चुरामणि तिमिल्सिना माघ १३ गुल्मी
जनता माध्यमिक विद्यालय सत्यवती गाउँपालिका वडा न १ अस्लेवा गुल्मीमा अतिरिक्त क्रियाकलाप अन्तर्गत सदनात्मक रुपमा भजन कृतन प्रतियोगिता सम्पन्न भएको छ । ४ सदनको सहभागीरहेको प्रतियोगितामा पृथ्वी सदन प्रथम , मंगल सदन, द्वितीय शुक्र सदन, तृतीय र बुध सदनले सान्त्वना स्थान हासिल गरेका हुन ।बिद्यालयका सहायक प्रधानाध्यापक बिष्णु प्रसाद पाण्डेको अध्यक्षतामा कार्यक्रम संचालन भएको थियो।
जिल्लामा अतिरिक्त क्रियाकलापमा नयाँ कार्यक्रम देखेर उपस्थित भएका अभिभावकले यस्ता संस्कृति संरक्षणका कार्यक्रम हरु बिधालयले सन्चालन गर्दा बिद्यार्थीमा समेत धर्मकर्मको प्रभाव पर्ने हुँदा यस्ता कार्यक्रम अन्य बिधालय तहमा पनि सन्चालन गर्न आग्रह गर्नु भएको थियो।
कार्यक्रममा कृष्ण चरित्र रामचरित्र , शिव लिला महाभारतका भजन तथा झाक्री प्रस्तुत भएका थिए। बिद्यालयमा यो कार्यक्रम नौला हुँदा बिद्यार्थी समेत खुशी हुदै भजनमा तालमा ताल मिलायर नाचगानमा सहभागी भएका थिए ।
कार्यक्रममा बोल्दै सहायक प्रधानाध्यापक अध्यक्ष पाण्डेले यो अभ्यास जिल्लामा नै पहिलो भएको , विद्यार्थीलाई नैतिक शिक्षा संस्कृति शिक्षा लोप हुन लागेका बाजा गाजा भजन कृतन पनि देखाउन अनि गाउँ घरमा घन्किने मादल र मजुरा लाई पहिचान संगै संरक्षण गर्न सिकाउने अवसर प्रदान गर्न यस्ता कार्यक्रमले प्रत्यक्ष फाइदा पुग्ने हुँदा यो भजन प्रतियोगिता संचालक गरेको बताउदै आगामी दिनमा पनि यस्ता रचनात्मक धार्मिक कार्यक्रम गरिने बताउनु भयो। कार्यक्रमको सञ्चालन – अतिरक्त क्रियाकलाप संयाेजक लिलाधर ज्ञवालीले गर्नु भएको थियो।
About Author
