजिक काम गर्दै गुल्मीका एक जनप्रतिनिधि ………..
गुल्मी ,२८ पौष । सत्यवती गाउँपालिकाको कुनै एक वोडाका जनप्रतिनिधिले आफ्नो परिचय गोप्य राखेर आफुले निर्वाचनपछि राज्यबाट प्राप्त गरेको सेवा सुविधा मा आउने रकमको ५ प्रतिसत आफ्नो कार्यकाल अबधीभर सामाजिक सेवामा खर्चिने भएका छन् । गाउँपालिकाको अस्लेवा चौरमा अबस्थित श्री जनता मा बि को ५७औं बार्सिकोत्सबको अबसरमा गरिब तथा असाय, बालबालिका लाइ पठन पाठनमा सहज होस् भनी अक्ष्यकोष बाट संचालन हुने गरी बिद्यालयको खातामा ४५०० रुपैया जम्मा गरेका छन्। उनले आफ्नो कार्यकाल अबधीभर प्रतेक बर्ष यसरीनै बार्सिकोत्सबको अवसर पारेर बिद्यालयको खातामा ५ प्रतिसत रकम जम्मा गर्ने बिद्यालय लाई बाताएका छन्। तपाइँले आफ्नो परिचय किन गोप्य राख्न चाहनुहुन्छ भन्ने प्रस्नमा, उनि भन्छन, ”सामाजिक काम देखाउन भन्दा पनी तन र मनले गर्ने काम हो। आफ्नो मनको सन्तोषको लागी गरिने काम हो। म मेरो नाम भन्दा पनी काम संग सरोकार राख्ने व्यक्ति हु, मेरो परिचय गोप्य राख्दिनु होला ” उनि बताउछन। यी जनप्रतिनिधिबाट अन्य जनप्रतिनिधिले पनि केहि सिक्ने की ?